في حاجة لنصيحة

[مشكلتي]

السلام عليك و رحمة الله و بركاته

اتمنى ان تنصحوني كيما اختكم

انا فتاة عندي19 سنة حمد لله ديت باك بمعدل مشرف سمح لي اني نقرا مدرسة عليا للاساتدة

, في هده الفترة تقدم لي شخص عندو 31 سنة يخدم مع اختي في نفس سارفيس الحمد لله مستقر ماديا عندو سيارة

و عمل جيد و هوا صغير عند والديه اختي كبيرة عليه ب 5 سنوات

كانت ديما تشكر انو مربي و قريبا رايح يدير عمرة المشكل انة كل اهلي خايفين من عمر

و يقولولي يجيوك فرص احسن و كبير بزاف و تلقاي مشاكل معا عمرو خصوصا انو ماش نفس جيل و هوا يكبر و انتي تبقاي صغيرة و مزالك تقرا ... الخ

للعلم انا حكيت معاه في اطار محترم لقيتو انسان طيب و محترم و يضحك ماشي من نوع رجال متشائم

و هوا مشايفش مشكل مع العمر خلاه لكن انا حقيقة بديت اعجب به و بانلي او مرايحاش نلقا انسان كيفو صح فرق العمر كبير بزاف

في نفس الوقت خايفة نندم و نلقا مشاكل مع عمر

[رَمَادِيَاتْ]

ثمة زيجات بفارق عمر 15 سنة وناجحة جدا، وثمة منها من هي بفارق عمري قليل وفاشلة جدا.
ربط عدم التوافق من حيث الأفكار بفارق السن ليس بقاعدة ثابتة... فكل شخص وتكوينه الخاص في الحياة.. بمعنى: أنك الآن أمام صورة معينة وحيدة.. فشرحي هذه الصورة وادرسي كل المعطيات ثم انظري إن كنت مقتنعة بها وتتناسب معك .. وقرري

[ع.عيسى]

31 سنة ؟؟؟...جاكم كبير... كل يوم نسمعو العجب..... ايه رآه كبير عليك استناو فرصة أخرى بلاك يجيكم واحد في عمرو 23 سنة خدام وبسيارتو وقادر على المسؤلية ومتربي* وماشي مشوك شعرو ورافع سروالو.... استناو.... بالنسبة لفارق العمر.. وحدة عمرها 30.وزوجها 42. كلاهما شباب* عندهم نفس العقلية... أو وحدة عمرها* 50* وزوجها 62.ايضا كلاهما في بداية الشيخوخة. نفس العقلية ... وحدة في عمرها 80 وزوجها عمره 92 كلاهما شيخوخة.....

[محمد محمد.]

السلام عليكم

بصراحة استغربت من المشكلة المطروحة ، فارق 12 سنة هو المتوسط المعقول

فالفارق الأفضل بين الزوجين هو الذي يتراوح ما بين 7 سنوات إلى 15 سنة

31 سنة راه شاب ماراهش عجوز ، والأهم من كل هذا هو الدين والخلق ، فإن كان ذو دين وخلق فلا تفرط فيه وحاول أن تقنع أهلك

[بشرئ عاشقة العلم]

31 عام يا احتي مهوش كبير ^^ و فارق السن بيناتكم مثالي جدااا*
و شكون قالك رح تقعدي صغيرة* و لا رح تجيك فرص احسن خطرات الفرص ما تتكررش احمدي ربي صبتي راجل بهاذ المواصفات* انا هذ النوع نتلاقاه* *مشي يجيني فرصة و لا ** مرة في العام*
بالتوفيق حبيبتي و رهي باينة ....

