نفسية ما بعد الاختبارات

[اسماء تيارت]

السلام عليكم جميعا
بعد ما شرعنا اليوم في تصحيح الاختبارات بكل صراحة النفسية تحطمت المورال تحت الصفر.
راني عارفة الصح في الباك. لكن حسيت تعبي تاع الفصل الأول مشي هو مقدمتش كل ماعندي .
النقاط كارثية.
اخطاء تافهة ...قلة التركيز. ...عدم الاستغلال الأمثل للوقت والكثير هذا ماجعلني ملخبطة ...هل من نصائح ؟ ؟. هل هناك شخص لديه نفس حالتي ؟ ؟
عذرا ان جلبت الإحباط بموضوعي .لكن ليس لي مكان
أفرغ فيه ما في قلبي و ما يجول في عقلي ..إن شاءالله سنصحح أخطائنا 😣😫

[زهرة الماضي]

انا في مثل حالتك تماما

[اسماء تيارت]

انا في مثل حالتك تماما

ربي يستر و خلاص

[ABDENNOURBATNANAILI]

حنا الصباح برك باه كملنا الامتحانات ولعشية ناس مريحة في دارها حنا رحنا نصحو رياضيات ديت 10/20
راهي نتيجة مليحة بالنسبة للنتائج

[اكرام براءة]

مثلك تماما
لكن نصبر روحي بكلمة الصح في الباك و العلامات ماتهمش

عادي أختي هذا الفصل الأول برك
مليح كي تعرفي هكذا أخطاءك و تتعلمي دروس
تفيدك منا و جاي
و كأنو امتحانات الفصل الأول هي الباك الأبيض الأول تتداركي أخطاءك و تصحيها و تحاولي ماتوقعيش فيها المرات القادمة
نفس الشيء تدخلي في مارس امتحان الباك الأبيض الثاني اللي هو الاختبارات تاع الفصل الثاني ديري أخطاء تصحيها و تتعلمي منها
تزيدي في ماي الباك الأبيض الثالث دروس تتعلميها منو
و بعدها تروحي للباك الأسود و الامتحان المصيري و انتي مصحة كامل أخطاءك و جاهزة من ناحية الدروس و التمكن منها
يعني عادي و احمدي ربي أنو الأخطاء هذو جاو الآن و ماجاوش في الباك و ادعيه يوفقك لواش باغية
و ماتنسايش بلي هذو العلامات ماهيش تعكس مستواك الحقيقي ممكن راحتلك في عفسة باش تتعلمي و ماتزيدش تروحلك فيها مرة اخرى
ماتفشلي ما تيأسي ما والو اعتبريها دروس و خليك ديما واثقة من نفسك و من قدراتك
ديري مجهود في الدار و اخدمي اللي عليك و ربي يجيب اللي فيها خير
صاريلنا كيما النملة تتدخر الحبوب لفصل الشتاء
حنا نخبوا المعلومات و ما نستفيد منه لفصل الصيف ( جوان ) باش نحطوه في الورقة

المهم ماتخليش هذو الامور يهبطولك المورال و يأثروا على نفسيتك و معنوياتك
ديريهم تجارب و خمي في الصح اللي هو الباك
اخدمي للباك و ركزي عليه
و أهم شيء تكوني فاهمة الدروس و تعرفي كيفاش تجاوبي
شيء آخر بحر ليه ^^

ربي يوفقك أسمــــاء

[اكرام الطموحة]

مثلك تماما بصح راني مصبرة روحي وصاي بكلمة الصح في باك .
ولكن هاذو نقاط معندهم حتى معنى مع الباك يعني مشي تقولي مجبتش مليح تسمى الباك راح نو شوفي كيفاش تداركي اخطائك شزفي تصحيح و السؤال لي غلطتي فيه وحاسبي روحك علاه مجبتيهش صحيح و هكا و صححي اخطائك باش متتعاودش ان شاء الله في الباك .
و متخميش بزاااف ان شاء الله ندو ما اكثر من هاد النقاط بالتوفيق و ان شاؤ انطلاقة جديدة لا للفشل حبيبتي

[اسماء تيارت]

