ارواحوا نحكيلكم حال les jeunes...ماتقولوليش راكم منهم!!!

[ل..ب..ن..ى]

السلام عليكم

الدنيا راها مخربطة, صوالح راهم يصراووا للشعب تقول نزعولهم شخصياتهم , طريقة
تفكيرهم والمنطق هرب من عقولهم!!!
البالون احدت عقول الناس ... الله الله يا الخضرة وماخليتينا عقول .... !
الدول الاوروبية: والهجرة اللا شرعية
الحرقة ومحاولة تحدي الدولة ...!
والموضوع اللي حبيت نحكي فيه اليوم ....الحب.
وااااااااااو! واش نحكي وواش نخلي؟؟!!!

الشاب اليوم العشق صايي هلكوا ودالو عقلو!!
رجع يتمشى كي البهيمة بدون تفكير ...!
الطفل بدا يفقد عقله ربما بسبب طفلة ماتسواش
تدكر اسمها على اساس انها من بني الانسان ...تحشم!!

راجل!! راه يتمشى على واش تقوله هي ولوكان الوالدة تقوله حاجة يقوللها
راني كبير ونعرف صلاحي...! كبير!!!!

بالاك تكون هده الطفلة بنت فاميليا...وهنا نحكيلكم قصة تاع واحدة نعرفها...

طفلة بنت ناس وفاميليا
من الدار للجامعة ومن الجامعة للدار
ايمالا واحد جارها شافها عجباته
حب يتقرب ليها ...دخل حياتها باحترام ...
ماشي كيما واحد الشباب الهمجي ...!
المهم هاد الشاب كان ناويها للحلال كيما قال
دارها في الضربة الاولى كيما اخته الصغير
يتبادلان النصيحة
وكيفاه وصلو يرجعو كالاخوان ؟!!
بحث عليها ولقاها في احد المنتديات وووو
حتى رجعوا اصدقاء

مرت الايام والايام
الطفل راح يشوف رجة اعجابه بيها
لقاها فاتت الحدود
رجع يحبها ويموت عليها ومايقدرش يقعد بلا بيها !!

مرة قطع الاتصال بيها
لقى روحه قريب يهبل !!
ايمالا قال نروح نصارحها

منين قالهالها البنت تشوكات
وماعرفتش واش تقول

من اخ وصديق الى...!

بدات تجرب تبتعد عليه بدون ان تجرح مشاعره
يعني رفضاتو بطريقة فهمها ولكن غير مؤدية

الطفل هبل وقعد كل يوم يرسللها ميساجات
واش راكي نحبك
صباح الخير ..ربي يخليك ماتخلينيش راح نموت
مساء الخير .. ماتظلمينيش ...ظلم !!

وهكدا لمدة 4 اشهر
حتى الطفلة راحت تنحي البورطابل !!

هده قصة واحدة من بين ملايين القصص
اللي ربي يسترنا منها!!

حبيت نوصل الى سؤال ....

الى اين ايها الشاب الجزائري ؟؟
الى اين ايتها الشابة ؟؟؟

هدا حب ولا عمى؟؟

واش رايكم يا ناس في هده الظاهرة

وممكن ان تكون الفتاة استغلالية
وتقعد عجبتني هده وهده وماعنديش الكريدي وخصني دراهم
وين يروح هاداك الاحمق يجري يلبي اوامرها
alors que لوكان والدته تشتهى كاش حاجة يقوللها ماعنديش!!!

ومنين تكمل هده الاستغلالية مطالبها
ترمي الطفل على جال سبة لا تستحق ان تسمى سبة !!

ايمالا منين تخليه يروح الاحمق يدير في روحو كاش حاجة
خاطر يهبل صح عليها !!!

وممكن تصرا للطفلة هي اللي تطيح
وهنا تكون العواقب اصعب
لا داعي للتوغل في الاحداث

ادن الى اين ايها الشباب؟؟

اعلم ان العقل في هده المواقف لا يحكم
بل يدع الحكم للقلب المتهور

واش هو تعليقكم ادن ؟؟
وحداري ثم حداري
والف مرة نقولها الف حداري


الى الاشراف:
ادا بانلكم موضوعي ماشي مليح
وقد يؤهلكم لحظري او حدف موضوعي

ماكالاه تحظروني انا
احظروا الدنيا اللي رجعت تعيف
وناسها

انا لست الا ساردة لواقع مر
لحقيقة مرة
ومادمت حية ساتفوه دوما باسم الحقيقة
حتى تتعدل الحياة
ونرجع نحكي في المثالية


دمتم

تحيتي للكل


سلااااااااام

[général franco]

