هل يحق لاهل الزوج الدخول للمنزل وقتما ارادو

[malakasma]

السلام عليكم
حبيت نطرح موضوع النقاش .هل يحق لاهل الزوج الدخول لمنزل ابنهم في غياب الزوجه.اضافه الى اخذ بعض الاغراض منه بحجه انو منزل ابنهم وما يقدرش يبخل عليهم .يعني يحطوه في موقف محرج. مع انو قادر يوفرلهم اي شيء وماشي شرط ياخذوه من المنزل ديالو.وحتى هذه الاغراض ممكن تكون جابتها الكنه معاها.مهما كانت هذه الاشياء كبيره او صغيره.
بالإضافة انهم يخليو المفتاح ليهم في حاله السفر مثلا.
كيفاش يتصرفو الزوجان في هذه الحاله لانو انظن كل بيت وله خصوصياتو وهذا البيت كيما راه الزوج راه تانيك للزوجه يعني هي تانيك بيتها
وشكرا.

[ع.عيسى]

سبق لي ان قرات هادي المشكلة وجاوبت عليها ، مادام كررتي الموضوع اذن راكي خلاص مقنوطة من تصرفهم ، واش داو هادي المرة ؟ التلفاز او الثلاجة او الخزانة بما حملت ؟ ، على حساب قولك على شهرين يخلاص البيت من القش والاثاث ،

[malakasma]

يا اختي انا حابه نعرف الصحيح مالغالط باش نتعامل مع الموضوع صح.وفي راي اذا ماحطيتش حل الموضوع راح يتحول لشيء تاني لي هو عدم الاحترام وفقط.

[حورية تو]

عاودي طلبي هذي الأغراض وهي فرات قوليلهم نحتاجهم*

[zahra1999]

السلام عليكم
اختي الكريمة بقدر ماتكون الشراكة تكون المشاكل وبقدر مايكون الانفصال تقل المشاكل.
اخبريهم ان اغراضك هي ملكك وواحد مايحقلو يتدنى ليها ولا يقربها.ويلا كانت اغراضهم قوليلهم يحتفظو بيها عندهم ويستخدموها وقت الحاجة .
خلاصة القول لازم كل حاجة تكون مقسومة محسومة باش متبقاش هناك حجج للتغول على أملاك الغير .فعموما غرفة الزوجين هي مملكتهم الخاصة بهم وحدهم .وغالبا نجد اهل الزوج يختلقون الاعذار للتلصق بحياة ابنهم وزوجته .

[malakasma]

اخواتي .عندما يكون الزوجان منزل خاص بهما يعني ماشي عايشين معاهم.حبيت نعرف* اذا من حق أهل الزوج يدخلو للمنزل في غياب الزوجه او الزوج مثلا وبزيدو ياخذو اغراض من المنزل باحراج الزوج لانو مايقدر يقول حتى شيء لهم.
والزوجه تحس بلي هذا البيت مش بيتها .يعني غير تخرج من البيت وتعود تلقى اشياء ناقصه.والمشكله مش مشكله اغراض.المشكله مشكله انو يدخلو لمنزلهما .يعني من المفروض يكون الاثنان علابالهم* شكون راح يقدر يدخل للمنزل.
وهذا ايضا ادى الى مشاكل بين الزوجان .فالزوج اخبر زوجتو انو هذا منزلو وهي ماعندها حتى حق او راي في هذا الموضوع .
لاني علمت انه لايجوز لاهل الزوج دخول غرفه الزوجيه فمابالكم في دخول المنزل.؟؟ الا توجد حرمه للمنازل ايضا.

[ايمان4]

اختي من ردك الاخير استغربت كيفاش حبيتي كي ما تكونيش انت ف الدار تجي امز تزور ما يدخلهاش يقلها الحرمة تاع المنزل حتى تجي زوجتي و ندخلك للدار ؟؟ عجيب الزمان هذا ...
استغربت حقا .... فيما يخص الاشياء واه تلقايها ناقصة اكيد راح تكرهي خصوصا اذا تكرر الوضع لكن حطي روحك ف مكانه اكيد يطلبوها منك راح تمديها ... او عادي اطلبيها منهم من جديد شغل سليفة ... ما تكبريهاش تخاف تعشي في مشاكل كبيرة انت في غنى عنها .. مشكل لكن حاولي تبسطيه

[Amir ami]

اذا كان المنزل لا يوجد فيه احد فممنوع الدخول تماما و لايحق لهم اخذ اي شيء.اما عند السفر فبعض الناس يترك مفتاحه عند الاهل للضرورة ممكن تسرب الغاز او ترك الحنفية مفتوحة. اما من يقول امه تدخل متى تشاء فهذا جائز عندما يكون ابنهاموجود.

[sidahmed187ciacia]

طبعا لايحق لهم وخاصة غرفة النوم
والبيوت أسرار