كفاش ندير بش تبطل2

[مشكلتي]

السلام عليكم انا صاحبة الموضوع المذكور اعلاه .ممكن نسيتوه نذكركم بيه قلتلكم بلي حماتي تجيبلي ماكلة وانا حابتها تبطل ماتجيبلي واستهليت موضوعي بعبارة(بدون ذكر التفاصيل)
يعني لمحت بلي كاين امور لي خلاتني منحبذش انها تجيبلي اكلها وفضلت التكتم عنها لاسباب خاصة لكن ا
انتوما انهلتو عليا مباشرة بردودكم العنيفة كما عهدناكم.ومتأكدة مليار بلمية بلي لكان جات بنت وقالتلكم زوجة اخي ترفض ان تقدم لها امي الاكل لكنتو قلتولها راجعو تصرفاتكم ربما راكم تآذوها .ومكاش منها امرا ترفض بلاسبة وانتوم فيكم وفيكم وووووووو.معليش نرجعو للموضوع تاعي والردود تاعه ...
وحدة تقولك لكان مجابتلكش تقولي وعلاه وحدة تقولك من حقها تجيب لابنها
وحدة تدعيلك بالهداية
ووحدة تقولك انتي رفضتي باش مترجعيلهاش الماكلة
وحدة تقولك انتي نكارة الخير
وحدة تقولك عجوزك عاقلة ومهيش قبيحة
ياسبحان الله !!!!!!
ديجا عرفتو بلي عجوزتي عاقلة وبلي زوجي كل يوم معاي فدار وعرفتو حتى عقليتي وواش راح نهدر ايضا فالقادم!!!
امور بوناطيرو ميقدرش يعرفها!؟!!!!!
المهم
ياجماعة الخير
انا محكيتش الاسباب لي حابة عجوزتي تبطل من اجلهم وكنت عبرت على ذلك بعبارة ...بدون ذكر للتفاصيل....معليش
ايه حابة عجوزتي تبطل متجيبلي لان ذلك يشكلل ضررا كبيرا بالنسبة لي اكبر بكثير من اني نحشم ولا نعيا بش نرجعهلها الاكل
الحاجة الاولى عجوزتي شريرة وغالبا ما تعايرني بلي انا فنيانة وكسولة وتضحك عليا وتستهزا وتوصل بالاستهزاء حتى للوالدة تاعي بلمعاني وسوايع ديركت بلا معاني
عجوزتي ياجماعة تتفنن في اهانتي والتدخل الفادح في شؤوني
عجوزتي تتفنن في كتابة الروايات وتبدع في تأليف القصص عليا عند الناس
ومنقدرش نحكي واش راها تدير عجوزتي لان ذاكرتي مظغوطة منها
الزوج تاعي كي نحكيلو واش راه صاري معاي في غيابو مياخذش الامر بعين الاعتبار لانو مشافش بعينو لانو شاف من امه غير الخير
زوجي كي يكون فلعمل يتصل بيا ويقولي واش تعشيتي واش تغديتي منقدرش نكذب عليه كي تكون امه جابتلي غدا؟!!
زوجي يفهم بلي امه مسكينة وبريئة وانا اللي منيش مليحة ونظل نشتكي منها
السبب الثاني عجوزتي تحطلي الماكلة في شمبرتي في معظم الاحيان لما نخرج من الشمبرة في الكثير من الاخيان ندخل لشمبرتي نلقى الماكلة يعني تدخل في غيابي وانا نرفض هذالشي مطلقا.
عجوزتي تدير السبة بالطبسي تاعها وتدخل تحوس في شمبرتي باش تديه
عرفتو علاه حابتها تبطل متجيبلي ولا معرفتوش
عموما مايحس بلجمرة غير لي كواته والسلام عليكم

[أثر]

هوني عليك يا اختي
تفاصيل كثيرة تغير مسار النصيحة مليار درجة يعني كنتي تقولي بالتفصيل حكايتك وتطلبي النصح ماشي العكس
على العموم انا ضد فكرة العجوز رايحة جاية ع الكنة وضد فكرة انها تدخل اصلا لشمبرتك وعندك حق مليار ف المية في طلبك

[المطمئنّة]

وعليكم السّلام ورحمة الله وبركاته

أختي أنصحكِ أن تخبريها مباشرة بأن لا تحضر لكِ الأكل وكذلك أن لا تدخل غرفتكِ وهذا من حقّكِ
من خلال كلامكِ أظنّ -والله أعلم- أنّ زوجكِ يعمل بعيدا عن المنطقة ويترككِ مع أهلهِ
لذلك أفضل حلّ هو المصارحة بما أنّكِ ذكرتِ بأنّكِ تعانين من الضّغوطات، وأنّكِ لستِ على وفاقِ مع حماتكِ، فأفضل حلّ هو أن تغلقي بابكِ خاصّة و أنّكِ تملكين مطبخا خاصّا
وكذلك افهِمي زوجكِ هذا الأمر لأنّه من حقّك أن لا يحتّم عليكِ أحدٌ الأكل، فلماذا إذا تملكين المطبخ؟
ومن حقّك أيضا أن تحافظي على خصوصيّة غرفتكِ
فليس مناسبا أن تدخل أمّ زوجكِ إلى غرفتك بحضورك فما باكِ وأنتِ غائبة
فعلا فرّج الله همّ كلّ من تعاني من هذه الضّغوطات والله المستعان


تقبّلي مروري

[ing.Youcef]

وأين المشكل كي تجيبلك الأكل؟
الناس ماشي أقارب ويتبادلو الأكل عادي جدا
علاه راكي مكبرتها!!
وكي تدخل لشمبرتك وين راه المشكل؟
راكي تصنعي فيها الطيارات وخايفة تديلك الأسرار؟؟!!!

[منى6019]

السلام
لدي نفس مشكلتك ..حماتي تحضر لي الاكل .. و انا احضر الاكل .. زوجي ياكل ما تحضره أمه ...صراحة اكلها لذيذ..فيضيع ما حضرت انا ...ميزانية منزلنا تضيع .. و انا لست من النوع الاكول....إذن ما حضرت انا ارميه ... و هذا يؤلمني ...أحب أن اشعر اني في بيتي ...و انا من يطبخ لزوجي ...و حماتي تفسد هذا .....أما الاخت .... اغاقي باب غرفتك بالمفتاح طوال الوقت ... وقولي لحماتك مكان الاكل هو المطبخ و ليس غرفة النوم ...هذا اولا ...ثانيا لا تؤكلي اكلها حتى لو مت جوعا ...حضري أكلك و كلي ...و قولي لزوجك أن الاكل يضيع و أن يقول لامه الا تتعب نفسها و تحضره لك ...بالتوفيق

[منى6019]

السلام
اسفة للرد مرة أخرى لكن استفزتنى عبارة ...واش فيها كي تدخل ل بيتك...هذا عيب جدا ...انت في غرفتك لديك عالمك الخاص من يريد الدخول فليستاذن ...حتى والدتك و لا تدخل غرفتك حتى تطرق الباب ...لنفرض ملابسك الخاصة متناثرة لاي سبب أو مواد عناية بالجسم ...لا يمكن تخطي هذه الحدود ...حتى الاولاد و يستاذنون للدخول على اهلهم