تسجيل الدخول

مشاهدة النسخة كاملة : ما رايكم ؟؟

ايمانو الجزائرية 01
2019-12-17, 15:18
السلام عليكم و رحمة الله تعالى و بركاته


حبيت نعرض عليكم واحد المشكلة راني نعاني منها


انا منديرش لي كور و لكتابات لي نخدم بيهم اغلبهم من الانترنت الله غالب الميزانية ضعيفة كي تع لبلاد :1:
لي يقراو معايا صح دايرين احتكار المعرفة



اغللبهم بداو لي كور فالصيف و عند افضل الاساتذة فالمنطقة ( و اغلااااااااهم ثمنا طبعا :1: )و عندهم افضل الكتب في السوق و اخر الاصدارات ووووووو


و حالين دنننننننننيا تمارين و كامل البكالوريات لي فاتو فلي كور و متقدمين فالدروس حتى انهم دارو الدوال الاصلية و التكامل و لا معمباليش و قالو واعرين ووووو

و فالقسم ميخلوش الاستاذة تشرح و يبداو يسمطو فالدرس و يقاطعوا وووو وش نحكيلكم و كل ما كاين سؤال ولا تمرين هوما يجاوبوا و يقولوا مصطلحات و طرق جامي سمعت بيهم و يعقدوا علينا الحل لدرجة كبيييييييرة و يخلطوا وووو واذا الاستاذة اقترحت تمرين يقولولها ساهل ما و يبداو وتيريو فالاجوبة ووووو



الا هوما فاهمين علاش يجو ؟؟ علاش يجو و ميخلوناش نقراو حنا و يسمطولنا الدرس



و الهايلة واحد الاستاذة هدرتلنا على دروس الدعم بداو و حنا عندنا لي كور م عدنا منديرو بالدعم دبالكم وووو


صدقوني عدت ملي نروح و انا ساكتة نسمع برك ماشي فاهمة وش يقولوا و ماشي قادرة ناقش في حاجة ماشي متاكدة منها ولا منعرفهاش

و نحس المستوى ديالهم طالع بزاااااااااااااااااااف و انا نحس روحي حااااااااااااااابسة :mad::mad::mad: و تاثرت بزاف عدت كي نجي نحل تمرين ولا نبكي و المورال هااااااااااااااااااابط

حاسة روحي متاخرة بزاف و غبية و ماشي قادرة نجاريهم



ما الحل ؟؟
أمل أميرة
2019-12-17, 15:46
ديري في بالك مليح بلي المظاهر خدااااااااااااااااعة ومهما يبانولكم يفهمو وقارين وكلش فاللخر تقدري انت لي تشوفي فيهم فايتينك تقدري تجيبي خير منهم واصلا اساتذة الدروس الخصوصية تمارينهم كامل مالانترنيت واذا مافهمتيش حاجة كاين اليوتيوب ساهلة ماهلة بلا ماتعقديها على روحك وتقدري فالعطلة هذي تنظمي روحك وتحسني من مستواك وتعالجي كل النقائص
فالعلوم كاين سلاسل الاستاذ بالوريش وسلاسل عبد الحميد تلقيها في صندوق الوصف تحت الفيديوهات وسلاسلهم رائعة وملمة بكل الافكار خاصة سلاسل بوالريش يعني كافية ووافية واذا مافهمتيش اي حاجة تلقايها في قناة عبد الحميد روعة يفهم عاللخر
فالفيزياء كاين سلاسل الاستاذ شريفي وسلاسل قزوري وكاين كتاب المغني تحبي نمدلك الرابط تاعو وفي اليوتيوب كاين الاستاذ شريفي وكاين صيد مختار وكاين مولاي عمرو وكامل شرحهم مبسط ورائع
والرياضيات كاين سلاسل مصطفاي والباكالوريات تاع الشعب كامل وسلاسل عبد الجليل
الفرنسية كاين قناة la tube والفرنسية لمن يرغب و قناة la lanqgeu francaiseعلى كل الفرنسية مافيهاش بزاف افكار طلة خفيفة تفهمي كلش
الانجليزية كاين قناة انجلي مع بيلو وقناة lamjed elhamel تفهمي كلش
الشريعة الاستاذة بوسعادي وصهيب سعودي رااائع
والفلسة اوسي صهيب سعدي وميلودي....كاين بزاف
الاجتماعيات كاين قنشوبة و bac whith marwa ... ومحمودي عادل مش غالي ب 15 الف
وكشما خصك رانا كامل خاوة
وان شاء الله تجيبي الباك باعلى العلامات
محتاجة دعوة خير برك :)
القط اللطيف
2019-12-17, 16:07
هناك الكثير من الاساتذة فاليتوب يشرحو مليح
اما بخصوص لي راه فاهم اخت نقولك اياك تم اياك تقارني روحك باي شخص لانه لا يعطيك نتيجة الا الفشل والاستسلام البكالوريات 2008-2019 راهي لوحدها حصيلة من المعلومات اي حاجة متعرفيهاش اكتبيها فالنت توجديها +العزيمة و التركيز ولا تنسي الدعاء والعبادة (اخت مرة اخرى لا تقارني نفسك باحد والله ينجحك ونزديك حاجة كاين لي يروح ليكور وميقراش قضية راهي فالاجتهاد وكل شي كاين فالنت ..) اما فالقسم اذا كان متقدريش تقراي وتسالي اكتبي اسئلة فورقة وروحي للاستاذة تفهمك ومستحيل راح ترفض .
ايمانو الجزائرية 01
2019-12-17, 16:41
شكككككككككككككككككرا لكما الله يعطيكم ما تتمناو على الاقل فهمت انو ماشيي انا لي حابسة :1:


+


اخي القط اللطيف صدقني فعلتها و سالت الاستاذة و طلبت عونها و رفضت للاسف الشدييييييييييييد و كل الاساتذة دايرين في بالهم التلاميذ كامل يديرو لي كور و ماشي سامعين بينا كامل للاسف و كي نقوللهم يقولولي سيي و هذيك هيا


استخفاف كبير جدااااااا
اسماء تيارت
2019-12-17, 17:00
أنا هاذو الناس نسكتهم* الله* غالب الشيخ يشرح وهوما* صاي فاهمين* *نقولهالهم في الوجه* راكم فاهمين خلونا نفهموا
ايمانو الجزائرية 01
2019-12-17, 17:20
نصطعرف بيك ختي هذاك ما يليق


انا منقدرش للاسف صوتي ميبانش كامل :1: و مام خطرة وحدة دارتها بداو يقولولها ديري ليكور كي قالتلهم خلصوهملي ناض لعياط و الدواس و الاستاذة لامتها هي و قالتلها درتيلنا مشكل و سكتتها
*آمنة*
2019-12-17, 17:51
ادا سحقيتي حاجة رايحة نعاونك بواش نقدر


راني هتا
Hou Da Lar
2019-12-17, 17:52
نورمال نتي مكبرة الموضوع و عاطياته فوق حجمه
الغلطة غلطة الاستاذ حتى لو كانو قاع تلاميذ دايرين لي كور تفهمهكم درس و بلا مزيتها راها تخلص على خدمتها و خصكم تشتكو متقعدوش ساكتين بسيف عليها تفهمكم بغيتو تقرو لي كور ولا لا خدمتها ديرها بلا مزيتها
و كي مراكيش تفهمي عند استاذة راه كاين بديل على لي كور و هوما اساتذة تاع يوتييب كيما استاذ شريفي و استاذ نور الدين و بزاااف اساتذة و في جميع المواد عاد تبانلي تفهمي من عندهم احسن من انك تقري لي كور درس ادا مفهمتيش تعاودي فيديو كيما تبغي و تكوني تقري وحدك و بهدوء عكس لي كور مشي قاع اساتذة يبغو يعاودو و فوقها 100 تلميذ ولا اكثر
راه كاين سلاسل ملاح كيما بوريش في العلوم و مصطفاي في مات ووووو
و كو تحطي راسك و تبعي من يوتييب و تحلي تمارين تجيبي خيرمنهم و تولي تقري خيرمنهم
صدقيني باك راه ساهل مشي واعر كيما حاسبينه يكفي انك تحطي راسك و تقري قرايتك تدي مليح مراحش يجيبولكم مواضيع من مريخ ولا
بالتوفييييق و حطي راسك و قري متبرريش الكسل تاعك بمبرر كيما تاع لي كور ووو
ربي يوفقك
ايمانو الجزائرية 01
2019-12-17, 18:23
شكرا لكم جميييييييييييييييييعا بارك الله فيكم ربي يحققلكم كااااااااااااااااااااااامل امنياتكم


كانت فضفضة قلب



ليوم كنت رح نبكي تع الصح فالقسم



حسيت روحي متاخرة بزااااااااااااااف بعداك كي هوما دارو التكامل اللي ولا هو اللخر و حنا هذا وين كملنا المتتاليات



شككككككككككككككككككككككككرا لكم
اسماء تيارت
2019-12-17, 19:36
نصطعرف بيك ختي هذاك ما يليق


انا منقدرش للاسف صوتي ميبانش كامل :1: و مام خطرة وحدة دارتها بداو يقولولها ديري ليكور كي قالتلهم خلصوهملي ناض لعياط و الدواس و الاستاذة لامتها هي و قالتلها درتيلنا مشكل و سكتتها
لأنو صراحة ميحسوش بالاخرين وأنا مالغري ندير ليكور في المات نلعبها مانيش قاع فاهمة نفهم كيما يفهمو
اسماء تيارت
2019-12-17, 19:40
شكرا لكم جميييييييييييييييييعا بارك الله فيكم ربي يحققلكم كااااااااااااااااااااااامل امنياتكم


كانت فضفضة قلب



ليوم كنت رح نبكي تع الصح فالقسم



حسيت روحي متاخرة بزااااااااااااااف بعداك كي هوما دارو التكامل اللي ولا هو اللخر و حنا هذا وين كملنا المتتاليات



شككككككككككككككككككككككككرا لكم
مزال الحال رح تعوضيها إن شاء الله
في العطلة إن شاء الله انا اليوم تبهدلت تاع الصح من عند المدير علر جال المعدل وخاصة تاع العربية والفلسفة و مالغري ذيك النشعة صباح ربي بصح زادت فيا الإصرار باه منستسلمش