خاب ظني فيه

[مشكلتي]

السلام عليكم
اخي اقل مني بثلاث سنين عمرو 17 اكتشفت انو في علاقة مع وحدة تقرا معاه
حنا عائلة محافظة الحمد لله م الجد إلى اصغر فرد لكن هذا خرج كانو طفرة
متمرد جدا ومايقرااش بعدما كانت معدلاتو فالسيام 16 ولا 10بالسيف والاكثر من ذلك غير بار بأمي
تقولوا وين ابي ..بابا يخدم بعيد مايقدرش يكون معانا ولو قتلو عليه والله يقتلو ولن يرف له جفن هو اصلا ما يطيقوش
ماما علابالها مقبيل قلبتلو في كرطابو ولقات كادو! هنا تأكدنا م الشكوك تاعنا ..وهو طبعا شعل وقالها اخرجوا م حياتي تظلوا تبعوا فيا
يا خاوتي هو ساذج والله أي واحد يكلخلو ما يعرفش صوالحو ولوكان جا يعرف ما يدناش لحوايج هكا ..قلت ع الاقل فيه إيجابية أو ما يخلطش ليخرج عكس توقعاتي !..حاجة فيه ما تصلح
قولولي بالله عليكم وش ندير ضكا وشنو الحلول الممكنة ..ما يقتنعش بالهدرة وماراحش يأخذ الرأي لاني نعرفو وفي نفس الوقت ابي مستحيل ندخلوه ف القصة خاطر علابالي تكون نتائج وخيمة
يرحم والديكم ساعدوني ولو بدعااء

[" شاهير خان "]

السلام عليكم
انا الصراحة مانشوفهاش مشكله كبيره بالعكس يمكن ناويها للحلال برك راهو صغير شوي جمعو واتفاهمو معاه وخلاص لانو م نضنش كاين حل وحداخر شغل كي تهدر معاه راح يحبس معاها مستحيل الامور م تجيش غير هاك ولكن حاولو م تضغطوش عليه وعلاه م تخبروش الاب نتاعو الاب هو الحل اللي يقدرو يفهمو لانو نفس جنسه احسن انتوما اهدرو معاه وحاولو تجبدوه عليها قدر المكان واذا م كانش حل اطلاقا خبرو الاب نتاعو يتصرف معاه

[kimjia]

اظن ان الامر عادي جدا خاصة انه فتى يعني متخافوش* كن مخدرات كل قتلكم اجريو موراه يعني كادو برك مهيش قنبلة ذرية كن عادة طفلة كن قتلك صح بسكو الطفل واش يدير المجتمع يسمحلو مهيش كي الطفلة* انا في راي تخليوه على راحتو هكذا تويو تكرهولو حياتو وكشما يدير* في روحو بعيد الشر حاجة تافهة* خليوه امما لقراية مزلة لدك نحير فيكم اكيد قراية السيام والليسي مختالفة وصعيبة خصوصا اذا عاد علمي*
ونصيحة مدزيديش تخلطي في كرتابلو هذي تعدي على خصوصيات الغير يعني تجسس وهذا حرام حتى كن عدتي كبيرة عليه بعامين انا في راي 3 سنين مهيش بزاف لدرجة تولي نتي المسؤلة عليه انا ختي اصغر مني ب5 سنين وجامي مسيت قشها مع انها تقرى في الثانوية خلي شوية خصوصية مع العلم انا ونتي في نفس العمر

[حورية تو]

كي راه يخرج العام راه مليح السيام ليست كالمتوسطة ،أما من ناحية علاقته فلتتحاوري معه بهدوء فهو في فترة حساسة نوعا ما ، لكن لما تتحاوري معه قد يفتح عقله ويعاود يخمم مليح مع روحو و ادعو له ،غير هذا لن يفدي لا التهديد ولا الحيلة*

[araboualem]

سبحان الله كاين الناس تشوف فيها ماش مشكلة الزواج يا بنت الناس لا يتم بهذه الطريقة وهذا بداية طريق انحراف لا أكثر ولا غير فالحل الأوحد والوحيد هو الدعاء والنصح فقط ومحاولة تهديد البنت باخبار بوالديها وانها اذا أخبرته بالأمر سيتم مباشرة اعلام والديها او اهلها
ونقل للناس الي يشوف فيه أمر عادي هل تحب احداكن اني اصاحب اختها؟
ارجو من الإدارة حذف هذا القسم لان الكل أصبح يخوض فيه حسب ثقافته ومدى انحلاله

[~عيون القلب~]

السلام عليكم
شفت الردود انصدمت قالك خلوه راحتو وكذا وخصوصياته !!! هذا راهو يدير فالحرام ياا ناس و قاتلكم هي من عائلة محافظة بالله عليكم لماذا تجعلونها انها مخطأة البنت تريد الصلاح لأخيها و أنتم تقولولها خليه , هل هذا من عاداتنا وتقاليدنا ام تطورنا ولم نعلم غريب امركم والله , حطو انفسكم في مكانها هل ترضون لإخوتكم العلاقات غير الشرعية ؟؟

