وفقكم الله

[nr.houda]

السلام عليكم ورحمة الله وبركاته .
كيف حالكم اخوتي و أخواتي .
...
إن شاء الله تكونوا قريتوا مليح في الأسبوع لي فات ، وحتى لو قريتو غي ساعة في النهار فيها بركة .
حضروا أنفسكم ، نشفى هذا الوقت ، كنت نقول ماباقيش الوقت ، كان كاين إضرابات بعد الاختبارات مباشرة
، نعقل الناس الكل ولات ترتاح من تعب الاختبارات حسب قولهم ، انا ولين تصحح أخطائي و نخدم على نفسي و نحل التمارين ، ونراجع دروس الفصل الأول.
العبرة اغتنموا كل فرصة و أرجوكم أرجوكم أرجوكم نصيحة من أخت تبغيلكم الخير تعبنا نفسكم جسديا ، اسهروا، نوضوا بكري ،كافحوا، حوسوا تفهموا ، مانيش عارفة ضحيو بكلش في سبيل تفرحو ا والديكم تردولهم وكان شوية من الجميل ،تعبوا عليكم ، سهروا معاكم ، يحوسوا يديرلكم دروس خصوصية ، يستناو فيكم باش يفتاخروا بيكم .
لكن 🚫 حذاري والله صدقوني ، التعب النفسي ، الأفكار السلبية ، القلق ، الخوف ، اتركوه جانبا ، والله شاهد على ما أقول التعب النفسي و هذاك القلق والله ما يروح تريح الصيف و تدي الباك و تفرح كل شيء يولي عليك ،انت راك تفكر في في الباك، لكن هذا مجرد امتحان كنت كيفكم كي نسمعهم يقولو مجرد امتحان نقول Pask فاتو و تهناو والله غي راح يجيكم ساهل إذا كنت محضر ، و نخدموا بإذن الله لي عنده معلومات و حافظ صايي ملازمش القلق ، ياك ربي راه كاتبنا كلش و ربي ميضيعش تعب عبد من عباده هذي مستحيلة.
الخلاصة من كل هذا ، راني نشوف فيكم ناشطين مشاء الله تبارك الله عليكم ، نتمنى من كل قلبي ، يوم النتائج نفرح معاكم ، اعتبروني اخت ،فاتت بتجربتكم، بكات، جاها شعور تاع نسيت، فشلت ، طحت ، مديتش مليح في الاختبارات ، بزاااف حاجات، لكن في كل مرة كنت نوقف من جديد و ناضل في سبيل الحلم .
المهم، دائما نبغي ننشر كلام من قلبي يالوكان نكون في قمة اليأس نبغي نحفز غيري لأنو كلمة وحدة قادرة تفيقك و كلمة صغيرة قادرة تهدم أحلام .
نتمنى كلامي يكون فادكم يالوكان شوية .
و نفكركم ثاني ، تعبوا نفسكم يجي الصيف و تريحوا ترقد نهار تريح من تعب عام ، بصح التعب النفسي صدقوني متريحوش منه و يكون عنده أثر سلبي سلبي سلبي على حياتكم ،الحياة متكملش عند الباك ، ديما خمموا لبعيد .
وفقكم الله
دعوة في ظهر الغيب

[*آمنة*]

سلام هدى
شكرا على الاللتفاتة الطيبة ربي يحفظك حنونة على الوقوف معانا
شكرا شكرا شكرا

[nr.houda]

سلام هدى
شكرا على الاللتفاتة الطيبة ربي يحفظك حنونة على الوقوف معانا
شكرا شكرا شكرا

العفو ، هذا واجبي ياطموحة
وفقك الله و أنار دربك 💙
واصلي أختي .