بداية تمنيت لو انك كتبتي الموضوع بلغة فصحى حتى يكون له أثر جيد في نفس القارئ
اما بخصوص حال شباب وبنات الجزائر فلا يسر أحدا انسلاخ تام شباب لا يعرف الا الجال وتامشيط الشعر على طريقة الاوروبيين ولباس كالمخنثين والشواذ جنسيا والعياذبالله
اما حال البنات فتلك طامة كبرى لا يعرفن الا نور ومهند والتافهة هيفا ويعشقن المخنث تامر حسني

[ل..ب..ن..ى]

بداية تمنيت لو انك كتبتي الموضوع بلغة فصحى حتى يكون له أثر جيد في نفس القارئ
اما بخصوص حال شباب وبنات الجزائر فلا يسر أحدا انسلاخ تام شباب لا يعرف الا الجال وتامشيط الشعر على طريقة الاوروبيين ولباس كالمخنثين والشواذ جنسيا والعياذبالله
اما حال البنات فتلك طامة كبرى لا يعرفن الا نور ومهند والتافهة هيفا ويعشقن المخنث تامر حسني


السلام عليكم
شكرا لك على رايك السديد
صح المطربين والمسلسلات دارو حالة في الشعب الاحمق

عدرا على كتابتي باللهجة الجزائرية
مند دخولي المنتدى وانا اكتب بالدارجة
خاطر منين تطيح عليا الفكرة
ونحب ناقش الموضوع
نكتبو مباشرة

وانا اسلوبي ماشي شباب بزاف في الفصحى
ايمالا لازم عليا نحضره
وانا ادا نضت نحضر فيه ربما مانكتبوش قع !!

عدرا

شكرا مجددا على تدخلك اللطيف


سلااااااام

[سارة 18]

شكرااااااااااااااااا لك اختي على الموضوع..........الرائع

[صفية1]

ادا بانلكم موضوعي ماشي مليح
وقد يؤهلكم لحظري او حدف موضوعي

ماكالاه تحظروني انا
احظروا الدنيا اللي رجعت تعيف
وناسها

ولواه الحظر اختي ؟؟؟؟؟؟؟؟ انت راك تحكي على واش كاين في الدنيا صح . وسيرتو كي يتعلق الواحد بالبنت وهي ماش فايقو .وبعد كي تفيق تقعد تخمم كيف واه تبعد عليه بلا غير ما تجرحو .مشكلة صح.بصح حبيت نعرف كيف واه الحل ؟؟؟
بارك الله فيك اختي على الموضوع الذي يجسد الواقع .

[" DZ "]

المشكل البلاد ماشي Les jeunes .... هاذوك لي راكي تهدري عليهم يبدلو بلاد يتسقمو

[الأمل القااااادم]

الله يهدي ما خلق
مشكورة على الطرح المميز

[مجيد المسيلي]

شكرا على الموضوع المتميز جدا
صح ظاهرة معاشة وربي يستر

[رحيق القلوب]

بارك الله فيك ختي علي الطرح المميز .........تحيااااااااتي

[khirour]

موضوع وطرح رائع ويصل بلهجت بلادي بسرعة مشكورة اختي
هذا هو شاب اليوم
http://ngam.jeeran.com/%D9%85%D8%AE%20%D8%B4%D8%A8%D8%A7%D8%A8.jpg

[AMARAGROPA]

السلام عليكم ورحمة الله وبركاته.

قضية الهجرة والبالو هذي خط أحمر عند الشباب اليوم وممنوع حتى ذكرهما بسوء وبالعودة إلى لب موضوعك و بالمفيد المختصر نقولوا هذا النوع من البشر أعمى ولا مكان للعقل في رأسه و قد يكون حجم المخ عند هاته الفئة يقارب حبة العدس أو الأرز وربما حبة خميرة باكمايا أو ... وهذا ما يفسر تفكيرهم في هاته الأمور وكأن الدنيا عواطف ودموع و... و... فقط.

سلام ...

[ب.علي]

أسال الله أن يلطف بحالنا وأن يصلح شأن شبابنا وشاباتنا

[ل..ب..ن..ى]

شكرااااااااااااااااا لك اختي على الموضوع..........الرائع

بارك الله فيك وفي مرورك الطيب


ولواه الحظر اختي ؟؟؟؟؟؟؟؟ انت راك تحكي على واش كاين في الدنيا صح . وسيرتو كي يتعلق الواحد بالبنت وهي ماش فايقو .وبعد كي تفيق تقعد تخمم كيف واه تبعد عليه بلا غير ما تجرحو .مشكلة صح.بصح حبيت نعرف كيف واه الحل ؟؟؟
بارك الله فيك اختي على الموضوع الذي يجسد الواقع .

ايه مرات الحقيقة تكون مرة
وشدة مرارتها تؤدي الى حظر ساردها ...!

