استاذتي تجعلني كالخادمة لها

[مشكلتي]

السلام عليكم ورحمة الله

انا تلميذه نقرى في 2 ثانوية تعبت من اوامر استاذتي في اللغه العربية هي دائما تقلي نوضي امسحي صبوره وتقلي جيبي السجلات كي مايجيبهمش المراقب وتؤمرني بزاف صوالح كيما هكا ومتقولش لمسؤل القسم رغم اني متفوقه خاصتا عندها قلقتني بزاااف وخلاتني نكرهها ونكره حصتها يوم الاثنين الي فات رحت ليها في غرفه الاساتذة وخبرتها وقلتها حابه نغير القسم وكرهت هذي الكلاسة بما انها هي الاستاذه الرئيسية للقسم قاتلي قولي صح وصارحيني علاش حاابة تغيير قلتلها واش فقلبي وبلي كرهت من اوامرك ومنيش خدامة عندك بكاات بزاااف صدمتني وقعدت نبكي انا تاني طلبت مني نجي نقعد في حضنها كي قعدت ضمتني ليها بقوة وقلتلي نقلك سر ومتقليهش قتلها اوكي قاتلي انت من اعز التلاميذ عندي ونحبك بزااف ونحب حركاتك وتصرفاتك ونحب نشوف ابتسامتك ومش قصدي ناذيك وكلامك هدا زعفني بزااف وانساي تبدلي الخلاصة لانو السبب مقنعهاش وقلتلي راح نبدل تصرفاتي معاك حسيت روحي كنت قاسية معاها وحشمت منها حسيت روحي منسواش معاها المشكلة انو بعد هدا الموقف جات حصتها يوم الاربعاء تجاهلتني وكأنني غاائبة مش في الكلاصة وكي تطرح سؤال ونرفع صباعتي للإجابة تتجاهلني واكثر من مرة غاضني الحال ومعرفتش كفاش نتصرف مكنتش حابه تعاملني هك ومقدرتش انصحوني بلييييز وش ندير انا قلت نروح نطلب منها سماح مي خايفة تحشمني وتتجاهلني بلييز ساعدوني

[عاشقة الكواكب]

هههههههههه فكرتيني في استاذة اللغة للعربية في المتوسط
ولله كانت لي ام ثانية و كي طلعت للثانوية بحرت بلا بيها
نتي غلطتك انك صارحتيها كونها تحبك
حسنا عودي ديما كي تلخصي قرايتك روحي شايخي معاها احكيليها فطفطيلها
جيبلها هدايا و بينيلها بلي انتي تاني تحبيها
لازم تحاولي تصحي خطأك

[مومي23]

الاستاذ عموما يطلب الحاجات من اعز التلاميذ عندو و اكيد هي تحبك تصرفي عادي الامور ستعود الى نصابها

[أثر]

السلام عليكم
نفس الامر كان يحصل لي مع استاذة اللغة العربية في التعليم المتوسط لكني كنت احب اوامرها لي ونقول هي تحبني لهذا تطلب مني انا وليس من غيري
حاولي تنفردي بيها لوحدكما واعتذري منها وانك اخطأتي بحقها في لحظة غضب لاغير
ان عادت العلاقة بينكما كالسابق فاللهم بارك وزد
واذا استمرت في تجاهلك لاحل لك غير الرضا بهذا على الاقل تكونين قد نلتي مرادك وكفت هي عن اوامرها لك
بحكم تجربتي في سلك التعليم المعلم لايرسل ولا يامر الا التلميذ المتخلق والمتفوق والذي يثق فيه جدا رغم ان كثيرين واقصد تلاميذ لايحبون هاته الاوامر.

[kimjia]

ضحكتيني يعطيك الخير اول حاجة عنوان الموضوع غير مناسب معا واش كتبتيه لعوض تكتبي كيف اصلح علاقتي مع استاذتي

ايه قاتلك نحبك انا استاذة العلوم اسلامية في الليسي عامين وانا نكتبلها في دفتر النصوص ليس حبا بل ان خطي باهي :1:

[AHMEDVIC]

ههههههه روحي اطلبي منها سماح