أختي عليك ايجاد حل لأخيك عندك الحق أهدرو معاه نتي و والدتك ريحو حدثوه قولولو هذا مشي من اخلاقنا و من عاداتنا نديرو هذ الشي حرام قوليلو حتى الصداقات حرام قال تعالى (و لا متخذي أخدان) اي ولا متخذي نساء صاحبات و حبيبات هذي الآية تبين تحرين الله لصحبة النساء للرجال
و ادعيلو اختي لا ينفعه الا الدعاء بالهداية و الصلاح و الله الامر صعب لكن انت ديري اللي عليك و اتكلي على ربي و متقلقيش روحك هو راهو مبرد قلبو و قاعد يدير في علاقات و يتبع في هواه و يرضي في نفسه و مش يرضي في امه لذلك انت اتهلاي في امك و خبريها متتقلقش لهذا الامر للأسف وقتنا اصبح بنت او ولد تلقايه عاقل تقولي هذا مستحيل يروح لهذي الطريق فاذا بيه يصدمك و تلقايه داير رايو
ربي يهدي ما خلق

[محمد محمد.]

عجيب وعجيب أن نرى مسلما يعتبر العلاقات الغير شرعية أمرا عاديا

بالنسبة لأخيك فإن أفضل طريقة هو أن تضعيه مكان أهل البنت فقولي له هل ترضى لنا أنت بذلك !! هل ترضى لأختك بأن تكون على علاقة غير شرعية

فهذه هي الطريقة التي عالج بها النبي صلى الله عليه وسلم ذلك الرجل الذي جاء يستأذنه في الزنا ، فقال له هل ترضاه لأمك ... لأختك

فقولي له كما أنت لا ترضى لأختك فالناس لا يرضون لأخواتهم .

[Dhiaeddine Ben]

السلام عليكم*
أرى أنكم تجاهلهم لب الموضوع ورحتو للظاهر وهو العلاقة الغير شرعية ، بالنسبة لي لاحظت من خلال تحليلي لكلامها أن الطفل وقد أكون مخطأ أنه منحرف وخارج طريق لأسباب:*
السائلة قالت انه طفرة في العائلة يعني لمحت انو ليس محافظ مثل بقية أفراد العائلة*
انخفاض المستوى الدراسي وهذا ما زاد شك-ي بالأمر
أخيرا بعد الأب وبالتالي غياب الرقابة الأبوية مما يخلق مساحة للطفل حتى يتصرف كما يشاء.، ويصاحب رفقاء السوء دون رقيب*
بالتالي عرفنا المشكل (هذا ما افترضه وقد أكون مخطأ كما سبق الذكر ) والآن الحل*
الحل هو نصح الأخ وتقريبه من الله عزوجل بكل الطرق الممكنة عن طريق حثه على الصلاة إن لم يكن يصلي و الدعوة له بالهداية وغيرها من الطرق وتقريبه من المولى جل جلاله وكذلك تشديد الرقابة الأهلية خاصة وأنه في حكم المراهق ولازال طائش وذلك عن طريق تتبع تصرفاته ومع من يصاحب فقد قيل قل لي من تصحاب أقل لك من أنت، لهذا أرى أن معالجة هذا الجانب أولى من إخباره بالتوقف عن العلاقة مع البنت وكوني مررت بهذه المرحلة أرى أنه من غير اللائق اخباره عن الأمر فهذا تعدي على خصوصياته وقد يشعره بعدم الراحة وسيطرة الأهل عليه وهذا لا يعني أنني أدعم مثل هذه العلاقات لكنني أرى أنه من غير المعقول أمره بالتوقف فهذا قد يؤدي إلى نتائج عكسية حتما لهذا أدعم حل المشكل من جذور رغم أنني لم أفصل في كيفية إصلاحه كوني لا أملك فكرة واضحة عن الموضوع لكنني أتمنى أن يضيف أحد الأعضاء في هذه النقطة بالذات والسلام عليكم .

[الملكة بلقيس 2]

السلام عليكم اختي
اكيدهذا ليس شيء جيد , صدقيني لو انكم حاربتوه ستكون نتائج و خيمة , انصحك تتقربي من اخوك تحاولي تحكي معاه بهدوء لا بالعنف و استدرجيه ليحكي لك عن هذه الفتاة حاولي ان تكوني جزء من حياته لا تتركيه وحده بالهدوء اقنعيه انو اذا يحبها لازم يقرا يدير مستقبل والا اهلها ميمدوهاش لانسان مقراش و بدون مستقبل,
العنف يزيد الطين بلة و يبعدو عليكم نتوما العكس حاولو تتقربو منو مع الوقت سيلين , الاحسن تكونو بعلم واش يدير احسن من يعتبركم اعداء
سلام

[visa uk]

حداري جدا طرؤق لحرام واعرة والشيطان واعر ادا جا في طريقك وووووو حداري جدا مع بنات لحرام كما ولاد لحرام كاينين طريقهم هدك هي