حظرت في منتدى اخر بسبب تفوهي بالحقيقة ...!
شكرا على رايك السديد
زمرورك اللطيف
المشكل البلاد ماشي les jeunes .... هاذوك لي راكي تهدري عليهم يبدلو بلاد يتسقمو
ايه بالاك كلامك صح
والسبة اللي خلات الشباب يحاولوا يلهيووا رواحهم
بغير هموم البلاد والحقرة
دفعتهم يروحوا يديروا اي حاجة تنسيهم
وكانت الظاهرة هادي احدى الملاجئ ...!

ان شاء الله يتبدلو وبلادي يرجع فيها الخير
ان شاء الله
مشكور على تدخلك
سررت بمرورك
الله يهدي ما خلق
مشكورة على الطرح المميز
اللهم امييييييييين
ومشكورة اختي على مرورك الطيب

نسأل الله العافية أختي الكريمة ...

وفي رأيك هل المشكل مشكل مشاعر ام مشكل اخلاق .....؟؟؟

انا ارى ان الحب مظلوم في زمننا لا غير ...

جزاك الله خيراااااااااااااا



اللهم امين
المشكل مشكلهم في زوج
ادا قلنا الاخلاق ... فكما سردت في الموضوع وحكيت على فتيات استغلاليات
ايمالا هؤلاء ادا كان هدفهن الاستغلال
كيف لهن ان يحببن؟؟ ماشي حب ومشاعر وصلتهم لمايفعلون
بل اخلاق متسخة
وكيف اغرم بهن المهووس ان كانت اخلاقهن لا تصلح
فما اعتقده احبها لغير حقارتها
ان تهرع الى لباس رديء ومكياج ووو !!!
من منا لا يعرف ان المظاهر الدنيئة من لباس وغيره
لا تلفت نظر الرجل ...؟!!!
ايه هنا نقولك الاخلاق والمستوى الدنيء

كما انني لا انكر انه هناك اناس ولاد فاميليا
والحب ربي زرعه في قلب الانسان
لما فيه من فوائد
اقصد انا هنا اتحدث عن عامل المشاعر
صح مشاعر الانسان تاخدله عقله
ولكن انا حبيت نقول بموضوعي
لازم توخي الحدر
لازم تعرف كرجل وكل طفلة تعرف وين نحطو رجلينا
ماشي غير روح عجبتني هادي نروح نتقرب ليها ونحبها
واش المردود تاع عدم حبها هي ليك
وهنا ادا كانت طفرت يعني فات الاوان ؟!!

انت راح تروح ضحية ولا راني غالطة
عليها لازم تعرف وين تحط رجليك
ماشي كامل الناس نيتهم صافية !!

برؤيتك ان الحب مظلوم في زماننا
لما؟؟

وان كنت انا كدلك اعتبره كدلك ...
احيانا برك
شكرا على الموضوع المتميز جدا
صح ظاهرة معاشة وربي يستر

ربي يحفظك على مرورك اللطيف
ايه صح الظاهرة دارت حالة
وربي يستر

شكرا لمروركم الطيب
نورتم الصفحة

[ل..ب..ن..ى]

بارك الله فيك ختي علي الطرح المميز .........تحيااااااااتي
وبارك فيك على مشاركتنا
تقبلي تحيتي
موضوع وطرح رائع ويصل بلهجت بلادي بسرعة مشكورة اختي
هذا هو شاب اليوم
http://ngam.jeeran.com/%d9%85%d8%ae%20%d8%b4%d8%a8%d8%a7%d8%a8.jpg

يعطيك الصحة
والله غير صح

هكدا ونهار الجمعة يروح يكدب على روحه وعلى الناس
يلبس قميص وزعما يصلي الجمعة !!!!
وهو كامل السمانة ماعلابالوش حتى القبلة منين في دارهم !!

بصح ماشي كامل
مازال باقي الخير في بلادنا

شكرا على مرورك اللطيف
والمشاركة المتميزة

السلام عليكم ورحمة الله وبركاته.
وعليكم السلام ورحمة الله تعالى وبركاته


قضية الهجرة والبالو هذي خط أحمر عند الشباب اليوم وممنوع حتى ذكرهما بسوء
!!!!
وبالعودة إلى لب موضوعك و بالمفيد المختصر نقولوا هذا النوع من البشر أعمى ولا مكان للعقل في رأسه و قد يكون حجم المخ عند هاته الفئة يقارب حبة العدس أو الأرز وربما حبة خميرة باكمايا أو .. او معمر ب كيلووات شحمة !!!!. وهذا ما يفسر تفكيرهم في هاته الأمور وكأن الدنيا عواطف ودموع و... و... فقط.
صح الدنيا ماشي عواطف ودموع ووو وفقط
ولكن هاد الشي جزء من الدنيا
والا ماكان ليحصل

بصح لازم يكون في حدود
وعقلانية


سلام ...