مثلك تماما
لكن نصبر روحي بكلمة الصح في الباك و العلامات ماتهمش

عادي أختي هذا الفصل الأول برك
مليح كي تعرفي هكذا أخطاءك و تتعلمي دروس
تفيدك منا و جاي
و كأنو امتحانات الفصل الأول هي الباك الأبيض الأول تتداركي أخطاءك و تصحيها و تحاولي ماتوقعيش فيها المرات القادمة
نفس الشيء تدخلي في مارس امتحان الباك الأبيض الثاني اللي هو الاختبارات تاع الفصل الثاني ديري أخطاء تصحيها و تتعلمي منها
تزيدي في ماي الباك الأبيض الثالث دروس تتعلميها منو
و بعدها تروحي للباك الأسود و الامتحان المصيري و انتي مصحة كامل أخطاءك و جاهزة من ناحية الدروس و التمكن منها
يعني عادي و احمدي ربي أنو الأخطاء هذو جاو الآن و ماجاوش في الباك و ادعيه يوفقك لواش باغية
و ماتنسايش بلي هذو العلامات ماهيش تعكس مستواك الحقيقي ممكن راحتلك في عفسة باش تتعلمي و ماتزيدش تروحلك فيها مرة اخرى
ماتفشلي ما تيأسي ما والو اعتبريها دروس و خليك ديما واثقة من نفسك و من قدراتك
ديري مجهود في الدار و اخدمي اللي عليك و ربي يجيب اللي فيها خير
صاريلنا كيما النملة تتدخر الحبوب لفصل الشتاء
حنا نخبوا المعلومات و ما نستفيد منه لفصل الصيف ( جوان ) باش نحطوه في الورقة

المهم ماتخليش هذو الامور يهبطولك المورال و يأثروا على نفسيتك و معنوياتك
ديريهم تجارب و خمي في الصح اللي هو الباك
اخدمي للباك و ركزي عليه
و أهم شيء تكوني فاهمة الدروس و تعرفي كيفاش تجاوبي
شيء آخر بحر ليه ^^

ربي يوفقك أسمــــاء

عندك الحق إكرام ختي الحمدلله جات في هاد الوقت باه نتعلموا..وإن شاء الله نتدارك هذه الأخطاء ربي يحفظك وينجحك حبيبتي على هاد النصائح 🤗😥🙆😍

[اسماء تيارت]

مثلك تماما بصح راني مصبرة روحي وصاي بكلمة الصح في باك .
ولكن هاذو نقاط معندهم حتى معنى مع الباك يعني مشي تقولي مجبتش مليح تسمى الباك راح نو شوفي كيفاش تداركي اخطائك شزفي تصحيح و السؤال لي غلطتي فيه وحاسبي روحك علاه مجبتيهش صحيح و هكا و صححي اخطائك باش متتعاودش ان شاء الله في الباك .
و متخميش بزاااف ان شاء الله ندو ما اكثر من هاد النقاط بالتوفيق و ان شاؤ انطلاقة جديدة لا للفشل حبيبتي
ان شاء الله حبيبة ,😍😍 والله غي جاني تأنيب الضمير لكن الحمدلله على كل حال

[اسماء تيارت]

حنا الصباح برك باه كملنا الامتحانات ولعشية ناس مريحة في دارها حنا رحنا نصحو رياضيات ديت 10/20
راهي نتيجة مليحة بالنسبة للنتائج

المزيد إن شاء الله

[ABDENNOURBATNANAILI]

أقسم بالله أقسم بالله أقسم بالله راني حلفت واحد صاحبي يقرا معاي خوه دا عام لي فات الباك
علوم الطبيعة والحياة دا الفصل الاول 3
البكالوريا 19.5

[اكرام براءة]

أقسم بالله أقسم بالله أقسم بالله راني حلفت واحد صاحبي يقرا معاي خوه دا عام لي فات الباك
علوم الطبيعة والحياة دا الفصل الاول 3
البكالوريا 19.5

علامات الفصل الأول ليست معيارا يُحدد به المستوى
فقط لتقييم المعلومات
و مزال الفصل الثاني و الثالث و أهم شيء شهادة البكالوريا
لذلك الانسان مالازمش يكره من الآن لمجرد علامة لم ترضِه
بل العكس يجعلها حافزا للتقدم نحو الأفضل

نسأل الله ألا يحرم أحدا من فرحة النجاح في البكالوريا

[اسماء تيارت]

أقسم بالله أقسم بالله أقسم بالله راني حلفت واحد صاحبي يقرا معاي خوه دا عام لي فات الباك
علوم الطبيعة والحياة دا الفصل الاول 3
البكالوريا 19.5

الارادة تصنع المعجزات وهاذي كاينة خويا

[اللهم ارزقني عفةمريم]

