الطريق لكلية الطب ها قد استلمنا المشعل 😇❤

[عاشقة الكواكب]

5 مقالات مقترحة اسماء ^^
بصح علل اقل احفظي 10

[*آمنة*]

والله ما فهمت وقتي وين راه يروح ..عندي مشكلة نضيع بزااف لوقت
مع انو والله ماني ندير في حاجة نقصد اعمال منزلية وووو...الله هديني
ليوم زعما راتي قريت احماض مزالي شوية ونكملها نتاع درجة نقاوة وبرتوكولات ..وكملت مصطلحات ودة 2تاريخ و شوية مصطلخات
جغرافيا وحدة 2

[

[karlita]

والله ما فهمت وقتي وين راه يروح ..عندي مشكلة نضيع بزااف لوقت
مع انو والله ماني ندير في حاجة نقصد اعمال منزلية وووو...الله هديني
ليوم زعما راتي قريت احماض مزالي شوية ونكملها نتاع درجة نقاوة وبرتوكولات ..وكملت مصطلحات ودة 2تاريخ و شوية مصطلخات
جغرافيا وحدة 2

[


مام انا نهار كامل قاعدة نقرا مي دون تركيز سيرتو مع كل دقيقة نروح نطل على دار وش راهمم يديرو :confused::confused::confused:


احسن وقت انتاجي فليل او صباح بكري

[أمل أميرة]

سلاااموووو
حبيت نسقسيكم دوك حنا الاحرار بعثونا لمراكز بعيدة علينا بزاف ورانا نخمو كيفاه رايحين نديروا يزيد يجيك بقرار يقلك يلزم تلحق لمركز الامتحان ساعة قبل الوقت وكاين حتى لي نعرقهم شخصيا بعثوهم بعاد 100 كلم كيفاه رايحين يديرو نباتو قدام المركز ولا وش
ياربيييي لي يمد هذي القرارات واش من عقل يخمم بيه راهو حرام عليهم يديو الدعاوات هذي كامل راهوووو حراااام حنا قدامنا زوج ليسيات فارغين وباعثينا لواحد يبعد 60 كلم كيفاه راح نديرووو
حسبنا الله ونعم الوكيل في كل واحد كان السبب حسبنا الله ونعم الوكيل حسبنا الله ونعم الوكيل

[فتاة مغامرة]

سلاااموووو
حبيت نسقسيكم دوك حنا الاحرار بعثونا لمراكز بعيدة علينا بزاف ورانا نخمو كيفاه رايحين نديروا يزيد يجيك بقرار يقلك يلزم تلحق لمركز الامتحان ساعة قبل الوقت وكاين حتى لي نعرقهم شخصيا بعثوهم بعاد 100 كلم كيفاه رايحين يديرو نباتو قدام المركز ولا وش
ياربيييي لي يمد هذي القرارات واش من عقل يخمم بيه راهو حرام عليهم يديو الدعاوات هذي كامل راهوووو حراااام حنا قدامنا زوج ليسيات فارغين وباعثينا لواحد يبعد 60 كلم كيفاه راح نديرووو
حسبنا الله ونعم الوكيل في كل واحد كان السبب حسبنا الله ونعم الوكيل حسبنا الله ونعم الوكيل

ربي معاكم اميرة وان شاء الله تفوتوها على خير

[ايوب122]

عمرهم ماقيمو الانسان في هذي البلاد

متستناي منهم والو

ايا صحا وين نتغداو ؟

وين نبقاو في الفترة بين المادة تااع الصباح والمادة تاع العشية

[karlita]

عمرهم ماقيمو الانسان في هذي البلاد

متستناي منهم والو

ايا صحا وين نتغداو ؟

وين نبقاو في الفترة بين المادة تااع الصباح والمادة تاع العشية


و الله gراف
المطاعم متقدرش تقعد ممنوع
المكتبات مسكرين
في عام لي عقبت فيه اختي ليبر في مسيلة لقات هيا و صحبتها مكتبة هادئة تغداو و راحو قعدو فيها للاسف ذرك تبقاو في الشارع وقيل مع التعب تاع واحد نايض على 4 باه يلحق و طريق

ربي يعينك

[أمل أميرة]

عمرهم ماقيمو الانسان في هذي البلاد

متستناي منهم والو

ايا صحا وين نتغداو ؟

وين نبقاو في الفترة بين المادة تااع الصباح والمادة تاع العشية

بما انو عندي تجربة من قبل فالفترة بين المواد نروحوا نتغداو في اي مكان ونرجعو نقعدو نتحرقو في هذيك الشمس قدام الليسي حتى يجي الوقت ماتقدرش مومبا تفتح كايي ولا تراجع فالشمس الحارقة وزيد ياخاه العام لي فات كنا نبقاو واقفين علاجال كون تقعد في مكان واحد يطلع فيك النمل :1:
العام لي فات تعاركت معاهم درت حالة تحرقت مالشمس بمعنى الكلمة حتى دخلونا لوحد القاعة ومبعد قالولنا ممنوع شوفولكم بلاصة تقعدو فيها
واش نقول حسبيا الله ونعم الوكيل برك

[اسماء تيارت]

5 مقالات مقترحة اسماء ^^
بصح علل اقل احفظي 10

معليش تذكريهم 5 المقترحة.
لحد الان معرفتش اذا نحفظ ولا نراجع كامل الدروس.

[أمل أميرة]

معليش تذكريهم 5 المقترحة.
لحد الان معرفتش اذا نحفظ ولا نراجع كامل الدروس.

اسماء راهي حطتهم امنة في هذا الموضوع
https://www.djelfa.info/vb/showthread.php?t=2252384&highlight=%C7%E3%E4%C9

[عاشقة الكواكب]

معليش تذكريهم 5 المقترحة.
لحد الان معرفتش اذا نحفظ ولا نراجع كامل الدروس.

من احسن افهمي و احفظي اقوال

[نـــورسين]

السلام عليكم ، الي فاهم الجيولوجيا واش هو رمز البيرودوتيت :confused::confused:

[أمل أميرة]

السلام عليكم ، الي فاهم الجيولوجيا واش هو رمز البيرودوتيت :confused::confused:

رمز البيروديت sima

[نـــورسين]

رمز البيروديت sima

لقيت استاذ داير sima واستاذ اخر sial

[أمل أميرة]

لقيت استاذ داير sima واستاذ اخر sial

انا قريتها هكا الغرانيت هو لي sial
اما البازلت والبيروديت sima
(درستها من عند الاستاذ شاوش )

[أمل أميرة]

لقيت استاذ داير sima واستاذ اخر sial

شوفي الغرانيت غني بالالومينيوم والسيليس لذلك رمزه sial جاية من سيليس والومنيوم
والبازلت والبيروديت غنيين السيليس والمغنزيوم لذلك رمزهما sima
وزيدي شوفي فالكتاب المدرسي تلقاي اهم المعادن تاع كل صخر درك تفهميها وتتاكدي

[نـــورسين]

شوفي الغرانيت غني بالالومينيوم والسيليس لذلك رمزه sial جاية من سيليس والومنيوم
والبازلت والبيروديت غنيين السيليس والمغنزيوم لذلك رمزهما sima
وزيدي شوفي فالكتاب المدرسي تلقاي اهم المعادن تاع كل صخر درك تفهميها وتتاكدي

ايه شفتهم
لكن ثاني في تجربة brich ياك لقينا النواة تتكون من الحديد والنيكل والبرنس من سيليكات الالومين والاستاذ شاوش كتب هكا sial وفي الفيديو اللي بعدو sima

[أمل أميرة]

ايه شفتهم
لكن ثاني في تجربة brich ياك لقينا النواة تتكون من الحديد والنيكل والبرنس من سيليكات الالومين والاستاذ شاوش كتب هكا sial وفي الفيديو اللي بعدو sima

راهو كان ينطقها سيما مبعد قال سيال وفليكومونتار قال بلي حدث خطا فالكتابة لكن الهدرة تاعو قال سيما

[نـــورسين]

راهو كان ينطقها سيما مبعد قال سيال وفليكومونتار قال بلي حدث خطا فالكتابة لكن الهدرة تاعو قال سيما

شوفي حل تممرين 1 وحدة 1 دقيقة 12

[أمل أميرة]

سؤال من فظلكم :sdf:
في عصر النهضة حنا العلميين فالمدارس نقراو العصبة الاندلسية ولا لا انا نعرف غير الرابطة القلمية اول مرة نسمع بالعثبة الاندلسية عند الاستاذ حيقون
قريتوها فالقسم ولا لا :confused:

[أمل أميرة]

اااه صايي فهمت راهو قال بلي حنا العلميين نقراو غير الرابطة القلمية هه

[أمل أميرة]

شكون لي مراجع الادب
انا نراجع من قبل من ملخص الاستاذ لعيدي وصلت في مظاهر التجديد في الشعر العربي المعاصر كاتبلنا
على مستوى المظمون
توظيف الرمز
اعتماد الوحدة الموضوعية
على مستوى الشكل
بساطة القاموس اللغوي
واعتماد نظام التفعيلة وتنوع القافية
لكن عند مراجعتي من فيديوهات الاستاذ حيقونذكر لنا انه عند السؤال عن مظاهر التجديد نذكر النزعات لي هوما النزعة الانسانية ,التاملية ,الذاتية والتشاؤمية بالاظافة الى ذكر وصف الحزن والحيرة على الاوطان واستعمال الاسلوب الوصفي
ماهي الجابة النموذجية :confused::(

[*آمنة*]