[- HOCINE -]

لا تقلقي اختي الكريمة فلن تندمي على العمر ابدا

هذا احسن فارق بين الزوجين والدليل على كلامي شائع

سمعت لي يشتكي ويقول في المذياع أنو أكبر من زوجتو ب5سنين وهي تبان أكبر منو

الوالد كبير على يما ب17 سنة ويحلف يقولي لوكان ما جاتش يماك صغيرة راني تزوجت عليها

[بـــيِسَة]

فارق 12 سنة فقط
أرى المشكل ماشي في العمر المشكل في الوسواس الي فيك أنت
يعني المشكل فيك معجبة بيه و خايفة السن
و متسمعيش لهدرة الناس خودو برايي صلي الاستخارة كيما ننصحوا الكل الواقع في متل هده الحالات
يصلي صلاة الاستخارة قبل و ربي يفرج ان شاء الله
و كل واحد يكبر مع عمرو متخافيش و توكلي على ربي

[الملكة بلقيس 2]

السلام عليكم
اختي فارق السن ليس ابدا بمشكل، استخيري الله في مثل هذه الأمور،و إذا كان مصلي يخاف الله فهذا احسن و احسن. توكلي على الله و ان شاء الله خير،
سلام

[visa uk]

سبحان اللله ناس محترمةوولاد فاميلية تاع الصح خاطيهم شراب واماكن مشبوخة وووو وسرقات وووو يعني اولاد فاميليا بين هدا ومتدين وملتزم ووووووو وتقلو مزال ياو اتزوجيه لي يخاف ربي كمل ماتخافوهش انا اختي داها وحد مربي ومتدين ومتدين وملتزم ويصلي وووو وخاطيه اطلاقا شراب سهرات شهادة لله حمد لله متدين وملتزم ومتخلق ايضا خاطيه صوالح عيانين اطلاقا وووووو والله راح تندمو اطلاقا هدا يبان يخاف ربي ومومن وخاطيه الحرام ها هو الصح وشبيكم لو شفناه غير متدين وزد غير متخلق ووووو نقلك رفض قاطع اخطيك من وجه كما هدا

[visa uk]

متدين وملتزم ومتخلق ماشاء الله وتسناي سبحان الله ناس تدعي من قلبها يبعد عليهم ابناء الحرام وووو والفساق وووو ونتوما تبعدوه حتي يروح عليكم ادا حس بالتهميش وحقرة هدا رجل صالح ماتهاغوهش في بنتكم حاطيه الحرام والوسواس وووو امور منافية لشرع الله من فسق وسهرات وتوسوس وطفوس سحرية كما البعض الكفار لي نشوفوهم في حياتنا هدا رجل وخصلة طيبة لو مكانك نقبل اختي يدها رجل صالح وخلوق وقلبي يطمئن تماما في حياتها

[Elwawy]

ببساطة, إذا كان كلاكما معجب بالأخر, تزوجو لا دخل لأي إنسان أخر في حياتك, "ما يندبلك غير ظفرك و ما يبكيلك غير شفرك" تزوجي -إنتهى-

[Ziadsa]

الفرق ليس كبيرا اختي الكريمة
برأيي انه كلما كان الفارق كبيرا يكون في صالح المرأة لانه بيكون الان في سن ٣١ مرحلة تحمل المسؤلية وبيكون يحتوي المرأة وافكارها
المهم يكون هناك توافق بينكم وانك مقتنعة بيه

[toulay]

السلام عليكم
صراحة مشي كبير خلاص تبانلي نورمال بكل فارق 12 سنة مايدي مايجيب كاين لبيناتهم 20 سنة وعايشين لباس بيهم في رحمة ربي
وهاذي حياتك انت صح تاخذ راي والديك وتشاورهم ولكن القرار الاخير يرجع ليك طبعا بعد صلاة الاستخارة ان شاء الله
واذا انت حابة تقرا وتتخرج وتخدم وعندك اهداف ومشاريع اخرى هاذيك حاجة خلاف والعمر لقيتيه حجة برك
على كل شوف في قرارة نفسك انت واش حابة ومبعد ساهل الحال
بالتوفيق