والله كيما حالتي اسومة حبيبتي ولمشكلة حسيتي روحي كنت نلعب مش نقرا احباط كبيير جاني بصح رايحة نعاود روحي من جديد في هذا لعطلة وصحح اخطاء لي درتهم في هذا لموسم صح في لباك حبيبتي متخميش هذا الاختبارات مجرد اختبار تجربيي تختبري روحك فيك بلاك اذا دينا نقاط ملاح في هذا لموسم يطلع لموال ونقول خلاص رانا واجدين بصح في لحقيقة حنا مزال مش واجدين ويفوتنا صوالح بزززاف يسما هذاهو لحافز ليخليك نبدا بداية جديدة وقوية ونصحح كل خطا بأذن الله وبالتوفيق جميعنا*

[ABDENNOURBATNANAILI]

ان شاء الله العطلة هذي باذن الله تعالى رايح نزير مليح مليح ونقرا ونريفيزي كلش وكل ما فاتني

[Cold Angel]

مثلك تماما هذا ما حصل لي العام الماضي .. نقاط كارثية في الفصل الاول
ولكن لاعليك .. حاول الاستفادة من الاخطاء قدر الامكان ,, قومي بحل الاختبارات مجددا
و ان شاء الله حاولي ان تقومي بمراجعة ما فاتك في الفصل الاول

[اسماء تيارت]

والله كيما حالتي اسومة حبيبتي ولمشكلة حسيتي روحي كنت نلعب مش نقرا احباط كبيير جاني بصح رايحة نعاود روحي من جديد في هذا لعطلة وصحح اخطاء لي درتهم في هذا لموسم صح في لباك حبيبتي متخميش هذا الاختبارات مجرد اختبار تجربيي تختبري روحك فيك بلاك اذا دينا نقاط ملاح في هذا لموسم يطلع لموال ونقول خلاص رانا واجدين بصح في لحقيقة حنا مزال مش واجدين ويفوتنا صوالح بزززاف يسما هذاهو لحافز ليخليك نبدا بداية جديدة وقوية ونصحح كل خطا بأذن الله وبالتوفيق جميعنا*
إن شاء الله بإذن الله عودة قوية

[اسماء تيارت]

مثلك تماما هذا ما حصل لي العام الماضي .. نقاط كارثية في الفصل الاول
ولكن لاعليك .. حاول الاستفادة من الاخطاء قدر الامكان ,, قومي بحل الاختبارات مجددا
و ان شاء الله حاولي ان تقومي بمراجعة ما فاتك في الفصل الاول

سافعل إن شاء الله

[اسماء تيارت]

ان شاء الله العطلة هذي باذن الله تعالى رايح نزير مليح مليح ونقرا ونريفيزي كلش وكل ما فاتني

ان شاء الله خويا أنت لها

[ABDENNOURBATNANAILI]

هذي تمارين رياضيات لجميع المحاور قدمها لي استاذ المادة
https://www.djelfa.info/vb/showthread.php?t=2223137
ارجو ان تفيدكم

[اكرام براءة]

ان شاء الله العطلة هذي باذن الله تعالى رايح نزير مليح مليح ونقرا ونريفيزي كلش وكل ما فاتني

إن شاء الله

ربي يوفقك و كل مجتهد

[اسماء تيارت]

ربي يحفظكم كامل و ينجحكم إن شاء الله* خاوتي وخوتاتي.
فرحتوني و شجعتوني بكامل ردودكم* ⚘⚘⚘

[اللهم ارزقني عفةمريم]

فقط سؤال هل ستبدا هذا الاسبوع بالمراجعة او تتركنها الي الاسبوع القادم؟؟

[اسماء تيارت]

فقط سؤال هل ستبدا هذا الاسبوع بالمراجعة او تتركنها الي الاسبوع القادم؟؟

الخميس مكاش قراية نظن رح نحل تمارين رياضيات ...الجمعة فيزيك والباقي للعطلة

[اللهم ارزقني عفةمريم]

اييه حنا من قدوى مكانش لقراية*

[اسماء تيارت]

اييه حنا من قدوى مكانش لقراية*

حنا غي الخميس 😣 اسبوع تصحيح

[اكرام براءة]

في ولايتنا إضراب عام كل هذا الأسبوع ..
لا توجد دراسة لغاية الأحد القادم

[اللهم ارزقني عفةمريم]

في ولايتنا إضراب عام كل هذا الأسبوع ..
لا توجد دراسة لغاية الأحد القادم

اييه حنا ولو مكانش اضراب ليسي نتاعنا مزكر انتخاب

[زهرة الماضي]

افيدونا بافكار لاستغلال العطلة ماذا يجب ان نفعل فيها

[اكرام براءة]

افيدونا بافكار لاستغلال العطلة ماذا يجب ان نفعل فيها

حل سلاسل تمارين في المواد الأساسية - العلمية -
محاولة التمكن من اللغات
حفظ ما سبق من دروس و تواريخ ..

