كفاه ندير

[مشكلتي]

السلام عليكم
اختكم متزوجة وساكنة مع ناس راجلها
العام لي فات صمت رمضان معاهم ومبعد خرجت بداري ودرت كوزينة وحدي وهوما كانو يبانو راضيين بهذالشي بصح داخليا مكانوش رضيانيين
المهم حنا ميهمناش هذ الشي .المشكل حماتي مشكيتش تاكل هذ العام علباالي عجوزتي ونعرفها في رمضان هذا عللابالي بلي مش راح تفطر زعما كي ابنها مهوش يفطر معاها
وراجلي علباالي تغيضو ويصدقها رغم لي انا متأكدة بلي راها تدير فالسمير قع نحبو ولادنا بصح مش لدرجة ابني لباس عليه ويفطر مع مرتو واناندير فالنش
لكان راه فلخدمة الوطنية ولا مريض قال
ساعدوني

[الملآذ]

السلآم عليكم ورحمة الله تعآآلى وبركآآتهـ..
أولآآ مبآآرك عليكم الشهر الفضيل ..
ثآآنيآآ ما هذآ الكلآآم....
- نآآس راجلهآ-
مآ بالكم ايتها النساء؟؟؟؟..
صراحة لا تعليق على الكلمة لانها لا تليق عن التعبير عن أهل الزوج رغم انها عادية ..
كونك زوجة -راااجلك -لا يعني امتلاكك له ...
غدا نتيا كي تجيبي ذراري تحبو تمتلكوهم وتحبو وتحبوو ..
المنطق منطق اذا لم يكن هناك ضير ففطري انت وزوجك عند -نااس راجلك- ...
فانت بذلك اسعدتي زوجك واهله..

[محمد محمد.]

السلام عليكم ورحمة الله وبركاته

بصراحة أختي ما فهمتش وين راه المشكل وفي ماذا تريدين أن نساعدك !!

ها عرضي عجوزتك تفطر معاك وين راه المشكل ؟

[Elwawy]

نعم النش لابد من نش الذباب و الحشرات التي تحوم في المطبخ, أما السميد لابد أن يتحرك الزوج و يجد على الأقل أقول على الأقل 20 كغ لكي و لأمه, و هكذا ستتمكن العائلة من الإستغناء عن مادة الخبز طيلة الشهر الفضيل.

هذا و الله أعلم, بالتوفيق أختي و صح رمضانك.

[رَمَادِيَاتْ]

بمعنى أنك صنعت مشكلة في خيالك وتبحثين عن حلول مسبقة، قبل أن تحدث أي مشكلة.

خلي بعدا حتى دير النش ورواحي سقسي.. (رغم أن كلامك عنها غير مهذب بالمرة )

[ع.عيسى]

السلام عليكم
اختكم متزوجة وساكنة مع ناس راجلها
العام لي فات صمت رمضان معاهم ومبعد خرجت بداري ودرت كوزينة وحدي وهوما كانو يبانو راضيين بهذالشي بصح داخليا مكانوش رضيانيين
المهم حنا ميهمناش هذ الشي .المشكل حماتي مشكيتش تاكل هذ العام علباالي عجوزتي ونعرفها في رمضان هذا عللابالي بلي مش راح تفطر زعما كي ابنها مهوش يفطر معاها
وراجلي علباالي تغيضو ويصدقها رغم لي انا متأكدة بلي راها تدير فالسمير قع نحبو ولادنا بصح مش لدرجة ابني لباس عليه ويفطر مع مرتو واناندير فالنش
لكان راه فلخدمة الوطنية ولا مريض قال
ساعدوني

1: ناس راجلها ؟؟ وصفك اهل الزوج بناس وكانه لاعلاقة صلة تربطك بهم دليل على انك من النوع الي يحبو تملك الزوج وفصله عن اهله . وكانك انت التي انجبته وربيتيه
2:داخليا ماهمش راضيين ؟؟ ...ثاني تعلمي بواطن النفوس ؟؟ المسلم ابد لايحكم على بواطن النفوس لان الله وحده فقط من يعلم ذلك ، اعتقادك هو مجرد انعكاس على شخصيتك الوسواسية والمتسلطة
3: راجلي على بالي تغيضو يماه ؟؟ ..امر بديهي تغيضو يماه ، مهما كانت راها يماها وبرها واجب .
4: تدير في النش ؟؟ الام كي تحب تفطر مع ابنها تدير في النش ؟؟؟ لو كنت جيتي فاهمة هادي مزية فيك على الاقل تربحي اجر افطار صائم

باختصار ..كل كلامك هدفه هو ان بقطع زوجك رحمه ...بنت الاصل اصلا ترفض الزواج برجل قاطع رحمه وعاق بوالديه ...اذن واش نقولو لمن تسعى للعكس .... ، ولكن الدنيا دين ، كما تدينين تدانين

[بـــيِسَة]

خير أعليكم
شوفي ملخر مخصكش مساعدة خصت تخمام
هادي يماه كانت تفطر معاه هيه
و دوك درتي دارت و الوقت الي حبت تفطر مرحبا بيها
و بعض الألفآظ قلتيهم منيش حابة نكسر القلوب و نعلق أعليهم
لأنو لوكان علقت أعليهم نعلق بأسوء من تلك الألفآظ
نرجعوا لموضوعنآ
صح انت حابة تفطري مع راجلك و عايلتك وحدك و هادا من شهوات الزوجة
لكن الأم باش تفطر مع وليدهآ هادا من حق و ليس شهرات
و ربي يجيب الي فيها الخير