شكرا لمرورك الطيب اخي
ونقولها ونعاود
رغم انك لا توافقني في الراي
البالون والحرقة
داووا للشباب عقولهم تاع الصح

واكبر دليل المناوشات المصرية الجزائرية
والحرقة اللي كل يوم يحكموا الامن الشعب مجموعات مجموعات
برك اللي يحكموهم
مرات يفوتو المئة في الاسبوع
!!!1

الى اين ادن ؟؟؟
وشكون راح يقعدنا في البلاد

اعتقد بانتلهم الحالة ماشي مليحة في البلاد
يديرو مظاهرات
يجتمعو عبر الانترنت
ويتحدوا يخرجوا في يوم واحد

يرفدو لافتات ماخصناش شناوة
ماخضناش اجانب
خلونا نخدموا بلادنا ...عدنا الديبلومات ووووو
وادا خرج كامل الشعب
ماعندهم مايديروا السيادات ههه الفاسدة اللي راهي الفوق
قدام 35 مليوم مظلوم

اكيد راح يجيبوا حقهم

سلااااام
أسال الله أن يلطف بحالنا وأن يصلح شأن شبابنا وشاباتنا

اللهم امين
بارك الله فيك
وربي يستجيب ان شاء الله
لدعائك
اللي هو حلم كل الامة الاسلامية

مروركم واراؤكم اسعد بها وتنور موضوعي
بارك الله فيكم
وفي مشاركاتكم

تحيتي

سلااااااام

[sheherazed]

والله غير شفني مسكين.........................بصح هو علاش يطيح على عينيه؟؟؟؟؟؟؟؟؟؟؟؟؟؟؟؟؟؟؟؟؟


الله يهدينا

[كمال الاسلام]

وعليكم السلام ورحمة الله وبركاته


فعلا اختي لبنى المشكلة موجودة وبكثرة ولا احد ينكر ذلك


لذلك علينا ايجاد سبب هذه المشكلة ليسهل القضاء عليها


واظن ان المشكلة تنحصر في بعض الامور فقط


1- البعد عن الدين اولا

2- الفارغ العاطفي في الاسر مما يجعل الذكر والانثي يبحث عن الاخر لسد هذه الغريزة

3- وكذا العرقيل الغير مبررة تجاه الزواج من غلاء المهور و نفقات العرس الباهضة

4- ومشكلة البطالة لدى الشباب خاصة الذكور



========================

وان عرفنا هذه المشاكل فالاحلول هي

1- التوعية الدينة بخطورة هذا الامر

2- الاهتام اكثر بالاطفال خاصة في سن المراهقة وعدم ترك لهم الحرية التامة في التصرف

وكذا اشباعهم بعاطفة ولو ببضعة كلمات تطفئ ذلك الفراغ

3 - تيسر امور الزواج و المهور وعدم التكلف فيها كثيرا ففي الاخير هو يوم وينقضي

4- التخلص من مسألة البطالة وخاصة لدى الذكور
وليس كما نراه الان تفضيل تشغيل الانثي على الذكر

والمسألة فيها نقاش يطول اكثر



نسأل الله العفاف والغني وان يكفينا بحلاله عن حرامه

وبارك الله فيك في الموضوع القيم

[وشَـ،ـآحْ الـصـِـبـآا]

بوقوسا هوقوسا ،، الغربة بلا بيكمـ والله ،، غبت يومين يا جماعة أني في منتدى الجلفة ولا بدلتولو الإسمـ
تواحشتك والله ،، كانش ما تفكرتيني ولا والو....

[¨°o.سيدو~علالو.o°¨]

http://f1.img.v4.skyrock.net/f15/59lecombatcontinue/pics/photo_55972093_2.gif *بارك الله فيك على الموضوع القيم* http://f1.img.v4.skyrock.net/f15/59lecombatcontinue/pics/photo_55972093_2.gif
http://f1.img.v4.skyrock.net/f15/59lecombatcontinue/pics/photo_55972093_2.gif *بدون تعليق راه خارج قلبي من.... * http://f1.img.v4.skyrock.net/f15/59lecombatcontinue/pics/photo_55972093_2.gif
http://f1.img.v4.skyrock.net/f15/59lecombatcontinue/pics/photo_55972093_2.gif *سلام* http://f1.img.v4.skyrock.net/f15/59lecombatcontinue/pics/photo_55972093_2.gif

[س..ع..ي..د]

اناسمعت قصص كثيرة عن الحب مثل الافلام لكنها حقيقية لاسف..وتفاجاة بها كثيرا لما سمعت فتاة حاولت الانتحار من اجل شاب وشاب ذهب الي طريق الضياع المخذرات..الخ..ولما تساله يقلك الله غالب علي جالها ..!! وشكون !! فتاة فلانة..