سؤال من فظلكم :sdf:
في عصر النهضة حنا العلميين فالمدارس نقراو العصبة الاندلسية ولا لا انا نعرف غير الرابطة القلمية اول مرة نسمع بالعثبة الاندلسية عند الاستاذ حيقون
قريتوها فالقسم ولا لا :confused:

ادب المهجر فيه زوج الرابطة القلمية والعصبة الاندلوسية
الرابطة القلمية هي لي خرجوا فيها مميزات جدد مثلا الدعوة للتجديد والرمزز ووووو

اما العصبة الاندلسية مكانتش تدعي للتجيدي بل العكس تدعوا الى التقليد ..وهي يقراوها الادبين
حنا نقراو رابطة قلمية فقط

[*آمنة*]

شكون لي مراجع الادب
انا نراجع من قبل من ملخص الاستاذ لعيدي وصلت في مظاهر التجديد في الشعر العربي المعاصر كاتبلنا
على مستوى المظمون
توظيف الرمز
اعتماد الوحدة الموضوعية
على مستوى الشكل
بساطة القاموس اللغوي
واعتماد نظام التفعيلة وتنوع القافية
لكن عند مراجعتي من فيديوهات الاستاذ حيقونذكر لنا انه عند السؤال عن مظاهر التجديد نذكر النزعات لي هوما النزعة الانسانية ,التاملية ,الذاتية والتشاؤمية بالاظافة الى ذكر وصف الحزن والحيرة على الاوطان واستعمال الاسلوب الوصفي
ماهي الجابة النموذجية :confused::(

مظاهر التجديد كاين على مستوى المضمون وعلى مستوى الشكل
المضمون
نقلوا مثلا النزعات الرمز
على مستوى الشكل نقلوا
تنوع القافية ...نظام التفعيل الشكل العمودي ووو
والله اعلم

[أمل أميرة]

مظاهر التجديد كاين على مستوى المضمون وعلى مستوى الشكل
المضمون
نقلوا مثلا النزعات الرمز
على مستوى الشكل نقلوا
تنوع القافية ...نظام التفعيل الشكل العمودي ووو
والله اعلم

بارك الله فيك امنة

[اسماء تيارت]

رمز البيروديت sima

علاه لازم نعرفوا رموزهم ؟ ؟🤔

[اسماء تيارت]

من احسن افهمي و احفظي اقوال

راني نحاول إن شاء الله. ,🤗😇 صحيتي.

[اسماء تيارت]

اسماء راهي حطتهم امنة في هذا الموضوع
https://www.djelfa.info/vb/showthread.php?t=2252384&highlight=%c7%e3%e4%c9

شكرا أمورة 😘🤗🤗

[اسماء تيارت]

جماعة كاين ملخص لمجاميع المتتاليات ؟ ؟🤔

[ايوب122]

اذا لقيتي اعلميني

[أمل أميرة]

اسماء قصدك ملخص pdf
انا تفرجت في قناة بنك الرياضيات داير المجاميع كامل ولخصتهم وحدي

[Inspired soul]

تفضلو ملخص مجاميع و جداءات رائع

https://drive.google.com/file/d/10-lcQCgZmTArlnteRtLXIMdOn3VQ-Bt9/view?usp=sharing

[اسماء تيارت]

اسماء قصدك ملخص pdf
انا تفرجت في قناة بنك الرياضيات داير المجاميع كامل ولخصتهم وحدي

وي لازم نفريها معاهم.

[اسماء تيارت]

تفضلو ملخص مجاميع و جداءات رائع

https://drive.google.com/file/d/10-lcqcgzmtarlntertlximdon3vq-bt9/view?usp=sharing

يعطيك الصحة هل هي خاصة ايضا بشعبة العلوم ؟ ؟ لانو مكتوب خاص ب شعبة رياضيات.

[Inspired soul]

يعطيك الصحة هل هي خاصة ايضا بشعبة العلوم ؟ ؟ لانو مكتوب خاص ب شعبة رياضيات.

ايه , الحالات الخاصة بشعبة رياضيات محطوطين وحدهم مع الاخير

[أمل أميرة]

“Do not overestimate the competition and underestimate yourself. You are better than you think.”

[أمل أميرة]

لي قرا من عن الاستاذ شاوش لازم نراجع الدروس كامل والله المشابك ماقدرتش نكمل 24 فيديو وكي نراجع نلقا روحي متفكرة الحمد لله وشرايكم نراجع الحصيلة لي يديرها وفرات مازالتلي غير المشابك عييت معاها

[أمل أميرة]

ظاهرة الميز هي حسب تدرج التركيز معناها مالاعلى تركيز الى الاقل تركيز
والنقل الفعال عكس تدرج التركيز معناها مالاقل تركيز الى الاعلى تركيز
ياك راني صحيحة

[*آمنة*]

ظاهرة الميز هي حسب تدرج التركيز معناها مالاعلى تركيز الى الاقل تركيز
والنقل الفعال عكس تدرج التركيز معناها مالاقل تركيز الى الاعلى تركيز
ياك راني صحيحة

نولامالمو هكذا
تفكريها كي تكوني تدلعي في دروج
كي تكوني هابطة رايحة يجيك شيي ساهل
بصح كي تكوني طالعة لازم تعود عندك قوة باه تطلعي كي شقل لازم يعود عندك قوة فعالة هذيك هي نقل فعال :1:
وقيل خلطتها

[عاشقة الكواكب]

ظاهرة الميز هي حسب تدرج التركيز معناها مالاعلى تركيز الى الاقل تركيز
والنقل الفعال عكس تدرج التركيز معناها مالاقل تركيز الى الاعلى تركيز
ياك راني صحيحة

نعم اميرة صحيحة
هل اكملتي جيولوجيا و لا مزال
لانوا حابة نحل تمارين مقترحة مع بعض
لانوا عندي مدة من كملتها

[karlita]

نعم اميرة صحيحة
هل اكملتي جيولوجيا و لا مزال
لانوا حابة نحل تمارين مقترحة مع بعض
لانوا عندي مدة من كملتها

مام انا كملتها و محليتش تمارين غي زوج ول

تحبي اليوم بعد العصر نحلو كيف كيف و نتناقشو الافكار
ذرك راني مع الفيزياء

[karlita]

][hالقدر اعطانا فرصة 30 يوم

[/h]فرصة لتدارك الوضع و النقائص و تحقيق الحلم 💪❤️

[اسماء تيارت]

جماعة راه عندي مشكل مع الرقاد. مبغاش يتعدل.
نرقد 1 و نوض 11 😣.

[نـــورسين]

جماعة اقتراح غريب
لعام لي فات كي فوتت الباك الطوابل ماشي ملاح ومحفرين وممنوع نجيبو حاجة اخرى نحطو فوقها
وكي نكتب فوق الطابلة ديراكت خطي يفسد وممكن حتى تتقطع الورقة
وليت نطبق في الموضوع الي ماخيرتوش والاستدعاء ونكتب فوقهم

[فتاة مغامرة]

جماعة اللي قراو جيولوجيا عند الاستاذ شاوش
هل دروسه كافية للمراجعة النهائية

[فتاة مغامرة]

جماعة راه عندي مشكل مع الرقاد. مبغاش يتعدل.
نرقد 1 و نوض 11 😣.

حتى انا كيفك نرقد على 1 ونوض على 7
مي البارح رقدت على 12 نضت على 9 :1:

[نـــورسين]

كان عندي ملف فيه اسئلة باك اسلامية من 2008 الى 2019 فقط الدروس الي داخلين في الباك من المقاصد الى الربا
الي يعرفو يحطو

[أمل أميرة]

نعم اميرة صحيحة
هل اكملتي جيولوجيا و لا مزال
لانوا حابة نحل تمارين مقترحة مع بعض
لانوا عندي مدة من كملتها
نعم اكملتها مازالتلي غي مشابك كملت الدرس الاول والثاني مازالي 3 دروس قلت اليوم ان شاء الله نفريها ونبدا في مواضيع شاملة تاع اختبارات الفترة الثانية ما رايك نحلو مواضيع احسن ولا تمارين منفصلة
حقا قلت فالجيولولجيا بما انها اول تجربة ليا لازم نبدا بتمارين سهلة جدا هذوك التمارين تاع 5 نقط كيما تاع باكالوريا العام الماضي ومبعد نبدا فالصعب
اقترحي اقتراح ونبداو غدا ان شاء الله وتحبي نحلو موضوع خاص بمواضيع العلوم فقط ومناقشتها
مارأيك ;)
مام انا كملتها و محليتش تمارين غي زوج ول

تحبي اليوم بعد العصر نحلو كيف كيف و نتناقشو الافكار
ذرك راني مع الفيزياء
وش راكي تحلي فالفيزياء ولا تراجعي
تمارين العلوم مين راكي تجيبي فيهم
جماعة اقتراح غريب
لعام لي فات كي فوتت الباك الطوابل ماشي ملاح ومحفرين وممنوع نجيبو حاجة اخرى نحطو فوقها
وكي نكتب فوق الطابلة ديراكت خطي يفسد وممكن حتى تتقطع الورقة
وليت نطبق في الموضوع الي ماخيرتوش والاستدعاء ونكتب فوقهم

يااا والله تصدقي كنت ندير نفس الشيء طوال الاعوام لي جوزت فيهم الباك فكرة رائعة :19:

[أمل أميرة]

كان عندي ملف فيه اسئلة باك اسلامية من 2008 الى 2019 فقط الدروس الي داخلين في الباك من المقاصد الى الربا
الي يعرفو يحطو

انا عندي ملخص الاستاذ جمال مرسلي فيه كيما قلتي تحبي نرفعهولك اذا هو لي تحوسي عليه

[ايوب122]

انا راني السع نقرا في الجيولوجيا ..
.

