مساعده عاجله

[مشكلتي]

السلام عليكم
مشكلتي هي انني مهدده بالطلاق من زوجي.اللي صارحني بها .وذلك بوجود مشاكل بيننا منذ بدايه الزواج
والمشكله هي اسباب تافهة .وانا دايما نحاول تحسن من نفسي باش يرضى عليا.ولكن بدون جدوى .واذا اغلطت يشعر انو اتعمدت الخطا.
وايضا داىما نحاول نفهمو ولكن ايضا بدون جدوى واللي لاحظتو أنه يهتم كثيرا بالتفاصيل.
بالإضافة انو ثقتي بنفسي افقدتها من شده ما نظل نسمح في حقوقي باش انرضيه.
ونحس انو تخصني مهارات كزوجه لارضاء زوجها .مثلا الكلام الطيب والرومانسي فأنا من النوع الكتومه.ونحشم بزاف.
راني دايما خايفهةعلى مستقبلية ومستقبل اولادي فالطلاق امر صعب .و مالقيتش اللي يفهمني ويحلي مشكلتي
من فضلكم انا بحاجه جدا الدعاء .وتانيك كيفاش انحصن زوجي وداري من العين.
هل ممكن المشكل حسد او عين لانو مانيش حابه نديرهم سبه ونتكل عليهم.
ويا نساء اللي عندها خبره وناجحه مع زوجها ما تبخلش عليا بمعلومه اومساعده.
ادعولي معاكم

[saydek xxo]

على الاغلب زوجك هذا كاش ما عنده وحدة خلاف في حياته ويسابب عليك ...ادعي ربي سبحانه على جال ولادك وبالعكس كوني واثقة من نفسك الثقة في النفس هيا كلش واهتمي بيه قدر الامكان كوني لطيفة حنونة معه رومانسية لما لا هذا زوجك حلالك

[Elwawy]

يا أختى جدي طبيبة نفسية (مختصة في شؤون العائلات), بعد حصة أو حصتين يمكنها تشخيص المشكلة و تساعدكي على تحسين و تصحيح العلاقة.

حاولي أن تكوني طبيعية في تصرفكي, ما تريدينه أطلبيه بدون تردد و ما تريدين إعطائه إعطيه دون مقابل أو شروط.

[ايمان4]

ننصحك بصفحة فيسبوك اسمها نحبلك الخير .. فيها واحد الطبيبة نفسانية رائعة جزائرية متدينة تقدر تفيدك و طبيبة عامة يعاونوا الناس و ينشروا نصائح علامة ...
اما فيما يخص مشكلتك ممكن نمدلك نصيحة لا تنتظري منه ان يحس بك العلاقات الانسانية مش حس بيا نحس بيك ... اذا قالك حاجة ضراتك لا تغضبي و تتشنفي عادي قوليله علاش قتلي هاكا فواش غلطت معاك يا زوجي ؟ هل تصرفت تصرف ما عجبكش بانتلك انو اهنتك ؟احكيلي فهمني باش اذا غلطت ما نعاودهاش ؟ و اذا انا ما غلطتش علاش حكيت معايا هاكا ياك العلاقات مبنية على المودة و الرحمة علاش اين المشكلة الحقيقية احكيلي واش في قلبك فرغلي واش كاين كي نصلح علاقتنا لان هدفنا بناء عائلة مش نخربوها ياك يا زوجي العزيز ؟ و احكيو ف الموضوع مليييح باش ما يتكررش الغلط قوليله انا ضريتني و وجعتني و جرحتني كي حكيت معايا هاك من فضلك المرة الجاية كن اكثر لطفا في انتقاداتك باش انا نتقبلها منك بكل حب و انا كيف كيف ننتقدك بحب لانو في الاخير انا نحبك و انت تحبني مش عديان احنا ازواج و الاخطاء ماهي الا وسيلة كي اتعرف و تتعرف علي اكثر باش المرة الجاية ما نعاودوهاش و ما نزيدوش نضرو بعضانا باش نكبرو عايلتنا و مودتنا مش نهدموها ... احكيييو احكييو مليح من دون غضب و من دون تهديد طلاق و لا غيرو فهميه انو هدفك البنااااااء لا غير باش ما يبقاش يتهجم ... و حاولي و اعرفي سبب المشكلات الحقيقي لانو هادي ماهي الا des faux problèmes .... و يقال عندما عرف السبب بطل العجب

و بي يسخرلك يا اختي في دارك حاولي ما تحكيش للناس لانو منين خكيتيلنا حسيناك انت مظلومة و شكينا فيه مش مليح لكن ربما انت تاني راكي ظالماته احكي معاه في الاول و الاخير ما خذيتو بعضاكم الا و اذا حبيتو بعضاكم

[ايمان4]