صراحتا ختي لبنى عشنا وشفنا..اما رسالتي للشباب..الحب موجود في كل واحد فينا لكن كل شخص يجب ان يعرف كيف يستخدمه...
ولاستفادة اكثر انصح بي الاستماع.لهذا.:
http://www.islamcvoice.com/play.php?catsmktba=436 (http://www.islamcvoice.com/play.php?catsmktba=436)

انا احب الكثير وخاصة من صراحتهم بذلك..ولكن ليس هذا النوع منه..

شكرا اختي..ل..ب..ن..ى..

[الباشـــــــــــق]

الموضوع جميل جدا ويشخص حالة موجود في جميع المجتمعات بنسب متفاوته
والاجمل في الموضوع اللهجة الجزايرية التي استمتعت بها رغم صعوبة
بعض الكلمات , الا ان اللهجة المحلية تبقي تتكلم عن الواقع بكل عفوية

[ل..ب..ن..ى]

والله غير شفني مسكين.........................بصح هو علاش يطيح على عينيه؟؟؟؟؟؟؟؟؟؟؟؟؟؟؟؟؟؟؟؟؟


الله يهدينا
قلبه طاح وهو طاح معاه !!!
الله يهدينا ...اللهم امين
شكرا على مرورك اللطيف اختي

وعليكم السلام ورحمة الله وبركاته



فعلا اختي لبنى المشكلة موجودة وبكثرة ولا احد ينكر ذلك


لذلك علينا ايجاد سبب هذه المشكلة ليسهل القضاء عليها


واظن ان المشكلة تنحصر في بعض الامور فقط


1- البعد عن الدين اولا

2- الفارغ العاطفي في الاسر مما يجعل الذكر والانثي يبحث عن الاخر لسد هذه الغريزة

3- وكذا العرقيل الغير مبررة تجاه الزواج من غلاء المهور و نفقات العرس الباهضة

4- ومشكلة البطالة لدى الشباب خاصة الذكور



========================

وان عرفنا هذه المشاكل فالاحلول هي

1- التوعية الدينة بخطورة هذا الامر

2- الاهتام اكثر بالاطفال خاصة في سن المراهقة وعدم ترك لهم الحرية التامة في التصرف

وكذا اشباعهم بعاطفة ولو ببضعة كلمات تطفئ ذلك الفراغ

3 - تيسر امور الزواج و المهور وعدم التكلف فيها كثيرا ففي الاخير هو يوم وينقضي

4- التخلص من مسألة البطالة وخاصة لدى الذكور
وليس كما نراه الان تفضيل تشغيل الانثي على الذكر

والمسألة فيها نقاش يطول اكثر





وبارك الله فيك في الموضوع القيم


وفيك بارك ربي اخي
والله كلامك في القمة
ونصائحك غالية يا ريت
كل مهموم بالمنتدى يمر عليها
نسأل الله العفاف والغني وان يكفينا بحلاله عن حرامه
اللهم امين

بوقوسا هوقوسا ،، الغربة بلا بيكمـ والله ،، غبت يومين يا جماعة أني في منتدى الجلفة ولا بدلتولو الإسمـ
تواحشتك والله ،، كانش ما تفكرتيني ولا والو....

عرفتيني؟ ههههه
وانا قلت درتها بيك
علابالك اختي العزيزة بلي المنتدى عائلتي واسرتي
ومجتمعي وبلادي !!!
وان غبت عنه يوم واحد راح نقعد مقلقة عليه
وكانه ابني وماعلاباليش ادا كلا ولا راه جيعان ولا...!


توحشتك انا تاني ونحبك
خاطر انتي وكل عضو هنا عندكم اكبر مكانة في قلبي
بعد اسرتي مباشرة من بني انس عصرنا اليوم

سررت بتعطيرك الصفحة اختي العزيزة
سلاااااااام

http://f1.img.v4.skyrock.net/f15/59lecombatcontinue/pics/photo_55972093_2.gif *بارك الله فيك على الموضوع القيم* http://f1.img.v4.skyrock.net/f15/59lecombatcontinue/pics/photo_55972093_2.gif
وفيك اخي بارك ربي

http://f1.img.v4.skyrock.net/f15/59lecombatcontinue/pics/photo_55972093_2.gif *بدون تعليق راه خارج قلبي من.... * http://f1.img.v4.skyrock.net/f15/59lecombatcontinue/pics/photo_55972093_2.gif
صح!! ربي يجيب ليك الخير
ولكل قلب مسلم
ان شاء الله ياربي

http://f1.img.v4.skyrock.net/f15/59lecombatcontinue/pics/photo_55972093_2.gif *سلام* http://f1.img.v4.skyrock.net/f15/59lecombatcontinue/pics/photo_55972093_2.gif


مرورك اسعدني اخي
وتنشقت نورا صفحتي
شكرا
اناسمعت قصص كثيرة عن الحب مثل الافلام لكنها حقيقية لاسف..وتفاجاة بها كثيرا لما سمعت فتاة حاولت الانتحار من اجل شاب وشاب ذهب الي طريق الضياع المخذرات..الخ..ولما تساله يقلك الله غالب علي جالها ..!! وشكون !! فتاة فلانة..