[عاشقة الكواكب]

نعم امييرة ^^ نخليك تحلي نتي ساهلين لانك مش مالفة
بعدها نحلوا انا وياك تع احمد بوالريش لانوا تع باك صح ومن اختبار لاحظت وحد ملاحظة ملازمش موقع فيها ف باك وهي تمرين على وااه يهدر بضبط لانوا يبانلك كلشي متشابه مثلا هو في نصوا تعتقدي يهدر على موجات زلزالية spوهي وثيقة تحكي على lvz و طبقات ارضية ونوع صخور و تاني خط تسوية
يعني ومخططات ونصوص علمية

[فتاة مغامرة]

الاستاذ شاوش مدارش الجيولوجيا كامل
محطش خصائص طبقات الارض ودراستها عن طريق الموجات الزلزالية او عن طريق المنحنى الحراري
يبدو انني ساعتمد على نفسي في دراستها للاسف
انا محتاجة الوحدة الثانية مكانش استاذ دارها

[عاشقة الكواكب]

صرلحة هذا الشهر قلت نرقد بيسك مالفة نوض على 3
اما هذا شهر نرقد نصلي لعشاء نزيد شويه ونرقد نوض على 7,6 و ندير كشما حاجة على 9 نقرا او 8

[عاشقة الكواكب]

ختي مغامرة حنا في قسمنا كملنا جيولوجيا كامل كنت صورت كراسي مقبل دوك نحوسلك عليه مي شويه خط هارب ههههه ^^ تعرفي مع املاء وسرعة تعودي تكتبي كجاجة

[عاشقة الكواكب]

هاهي زينب تقرا طب حطتهم مقبل كي كراسي كي كراس اكرام

هنا
(https://www-msila-info.ahlamontada.com/t2758-topic)تاني كتاب طلحي جيولوجيا كاين دروس حطوا استاذ عقريب كمال

[فتاة مغامرة]

ختي مغامرة حنا في قسمنا كملنا جيولوجيا كامل كنت صورت كراسي مقبل دوك نحوسلك عليه مي شويه خط هارب ههههه ^^ تعرفي مع املاء وسرعة تعودي تكتبي كجاجة

مدابيك ختي صوريه الله يحفضك
حسيت روحي نسيت كلش راني ننسى بزاف حاجة حفظتها البارح ننساها اليوم تعبت

[عاشقة الكواكب]

مدابيك ختي صوريه الله يحفضك
حسيت روحي نسيت كلش راني ننسى بزاف حاجة حفظتها البارح ننساها اليوم تعبت



هاني حطيتولك ^^ لانوا مصوراتوا مقبل
متخافيش شيىء طبيعي لانك مقلقة اثبتي روحك
كلشي تتفكريه ^^

[عاشقة الكواكب]

يا الله دوكا راني مع مقالات فلسفة ربي يقدرني
+
خايفة من رياضيات يا ودي نكرها كره مع اني كملتها غي نحل تمارين تقلق ><

[عاشقة الكواكب]

اخوتي طالبة زينب نسيت مقتلكمش راها دير في بث باش تجاوب على لسئلتكم كتابيا في لايف هي معقبا بكالوريتين اولى جابتها 16 و ثاني 18
لذا كاين لايف على 11 اذا غدرتوا سقسوها

https://m.youtube.com/watch?v=uPfYfkQt3w8

[اسماء تيارت]

حاليا مع حل تمارين متتاليات باكالوريا تسيير واقتصاد نكملهم و ننتقل لبكالوريات علوم تجريبية.
بالنسبة للعلوم الجيولوجيا شك كبير طيح الوحدة الأولى.

[عاشقة الكواكب]

هاكم كتاب بورنان الثالث
https://drive.google.com/file/d/1WmUc5JPVmBnsfZdBZZhxnSonqKqk-3WY/view

[أمل أميرة]

الاستاذ شاوش مدارش الجيولوجيا كامل
محطش خصائص طبقات الارض ودراستها عن طريق الموجات الزلزالية او عن طريق المنحنى الحراري
يبدو انني ساعتمد على نفسي في دراستها للاسف
انا محتاجة الوحدة الثانية مكانش استاذ دارها





لا ختي راهو دايرها روحي لبلاي ليست درك تلقايه منظم كلش راني قريتها من عندو

[أمل أميرة]

هاكم كتاب بورنان الثالث
https://drive.google.com/file/d/1WmUc5JPVmBnsfZdBZZhxnSonqKqk-3WY/view

بارك الله فيك

[karlita]

انا راني السع نقرا في الجيولوجيا ..
.



نصيحة ايوب اقرا من مذكرات كاين استاذ حاط مذكراتو روعة حنا استاذة لكلاسة كانت تقرينا منها و فيها كلشش
و شاوش مداير كلش شارحو لي فالمذكرات
ادخل ليه للفيس اسمو عدة بن عطية صلاح الدين فلباج تاعو راه حاطهم ول راسلو قلو يعطيك مذكرات تاع جيولوجيت تاعو


+عندك مقالات تاع شيخاوي ول نو
بسك راح نجيبهم من عند وحدة صحبتي تقرا عندو لعدت حاب نصورهملك

[karlita]

اميرة بالنسبة للفيزياء انا راني نحل و كي نلقى روحي نسيت جزئية نراجعها

بالنسبة لتمارين جيولوجيا و الله معلبالي لقيت مرة في ديزاد باك واحد حاط سلسلة روعة طبعتها
و مرة لقيت بوالريش حاط سلسلة مش تاعو بصح طبعتها فيها تمارين بالحل

[*آمنة*]

لي راه حافظ شخصيات يقلي اسكو حفظ معاها فترة الحكم

[ايوب122]

نصيحة ايوب اقرا من مذكرات كاين استاذ حاط مذكراتو روعة حنا استاذة لكلاسة كانت تقرينا منها و فيها كلشش
و شاوش مداير كلش شارحو لي فالمذكرات
ادخل ليه للفيس اسمو عدة بن عطية صلاح الدين فلباج تاعو راه حاطهم ول راسلو قلو يعطيك مذكرات تاع جيولوجيت تاعو


+عندك مقالات تاع شيخاوي ول نو
بسك راح نجيبهم من عند وحدة صحبتي تقرا عندو لعدت حاب نصورهملك


لا ماعنديش

قرينا حصتين من بعد جات كورونا

ايه كي تصوري ابعثيلي

[*آمنة*]

غرجوكم وااااحد يجاوبني سيرتزا لي عقبوا من قبل

ارجوكم فيسع نسحق الاجابة دوووك

[اسماء تيارت]

لي راه حافظ شخصيات يقلي اسكو حفظ معاها فترة الحكم

نظن واه تحفظيهم.و ثاني على حسب الشخصية كيما رؤساء امريما..شارل ديغول...

[فتاة مغامرة]

هاهي زينب تقرا طب حطتهم مقبل كي كراسي كي كراس اكرام

هنا
(https://www-msila-info.ahlamontada.com/t2758-topic)تاني كتاب طلحي جيولوجيا كاين دروس حطوا استاذ عقريب كمال


شكرا ربي يحفضك

[أمل أميرة]

نعم امنة يتحفظو فترة الحكم

[*آمنة*]

هذيك جماعة لي جابتها غير قراية في نهار وتقرا اكثر من 7 سااعات في نهار
الله يخفظكم
قولولي واش لحاجة لي راهي تخليكم ناشطين هكذا الله يبارك
واش لحاجة لي راهي مشجعتكم
اقسم بالله ماني نقرا مليح عيييت
وعدت غير ندور في يوتيوب
الله يحفظكم

[*آمنة*]

والا عندكم كاش وصفة تخليكم سااهرين وتبكلوا رقاااد اعكوهالي الله الله
سيتو الات زمزم

[فتاة مغامرة]

هذيك جماعة لي جابتها غير قراية في نهار وتقرا اكثر من 7 سااعات في نهار
الله يخفظكم
قولولي واش لحاجة لي راهي تخليكم ناشطين هكذا الله يبارك
واش لحاجة لي راهي مشجعتكم
اقسم بالله ماني نقرا مليح عيييت
وعدت غير ندور في يوتيوب
الله يحفظكم

نقرا 7 ساعات في النهار
المحفز هو انو نخاف نطيح في نفس الغلط العام اللي فات سيرتو كي نلقى روحي منعرف والو
باختصر الخوف والحزن الذي امر به هو من يشجعني لن 7 ساعات لم تعد تكفيني
وفي نفس الوقت ليس لي طاقة لدراسة وقت اطول

[karlita]

انا و الله من نوض حتا نرقد و انا في المكتب نقرا منيش نتفرج كامل
استراحتي نروح نريح مع الدار و نرجع

مفهمتش واش راني ندير منيش نقرا تاع واو راني روطااار .-.

[فتاة مغامرة]

انا و الله من نوض حتا نرقد و انا في المكتب نقرا منيش نتفرج كامل
استراحتي نروح نريح مع الدار و نرجع

مفهمتش واش راني ندير منيش نقرا تاع واو راني روطااار .-.

