المساعد الشخصي الرقمي

مشاهدة النسخة كاملة : ﴿أَسْئِلَة ارجوا مِنْ الَّذِينَ اجتازوا البكلوريا الْإِجَابَة عَلَيْهَا ﴾.

*آمنة*
2020-01-17, 21:35
سلام عليكم
عندي ليكم اسئلة ..وارجوا ان تجيبوا عليها
في هذا الوقت كيفاه عشتوا هذوا الايامات ؟؟
لحد ساعة غعندي مشكلة مع المناقشة ...واش ندير ؟؟؟
في رايك هذاا الوقت وين لازم نكون واصلة في الوحدات نتاع لمواد الاساسية ؟؟
وقتاه لازم نكمل البرنامج ونعود غير نراجع ؟؟
المناعة صعبة ام سهلة وخاصة تمارينها؟؟؟
لازم عليا باش نحل تمارين قزوري ؟؟
الفرونسي والانجلي لحد. ساعة مبديتش ..""
وشنهي سر العلامة الجيدة في الادب ؟
عندي خوف شديد من الاحتمالات....بالاخص الاحتمال الشرطي ...قالوا بلي صعيب ؟
نصحائح تقديمونها

.
..
شكرا ...وربي يوفقكم
Inspired soul
2020-01-17, 21:55
شوفي امنة ما تسمعيش وش يهدرو الناس يقولو صعيبة و معقدة كون نسمعو هدرتهم كلشي صعيب

المناعة سهلة و مافاها والو كي تفهماها و الله مافاها والو
من جهة تمارينها فيهم افكااار و قد يبانو صعاب بصح هم ساهلين لانهم متمحورين حول المفاهيم الاساسية لي قريناها في درس

الاحتمالات و الله اسهل و احلى وحدة افضل من متتاليات و دوال
و الاحتمالات الشرطية ماكان والو مجرد قوانين تعرفيهم و سايي مش حاجة

نصيحتي في الادب راجعيه من ملخص و خصوصا الاسئلة لي تتعاود هديك و تقدري تبعي من يوتيوب كاين اساتدة الله يبارك
*آمنة*
2020-01-18, 05:02
شوفي امنة ما تسمعيش وش يهدرو الناس يقولو صعيبة و معقدة كون نسمعو هدرتهم كلشي صعيب

المناعة سهلة و مافاها والو كي تفهماها و الله مافاها والو
من جهة تمارينها فيهم افكااار و قد يبانو صعاب بصح هم ساهلين لانهم متمحورين حول المفاهيم الاساسية لي قريناها في درس

الاحتمالات و الله اسهل و احلى وحدة افضل من متتاليات و دوال
و الاحتمالات الشرطية ماكان والو مجرد قوانين تعرفيهم و سايي مش حاجة

نصيحتي في الادب راجعيه من ملخص و خصوصا الاسئلة لي تتعاود هديك و تقدري تبعي من يوتيوب كاين اساتدة الله يبارك


