مولود حداد
2009-12-09, 20:46
يَاللِّي مَسُّو المَرْضْ بَعْدْ القُوَّة *** وْصَحْتُو مَا بْقَاتْ هِيَ هِيَ
وْرَاحْ يْحَوَسْ يْجِيبْ الدْوَا *** عَنْدْ الطْبِيبْ وْعَنْدْ الصَّيْدَلِيَة
اسْمَعْ نْصَايَحْ نَاسْ الصَّفْوَة *** فـَكْتَابْ رَبِّي وَصْفَاتْ سِحْرِيَة
شُوفْ يَاخُويَا أتْمَعَّنْ *** قُولْ المُولَى فْقُرْآنُو
بْذَكْرِي القـُلُوبْ تَطْمَأنْ *** وْيَخْزَى بْلِيسْ وَعْوَانُو
تَفْرَحْ مَنْ بَعْدْ الحَزَنْ *** وَالخِيرْ تَتْحَلْ بِيبَانُو
وَاللِّي بَالتَّقْوَى يْسِيرْ*** رَبِّي يَجْعَلُّّو المَخْرَجْ
يَرْزْقُو كِيمَا يَرْزُقْ الطِّيرْ *** خِمَاصًا تْوَلِّي كِي تَخْرُجْ
مَا يْخَلِّيهْ فِي دَنْيَاهْ يْحِيرْ *** وَيَلْطَفْ بِيهْ وَيْفَرَّجْ
أَ قْرَا قَصَّة سِيدْنَا أيُّوبْ *** كِي نَادَى وْدْعَا مُولاَهْ
يَارَحْمَانْ مَسَّتْنِي الكْرُوبْ *** اسْتَجَابْلُو وْمَالبَرْصْ شْفَاهْ
وَاللِّي يَرْجَعْ لله وْيْؤُوبْ *** بْتُوبْتُو يَلْقََى هْنَاهْ
وْكِي تَقْرَا سُورَة الاِنْشِرَاحْ *** تْشُوفْ اليُسْرْ بَعْدْ عُسْرِينْ
تَلْقَىالرَّاحَة وْتَرْتَاحْ *** وْتَتْكَالْمَا بْلاَ أسْبِرِينْ
الله يَسُتْرَكْ وِينْ رَاحْ *** تَلْقَى شِفَا كِيمَا هَذَا وِينْ
وْكَايَنْ أدْوِيَة مَا تَلْقَاهَا *** فِي مْحَالِيلْ وْمْخَابَرْ العَجَمْ
النَّفْسْ فَالقـُرْآنْ دْوَاهَا *** وَاللِّي جَرَّبْ هُوَ اللِّي يَفْهَمْ
رَكْعَاْتْ القِيَامْ يَا مَحْلاَهَا *** تَدِّيكْ مَنْ عَالَمْ لْعَالَمْ
هـَذَا كَامَلْ وْشُوفْ يَالبَاءَسْ *** وْوَعْلاَشْ عْلِيكْ هُجْرَانُو
كْتَبْتْْْ فُوقْ المَصْحَفْ مَمْنُوعْ اللَّمْسْ *** مَاالِّلي تْحَطْ مَازْغَدْ مَمْكَانُو
اسْمَحْلِي نْقُولَّكْ مَاهُو مُقَدَّسْ *** عَنْدَكْ وْرَاكْ قَلَّلْتْ مَنْ شَانُو
ارْجَعْ لله يَالغَافَلْ *** قـْبَلْ مَا الوَقْتْ يْفُوتْ
غـَدْوَا أسْمَكْ يْصِيرْ رَاحَلْ *** كِي تْجِيكْ سَكْرَة المُوتْ
وْمُلْكْ كُلْ إِنْسَانْ زَايَلْ *** غِيرْ مُلْكْ رَبْ العِزَّة وَالمَلَكُوتْ
وْرَاحْ يْحَوَسْ يْجِيبْ الدْوَا *** عَنْدْ الطْبِيبْ وْعَنْدْ الصَّيْدَلِيَة
اسْمَعْ نْصَايَحْ نَاسْ الصَّفْوَة *** فـَكْتَابْ رَبِّي وَصْفَاتْ سِحْرِيَة
شُوفْ يَاخُويَا أتْمَعَّنْ *** قُولْ المُولَى فْقُرْآنُو
بْذَكْرِي القـُلُوبْ تَطْمَأنْ *** وْيَخْزَى بْلِيسْ وَعْوَانُو
تَفْرَحْ مَنْ بَعْدْ الحَزَنْ *** وَالخِيرْ تَتْحَلْ بِيبَانُو
وَاللِّي بَالتَّقْوَى يْسِيرْ*** رَبِّي يَجْعَلُّّو المَخْرَجْ
يَرْزْقُو كِيمَا يَرْزُقْ الطِّيرْ *** خِمَاصًا تْوَلِّي كِي تَخْرُجْ
مَا يْخَلِّيهْ فِي دَنْيَاهْ يْحِيرْ *** وَيَلْطَفْ بِيهْ وَيْفَرَّجْ
أَ قْرَا قَصَّة سِيدْنَا أيُّوبْ *** كِي نَادَى وْدْعَا مُولاَهْ
يَارَحْمَانْ مَسَّتْنِي الكْرُوبْ *** اسْتَجَابْلُو وْمَالبَرْصْ شْفَاهْ
وَاللِّي يَرْجَعْ لله وْيْؤُوبْ *** بْتُوبْتُو يَلْقََى هْنَاهْ
وْكِي تَقْرَا سُورَة الاِنْشِرَاحْ *** تْشُوفْ اليُسْرْ بَعْدْ عُسْرِينْ
تَلْقَىالرَّاحَة وْتَرْتَاحْ *** وْتَتْكَالْمَا بْلاَ أسْبِرِينْ
الله يَسُتْرَكْ وِينْ رَاحْ *** تَلْقَى شِفَا كِيمَا هَذَا وِينْ
وْكَايَنْ أدْوِيَة مَا تَلْقَاهَا *** فِي مْحَالِيلْ وْمْخَابَرْ العَجَمْ
النَّفْسْ فَالقـُرْآنْ دْوَاهَا *** وَاللِّي جَرَّبْ هُوَ اللِّي يَفْهَمْ
رَكْعَاْتْ القِيَامْ يَا مَحْلاَهَا *** تَدِّيكْ مَنْ عَالَمْ لْعَالَمْ
هـَذَا كَامَلْ وْشُوفْ يَالبَاءَسْ *** وْوَعْلاَشْ عْلِيكْ هُجْرَانُو
كْتَبْتْْْ فُوقْ المَصْحَفْ مَمْنُوعْ اللَّمْسْ *** مَاالِّلي تْحَطْ مَازْغَدْ مَمْكَانُو
اسْمَحْلِي نْقُولَّكْ مَاهُو مُقَدَّسْ *** عَنْدَكْ وْرَاكْ قَلَّلْتْ مَنْ شَانُو
ارْجَعْ لله يَالغَافَلْ *** قـْبَلْ مَا الوَقْتْ يْفُوتْ
غـَدْوَا أسْمَكْ يْصِيرْ رَاحَلْ *** كِي تْجِيكْ سَكْرَة المُوتْ
وْمُلْكْ كُلْ إِنْسَانْ زَايَلْ *** غِيرْ مُلْكْ رَبْ العِزَّة وَالمَلَكُوتْ