نفس البروبلام

[karlita]

شكون ينافسني نقراو فلسفة و جيولوجيا في 4 ايام نكملوهم كامل
جيلوجيا نحفظوها و نفهموها و نحلو تمارين الكتاب المدرسي /ملاح/ و تمارين خارجية
و فلسفة نراجعو منهجيات و نكتبو مخططات تاع الاقوال و الحجج تاع المقالات المقترحة **


على العموم انا متحدية روحي منرقدش غي لكملت كهرباء و نووي كامل الافكار
باه غدوا نراجع اعداد مركبة لان استاذ ليكور راح يديرلنا مراجعة السبت نروح*-*

و السبت نبدا فلسفة و جيولوجيا:mh31::mh31:

[اسماء تيارت]

كانت كاينة مشكلة عندي محبش المنتدى يخدم ؟ ؟

[ايوب122]

وي كان كاين مشكل

[أمل أميرة]

نعم كاين مشكل حتى انا مابغاش يتفتح

[❣سڪڕ❣]

وي كان كاين مشكل وتحل مبعد،،،

[*آمنة*]

نسقسيكم اول مرة في فرونسي ههه
المهم
واش معناها substitues grammaticaux ??
في نص تاريخي واش type لي نلقاوه ؟

[❣سڪڕ❣]

امينة نعرف هادي بيسك قريناها substitues grammaticaux معنتها البدائل النحوية
وتساعدك في تفادي التكرار مثل الضمائر
و في نص تاريخي اظن تلقاي النوع nratifاي سردي
تقبلي مروري >.<

[بـــيِسَة]

وي كان كاين مشكل نورمالمون كانوا يعدلوا فيه و لا حاجة كيما هاك

[فتاة مغامرة]

مارايكم في نتائج الامتحان التجريبي انا اراها خالية من المصداقية
ضياعة وقت برك

[أمل أميرة]

مارايكم في نتائج الامتحان التجريبي انا اراها خالية من المصداقية
ضياعة وقت برك

واين شفتاها :confused:

[فتاة مغامرة]

واين شفتاها :confused:

صفحة Clic Editions على الفيس بوك
الرابط https://www.********.com/cliceditions
كل مرة ياجلوا النتائج والاوئل محطووش معدلاتهم مكانش مصداقية

[أمل أميرة]

صفحة clic editions على الفيس بوك
الرابط https://www.********.com/cliceditions
كل مرة ياجلوا النتائج والاوئل محطووش معدلاتهم مكانش مصداقية

لم اجد النتائج فقط توجد اسماء التلاميذ وايضا كلكم تقولوا بلي لا توجد مصداقية واين شفتو النتائج حتى تحكيو على المصداقية انا لم افهم اي شيء

[فتاة مغامرة]

لم اجد النتائج فقط توجد اسماء التلاميذ وايضا كلكم تقولوا بلي لا توجد مصداقية واين شفتو النتائج حتى تحكيو على المصداقية انا لم افهم اي شيء

المفروض انو معدلات الاوائل يحططوهم باش الناس تتاكد

وزيد كل مرة ياجلوا وقت النتائج مفهمتش علاه

[*آمنة*]

شكرا مها
نسقسيكم اول مرة في فرونسي ههه
المهم
واش معناها substitues grammaticaux ??
في نص تاريخي واش type لي نلقاوه ؟

في انتظار اجابات اخرى

[〆 بٰٰاولو 乄]

8 ..... 🙄🙄

[*آمنة*]

8 ..... 🙄🙄

:confused::confused::confused::confused::confused: :confused:

[اسماء تيارت]

8 ..... 🙄🙄

8-2 🤗😆.....

[اكرام براءة]

شكرا مها


في انتظار اجابات اخرى

نفس الإجابة السابقة

[أمل أميرة]

صباح النور :mh31:
ماهي برامجكم وتحديات اليوم
اريد منافس :rolleyes:

[ايوب122]

موضوعيين فيزيك
موضوعين مات
مراجعة علوم
موضوع فرونسي ولا انجلي

مراجعة اول مقالةة من الفلسفة

[أمل أميرة]

ايوب راك تحل لي باك ولا مواضيع اخرى

[ايوب122]

مواضيع اخرى

[أمل أميرة]

مواضيع اخرى

وفقك الله :34:

[ايوب122]

امين ولك ايضا

فلسفة ووشراكي تديري معاها ؟؟

حاب نضمن 10 فيها بزاف عليا

[*آمنة*]

موضوعيين فيزيك
موضوعين مات
مراجعة علوم
موضوع فرونسي ولا انجلي

مراجعة اول مقالةة من الفلسفة

ايوب راك تحل في موضوع كامل ولا كيفاه
انا اني لدوك مع تمارين مرة محليت موضوع كامل :1:
وزيد غير سمانة لخيرة نخل مواضيع كامل

[ايوب122]

ماشي ديما نكملو مرات نخلي تمرين

انا نحل في مواضيع بيسك ثقيييل بزاف والوقت قي الباك يمر بسرعة

4 سوايع يفوتو طيارة

العام يلي فات تبهدلت في الرياضيات بسبب اني بطيء

[*آمنة*]

ماشي ديما نكملو مرات نخلي تمرين

انا نحل في مواضيع بيسك ثقيييل بزاف والوقت قي الباك يمر بسرعة

4 سوايع يفوتو طيارة

العام يلي فات تبهدلت في الرياضيات بسبب اني بطيء

ايه مليح
ربي يوفقك مالا
// مقتليش على المقالات واش كشما فهمت:1://

[ايوب122]

مزال ما بديت
اليوم نبداها سيريو

[أمل أميرة]

اخي صدقني الفلسفة والله 11 تظمنها غير بالمنهجية وحدها وشوي خرطي من راسك علابالك راني شحال من عام عاودت الباك دائما نروح غير بالمنهجية بررررك ونجيب 10.5 و 11.5
شفتي كي تكتب خطوات المنهجية صحيحة والكلمات المفتاحية صحاح راك ديجا ظمنتي 10 تاعك
يلا راك حاب تجيب معدل مليح ماتزيد تقول حاب نوصل 10
شحال من مرة نسقسي هنا على الفلسفة ومانلقاش لي يمدلي المعلومة الصحيحة لكن كي راجعت نفسي لقيت بلي المنهجية + شوي اقوال وشوي فهامة وشوي خرطي تقدر تظمن 15
والله نصيحة من القلب اجماعة كلش على المنهجية حتى فالمواد الاخرى
انا راني حافظة المنهجية تاعها ورايحة نديرلها وقت يوم بيوم نحفظ مقالات جاهزين
وربي يوفقكم كامل :34:
اسفة على الاطالة

[أمل أميرة]

ايوب راك تحل في موضوع كامل ولا كيفاه
انا اني لدوك مع تمارين مرة محليت موضوع كامل :1:
وزيد غير سمانة لخيرة نخل مواضيع كامل

امنة لازم من درك تبداي توالفي بالمواضيع
بلا ماراكيش موجدة برنامج لليوم وش رايك نبداو الان موضوع علوم شامل :)

[أمل أميرة]

باسم الله اليوم نبدا في حل اول موضوع فالعلوم بما اني اكملت مراجعة الدروس :mh31:
https://3as.ency-education.com/uploads/3/0/9/3/309326/sciences-3se20-2trim1.pdf

[ايوب122]

اخي صدقني الفلسفة والله 11 تظمنها غير بالمنهجية وحدها وشوي خرطي من راسك علابالك راني شحال من عام عاودت الباك دائما نروح غير بالمنهجية بررررك ونجيب 10.5 و 11.5
شفتي كي تكتب خطوات المنهجية صحيحة والكلمات المفتاحية صحاح راك ديجا ظمنتي 10 تاعك
يلا راك حاب تجيب معدل مليح ماتزيد تقول حاب نوصل 10
شحال من مرة نسقسي هنا على الفلسفة ومانلقاش لي يمدلي المعلومة الصحيحة لكن كي راجعت نفسي لقيت بلي المنهجية + شوي اقوال وشوي فهامة وشوي خرطي تقدر تظمن 15
والله نصيحة من القلب اجماعة كلش على المنهجية حتى فالمواد الاخرى
انا راني حافظة المنهجية تاعها ورايحة نديرلها وقت يوم بيوم نحفظ مقالات جاهزين
وربي يوفقكم كامل :34:
اسفة على الاطالة


معليش تفتحي موضوع قلسفة ؟

انا مراجع المنهجيات برك

ونديرو يوميا مقالة تفهم

[ايوب122]

العام يلي فات مقالتي ماتشبه لوالو اديت 8.5

وناس حافظة اداو اقل مني

[أمل أميرة]

معليش تفتحي موضوع قلسفة ؟

انا مراجع المنهجيات برك

ونديرو يوميا مقالة تفهم

اوكي درك على 10.00 راح نبدا موضوع علوم
وعلى 14.00 نبدا في اول مقالة فلسفة نحل موضوع
تساعدك على 14.00 نراجعو مع بعض واي واحد يقدر ينظم لكن بشرط مانكثروش لحكايات :confused:

[أمل أميرة]

العام يلي فات مقالتي ماتشبه لوالو اديت 8.5

وناس حافظة اداو اقل مني

تلقاه حافظ الاقوال ولا حافظ مقالة جاهزة ومايعرفش يركب المنهجية ولا حافظها جدلية ومايعرفش يبدلها استقصاء كش راح
لازم نعتمدو على الفهم قبل الحفظ
طريقة الببغاء لا تجدي نفعا

[ايوب122]

وي تساعدني
القايلة نتلاقاو
افتحي الموضوع نتفاهمو على المقالة نشوفو سعيداني كي شارحها من بعد كل واحد يحط مخططات عنها لفهمها

[karlita]

موضوعيين فيزيك
موضوعين مات
مراجعة علوم
موضوع فرونسي ولا انجلي

مراجعة اول مقالةة من الفلسفة

معليه تقولي من وين المواضييع **
خاصةة علوم لعدت كشما تعرف موقع مليح ولا يحط مواضيع
بسك منيش راح نحل بكالوريات العلوم كمواضيع حالتهم في الوحدات

[اسماء تيارت]

راني نحل في باكلوريات الرياضيلت هاد الايام.
و تمارين المغني فيزيك.
الفلسفة ماتوشيتهاش كامل.