ايه خوياا عندك الحق
شكرا جزيلا على الاجابة ...فقط نحوس نعرف وشمن استذ يوتيوب تبع
أمل أميرة
2020-01-18, 14:50
سلام عليكم
عندي ليكم اسئلة ..وارجوا ان تجيبوا عليها
في هذا الوقت كيفاه عشتوا هذوا الايامات ؟؟ كل مشتقات الخوف هه مهما تقري تحسي روحك رايح يفوتك الحال لكن هذي النقطة بالذات ماتخليهاش توسوسلك لازم تركزيلي علاها لانو الناس كامل يعيشو هذا الشعور علا خاطر بدا يقرب الباك الوغ حاجة عادية ماتخليهاش تاثر عليك
لحد ساعة غعندي مشكلة مع المناقشة ...واش ندير ؟؟؟ مازال الحال مع كثرة التمارين والتدرب تفهماها مليح زيدي شوفي قناة بنك الرياضيات
في رايك هذاا الوقت وين لازم نكون واصلة في الوحدات نتاع لمواد الاساسية ؟؟ مايهمش وين واصلة المهم تكوني فاهمة الحاجة لي وصلتيلها ولي بقا مازال الوقت الناس طلعو فيه صواريخ
وقتاه لازم نكمل البرنامج ونعود غير نراجع ؟؟ ربما الشهر الاخير اي ماي تخليه للمراجعة فقط ..وكل واحد كيفاه
المناعة صعبة ام سهلة وخاصة تمارينها؟؟؟ كي تكوني فاهمتها والله كلش ساهل قتلك ونعاودلك كلش على التمرن
لازم عليا باش نحل تمارين قزوري ؟؟ مش لازم كاين لي ماحلوش منو وتحصلو على علامات ممتازة لكن تقدري تنتقي منهم تمارين وتحليهم لا باس
الفرونسي والانجلي لحد. ساعة مبديتش .."" معظم التلاميذ يخليوهم للخر ننصحك ابدي من الان في الفهم والتدرب على الباكالوريات
وشنهي سر العلامة الجيدة في الادب ؟ بالنسبة ليا اعتمدت على ملخص العيدي والباكالوريات فقط اظن تحصلت على 17
عندي خوف شديد من الاحتمالات....بالاخص الاحتمال الشرطي ...قالوا بلي صعيب ؟ ماتسمعيششش لهدرة الناس يا ودي كون تسمعيلهم كلش يجيك صعيب لي مايفهمش حاجة يقول عليها صعيبة لكن بالتعود والتمرن كلش يسهال
نصحائح تقديمونها
امن بقدراتك
.
..
شكرا ...وربي يوفقكم
اجبتك حسب خبرتي المتواضعة مع البكالوريا اتمنى اني افدتك ولو قليلا
ربي يوفقك امونة ويحققلك واش تتمني :34::)
الإسكندر الأكبر
2020-01-19, 20:28
سلام عليكم
عندي ليكم اسئلة ..وارجوا ان تجيبوا عليها **مرحبا جئت لتادية المهمة :mh31:***
في هذا الوقت كيفاه عشتوا هذوا الايامات ؟؟
حسنا في هذا الوقت من العام الماضي كنت في حالة من النووي و الكهرباء نظرا اني كنت بلا استاذ نحارب وحدي :1: ** هذا ما اتذكر :mh31:
حسنا لن انكر كان ضغطا كبير بسبب غياب من يدرسك و اللي يفهمك بالضبط ما اللذي تدرسه :) / احيانا ضغط و احيانا تفاؤل ثم بعدها ضغط يعني باختصار كنت في حالة و الله في حالة

لحد ساعة عندي مشكلة مع المناقشة ...واش ندير ؟؟؟
عادي انت حلي دايما مسائل دوال و انتقي اللي فيهم مناقشة الى اخر السنة لازم في الاسبوع دائما عند 3 مسائل دوال حليهم و انتقي اللي فيهم المناقشة راح تتحسني ان شاء الله اعلم خاصة الدورانية:1:

في رايك هذاا الوقت وين لازم نكون واصلة في الوحدات نتاع لمواد الاساسية ؟؟
نظن تكوني دخلتي المتتاليات او ممكن في بداياتها / تكوني تحلي في تمارين الوحدات الاولى تاع البروتينات اضافة الى المناعة / الفيزياء تحلي في الوحدات الاولى الثلاثة تمارين / الرياضيات نقولوا تحلي في مسائل دوال مع انك دخلتي متتاليات حلي فيها ثاني و ني قتلك متهمليش الدوال الى غاية اخر السنة و انت تحلي فيهم . هكذا وصانا الاستاذ و فعلا لازم هكذا

وقتاه لازم نكمل البرنامج ونعود غير نراجع ؟؟
هاذا السؤال خاطئ المفروض حتى اخر دقيقة مزالت فرصة و مزال امل و دايما راح تكوني تتعلمي في عفايس جدد في التمارين متلقايهمش في الدرس حنا العام الماضي الهندسة في الفضاء دارتهالنا الاستاذة شفويا طبعتلنا مطبوعات مع انها كانت تزرب . و خربشات خفيفة على السبورة للشرح / التركيب لضوئي اتذكر لم نكمل الى التخمر و التحليل السكري / لذا ... كما قلت السؤال لا اعتقده صحيح :mh31:

المناعة صعبة ام سهلة وخاصة تمارينها؟؟؟
حسنا المناعة اطول وحدة و فاه تتخلط انو دروس الكتاب المدرسي في ترتيبها غالطة لذا تبان صعيبة . انا العام الماضي درستها بمفردي و شكرا للاستاذ مصطفى بدد شرحه خرااافي جزاه الله خيرا و الاستاذ ابو حفص جزاه الله خير يجيب على اسئلتنا . انصحك بمشاهدته كما انصحك بقناة clic bac راائعة ايضا في العلوم .