[عاشقة الكواكب]

شكرا هدوش ^^ على الكلمات التي تفيض أملاً
عن نفسي راني نحاول و ان شاء الله نوفق جميعا

[nr.houda]

شكرا هدوش ^^ على الكلمات التي تفيض أملاً
عن نفسي راني نحاول و ان شاء الله نوفق جميعا

إن شاء الله أختي 🙏 ستصلين بإذن الله
وفقك الله وسدد خطاك💙

[أمل أميرة]

شكرا هدهد بارك الله فيك
اردت اخذ نصيحة منك شوفي انا طول الوقت ناعسة وفاشلة كون يخليوني نرقد حتى 24 ساعة عادي جدا
حتى الصباح انوض قبل الفجر نقرا قران مبعد نصلي ونقرا اذكار الصباح ونرجع نرقد والله نحاول نقاوم ندير كلش لكن ماقدرتش على لقراية نشفا العام الماضي كنت انوض عادي لكن الان راني فاشلة ماما تقلي ناقصاتك الارادة كيفاه الارادة هذي والله يا صديقتي ني حابة نقرا وندير برنامج مليح ونوجد روحي نفسيا وجسديا ونوجد ادواتي وندير في بالي بلي رايحة نقرا لكم ما نلبث نحل الكايي تروحلي هذيك النفحة كاملل ونولي نتثاوب تخيلي امس رقدت فاللليل على 21.00 قلت باه اننوض على 4 مبعدا نضت قريت قران صليت ورجعت رقدت ونضت على 9.00 تاع الصباح مبعد فطرت وبدبت نراجع ماقديتش عدت راح ندوخ مالنعاس رجعت رقدت ونضت على قريب الوحدة صلييت وتغديت ورجعت رقدت...جربت نشرب منشطات لكن لا فائدة ..
قولولي كيفاه اديرو والله تعب جسدسا ونفسيا وتعبت والديا معايا راني شحال من عام وانا نعاود ساعات نقول كون قريت من باكي لول راني تخرجت ..البارح رحت لماما قلتلها ماتعوليش عليا راني ماقدرتش قلتلها صايي ماراحش نزيد نقرا للباك قاتلي بلي ماعنديش ارادة قولوليي كيفاه جاية الارادة هذي كيفاه نكتسبها واش ندير باه نعود نحب نقرا وماننعسش..
سامحوني طولت عليكم
وفقكم الله

[nr.houda]