[أمل أميرة]

راني نحل في باكلوريات الرياضيلت هاد الايام.
و تمارين المغني فيزيك.
الفلسفة ماتوشيتهاش كامل.

انظمي لنا في هذا الموضوع سنبدأ على الساعة 14.00 ان شاء الله
https://www.djelfa.info/vb/showthread.php?t=2254894:mh92:

[اللهم ارزقني عفةمريم]

انظمي لنا في هذا الموضوع سنبدأ على الساعة 14.00 ان شاء الله
https://www.djelfa.info/vb/showthread.php?t=2254894:mh92:

انا سأنضم اليك ايضا لان عولت نراجع فلسفة في القايلة
في صباح نحل المواضيع

[اللهم ارزقني عفةمريم]

معليه تقولي من وين المواضييع **
خاصةة علوم لعدت كشما تعرف موقع مليح ولا يحط مواضيع
بسك منيش راح نحل بكالوريات العلوم كمواضيع حالتهم في الوحدات

انا لفيزيك بديت نحل مواضيع المغني في لموضوع 5 وحدات كل وحدة تمرين هاايلين

[ايوب122]

معليه تقولي من وين المواضييع **
خاصةة علوم لعدت كشما تعرف موقع مليح ولا يحط مواضيع
بسك منيش راح نحل بكالوريات العلوم كمواضيع حالتهم في الوحدات


علوم مزال

مات مصظفاي

فيزيك من تاع عقبة

[فتاة مغامرة]

انا منجمتش نقرا اليوم بسبب الم الراس المتواصل منذ امس*
موفقين

[اللهم ارزقني عفةمريم]

انا منجمتش نفرا اليوم بسبب الم الراس المتواصل منذ امس*
موفقين
ربي ينزل شفاء اختي متضغطيش على روحك صحتك اولى

[*آمنة*]

جماعة
في رايكم زعما نقدر نجيب 14
حتى وراني لي لونغ مقريتش
ومستواي انا من 10---12...علما اني الفصل الثاني اجتهدت بزااااف وجبت 13

[صمت النّبض]

جماعة
في رايكم زعما نقدر نجيب 14
حتى وراني لي لونغ مقريتش
ومستواي انا من 10---12...علما اني الفصل الثاني اجتهدت بزااااف وجبت 13

زيدي فورصي على روحك هذا الشهر و الحقيلها
تعب اليوم هو راحة الغد :19:

[اسماء تيارت]

جماعة
في رايكم زعما نقدر نجيب 14
حتى وراني لي لونغ مقريتش
ومستواي انا من 10---12...علما اني الفصل الثاني اجتهدت بزااااف وجبت 13

تقدري تجيبي كثر حبيبة. معدل الفصول ماهو والو .

[karlita]

امنة كل شيء ممكن

نعرف زوج بنات العام ليفات
وحدة دات 13 فصل ثاني
و الاخرى دات 10
الاولى مجابتش الباك
وو الثانية جابت 16 قيراش

[karlita]

نزيدك بنت جيرانا علبالك فمسيرتها الدراسية كامل مجابتش 12 من المتوسط تطلع غي باساج البيام و عاوداتو صح صح حابسة

الباك قرااات فيه جابت الاول 10 و الثاني 12 و الثالث قريب15 و دارت مدرسة عليا
ولات خير من لي كانو يدو فالفصول 16 و17 و الباك فشلو و قراو في الجامعة عادي
/مكانش حاجة مستحيلة نتي و واش تقراي

[jë suîs comçà]

جماعة
في رايكم زعما نقدر نجيب 14
حتى وراني لي لونغ مقريتش
ومستواي انا من 10---12...علما اني الفصل الثاني اجتهدت بزااااف وجبت 13

T9DRiii tjibii hta 16 w 17 just nadmii rohk brrrrrk
w jamais tayhi b rohk w t9oli niveau dyali 10-12 jamais hbbti
rah tlh9ii win aki haba crrrrrrrrrg brQ
d'acc
bn crgggggggggggggg

[jë suîs comçà]

https://www.djelfa.info/vb/showthread.php?t=2254948
stp 3awnouniiiiiiiii raha da9tli ga3

[*آمنة*]

شكرا ليكم
طلعتولي المورال
ربي يوفقنا

[*آمنة*]

ليوم منرقدش فلا كملتش دريي لفرضية ونحاول نكتب شوية في مقالة ديالها
//شيما وامير غدوة نوضوني الله الله//

[فتاة مغامرة]

فقدت الامل في التقدم في الدراسة راسي يوجعني ولا رغبة لي بفعل اي شيء*
ماذا سافعل

[karlita]

فقدت الامل في التقدم في الدراسة راسي يوجعني ولا رغبة لي بفعل اي شيء*
ماذا سافعل

متسييش تخمي فالنتيجة بسك مكتوب ربي و فيها خير ليك اكييد

خمي في انك تقراي و تستغلي كل دقيقة بقات على الباك
ريحي روحك متتقلقيش اقراي و كانك ستحققين حلمك لا محال
انا كل ما ا نفشل نتفكر الصورة لي حلمت روحي اني فيها و لي جامي نتخلى على تصوري لحياتي لي راح نكون سعيدة فيها


الحياة متستحقش منا كل هاذا الارهاق النفسي لاننا لسنا خالدين فيها :):):)

[فتاة مغامرة]

متسييش تخمي فالنتيجة بسك مكتوب ربي و فيها خير ليك اكييد

خمي في انك تقراي و تستغلي كل دقيقة بقات على الباك
ريحي روحك متتقلقيش اقراي و كانك ستحققين حلمك لا محال
انا كل ما ا نفشل نتفكر الصورة لي حلمت روحي اني فيها و لي جامي نتخلى على تصوري لحياتي لي راح نكون سعيدة فيها


الحياة متستحقش منا كل هاذا الارهاق النفسي لاننا لسنا خالدين فيها :):):)

ان شاء الله سافعل ذلك بكل تاكيد شكرا لك❤❤

[ايوب122]

موضوعيين فيزيك
موضوعين مات
مراجعة علوم
موضوع فرونسي ولا انجلي

مراجعة اول مقالةة من الفلسفة


شحال تكذب يا مولاي

[*آمنة*]

شحال تكذب يا مولاي

شحااال تكذب بن عمييييييييي:1:

والله نصيحة

متكثرش ياااسر لمواد بزاااف
انا من لبارح بدلت بروقرام نتاعي
درت مادة علمية + ادبية + حفظ
درت كل ثلاث ايام نكمل مادة علمية + مادة ادبية
ربي يوفقك معله ممتتقلقش

[أمل أميرة]

شحال تكذب يا مولاي

ظحكتيني حق ربي :1::1::1::1:
حل موضوع برك في كل مادة ومبعد كي يبقالك وقت زيد عاود حل مواضيع اخرين

[*آمنة*]

اى شيما او اميرة مش عارفة شكون صونات ليوم // شيما امحي رسائل مقدرش نبعثلك خاص //
منضتش غير على 06:o

بابا قالي منعطيكش تليفون قتلوا راهي صخبتي تصونيلي نوض
قالي عليه كي تصوني اني نوضك :1:
قتلوا على منوضتنيش
قالي واش ندريله نتي حمااار قلي ضربتك ضربتك منضتيش:1:
قالي والله عيب عليك تشقي في صحبك ونتي داااب :o:rolleyes:
اسمحيييييييييييييييلي

[أمل أميرة]

اى شيما او اميرة مش عارفة شكون صونات ليوم // شيما امحي رسائل مقدرش نبعثلك خاص //
منضتش غير على 06:o

بابا قالي منعطيكش تليفون قتلوا راهي صخبتي تصونيلي نوض
قالي عليه كي تصوني اني نوضك :1:
قتلوا على منوضتنيش
قالي واش ندريله نتي حمااار قلي ضربتك ضربتك منضتيش:1:
قالي والله عيب عليك تشقي في صحبك ونتي داااب :o:rolleyes:
اسمحيييييييييييييييلي

انا لي نوظتتك زوج خطرات مبعد غلط ريبوندا عليا نخسابك انت ههه كوبيت قلت سير تكوني نظتي وليت ماعاودتش :rolleyes:

[*آمنة*]

انا لي نوظتتك زوج خطرات مبعد غلط ريبوندا عليا نخسابك انت ههه كوبيت قلت سير تكوني نظتي وليت ماعاودتش :rolleyes:

ههههههههه رد عليك :1:

اسمحيلي اسمحيلي

[ايوب122]

كفاه نفرق بين النثر العلمي المتادب وفن المقال بلا مانحفظ الكتاب لانهم بزاف

[karlita]

شحال تكذب يا مولاي

الحلم vs الحقيقة هههههه

[karlita]

امينة انا نضت على 7:D:D:D

قلت لامي نوضيني معاك فالفجر و تكلت ايا نساتني :confused:

[*آمنة*]

امينة انا نضت على 7:d:d:d

قلت لامي نوضيني معاك فالفجر و تكلت ايا نساتني :confused:
هههههههههه معليه :1:

[اسماء تيارت]

الحاجة لي فرحت البارح كي قريتها هي الفلسفة معاكم. لازم نكملوا هاك..
ماهي مخططات اليوم؟ ؟

[أمل أميرة]

الحاجة لي فرحت البارح كي قريتها هي الفلسفة معاكم. لازم نكملوا هاك..
ماهي مخططات اليوم؟ ؟

حتى انا كيفك وفهمت المقالة وترسختلي في ذهني :)

[أمل أميرة]

شكون لي ماراهش حافظ الشخصيات والمصطلحات ابدااا :confused:
ايوب راك هنا :cool:

[فتاة مغامرة]

شكون لي ماراهش حافظ الشخصيات والمصطلحات ابدااا :confused:
ايوب راك هنا :cool:

اناااااااااا لحد الان ماحفظتهمش

[عاشقة الكواكب]

سلام عليكم وشراكم ؟
حبيت نسقسيكم منين مصدر مليح راجعتوا منوا
الاعداد المركبة غير الاستاذ نور الدين
â‌¤ï¸ڈ��

[عاشقة الكواكب]

شكون لي ماراهش حافظ الشخصيات والمصطلحات ابدااا :confused:
ايوب راك هنا :cool:

مزالي مصطلحات تاريخ و شخصيات ثورة و ناعاود نراجع كل يوم :1:

[ايوب122]

شكون لي ماراهش حافظ الشخصيات والمصطلحات ابدااا :confused:
ايوب راك هنا :cool:

ايه راني هنا

الاجتماعيات التاريخ انتيك معاه

مزال جغرافبا

[اسماء تيارت]

شكون لي ماراهش حافظ الشخصيات والمصطلحات ابدااا :confused:
ايوب راك هنا :cool:

موجودة 😎😎 مزال .