كل هذا بتنظيم الوقت أكيد و محاولة الالتزام بجدول مراجعة

[〆 بٰٰاولو 乄]

أقسم بالله أقسم بالله أقسم بالله راني حلفت واحد صاحبي يقرا معاي خوه دا عام لي فات الباك
علوم الطبيعة والحياة دا الفصل الاول 3
البكالوريا 19.5

يسي فري

كاين واحد صحيبي نعرفوا في لافاك
الفصول كيما راهم تحت 7 والباك 14.80 وراه يقرا هندسة معمارية كيفي

[عاشقة الكواكب]

راني نكتب ونتخيل اجواء نهار لمعدل في دار يا اما يدفعوني نبطل لقراية او نولي مهبولة او نموووت خلاص
كانوا حسابلهم لواحد عاد ميقراش و انا ظال تاعبة مع لقراية وسبب فشل يرجع لمراجعة طريقتها خاطئة لخوف والقلق و الوسواس وتركيز
لكن ربي يستر برك كيفاه رح تفهموا عايلاتكم

[اسماء تيارت]

راني نكتب ونتخيل اجواء نهار لمعدل في دار يا اما يدفعوني نبطل لقراية او نولي مهبولة او نموووت خلاص
كانوا حسابلهم لواحد عاد ميقراش و انا ظال تاعبة مع لقراية وسبب فشل يرجع لمراجعة طريقتها خاطئة لخوف والقلق و الوسواس وتركيز
لكن ربي يستر برك كيفاه رح تفهموا عايلاتكم
أشد ما أكره هاذي الضغوطات انا عندي خويا هو صاحب الضغط

[karlita]

السلام عليكم جميعا
بعد ما شرعنا اليوم في تصحيح الاختبارات بكل صراحة النفسية تحطمت المورال تحت الصفر.
راني عارفة الصح في الباك. لكن حسيت تعبي تاع الفصل الأول مشي هو مقدمتش كل ماعندي .
النقاط كارثية.
اخطاء تافهة ...قلة التركيز. ...عدم الاستغلال الأمثل للوقت والكثير هذا ماجعلني ملخبطة ...هل من نصائح ؟ ؟. هل هناك شخص لديه نفس حالتي ؟ ؟
عذرا ان جلبت الإحباط بموضوعي .لكن ليس لي مكان
أفرغ فيه ما في قلبي و ما يجول في عقلي ..إن شاءالله سنصحح أخطائنا 😣😫

لا اعلم ما اصابني في نوفمبر برود اتجاه الدراسة ككل و هاذا صاحبه اني ندخل الاختبار منحاولش اصلا نقرا نحل سؤال او اثين نخرج كاارثة :confused::confused::mad::mad: ندمت لاني عارفة نيvو تاعي كي مخدمتش يعني علامات اكل تحت ال10 :D:D اختي لي تقرا فالابتدائي دات خير مني :confused: المهم انا الان تعلمت من اخطائي و ان شاء الله انا الان اكثر عزيمة من بداية العام :19::19: انا لها

[اسماء تيارت]

لا اعلم ما اصابني في نوفمبر برود اتجاه الدراسة ككل و هاذا صاحبه اني ندخل الاختبار منحاولش اصلا نقرا نحل سؤال او اثين نخرج كاارثة :confused::confused::mad::mad: ندمت لاني عارفة نيvو تاعي كي مخدمتش يعني علامات اكل تحت ال10 :d:d اختي لي تقرا فالابتدائي دات خير مني :confused: المهم انا الان تعلمت من اخطائي و ان شاء الله انا الان اكثر عزيمة من بداية العام :19::19: انا لها
إن شاء الله انا 5 تحت المعدل 😆😥

[اللهم ارزقني عفةمريم]

ان شاءالله نعوضهم انا نفس الشي علامات كارثة*

[Inspired soul]

نقاط رائعة في اللغات
نقاط غير مرضية في رياضيات و فيزياء
فلسفة اسوء نقطة في تاريخي الدراسي
و القادم اسوء (علابالي نقاطي في مواد حفظ رح تكون سيئة)
بصح معنوياتي عالية و علابالي النقاط ما تعكسنيش ابدا كوني لم ادرس اطلاقا (صدقوني رياضيات و فيزيك ما حليت حتى تمرين ما عدا وش درنا ف ليكور)
ربي يوفقنا فقط
ولا تنسو العبارة الاسطورية "الصح في الباك"

[زهرة الماضي]

حل سلاسل تمارين في المواد الأساسية - العلمية -
محاولة التمكن من اللغات
حفظ ما سبق من دروس و تواريخ ..