صراحتا ختي لبنى عشنا وشفنا..اما رسالتي للشباب..الحب موجود في كل واحد فينا لكن كل شخص يجب ان يعرف كيف يستخدمه...
ولاستفادة اكثر انصح بي الاستماع.لهذا.:
http://www.islamcvoice.com/play.php?catsmktba=436 (http://www.islamcvoice.com/play.php?catsmktba=436)

انا احب الكثير وخاصة من صراحتهم بذلك..ولكن ليس هذا النوع منه..

شكرا اختي..ل..ب..ن..ى..

ايه خويا سعيد
عيش تشوف وتسمع
وللاسف مازااااااااااااال
ربي يسترنا

شكرا لك على الرابط
ماقدرتش نفتحو ومبعد نرجعلو
ربي يحفظك على مرورك الطيب
الموضوع جميل جدا ويشخص حالة موجود في جميع المجتمعات بنسب متفاوته
والاجمل في الموضوع اللهجة الجزايرية التي استمتعت بها رغم صعوبة
بعض الكلمات , الا ان اللهجة المحلية تبقي تتكلم عن الواقع بكل عفوية
شكرا على مرورك الطيب اخي
اسعدني تعطيرك لصفحة موضوعي
ايه اللهجة الجزائرية
شحال وانا نلقاها تسرد الحقيقة بكل واقعية
لدلك كل مانحب نحكي موضوع في صميم المجتمع
نروحلها ونحكيه بيها

اعتدر على صعوبة الكلمات
انا من اقصى الغرب
ومرة على مرة الكلمات يتبدلو بين مختلف مناطق البلاد

شكرا مجددا لكم
والله سررت بتعليقاتكم

تحيتي للكل

سلاااااااااااااام

[info_megue]

السلام عليكم و رحمة الله و بركاته.
الموضوع جيد أعطيك الصحة , لاكن كان لازم عليك تعملي تحليل بسيط و في نفس الوقت تطرحي حلول.
من بين الردود على الموضوع واحد تطرق للجانب الديني , اعطيه الصحة لان هذا هو السبب الاساسي.
غياب الدين من حياة الانسان عموما يخلقلو فراغ روحي ما يلقا ما يدير لذلك يبدا يفكر يمين و يسار.
البارح كنت نتفرج في قناة الرسالة كي العادة عرضوا معلومة تقول" الانسان من سن الولادة حتى سن 18 سنة يتلقى من 50 ألف إلى 180 ألف رسالة سالبة موجهة من محيطه بينما يتلقى 600 رسالة إيجابية فقط " و كل هذا في غياب الوازع الديني.
مشاكل العصر و الله أغلبها البعد عن الدين.
و الحل الوحيد لا غيره الرجوع الى الله عز و جل و الى سنة المصطفى عليه الصلاة و السلام.
و استنادا على هذا القول " إذا كنت لا تقرأ إلا ما يُعجبك فقط .. فإنك إذاً لن تتعلم أبداً "
يوجد موضوع هنا في منتديات الجلفة عنوانه "جدّد حياتك لمحمد الغزالي ..هيا لنجدد حياتنا من جديد (http://www.djelfa.info/vb/showthread.php?p=2011935#post2011935)"

الموضوع من 6 ايام دون اي رد . و لكم الحكم.
شكرا مرة اخرى على الموضوع

[إبتسامة أبي]