[*آمنة*]

qشوفوا هذا تمرين
واش رايكم فيه :rolleyes::o:rolleyes::rolleyes:
https://mrkzgulfup.com/uploads/159757595321291.png (https://mrkzgulfup.com/) (https://mrkzgulfup.com/)

[ايوب122]

اذا كانت السلسلة بالحل حطي الرابط نحل معاك

[ايوب122]

وين نلقى استاذ شارح المعادلة التفاضية في وحدة النووي

[فتاة مغامرة]

وين نلقى استاذ شارح المعادىت التفاضية في وحدة النووي

استاذ احمد ترير روعة

[اكرام براءة]

وين نلقى استاذ شارح المعادىت التفاضية في وحدة النووي

الاستاذ أحمد ترير
و سيد أحمد شعلال شارحينهم

[*آمنة*]

وين نلقى استاذ شارح المعادلة التفاضية في وحدة النووي

ماشي سلسلة سلااااااااسل في ملف واحد :1:
معرفتش كيفاه نطلعوا
اصبر نروح للباجة نتاع لفيس لقيتها ونحطها

/واش رايك في تمرين ..انا حبست في الاخير:confused:/

[Inspired soul]

ماشي سلسلة سلااااااااسل في ملف واحد :1:
معرفتش كيفاه نطلعوا
اصبر نروح للباجة نتاع لفيس لقيتها ونحطها

/واش رايك في تمرين ..انا حبست في الاخير:confused:/
ممم بانلي عادي

[اسماء تيارت]

وين نلقى استاذ شارح المعادلة التفاضية في وحدة النووي

علاه لازم نقراوهم ؟

[ايوب122]

يجو افكار في التمارين

[karlita]

علاه لازم نقراوهم ؟

واه ساهلة بزاااااااف
المعادلة التفاضلية في النووي

[*آمنة*]

ممم بانلي عادي

دير مزية وكان تفهمني السؤال الاخير:o

[أمل أميرة]

اناااااااااا لحد الان ماحفظتهمش

مزالي مصطلحات تاريخ و شخصيات ثورة و ناعاود نراجع كل يوم :1:

ايه راني هنا

الاجتماعيات التاريخ انتيك معاه
ااه مليح ربي يوفقك
مزال جغرافبا
وشرايك نديرو نهار فلسفة ونهار ادب خير من كل يوم فلسفة ونحلو مواضيع الباك والصباح واالمساء نخليوهم للمواد العلمية :confused:
موجودة 😎😎 مزال .

كنت راح نقلكم وشرايكم نديروا يوم كامل مثلا نحفظو فيه مصطلحات الوحدة لولة كاملين ومبعد ننتقلو لمصطلحات الوحدة الثانية ومبعد والشخصيات ... وبالطبع نبقاو نراجعوهم فالصباح مع الفجر باه يترسخولنا وهكا نكونو حفظناهم كامل كيما درنا فالوحدة الاولى في اول العام :)

[فتاة مغامرة]

فكرة شابة اميرة

[فتاة مغامرة]

ماريكم بملخص الشريعة الذي نشرته امس مخلص شباب ويسهل الحفظ

[عاشقة الكواكب]

شكون عندوا تمارين الحمض و الدارة rl.rc فيهم افكار ����â‌„

[نـــورسين]

السلام عليكم ، حنا العلميين قادر طيحيلنا الشعر الحر ولالا ؟

[اكرام براءة]

باك 2012 كان شعر حر
محمود درويش واقيلا

[اسماء تيارت]

وشرايك نديرو نهار فلسفة ونهار ادب خير من كل يوم فلسفة ونحلو مواضيع الباك والصباح واالمساء نخليوهم للمواد العلمية :confused:


كنت راح نقلكم وشرايكم نديروا يوم كامل مثلا نحفظو فيه مصطلحات الوحدة لولة كاملين ومبعد ننتقلو لمصطلحات الوحدة الثانية ومبعد والشخصيات ... وبالطبع نبقاو نراجعوهم فالصباح مع الفجر باه يترسخولنا وهكا نكونو حفظناهم كامل كيما درنا فالوحدة الاولى في اول العام :)
فكرة شابة 🤗🖒🖒👌

[أمل أميرة]

فكرة شابة 🤗🖒🖒👌

اذن نختار يوم

[اسماء تيارت]

شكون عندو الحل لموضوع الباكالوريا التجريبية انجليزية لولاية النعامة؟ ؟

[bis kou]

رحمة على والديكم ارواحو هنا

https://www.djelfa.info/vb/showthread.php?t=2255024

[ايوب122]

شيماء تاع شيخاوي كي صرالهم

[karlita]

شيماء تاع شيخاوي كي صرالهم

نخرج ان شاء الله نجيبهم :d

[karlita]

شيماء تاع شيخاوي كي صرالهم

شوف هاذو يفيدوك بسك من المقترحات

[karlita]

شيماء تاع شيخاوي كي صرالهم

.............................

[ايوب122]

ثانكس

.......

[عاشقة الكواكب]

فضلا لا امرا ^^
اتمنى منكم زيارة موضوع استضافتي الى كرسي الاخوة
ان كان لديكم وقت

[أمل أميرة]

فضلا لا امرا ^^
اتمنى منكم زيارة موضوع استضافتي الى كرسي الاخوة
ان كان لديكم وقت

حطي الرابط

[عاشقة الكواكب]

هذا هو ^^
https://www.djelfa.info/vb/showthread.php?t=2254840
تحفيز الليلة [ المتشائم يرى في كل فرصة صعوبة أما المتفائل يرى كل صعوبة فرصة ]

[*آمنة*]

شكون ساههرليوم
لازم ليوم نقضي على دروس نتاع فلسفة المقترحين
والا قدرت نزيد نكتبهم
ربي يوفقنا

[فتاة مغامرة]

انا نراجع الاحتمات ونفهمهم مليح
ومبعد نراجع كامل دروس الفلسفة وحدة وحدة ونكتب المقالة الاولى اذا قدرت
ان شاء منكونش كذابة برك
نخاف نرقد في نص الطريق

[اكرام براءة]

ربي يوفقكم ..

[*آمنة*]

ونتي اكرام*
اكحيلي وين واصلة

[اكرام براءة]

مازال مابديتش مواد الحفظ و اللغات
راني برك مع الرياضيات و الفيزياء
و مؤخرا بديت العلوم
و بديت معاكم المقالة تاع أهمية الفلسفة
مازال ثاني مارانيش نوض بكري حتى 8 و 9 باش نفطن
نبدا الدراسة مور الظهر نقرا ساعة و لا ماتوصلش
و في الليل نزيد ساعة هه
مانقراش بزاف و مازال مابديتش سيريو
لكن إن شاء الله الايام هدو رح تكون انطلاقتي قوية و نظم وقتي و نقسمو على المواد
علابالي راني روطار بصح نورمال نقدر نوصل إن شاء الله

ربي وفقنا و إياكم لكل خير سيستر ♥

[*آمنة*]

الله يبارك عليك
زعما راكي تقولي روطار بصح راكي تقولي بلي نوصل
الله يبارك ربي يوفقك*
والله حاجة ممليحة فيك*
ربي معاك

[اكرام براءة]

الله يبارك عليك
زعما راكي تقولي روطار بصح راكي تقولي بلي نوصل
الله يبارك ربي يوفقك*
والله حاجة ممليحة فيك*
ربي معاك

و يوفقنا كامل إن شاء الله
كي ندخل هنا للمنتدى نتشجع بيكم
كان ماشي انتم مانبداش الفلسفة إطلاقا

إن شاء الله نفرحوا كامل كيما رانا هنا يوم النتائج
و نديرو حفلة في المنتدى :1:

ربي يقدر خير

[Inspired soul]

دير مزية وكان تفهمني السؤال الاخير:o
ديري شجرة احتمالات و احسبي احتمال انو من بين كل السحبات يتحقق a مرة وحدة

[أمل أميرة]

صباح الخير من فظلكم راني زاربة قولولي كي مانلقاش جوفامين واش نشري في مكانو راني حوست شحال من فارماسي مالقيتوش وابي راح لولاية اخرى قتلو جيبهولي قالي وكون مانلقاش وش نجيبلك :confused:
شكون لي جرب هذاك لي ينعتوه في قناة النهار لي يقول نحن اليابانيوون .... واش اسمو من فظلكم
ومدولي بديل مجرب وقولولي هلى السعر
وبارك الله فيكم :)

