تسجيل الدخول

مشاهدة النسخة كاملة : صفقة لا تتكرر كثيرا للجادين فقط ...

Digital man
2020-01-23, 18:01
السلام عليكم و رحمة الله

حتى لا اطيل عليكم موضوعي هو صفقة تجارية و ليس مشروع يعني مرة على مرة تكون فرصة للكسب الجيد وليس مشروع طول العام
احتاج الى شريك او شركاء يوفرون سيولة مالية ما بين 5 الى 130 مليون كل واحد و مقدوره و كل واحد يدي نسبة الارباح على حساب المبلغ لي يدعمني بيه
مدة استرجاع المال مع الارباح طبعا لا تتعدي 20 يوم وهناك 3 اشياء اوؤكد عليها
1- الدخل حلال و ليس فيه من الربا او الحرام شيئ ان شاء الله
2- طبعا كل واحد يخاف على روحو و يقلك الثقة فالوثيقة لذلك من يريد ثوثيق عند موثق او عمل وثيقة اعتراف بدين في البلدية له ذلك .
3- ارجو فقط الناس الجدية لي حابين يخدمو دراهمهم يتفضلو اما لي يضلو غير الهدرة يجيب بيا نهار كامل و هو يسقسي و يحوس يعرف خدمتي واشن هي و واش ندير ريحو بعيد من فضلكم كل واحد رزقو على ربي .
اخيرا الربح المتوقع هو ضعف راس المال او اكثر ان شاء الله خلال 20 يوم و نسبتي من الارباح نتفق عليها فيما بعد يعني على حسب المبلغ لي حاب تشارك بيه معايا .
ChakibDev
2020-01-23, 20:22
يا أخ واحد ما راح يمدلك دراهمو بلاما تقول واش راح تخدم بيهم و لوكان جا المشروع صح ناجح لوكان راهي عندك على الأقل 5 ملاين و تقدر دير مشروعك وحدك.
nadir_telecom
2020-01-23, 21:05
يا أخ واحد ما راح يمدلك دراهمو بلاما تقول واش راح تخدم بيهم و لوكان جا المشروع صح ناجح لوكان راهي عندك على الأقل 5 ملاين و تقدر دير مشروعك وحدك.

والله العظيم ما راك غالط ياصحبي و كيما يقول المثل ما يأتي بسرعة يذهب بسرعة و الإنسان إذا راهو حاب التجارة يسلكلها الطريق الصحيحة من إجراءات قانونية و أحكام دينية للبيع و الصبر حاجة باينة و الرزاق الأول ربي سبحانو و السلام
Digital man
2020-01-24, 10:22
يا أخ واحد ما راح يمدلك دراهمو بلاما تقول واش راح تخدم بيهم و لوكان جا المشروع صح ناجح لوكان راهي عندك على الأقل 5 ملاين و تقدر دير مشروعك وحدك.
واش نقلك الله يهديك علاه انا قلتلك عطيني دراهمك ؟ راك تخدم في دراهمك و محمي بوثيقة ! زيد لي حاب يخدم صح اكيد نقلو واش راني ندير من حقو يعرف
الفكرة تساوي المال صديقي واحد ما راه يصدق على واحد انت بدراهمك انا بخدمتي و تفكيري
اما 5 ملاين و 10 ملاين اكيد كاينة و اكثر لكن ما تكفيش لوكان جيت من صحاب الدراهم لي راهم مسيطرين تقريبا على التجارة هادي مستحيل تلقاني هنا نخدم وحدي مي كي يتعاونو الناس ضعيفة 5 و 10 و 20 تقدر تنافس الناس هادو لان التجارة هادي هي تعترف بالدراهم فقط . اتمنى تكون الفكرة وصلت و ما تتهجمش على الناس في باطل .
Digital man
2020-01-24, 10:24
والله العظيم ما راك غالط ياصحبي و كيما يقول المثل ما يأتي بسرعة يذهب بسرعة و الإنسان إذا راهو حاب التجارة يسلكلها الطريق الصحيحة من إجراءات قانونية و أحكام دينية للبيع و الصبر حاجة باينة و الرزاق الأول ربي سبحانو و السلام
علاه انا قلت راح نسرق ولا ندير حاجة حرام ؟
الله يهدينا ....
nadir_telecom
2020-01-24, 21:07
اللهم أميين قوللنا برك وشمن domaine باش يعرف الواحد فش راه رايح y'investé
Digital man
2020-01-25, 11:01
اللهم أميين قوللنا برك وشمن domaine باش يعرف الواحد فش راه رايح y'investé
يا اخي اغلب الوقت تجارتي في التكنولوجيات الحديثة يعني الات جديدة او قديمة تباع في المزاد على الانترنت او هواتف او درون (طائرات الصغيرة المزودة بكمرة و الممنوعة من الدخول الى الجزائر او الات للطباعة على القماش .......... الخ يعني هناك الكثير من الاشياء وطبعا اقتنيها لما يكون عليها طلب مثلا الان لدي طلب على بعض الاليكترونيات ما قيمته 45 مليون ولما تصل الى هنا فهي مضمونة البيع الى اصحايها مباشرتا.
اغلب الوقت سلعتي تصل في اسبوع لان لدي وسيط دائم الدخول و الخروج الى الخارج . اما 10 ايام اخرى هي للاجراءات يعني تحويل الامال هنا الى اورو و ارساله و طبعا مع احتساب وقت ايصال السلع الى اصحابها تكون 20 يوم تامة .
اذا كنت تريد تفاصيل اكثر كما قلت لدي طلبات ما قيمته 45 مليون اما ثمن بيعه يصل الى 110 مليون . 15 الى 25 للوسيط الدي يقوم اغلب الوقت بايصال السلع اما الباقي يقسم على الشركاء كل واحد و نسبته . اما نسبتي انا تكون اكثر من نسبة الشركاء ب 10 بالمئة مثلا نفرض انه معي شريك واحد و الارباح 90 مليون فساخد 50 و هو 40 لاني صاحب المجهود و العمل طبعا اذا كنت دفعت مال في السلعة معه اما اذا كان المبلغ كله للشريك فالعكس هو من سياخد 10 بالمئة زيادة . هدا كل ما يتعلق بالعمل معي و في اي صفقة كانت نفس الخطوات .
وطبعا كل ما كان راس المال اكبر و السلع اكثر تكون الفوائد اكثرلتغطية سعر الوسيط الذي يوصل السلع في وقت قياسي الى هنا .
اتمنى ان تكون الامور واضحة لي حاب يخدم يتكل على ربي
RMRO
2020-05-14, 13:19
موضوع جميل وميززز جدا
chamsou MCA
2020-05-14, 14:08
بالتوفيق لما فيه خير ان شاء الله
امادو
2021-01-05, 20:37
الله يسهـــل
هديل527
2021-01-10, 21:50
السلام عليكم
moharchi
2021-01-13, 08:51
سؤال للأخ صاحب الموضوع ...
هل كنت عضوا سابقا هنا بإسم مختلف؟؟؟؟
لأنني قرأت نفس الموضوع من سنتين تقريبا، نفس الفكرة نفس الشرح حتى نفس الارقام وامبالغ المذكورة في الشرح !!!
kmohamed21
2021-04-04, 21:22
مهتم ادا مزالك تحوس
nabilmira01
2021-05-23, 08:20
الاشكال شكون لي يمدلك الأموال
nabilmira01
2021-05-23, 08:21
بالتوفيق على طل حال