شكرا هدهد بارك الله فيك
اردت اخذ نصيحة منك شوفي انا طول الوقت ناعسة وفاشلة كون يخليوني نرقد حتى 24 ساعة عادي جدا
حتى الصباح انوض قبل الفجر نقرا قران مبعد نصلي ونقرا اذكار الصباح ونرجع نرقد والله نحاول نقاوم ندير كلش لكن ماقدرتش على لقراية نشفا العام الماضي كنت انوض عادي لكن الان راني فاشلة ماما تقلي ناقصاتك الارادة كيفاه الارادة هذي والله يا صديقتي ني حابة نقرا وندير برنامج مليح ونوجد روحي نفسيا وجسديا ونوجد ادواتي وندير في بالي بلي رايحة نقرا لكم ما نلبث نحل الكايي تروحلي هذيك النفحة كاملل ونولي نتثاوب تخيلي امس رقدت فاللليل على 21.00 قلت باه اننوض على 4 مبعدا نضت قريت قران صليت ورجعت رقدت ونضت على 9.00 تاع الصباح مبعد فطرت وبدبت نراجع ماقديتش عدت راح ندوخ مالنعاس رجعت رقدت ونضت على قريب الوحدة صلييت وتغديت ورجعت رقدت...جربت نشرب منشطات لكن لا فائدة ..
قولولي كيفاه اديرو والله تعب جسدسا ونفسيا وتعبت والديا معايا راني شحال من عام وانا نعاود ساعات نقول كون قريت من باكي لول راني تخرجت ..البارح رحت لماما قلتلها ماتعوليش عليا راني ماقدرتش قلتلها صايي ماراحش نزيد نقرا للباك قاتلي بلي ماعنديش ارادة قولوليي كيفاه جاية الارادة هذي كيفاه نكتسبها واش ندير باه نعود نحب نقرا وماننعسش..
سامحوني طولت عليكم
وفقكم الله
السلام عليكم أختي
أولا العمر مجرد أرقام ، خليك أختي من هذا الكلام صدقيني يحبطك
حنا عنا في الجامعة وحدة أكبر من عمر امي تكون في عمر السبعين صدقيني والله تقرا سادسة طب يعني متيأسيش ، ومدام جيتي و كتبتي و قلتي حابة نوصل ، حابة نقرا، لكن مقدرتش يعني عندك إرادة أو رغبة باش توصلي
صدقيني يا ختي ، مرات الإنسان يفشل و مرات يطيح ، مرات منقدروش نقراو ، منقدروش نسهروا ،مرات الدنيا تظلام في وجهنا بسبب الفشل ، لكن صدقيني الإنسان لي ميفشلش ميوصلش ، عجبتني عفسة تديريها تنوضي تصلي ، تقراي القرآن، و تقراي الأذكار، ماشاء الله عليكي، يعني ربي وفقك لعبادته ، وربي يوفق أحب العباد عنده ، واشن خصك متوليش ترقدي ، كي تنوضي ، جميع فراشك و لا غلقي بيتك وروحي صلي في الصالو و حفظي تماك ،الكسل والنوم ختي و الله الكل نعانيو منه ، لكن الإنسان إذا متخليش على رغباته ، ميوصلش ، حاولي تتجنبي شرب الأدوية لي تعطي طاقة ، جربتها العام لي فات فى الاول نشطتني لكن بعدها وليت نشربها وتعطيني مفعول سلبي نحس روحي عيانة ، عينيا مقدرتش نحلهم ، أختي مدام عندك ايمان قوي توصلي بإذن الله دعي ربي يوفقك ، قراي ادعية الكسل انا هذا وين كتبته و بقيت نقرا فيه من شدة الكسل لي راه فيا ، حتى واحد موصل هكاك لا بالتعب و الإرادة لي راكي حاسة روحك فاقدتها لكن صدقيني عندك، فقط الشيطان راه يوسوسلك أو عامل نفسي طال عليك ، ريحي نفسك يوم ، وابداي من جديد ، تنساي واه مقريتش ، كنت نرقد ، تنساي كلش ، و ابتعدي على أي حاجة تضيعلك وقتك ، أغلقي عليك و حتمي على نفسك في الاول صعيبة لكن راح تتوالفي ، وكان حتى متجيكش النقطة أحفظي ، يعني هذه هي الطريقة مبقاش حل اتعبي في الاول لكن تتوالفي
ربي يوفقك ان شاء الله ، وحتى إنسان معندو عقبات كل عندنا ربي عادل في توزيع الأرزاق على عباده ، و اخلصي النية في الحفظ ، قولي راح نحفظ باش توصلي لكذا ، يعني العلم نتاعك لوجه الله
ربي يوفقك أختي أحسست بحالتك لأنو كلنا نمروا بيها وعقبات الحياة متنتاهيش ، حتى و تتخرجي
تقعدي النية و إبداي 💙

[nr.houda]

اشربي القهوة انا والله ديما5 كيسان في النهار ��

[Mimy Loulitita]

اشربي القهوة انا والله ديما5 كيسان في النهار ��



مش مليحة القهوة بزاف
مليح لاتاي و الزنجبيل و النعناع
هذو منبهات قوية و عن تجربة انا شربتهم و مزالني نشربهم باه نسهر
ولا كي نوض بكري نشربهم و نصحصح تاع الصح
مكانش الرقاد
هههه

[أمل أميرة]