[*آمنة*]

صباح الخير من فظلكم راني زاربة قولولي كي مانلقاش جوفامين واش نشري في مكانو راني حوست شحال من فارماسي مالقيتوش وابي راح لولاية اخرى قتلو جيبهولي قالي وكون مانلقاش وش نجيبلك :confused:
شكون لي جرب هذاك لي ينعتوه في قناة النهار لي يقول نحن اليابانيوون .... واش اسمو من فظلكم
ومدولي بديل مجرب وقولولي هلى السعر
وبارك الله فيكم :)

تعاندي فيا :mad:
ليوم قلت زعما لختي تروح تشوفوا بشحال :o
ياو والله والله وكان جا مش من اليابان منشريهش:1:
باش يكون في علمك ...يعني راكي نتي تعاندي فيا :cool::mad:
//كي تروح تشوفلي اني نقلك شحال //

ايه نسيت .....اسمو نوبيلوفور...بالفرونسي nobiliphore وقيل :1:...خاطيني فرونسي :rolleyes::o

[*آمنة*]

ديري شجرة احتمالات و احسبي احتمال انو من بين كل السحبات يتحقق a مرة وحدة

يعني يعني هي والله ما فهمتك:rolleyes:...بصح نشوف كيفاش:rolleyes:
شكرا مستر زينو:cool:

[*آمنة*]

و يوفقنا كامل إن شاء الله
كي ندخل هنا للمنتدى نتشجع بيكم
كان ماشي انتم مانبداش الفلسفة إطلاقا

إن شاء الله نفرحوا كامل كيما رانا هنا يوم النتائج
و نديرو حفلة في المنتدى :1:

ربي يقدر خير

حفلـــــــــــة يااااه :1:
علاش الالا نشروا الجي والقاطو اونلاين ونحطوهم هنا :1:
كي شقل حفلة
//لحفلة على لي يجيب ادنى معدل :1://

ربي يوفقنا ان شاء الله
نحن لها بإذن الله

[أمل أميرة]

تعاندي فيا :mad:
ليوم قلت زعما لختي تروح تشوفوا بشحال :o
ياو والله والله وكان جا مش من اليابان منشريهش:1:
باش يكون في علمك ...يعني راكي نتي تعاندي فيا :cool::mad:
//كي تروح تشوفلي اني نقلك شحال //

ايه نسيت .....اسمو نوبيلوفور...بالفرونسي nobiliphore وقيل :1:...خاطيني فرونسي :rolleyes::o

هههههه :1::1::1:
مام انا كي شفتو ماليابان قلت نجربو
لا انت لي تعاندي فيا :D:1::1::1::1:
راكي متاكدة من اسمو باه نقول لابي يشريه يزيد يقولوللو ماكانش اصلا هذا الدواء :cool:

[Inspired soul]

يعني يعني هي والله ما فهمتك:rolleyes:...بصح نشوف كيفاش:rolleyes:
شكرا مستر زينو:cool:

here you go

https://i.ibb.co/LZJNkGG/probab.png

[أمل أميرة]

صح امنة اسمو nobilephore
حوست عليه في عمي google

[اسماء تيارت]

صباحوووو.
صباح النشاط و الحيوية.🤗🤗🤗

[karlita]

صباح الخير عليكم جميعاا��

اليوم معركتي مع الفيزياء
نراجع ملخصاتي كل الوحدات و راح نركز في الميكانيك على حركة الاقمار و الكواكب و السقوط الحر و الشاقولي و نحل على الاقل 5 مواضيع شاملة


بالتوفيق للجميع فايتينق������

[اللهم ارزقني عفةمريم]

صباح نور اسماء
بالتوفيق شيماء
+
اليوم حفظ مصطلحات التاريخ
(جمعت لمصلحات محمودي عادل ورقة مدهلنا الاستاذ صبتهم 42 هذوك هوما ياك؟)
مراجعة شاملة لفيزياء وحل موضوع شامل
كتابة مقالة
مراحعة الوحدات الولى علوم وحل موضوع

[cooc]

here you go

https://i.ibb.co/lzjnkgg/probab.png

صديقي يمكنك استعمال معامل الترتيب بسهولة
يعني تأخذ حادثة الحصول على عددين زوجيين تضربها الحادثة المعاكسة 2/3
تضربها في 3 لوجود ثلاث حالات

[Inspired soul]

صديقي يمكنك استعمال معامل الترتيب بسهولة
يعني تأخذ حادثة الحصول على عددين زوجيين تضربها الحادثة المعاكسة 2/3
تضربها في 3 لوجود ثلاث حالات
i know
درتلها بالتفصيل باه تفهمها
مشكور على المرور برو جزاك الله خيرا ^^

[cooc]

i know
درتلها بالتفصيل باه تفهمها
مشكور على المرور برو جزاك الله خيرا ^^
اه حسناا
العفو :)

[اكرام براءة]

حفلـــــــــــة يااااه :1:
علاش الالا نشروا الجي والقاطو اونلاين ونحطوهم هنا :1:
كي شقل حفلة
//لحفلة على لي يجيب ادنى معدل :1://

ربي يوفقنا ان شاء الله
نحن لها بإذن الله

ايه نزينوا المنتدى
حملة ذات فرحة عامة :1:
خلي يجي برك الباك و نخلطوها

إن شاء الله يارب

[cooc]

كيفاه استاذ سعيداني قال نحبسو في الحرية و المسؤولية
و هي حتا ماهيش مندرجة في الفصل الثاني

[اسماء تيارت]

تخلطتلي في الميكانيك بديت نخل عليها تمارين حوالي 4 تمارين معرفتش كيفاه نحل كامل ماشي صحاح.

[*آمنة*]

جماعة كشما كاين لي مقراش درس هذاك نتاع جنوب شرق اسيا

[*آمنة*]

here you go

https://i.ibb.co/LZJNkGG/probab.png
ارغاتــــــــــــــــــــــوا
روحوا اني ندعيلك دعوتين
ربي ينجحك وربي يزوجك:1:
صديقي يمكنك استعمال معامل الترتيب بسهولة
يعني تأخذ حادثة الحصول على عددين زوجيين تضربها الحادثة المعاكسة 2/3
تضربها في 3 لوجود ثلاث حالات
ثاااااااااااانكش برو //هذي اني سرقتها من عند المستر :1://

i know
درتلها بالتفصيل باه تفهمها
مشكور على المرور برو جزاك الله خيرا ^^

بااااه تفهمها يااااااااه :o:30:

جزاك الله خيرا

[*آمنة*]

ايه نزينوا المنتدى
حملة ذات فرحة عامة :1:
خلي يجي برك الباك و نخلطوها

إن شاء الله يارب

نقلبوها :1::1:
ربي يوفقنا

[اكرام براءة]

مدولي تحدي ..

[karlita]

مدولي تحدي ..


تحبي نديرو تحدي لعدتي تقبلي نرقدو على 4 تاع صباح
:)
نخيرو مادتين نقراوهم

عادي لعدتي متقدريش تسهري نديرو غدوا صباح تحدي

بسك حاليا مع الفيزياء راني

[karlita]

تحدي تاعي من الثلاثاء الى السبت 5 ايام
الاستيقاظ على 3 الى 10 /6 ساعات
و اكمال برنامج التاريخ و الجغرافيا
*-* من يشارك

الحلم يستحق التضحية

[اكرام براءة]

نسهر انا مانوضش بكري ..

[ايوب122]

مساء الخير

كاين : بروتوكول المعايرة
بروتوكول التمديد
بروتوكول لتحضير محلول لحمض صلب ha تركيزه c وحجمه v


زيدوني اذا نسيت واحد

[اكرام براءة]

بروتوكول قياس الحجم
المعايرة بph

[Inspired soul]

بروتوكول متابعة زمنية عن طريق قياس حجم غاز منطلق, ضغط غاز , الناقلية الشاردية, المعايرة اللونية.
برتوكول المعايرة الph مترية

[عاشقة الكواكب]

كامل تسهروا في ليل مالا نوع بومة
انا نوض بكري على 3 ومنغدرش نسهر مكانش قوبع نديروا تحدي

[ايوب122]

انا ننوض بكري

مي تا 5 ولا ال6

ال3 بزاف عليا

+

شكرا ليكم

[ريتال2]

السلام عليكم
كيراكم غاية؟
بغيت ندير تحدي معا كاش حد فيكم

[عاشقة الكواكب]

انا ننوض بكري

مي تا 5 ولا ال6

ال3 بزاف عليا

+

شكرا ليكم
معليه لهذاك الوقت كل واحد يحط تحدي تاعوا ونحيوو ساعتين ( تع لفطور ولغداء ولعشاء ) و ساعة اذا كنت تڨيل
و في ليل نحطوا واش كملنا بشرط عشر سوايع قراية زوج مواد علمية و زوج ولا ثلاثة ثانوية

[karlita]

مساء الخير

كاين : بروتوكول المعايرة
بروتوكول التمديد
بروتوكول لتحضير محلول لحمض صلب ha تركيزه c وحجمه v


زيدوني اذا نسيت واحد

معطاكش استاذ مهديد وراقي تاع البروتوكولات ولاا
بسكعطانا من كنت نقرا عندو 3 ورق فيهم كامل البروتوكاللات

[نـــورسين]

العلوم حسيتكم ناسينها مش دايرينها في الحساب
انا مش نقرا فيها وتجيني ثقيلة :confused:
كيفاش تعاملو معاها يعني طريقتكم في دراستها مثلا تحلو ديراكت تمارين او تراجعو الدروس بعدها تحلو