فعلا كلامك صحيح ومن صلب الواقع
فهذا ما ألت إليه حال شبابنا اليوم أو حال الجيل الصاعد
ولاكن لا يحق لنا أن نلقي اللوم على الحب فالحب كلمة صافية نقية من كل ما أسند إليها من ......ومن....... ومن.....
فلولا الحب الكائن في قلوبنا لأصبحنا مثل الوحوش لا نحس بمسكين ولا بمريض فالحب نعمة منحها الله لنا وكغيرها من النعم لم نحسن إستغلالها وهذا أمر يدمي القلب
المهم سوف أعود إلى موضوعك أظن بأن الشباب عمت عيونهم أقفلها الغرب بستار اسود يحجب عنهم بصيص الإيمان لإصبحو يتقلدون بهم في كل شيء حتى كانو يقلدونهم في ............. وهذا سبب الضعف نازع الإيماني وإبتعادهم عن دينهم وكثرت القنوات الفضائية التي تدعو إلى المنكر والمعصية والتي بات العرب ينقلونها وتفنانونفيها و....و....إلخ
ولا يمكن ان نتجاهل في هذا الموضوع إفتقاء شبابنا وشاباتنا إلى الحنان وهذا ما ولد لديهم نقص في العاطف في البيت فغدو يبحثون عن الحب والحنان خارج مجتمعهم الصغير الذي كان من المفروض أن يكون هو منبع الحب والحنان ولا كن للأسف حيث أصبح الأب يلهث وراء النقود متجاهلا أولاده وحاجتهم له وحاجتهم لكلمة طيبة و الم التي تناست واجب الفعلي الذي خلقت من اجله وهل في رأيها الطعام والتنظيف وتوفير المعيشة الرغدة هوكل شيء
سحقا للمال وسجقا للعمل ولدنيا إن كانت سوف تحرم الشخص من حنان أمه وأبيه من لمستهما الحنون من رأيتهما عند الحاجة والبكاء والشكوة على حظنهما عند الألم
وحتى إني أذكر شخص اعرف قال جملة جعلتني أتأكد من كلامي حيث قال :
( دليليني فلم ألقى الدلال من والديا حين إحتجة له )
وهذا مثال من ألاف الأمثلة
ولو بقيت اتكلم لجفت البحار والمحيطات من هول الواقع الذي نعيشه والحال التي وصلنا إليها
فلطفك يا ألاه
لقد أكثرت الكلام أنا أسفة
http://1.bp.blogspot.com/_wJqgsR1RFbc/SEsOu3so7eI/AAAAAAAABCQ/M0uN7gNS1_M/s400/%D9%88%D8%B1%D8%AF%D8%A9%2B%D8%B2%D8%B1%D9%82%D8%A 7%D8%A1.gif

[بنت المحمدية]

السلام عليكم
مشكورة أختي على الموضوع
ولكن رأيي يختلف قليلا لأن الشباب ضحية للضروف التي نعيشها الفراغ لانه اذا وجد الشاب العمل الذي يلهيه عن هذه التفاهات (الركض وراء الليسي)
فأكيد أنه سيتحسن وأنا لا أبحث لهم عن عذر وانما المشكل يجب معالجته من الأصل وشبابنا لديهم طاقة كبيرة ولكن لايجدون من يؤمن بها أعرف بأن معظمكم يقول بأن شباب الجزائر فنيان ولكن لدي نظرة مغايرة أعرف بأنه قد المسؤولية
ربي يهديناااااا

[حمـ 0418 ــزة]

السلام عليكم
بارك الله فيك على هذا الطرح الموفق
اللهم ثبتنا على ديننا و اهدنا لما تحبه و ترضاه
واوافق بنت المحمدية فيما قالته
سلام

[ل..ب..ن..ى]

السلام عليكم و رحمة الله و بركاته.

الموضوع جيد أعطيك الصحة , لاكن كان لازم عليك تعملي تحليل بسيط و في نفس الوقت تطرحي حلول.
حبيت نلقى الحلول من عندكم
انا عضو ومناقش واحد
من بينكم
كاين حلول تركوها الاعضاء وربي يبارك فيهم
من بين الردود على الموضوع واحد تطرق للجانب الديني , اعطيه الصحة لان هذا هو السبب الاساسي.
غياب الدين من حياة الانسان عموما يخلقلو فراغ روحي ما يلقا ما يدير لذلك يبدا يفكر يمين و يسار.
البارح كنت نتفرج في قناة الرسالة كي العادة عرضوا معلومة تقول" الانسان من سن الولادة حتى سن 18 سنة يتلقى من 50 ألف إلى 180 ألف رسالة سالبة موجهة من محيطه بينما يتلقى 600 رسالة إيجابية فقط " و كل هذا في غياب الوازع الديني.
مشاكل العصر و الله أغلبها البعد عن الدين.
و الحل الوحيد لا غيره الرجوع الى الله عز و جل و الى سنة المصطفى عليه الصلاة و السلام.
و استنادا على هذا القول " إذا كنت لا تقرأ إلا ما يُعجبك فقط .. فإنك إذاً لن تتعلم أبداً "
يوجد موضوع هنا في منتديات الجلفة عنوانه "جدّد حياتك لمحمد الغزالي ..هيا لنجدد حياتنا من جديد (http://www.djelfa.info/vb/showthread.php?p=2011935#post2011935)"