السلام عليكم أختي
أولا العمر مجرد أرقام ، خليك أختي من هذا الكلام صدقيني يحبطك
حنا عنا في الجامعة وحدة أكبر من عمر امي تكون في عمر السبعين صدقيني والله تقرا سادسة طب يعني متيأسيش ، ومدام جيتي و كتبتي و قلتي حابة نوصل ، حابة نقرا، لكن مقدرتش يعني عندك إرادة أو رغبة باش توصلي
صدقيني يا ختي ، مرات الإنسان يفشل و مرات يطيح ، مرات منقدروش نقراو ، منقدروش نسهروا ،مرات الدنيا تظلام في وجهنا بسبب الفشل ، لكن صدقيني الإنسان لي ميفشلش ميوصلش ، عجبتني عفسة تديريها تنوضي تصلي ، تقراي القرآن، و تقراي الأذكار، ماشاء الله عليكي، يعني ربي وفقك لعبادته ، وربي يوفق أحب العباد عنده ، واشن خصك متوليش ترقدي ، كي تنوضي ، جميع فراشك و لا غلقي بيتك وروحي صلي في الصالو و حفظي تماك ،الكسل والنوم ختي و الله الكل نعانيو منه ، لكن الإنسان إذا متخليش على رغباته ، ميوصلش ، حاولي تتجنبي شرب الأدوية لي تعطي طاقة ، جربتها العام لي فات فى الاول نشطتني لكن بعدها وليت نشربها وتعطيني مفعول سلبي نحس روحي عيانة ، عينيا مقدرتش نحلهم ، أختي مدام عندك ايمان قوي توصلي بإذن الله دعي ربي يوفقك ، قراي ادعية الكسل انا هذا وين كتبته و بقيت نقرا فيه من شدة الكسل لي راه فيا ، حتى واحد موصل هكاك لا بالتعب و الإرادة لي راكي حاسة روحك فاقدتها لكن صدقيني عندك، فقط الشيطان راه يوسوسلك أو عامل نفسي طال عليك ، ريحي نفسك يوم ، وابداي من جديد ، تنساي واه مقريتش ، كنت نرقد ، تنساي كلش ، و ابتعدي على أي حاجة تضيعلك وقتك ، أغلقي عليك و حتمي على نفسك في الاول صعيبة لكن راح تتوالفي ، وكان حتى متجيكش النقطة أحفظي ، يعني هذه هي الطريقة مبقاش حل اتعبي في الاول لكن تتوالفي
ربي يوفقك ان شاء الله ، وحتى إنسان معندو عقبات كل عندنا ربي عادل في توزيع الأرزاق على عباده ، و اخلصي النية في الحفظ ، قولي راح نحفظ باش توصلي لكذا ، يعني العلم نتاعك لوجه الله
ربي يوفقك أختي أحسست بحالتك لأنو كلنا نمروا بيها وعقبات الحياة متنتاهيش ، حتى و تتخرجي
تقعدي النية و إبداي 💙

شكراااااا والله غي فرحتي قلبي وطلعتيلي المورال وهاني رايحة نقرا
بارك الله فيك وجزاك الله خيرا :)

[nr.houda]

مش مليحة القهوة بزاف
مليح لاتاي و الزنجبيل و النعناع
هذو منبهات قوية و عن تجربة انا شربتهم و مزالني نشربهم باه نسهر
ولا كي نوض بكري نشربهم و نصحصح تاع الصح
مكانش الرقاد
هههه
ههههه سأضيفها إلى القائمة لكن تركي للقهوة شبه مستحيل نشربها كثر من الماء 😅

[nr.houda]

شكراااااا والله غي فرحتي قلبي وطلعتيلي المورال وهاني رايحة نقرا
بارك الله فيك وجزاك الله خيرا :)

فيك بارك الرحمان أختي
.... هكذا أحبك و هكذا يحبك الله ، اصبري فبعد الصبر جبر
وفقك المولى إلى ما يحبه و يرضاه💙

[اللهم ارزقني عفةمريم]

والله قد ماشكرتك من وفيش الفضل و الجميل نتاعك ديما تغيب علينا بصح تدخلي دخلة لاتنسا ربي يوفقك حبيبتي ديما مواضيع ونصائح رائعة ربي يخليك ويحفظك ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½

[nr.houda]

والله قد ماشكرتك من وفيش الفضل و الجميل نتاعك ديما تغيب علينا بصح تدخلي دخلة لاتنسا ربي يوفقك حبيبتي ديما مواضيع ونصائح رائعة ربي يخليك ويحفظك ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½

أفرحني كلامك أختي... كلما أريده أن أخفف عليكم ولو بالقليل
....ضغط الدراسة يمعني من أكون متواجدة دائما
وفقك الله أختي و سدد خطاك 💙

[اللهم ارزقني عفةمريم]

أفرحني كلامك أختي... كلما أريده أن أخفف عليكم ولو بالقليل
....ضغط الدراسة يمعني من أكون متواجدة دائما
وفقك الله أختي و سدد خطاك 💙

امين لي ولكي