[ندى2002]

السلام عليكم
كيراكم غاية؟
بغيت ندير تحدي معا كاش حد فيكم

اناااا حابة نتحدى

[ندى2002]

تحدي تاعي من الثلاثاء الى السبت 5 ايام
الاستيقاظ على 3 الى 10 /6 ساعات
و اكمال برنامج التاريخ و الجغرافيا
*-* من يشارك

الحلم يستحق التضحية

يعني من يوم الثلاثاء لغاية السبت نكونو مكملين hist-geo

[ريتال2]

اوكي
اذكرينا التحدي
مع العلم : شعبة علوم تجريبية

[*آمنة*]

مززالي درس البيولوجيا ودرس نتائج العلوم التجربية
//استاذ سبوسي روعة يعطيك المقالة جاهزة //

[ايوب122]

معليه لهذاك الوقت كل واحد يحط تحدي تاعوا ونحيوو ساعتين ( تع لفطور ولغداء ولعشاء ) و ساعة اذا كنت تڨيل
و في ليل نحطوا واش كملنا بشرط عشر سوايع قراية زوج مواد علمية و زوج ولا ثلاثة ثانوية

no probleme


+

خرائط بجودة مليحة


https://drive.google.com/file/d/1niKyeHdEzUpOmXdTxW-h8Lq1MSKkLqwu/view?fbclid=IwAR29Zgt2N9tpOlmxGl9R2JOTR9sWoTmy1_P7 4xl_sqSy__LLfUqapcUD_2g

[اللهم ارزقني عفةمريم]

انا منقدرش نسهر نوض 5 ولا6 وندير تحدي ان شاءالله

[*آمنة*]

وحد الاستاذ مرشحة بفوة تجبنا مقالة من فلسفة العلوم التجربية
يعني
بيولوجيا والبيوتيقا والاستقرااء
هاهو لفيديو تفرجوا وراهي شارحة كيفاه زعما توقعتهم
https://www.yo utube.com/watch?v=xC4ZKtMkg5g

[عماد المصري]

لنضع تحدياتنا
:علم التفاعل سيكون غير نشيط بعض الشيء لعدم حضور النضاميين صباحا لكن سينضمون مساءا وغدا لن تكون هناك دراسة في اغلب المؤسسات وقدوم العطلة لذلك سنتنافس فيما بيننا حتى حضور بافي الاعضاء

[Misterfou]

العلوم حسيتكم ناسينها مش دايرينها في الحساب
انا مش نقرا فيها وتجيني ثقيلة :confused:
كيفاش تعاملو معاها يعني طريقتكم في دراستها مثلا تحلو ديراكت تمارين او تراجعو الدروس بعدها تحلو
نفس الاحساس
كامل المواد نقراهم بمورال مليح الا العلوم.. ومالغري هي اهم مادة.. 😞
وش رايكم نديرو تحديات في مادة العلوم
نحطو سوجي الصباح و نحلوه.. فالليل نديرو التصحيح وناقشو اخطائنا
مجرد اقتراح

[نـــورسين]

نفس الاحساس
كامل المواد نقراهم بمورال مليح الا العلوم.. ومالغري هي اهم مادة.. 😞
وش رايكم نديرو تحديات في مادة العلوم
نحطو سوجي الصباح و نحلوه.. فالليل نديرو التصحيح وناقشو اخطائنا
مجرد اقتراح

كلامك صح ، اوك فكرة مليحة من الاحسن تحط مواضيع بالحل

[نـــورسين]

الافعال الادائية ومدلولها في العلوم

https://drive.google.com/file/d/1S1EW9XOWK4VAyYz9JPX3d5WY0dVT5GJL/view?fbclid=IwAR1cbCfhd1lNOg6ot-DReKK5k42pZ82mbXenkfpTy4PEKeZ07Q84Bs5_MF0

[jë suîs comçà]

https://drive.google.com/file/d/1OXeXcC-BxCXID4d0zMByxQzFiIipJz72/view?fbclid=IwAR0De6YDV7X3pdN0DVmWZGusrVhnjnUeWvkx 3_Izs4HTM1nrmYwTU2xvtdg
ملخص الفرنسية
هاااااااااااايل :D:D:D

[jë suîs comçà]

من فضلكم شكون عندو مواضيع تجريبية مع الحل (فرنسية)

[فتاة مغامرة]

https://drive.google.com/file/d/1oxexcc-bxcxid4d0zmbyxqzfiiipjz72/view?fbclid=iwar0de6ydv7x3pdn0dvmwzgusrvhnjnuewvkx 3_izs4htm1nrmywtu2xvtdg
ملخص الفرنسية
هاااااااااااايل :d:d:d

ملخص روعة نراجع منو +
انا ساعتمد على بكالوريات في كلا المجالين
ايلا لقيتي بعتيلنا

[jë suîs comçà]

ملخص روعة نراجع منو +
انا ساعتمد على بكالوريات في كلا المجالين
ايلا لقيتي بعتيلنا
bien sur mnb5l 3likoum hta haja :19:

[ايوب122]

واحد يشرح لي ال lvz

[نـــورسين]

هبة جبارية المتحصلة على 20 في الفلسفة والي عندها كتاب
حطت مقترحات من عند الاستاذ تاعها الي كانت تعتمد عليه
مقارنة بين العلم والفلسفة
اهمية الفلسفة
اصل الرياضيات
التجريب على المادة الحيه
المقارنة ين الملاحظة العلمية والملاحظة العادية

[أمل أميرة]

واحد يشرح لي ال lvz

نقلك وش نعرف على lvz
هي منطقة من 100كلم الى 225 كلم اسمها النطاق lvz وهي البرنش المتوسط وتكون اقل صلابة او مطاطية هذا واش نعرف عليها

[نـــورسين]

واحد يشرح لي ال lvz

هي المنطقة التي تفصل بين الاستينوسفير والليوتسفير
هي الجزء العلوي من الاستينوسفير تكون مطاطية *لدنة*

هاذو اهم امرين اذا حبيت نفصصل اكثر عادي

[ايوب122]

هذي الفكرة يلي فيها برك ؟؟

++

نحفظو العمق تاع ليمان وجماعتو ؟

[*آمنة*]

هذي الفكرة يلي فيها برك ؟؟

++

نحفظو العمق تاع ليمان وجماعتو ؟

هي البلاصة لي تتحرك فوقها الصفائح
وهي جزء من الاسينوسفير
+++++++++++++++++++
ايه كي يطلبمنك الاعماق ديرهم
+++++++++++++
اني حطيت تمارين اصين بي بنية كرة الارضية
حليتهم صراحة عجبوني

[*آمنة*]

وين رايحين تحبسوا تاريخ وجغرافيا

[*آمنة*]

هبة جبارية المتحصلة على 20 في الفلسفة والي عندها كتاب
حطت مقترحات من عند الاستاذ تاعها الي كانت تعتمد عليه
مقارنة بين العلم والفلسفة
اهمية الفلسفة
اصل الرياضيات
التجريب على المادة الحيه
المقارنة ين الملاحظة العلمية والملاحظة العادية

الاخيرة معرفتهاش نتاعش:o
التجريب على المادة الحية البيولوجيا هي
يعني تقريبا نفس مقترحات لي في الانترنت

[نـــورسين]

الاخيرة معرفتهاش نتاعش:o
التجريب على المادة الحية البيولوجيا هي
يعني تقريبا نفس مقترحات لي في الانترنت

ايه نفسهم يعني زايدة غير المقارنتين

[*آمنة*]

ايه نفسهم يعني زايدة غير المقارنتين
المقالة الاخيرة معرفتش نتاعش :confused:

[*آمنة*]

سؤال الاخير رجااااااااااءا
https://mrkzgulfup.com/uploads/159774517372691.png (https://mrkzgulfup.com/)مركز الخليج (https://mrkzgulfup.com/)

[nicesafa]

معناه يا اما زوز حمر و وجدة بيضا و لا زوز بيض و حدة حمرا و تحسبي ب الترتيبة a الاحتمال تعهم مع معامل الترتيب

[نـــورسين]

هذي الفكرة يلي فيها برك ؟؟

++

نحفظو العمق تاع ليمان وجماعتو ؟

ايه احفظ الاعماق بلاك يقلك دير رسم تخطيطي يعني لازم تكون على دراية بعماق الطبقات والانقطاعات

[أمل أميرة]

يااااخااه راكم اديرو في تحدي الحفظ بلا بيا وانا لي كل يوم نقلكم هيا نديرو تحدي الحفظ
المهم راني انظممت ليكم

[نـــورسين]

يااااخااه راكم اديرو في تحدي الحفظ بلا بيا وانا لي كل يوم نقلكم هيا نديرو تحدي الحفظ
المهم راني انظممت ليكم

انا مازال ماحفظتش لكن فاهمة شوية دروس
يعني رح نبدا من 0
المراجع كتابي بورنان وبوسعادي
بماني انا وياك مازال مابديناش كااااامل نحدو بعضانا ولازم في ظرف 3 او 4 ايام نكملوهم
لاني لاحظت نفسي نمااااااااااااااطل بزاف
قوليلي شحال جبتي في مواد الحفظ العالم لي فات

[*آمنة*]

تحدي اليوم
تمارين اعدا مركبة سلسلة مصطفاي
تمارين متتاليات +دوال
شخصيات الفرنسية
درس اميركـــــــا
درس الحتمية ولا حتمية
كتابة مقالة الفرضية والبيولوجيا
-------------------------------
نكمل مع احتمالات ونبدا التحدي
ربي يوفقـــــــــــــــــنا