كل هذا بتنظيم الوقت أكيد و محاولة الالتزام بجدول مراجعة

شكرا لك اكرام

[محٍبَة آلُِرٍحٍمآن]

انا هردتها في الاختبارات قلتلهم اسكتو في العربية وتحت المعدل الاستاذة قريب شدتني ولاحتني من التاقة عمبالكم اعلى نقطة ديتها في الاختبار هي 14.5وكانت في الفرنسية لخرين والو انا مراهمش غايضيني النقاط الحاجة لي غاضتني غير التعب لي تعبتو على جال الاختبارات نسهر لوقت متاخر ونوض بكري بصح الحاجة مليحة تعلمت بزاف اشياء انو اول شي ما نخليش حتى نهار اللخر ونبدا نقرا وما نتعبش روحي بزاف ومن ناحية الوقت منزيدش نخدم في المسودة الا بعض الاشياء لي تتطلب ذلك ومن ناحية المنهجية لازم كل حاجة نفصل فيها وتركيز ثم التركيز ثم التركيز ولازم ندير ثقة في نفسي لانو سباب نتائجي الكارثية هي الخلعة والوسواس

[زهرة الماضي]

انا هردتها في الاختبارات قلتلهم اسكتو في العربية وتحت المعدل الاستاذة قريب شدتني ولاحتني من التاقة عمبالكم اعلى نقطة ديتها في الاختبار هي 14.5وكانت في الفرنسية لخرين والو انا مراهمش غايضيني النقاط الحاجة لي غاضتني غير التعب لي تعبتو على جال الاختبارات نسهر لوقت متاخر ونوض بكري بصح الحاجة مليحة تعلمت بزاف اشياء انو اول شي ما نخليش حتى نهار اللخر ونبدا نقرا وما نتعبش روحي بزاف ومن ناحية الوقت منزيدش نخدم في المسودة الا بعض الاشياء لي تتطلب ذلك ومن ناحية المنهجية لازم كل حاجة نفصل فيها وتركيز ثم التركيز ثم التركيز ولازم ندير ثقة في نفسي لانو سباب نتائجي الكارثية هي الخلعة والوسواس

انتي محقة تماما يا اختي

[اسماء تيارت]

انا هردتها في الاختبارات قلتلهم اسكتو في العربية وتحت المعدل الاستاذة قريب شدتني ولاحتني من التاقة عمبالكم اعلى نقطة ديتها في الاختبار هي 14.5وكانت في الفرنسية لخرين والو انا مراهمش غايضيني النقاط الحاجة لي غاضتني غير التعب لي تعبتو على جال الاختبارات نسهر لوقت متاخر ونوض بكري بصح الحاجة مليحة تعلمت بزاف اشياء انو اول شي ما نخليش حتى نهار اللخر ونبدا نقرا وما نتعبش روحي بزاف ومن ناحية الوقت منزيدش نخدم في المسودة الا بعض الاشياء لي تتطلب ذلك ومن ناحية المنهجية لازم كل حاجة نفصل فيها وتركيز ثم التركيز ثم التركيز ولازم ندير ثقة في نفسي لانو سباب نتائجي الكارثية هي الخلعة والوسواس
نفس الشيء ونفس الغلطة منزيدش نعاودها .الفصل الأول علمني بزاف صوالح

[اسماء تيارت]

وتبقى جملة "الصح في الباك "* الراعي الرسمي للفصل الأول

[chahinaz1]

واخيرا منيش وحدي لي تعبت من بداية لعام وفلخر لقيت لعكس تماما نقاط كارثية تسبب الاحباط والفشل
بصح مش وقت لفشل معندناش خيار وحداخر غير انو نعاودو نوضو من جديج ونصححو اخطاىنا
ديما تفكري نهار تخرج نتيجة
بتوفيق حبيبتي