صحوتي

[karlita]

نعم صحوت و اتمنى من الجميع ان يصحو من غفلة الوقت
و الله راح الحال حاسة باني رح نخذل نفسي و نضيع حلمي لطالما تخيلت نفسي امام الحاسوب انتضر نتيجة تعبي لارى 16 او 15 و نروبلها بالفرحة يحي حاسة مش رح تصرى
لبقيت هاك رح تكون صحوتي بعد خروج نتيجة ب راسب و نشوف ماما تخبي في دمعة الخذلان باه مننضرش
شعور يقتل
لذلك قررت نصحو عبالي لي قاعدة نغش فروحي منيش نقرا تاع صح ليه ليه نكره كل 5 د نتسبب و نرمي كراريسي
رح نقتل روحي الامارة بالسوء رح ندفنها اليوم بربي
منيش حابة نعاود العام و القلق و التعب و الخذلان
خخ علجال استاذ الرياضة لي قالي صحباتك يطلعو و نتي اهبطي
علجال استاذة العلوم لي كنت نحبها و قالت لعائلتي بلي انا منيش نقرا صحباتي كامل خير مني
علجال استاذ الشريعة كي كان يتوقع لكل واحد وش يصبح مستقبلا وزعلهم مهناتهم خخ و انا فاتني شغل تي مكان والو توجع و الله سوفريت فليسي تاعي كان معدلي16 /17 وليت من 12 منهبطش يااربي منيش حابة نزيد نشوف ذا امعدل
علجال كل نظرة استحقار شفتها رح نحارب منرقدش منخرجش و ندي انا لولة فليسي صعيبة مي ذا وقت نبين شيماء وش تسوا
ربييكون فالعون و منضعفش و نمشي فالطريق الصح دعواتكم ربي ينصرني
استودعكم الله سيكون الرجوع قريبا بالنجاح و ان لم يكتب لي هذا العام تبقا وراه

[ايمانو الجزائرية 01]

تاثرت كثيرا بكلماتك القوية غاليتي

[mimi manoula]

مكاش حاجة مستحيلة اختي ديري هدف قدام عينيك اكتبي في ورقة المعدل لي راكي حابة تديه و علقي الورقة في خزانتك في مكتبك في اي مكان تكوني فيه راكي رايحة تتعبي لكن صدقيني قد تعبك تدي المعدل لي راكي حباتو انا جوزت الباك العام لي فات و مكنتش مع الاوائل لكني تعبت و قريت بكرت و سهرت و درت الحاجة لي تخرج عليا و متبعتش واش كانوا يديوا الناس و من الفترة الاخيرة بديت انا نكون الاولى و الباك جيت انا الاولى في الليسي و مكانوش متوقعينها لهذا اختي مزالك الوقت بزاف اعرفي غير كيفاش تنظميه و متزيريش على روحك ادي اوقات راحة و ديري الحوايج لي يفرحوك و بالتوفيق