الموضوع من 6 ايام دون اي رد . و لكم الحكم.
شكرا مرة اخرى على الموضوع

وربي فيك يبارك
ويعطيك الصحة

سررت برايك
ومرورك

سلااام

فعلا كلامك صحيح ومن صلب الواقع

فهذا ما ألت إليه حال شبابنا اليوم أو حال الجيل الصاعد
ولاكن لا يحق لنا أن نلقي اللوم على الحب فالحب كلمة صافية نقية من كل ما أسند إليها من ......ومن....... ومن.....
فلولا الحب الكائن في قلوبنا لأصبحنا مثل الوحوش لا نحس بمسكين ولا بمريض فالحب نعمة منحها الله لنا وكغيرها من النعم لم نحسن إستغلالها وهذا أمر يدمي القلب
وهدا واش قلت ...
ولكن لازم نعرفوا وين نحطو رجلينا

المهم سوف أعود إلى موضوعك أظن بأن الشباب عمت عيونهم أقفلها الغرب بستار اسود يحجب عنهم بصيص الإيمان لإصبحو يتقلدون بهم في كل شيء حتى كانو يقلدونهم في ............. وهذا سبب الضعف نازع الإيماني وإبتعادهم عن دينهم وكثرت القنوات الفضائية التي تدعو إلى المنكر والمعصية والتي بات العرب ينقلونها وتفنانونفيها و....و....إلخ
ولا يمكن ان نتجاهل في هذا الموضوع إفتقاء شبابنا وشاباتنا إلى الحنان وهذا ما ولد لديهم نقص في العاطف في البيت فغدو يبحثون عن الحب والحنان خارج مجتمعهم الصغير الذي كان من المفروض أن يكون هو منبع الحب والحنان ولا كن للأسف حيث أصبح الأب يلهث وراء النقود متجاهلا أولاده وحاجتهم له وحاجتهم لكلمة طيبة و الم التي تناست واجب الفعلي الذي خلقت من اجله وهل في رأيها الطعام والتنظيف وتوفير المعيشة الرغدة هوكل شيء
سحقا للمال وسحقا للعمل ولدنيا إن كانت سوف تحرم الشخص من حنان أمه وأبيه
بارك الله فيك
سحقا للمادة ...!
من لمستهما الحنون من رأيتهما عند الحاجة والبكاء والشكوة على حظنهما عند الألم
وحتى إني أذكر شخص اعرف قال جملة جعلتني أتأكد من كلامي حيث قال :
( دليليني فلم ألقى الدلال من والديا حين إحتجة له )
وهذا مثال من ألاف الأمثلة
ولو بقيت اتكلم لجفت البحار والمحيطات من هول الواقع الذي نعيشه والحال التي وصلنا إليها
فلطفك يا ألاه
لقد أكثرت الكلام أنا أسفة
http://1.bp.blogspot.com/_wjqgsr1rfbc/sesou3so7ei/aaaaaaaabcq/m0un7gns1_m/s400/%d9%88%d8%b1%d8%af%d8%a9%2b%d8%b2%d8%b1%d9%82%d8%a 7%d8%a1.gif

كلامك في قمة الروعة
وفي صلب الصواب
ولم تكثري بل قلتي القليل الكثير
بارك الله فيك شقيقتي
وربي يهدينا لما فيه خير

سررت بردك الطيب
ومرورك اسعدني

سلاااام

السلام عليكم
مشكورة أختي على الموضوع
ولكن رأيي يختلف قليلا لأن الشباب ضحية للضروف التي نعيشها الفراغ لانه اذا وجد الشاب العمل الذي يلهيه عن هذه التفاهات (الركض وراء الليسي)
فأكيد أنه سيتحسن وأنا لا أبحث لهم عن عذر وانما المشكل يجب معالجته من الأصل وشبابنا لديهم طاقة كبيرة ولكن لايجدون من يؤمن بها أعرف بأن معظمكم يقول بأن شباب الجزائر فنيان ولكن لدي نظرة مغايرة أعرف بأنه قد المسؤولية
ربي يهديناااااا
وانا معاك في انه قد المسؤولية
ولكنه بهلول وما يعرفش صلاخه

مني وروح

لم يكن لي راي مغاير عن رايك
وانما ناقشت نقطة وتكلمت فيها
تشبه ماصرحت به لدرجة كبيرة

اعلم ان هم الدنيا زاد على الشاب الجزائري
وراح يلجا لهده الخطوات

بصح كيما قتلك هو بهلول وبهلولة
وماراهمش يعرفو وين يحطو رجليهم


مرورك اسعدني

وسررت اكثر بردك الطيب والصريح

تحيتي وسلامي لك اختي

اخي حمزة معك انا ومع بنت المحمدية
سررت بمرورك ايضا اخي
وربي يهدينا
اللهم امين


سلاااااام

[علال 123]

موضوع قيم والله