اما فيما يخص كيفاش تحكي او كيفاش تتزيني ما عليك الا ان تساليه قوليله زوجي العزيز واش تبغي واش رايك نلبس هادي او هادي ؟ ماهي لي تجيني احسن ؟ اعطيني رايك و رايك يهمني ... اساليه مباشرة واش تحب في كلشي لكن باش ما تبانيش غريبة كي تجي ف الموضوعع و اتفكري هاد الراجل لي اتزوحتي معاه باش قبلتي بيه ما شفتي فيه حتى خصلة مليحة ؟ اذا مش مريض و يحب النساء يعني مش مريض جنسيا مكان حتى مشكلة انت تاني زوجة و ما اتزوج معاك الا و كان عجبتيه و حبك و هبل عليك لا داعي لتلك الوساوس لانو لو ما عجبتيه ما يجيب والديه و يخطب و يدفع مهر و غيرو .... بالصح كان يستنى في المقابل يعيش مليح تفرحيه تنحي على خاطره تكوني انثى ... عادي قوليله حبيبي نحب نفرحك لكن مش عارفة كيف انا خجولة و كتومة ساعدني نحي الحشمة حاسة بجدار حولنا تاع الخجل يحرمني من التعبير عن حبي و تقديري لك ... واش نلبس حبيبي واش تبغي في كذا كلشي تحاوري معاه فيه .... عادي هو انسان كيما انت بلاك تجبري سبب غضبه الدائم هو انت بخجلك يفهمه ما تحبيهش عادي فهميه بلي خجولة و طلبي المساعدة تاعه لانو مش كامل يفهمو و اتثقفي جنسيا كاين اطباء على اليوتوب يشرحو بجميع اللغات ...مش عيب و اولا و قبل كل شيء اتحاوري معاه مش راح ياكلك عادي ...

[ايمان4]

ههه عدت اختي تاني كوني مرحة يعني علابالي مشاكل الحياة تخليك عبوسة و تبكي يحسن عاونك كامل كيف كيف ... كوني مرحة يقلك اضحك للدنيا تضحكلك و اعتبريها طاعة لله ... و غفرانا لذنوبك كي تفرحي زوجك ... عادي قولي لعلها خير و اضحكي امرحي ارقصي عادي عيشي لافي راكي صغيرة و جاية للدنيا ...

[ايمان4]

و اذا كانت المشاكل حول مصاريف الحياة ... فهميه انو المواد الغذائية هي للاستهلاك مش راكي تديري بها حمام كليوباترا صحيح حاولو لكن هي اصلا للاستهلاك بلطف طبعا

تاني انو اي زوج في العالم العربي عادي يصرف ع زوجتو خصوصا اذا مش خدامة يعني منين تجيب اذا هو حبيبها و سندها الوحيد في الدنيا هادي بعد ربي من بعد ما خرجت من عند ابوها باخلها بكلش طبعا في حدود المعقول و مدخول زوجك

خمموا في المستقبل و ديرو بروجيات معقولة اذا تقدري تساعدي اوكي و مدابيك اوقفي معاه و اذا مات عندكش كيفاش تساعدي او ما يبغيش و كافيك عادي عيشو ع حسابكم ياك قبلتي بيه النهار الاول و انت علابالك هو مش طيار و لا طبيب جراح عندو كلينيكات في العالم هو بسيط نورمال عيشو قيسكم لا تلعبي دور الضحية لانو راح يرجع عليك بالسلب و تولي تشوفيه ظالمك لا هو عادي عايش بمقدورو لازم تعرفي مدخوله و مشاريعه اذا باغي يشري ارض و ساعديه في الادخار

يعني كوني زوجة نورمال ممكن انت كل هذا و اكثر لكن برك لازم الحواااار تابعي الاطباء النفسيين و اقراي كتب تاع علم النفس راح تتحسن معاملتك معاه و ديريها لوجه الله

[ايمان4]

حسيت روحي قسيت عليك لكن اختي صدقيني انت العنصر الفعال في العلاقة ربما زوجك ليس من النوع الذي يقدر الحب اشعريه باهمية الحب في حياة الانسان و باهمية الزوجة و بلي ربي انعم عليه بزوجة محبة طبعا كي يكون ع خاطره مش زعفان و انت تقوليله هدرة كما هاك هههه تباصي معاه ههههه علابالك كاين ناس في الاربعينات مزال يحلم يتزوج مسكين ...

[فاصلة]

أخطر حاجة هي التنازل . وين ما تتنازلي وين ما تهبطي درجة . خاصة إذا غلط معاك. لأن الرجل عمرو ما يقدر التنازلات بالعكس تبانلو ضعف في الشخصية . هاذي تجربتي الخاصة . لذلك الا غلط معاك لازم توقفيه عند حدو ... وتهدري على حقك

[منى6019]

السلام
اذا انت شايفة انك مقصرة في الكلام مع زوجك ..فعليك حل هذا المشكل
افعلي اي شيء لتحافصي على بيتك ...الكلام الرومنسي يبدو صعبا لكن أن نطقت مرة سيذهب الخجل
تكلمي مع زوجك برمنسية في الهاتف حين يسالك هل ينقصنا شيء ..في الهاتف يمكن الكلام احسن من وجها لوجه ثم ستجدين نفسك تقولين الكلام تلقاءيا

[abder03]

السلام عليكم اختاه - المشكلة انت طرحتها و الحل انت الذي طرحتيه. انت تعرفين الحل فلماذا لا تتبعينه؟ يا سبحان الله. انا متعجب منك اختاة. كوني متاكدة ،الشيء الذي لا تقدمينه لزوجك حلالك هناك مئة بل الف امراة مستعدة ان تقدمه له و بدون حشمة التي تتكلمين عنها. اختاه دافعي عن حياتك و حياة اولادك ، و ان كانت الحشمة هي التي تجعلك خاسرة ، فالافضل ان تكوني قبيحة في الحق - قبيحة في الحلال - قبيحة تحت رضى الله. كوني قبيحة اختاه و دعك من الحشمة التتي ستفقدك و تحطم حياتك.

[sohaibdz]

ننصحك كرجل باختصار
الرجال عموما يحبون ان تتوفر زوجتهم على صفتين
الالتزام بتعاليم الاسلام و التفهم