لازم عليا باش نحل تمارين قزوري ؟؟

انا شخصيا كان يجيني مستواها عالي * اذا قدرت خذي نظرة على المراجعات الاسبوعية اللي يحطها كل اسبوع محلولة الان هو في المراجعة رقم 8 اظن / اذا قدرت اقراي التمرين و الاسئلة اللي تشوفيها صعبة اقراي حلها / انا لا احلها كثيرا :1:لكن فيها افكار جديدة و مختلفة

الفرونسي والانجلي لحد. ساعة مبديتش ..""

حاولي تبدايها بش ميتشكلكش ضغط ممبعد مثلما حدص معي العام الماضي ذي ملخصات افهميها جيدا و حلي بكالوريات


وشنهي سر العلامة الجيدة في الادب ؟

اسئلي المختصين :1: نا للان لم افهمها ..

عندي خوف شديد من الاحتمالات....بالاخص الاحتمال الشرطي ...قالوا بلي صعيب ؟

الاحتمالات رااائعة انا ايضا في البداية عانيت منها لكن كما قلت لك سابثا الاستاذ عبعوب محمد له ملخص بالدارجة يعني قمة رااااائع



نصحائح تقديمونها

نصيحتي حلي اكبر عدد من التمارين لا تحلي الى ان تجيبيها صحيحة حلي حتى متقدريش جيبيها غالطة و هذا ما لم افعله انا العام الماضي للاسف / 2/ دائما و ابدا كوني قريبة من الله 3/ لا تشكي شيئا لغير الله يعني حرفيا و فعليا لن يستطيع احد فهم ما تشعرينه / لذا فلتكن شكواك الى اللذي يعلم حالك و بيده حلها و مفتاح فرجها /4/ ساعدي الاخرين .
.
..
شكرا ...وربي يوفقكم

شكرن عفون :1:
*آمنة*
2020-01-23, 10:51
شكرا شكراااااا جزيلاااا على الاجابة
.
.
.

.
في انتظااار البقية
نـــورسين
2020-01-23, 13:14
شكرا شكراااااا جزيلاااا على الاجابة
.
.
.

.
في انتظااار البقية

صراحة تجربتي كانت فاشلة خلاصتها اني كنت ادرس في فراغ كبير ومجهود يضيع هكذاك ووو ، لكن نقدر نمدلك نصائح واخطاء تجنبيها
jë suîs comçà
2020-01-23, 13:31
سلام عليكم
عندي ليكم اسئلة ..وارجوا ان تجيبوا عليها
في هذا الوقت كيفاه عشتوا هذوا الايامات ؟؟
kont bzzef 5ayfa mnjibsh lbac mnlh9sh ...ms nrml kolsh fat

لحد ساعة غعندي مشكلة مع المناقشة ...واش ندير ؟؟؟
7ali bzzzef tamarin w mt3aaysh mn tmrin 1 wassli brk

في رايك هذاا الوقت وين لازم نكون واصلة في الوحدات نتاع لمواد الاساسية ؟؟
nrml n'est pas obligé tkoniiii mt9adma f doross bl3kss lzeem tkoni fahma cha raki t9ray khir ma tet9admi w nty mkish fahma

وقتاه لازم نكمل البرنامج ونعود غير نراجع ؟؟
je pense mai tkmli w tb9a t7ali les bac


المناعة صعبة ام سهلة وخاصة تمارينها؟؟؟
afhmihaaaa brk twli sahla w mtt5afish mnha

لازم عليا باش نحل تمارين قزوري ؟؟
dsl wlh jsp 9azwi hada weshno

الفرونسي والانجلي لحد. ساعة مبديتش ..""
abdaaaaaay mt5lihomsh psq mo3amil 2 ynf3ouk

وشنهي سر العلامة الجيدة في الادب ؟
t7ali bzzzef mawadi3 mn 9bl w zid t3rfi kifeh t3bri

عندي خوف شديد من الاحتمالات....بالاخص الاحتمال الشرطي ...قالوا بلي صعيب ؟
mtsm3iiish li y9olk s3ib wla sahl...ysmouk ty t9raayh mthwssish 3lihoum ga3

نصحائح تقديمونها
a9raaw mli7 w at3bo psq nhar résulats tama win t7asso sa7 bli daya3to rwahtikoum ki konto mt9rawsh ;);)

bn crg


.
..
شكرا ...وربي يوفقكم
bn chance
bac 2020
yes u can do it