كل حاجة لازم انا

[مشكلتي]

سلام الله عليكم اخوتي اخواتي .مشكلتي مع زوجي ركزو معاي جيدا باش تحكمو مليح
كي يجو خياته المتزوجات ضيفات يقولي روحي سلمي عليهم باش ميقولوش وعلاه مجاتش لينا
وكي يكونو قاعدين هذمك النهارات يقولي اقعدي قصري معاهم
وكي يجو مروحين يقولي اخرجي ليهم باش تودعيهم قوليلهم اتهلاو في رواحكم ووو باش ميزعفوش
فهمتو هذي زيدو ركزو معاي جيدا
كي نجي انا رايحة لدار والديا نضيفهم يقولي روحي ليمة وخياتي قوليلهم ابقاو على خير وتهلو في رواحكم
وكي نجي من دارنا يقولي روحي سلمي عليهم .وو
زيد
كي يجو خياته المتزوجات انا واياه فالشمبرة وهوما الذراري ولادهم يطبطبو علينا عند الباب تع الغرفة يفتحلهم ويلعب معاهم علاه لانو يخاف امهاتهم يزعفو يعني يخاف خياته يقولو علاه مفتحلهمش الباب ووو
وانا متأكدة مليار بلمية بلي ولدي الصغير لكان يكبر ويروح يطبطب عند خياته وهوما راقدين متأكدة بلي يعرشلي ويقولي شدي ولدك راهم راقدين!!!
نظن لاحظتو التناقض
هل يعني هذا ان اهل زوجي فازو بحب اخوهم وصرفه عني واني فشلت في ذالك؟مالحل بالنسبة لكم

[فطيمة 03]

مع كل احترماتي اظن انك تبالغين قليلا في طرح مشكلتك ، لانه اغلب الحالات لي ذكرتيهم من المفروض تعمليهم بلا ما يقلك زوجك ، مثلا يجو اهلو ، تروحي تسلمي عليهم بلا ما يقلك راجلك او كي يعودو خارجين تقوليليهم تبقاو على خير ، او كي تروحي لاهلك مافيها والو تقولي لحماتك تبقاي على خير ، سيرتو اذا كنت تسكني بعيد ، هم لم يفوزو وانت لم تخسري شيئا ، مادام ماهمش يعملولك في مشاكل فلا ضرر ولا ضرار ، انت قومي بالواجب في المستطاع بلا ما توسوسي روحك بانك عايشة في مشاكل .

[ابنة الاسلام]

هاذو لي ذكرتيهم كامل من باب اللباقة وتمديلهم الوجه كيما نقولو ...يعني عااادي اختي وسعي بالك برك ...وزيد راكي عرفتي النقطة لي تكسبي بيها زوجك في هاذ الحالة اللي هي محاسنة اهله ..كوني ودودة معاهم .. تكسبي راحة بالك ويفرح زوجك .
ربي يهنيك

[kingwil]

راجلك انسان محترم ومتربي و راه يعلم فيك انصحك بطاعة

[yassefe]

اين هي المشكلة تاعك انا لااراها !!!

[toulay]

وعليكم السلام ورحمة الله وبركاته
شوف يا اختي مع كل احتراماتي ولكن هاذو من المفروض ديرهم بلا مايقولك زوجك من باب اللباقة والتربية والاصل
ياسبحان الله يجوا اخوات زوجك للدار ومتروحش حتى تقولهم سلام وتسقسي على احوالهم زعمة انت لو رحتي لداركم ومجاوش عندك نساء الخاوة مراحش دير ملاحظة وتقول واشبيهم هاذو
وتاني كيفاش ياسبحان الله ساكنة مع ناسك وتروح لداركم متقولهمش بلي خارجة وتبقيهم على خير ومثلا جاء واحد يحوس عليك ومبعد لعجوزة طبطب عليك ومتلقاكش معناها هكذا ماشي مادة قيمة لاهل زوجك
يا اختي انت غالطة وهاذي مشي مشكلة تبانلي المشكلة فيك انت حابة تبقى وحدك وحتى واحد مايدور بيك
وفيما يخص الدراري راهم مزال اطفال كون اخوات زوجك جاو زضموا على الغرفة تاعك صح تماك عندك الحق تنتفض
المهم ماراح ينقص منك لايد ولا رجل لو القيت التحية مراحش تخلص ضريبة بالعكس يقولوا عروستنا بنت ناس
بالتوفيق

[قنون المربي والأستاذ]

السّلام عليكم
كل ماقلتيه لاتنغيص فيه
الذي لم أعيه جيدا عندما تذهبين ضيفة عند أهلك ويطلب منك أن تودعي أخواته
سأشرح مالم أفهمه
ــ إذا كانت الأخوات بعيدات عن بيتكما بحكم أنهن يأتين ضيفات فالأمر يحتاج إلى مراجعة
ــ أما إذا كانت بيوتهن قريبة من بيتكما(بمعنى في طريق ذهابك إلى بيت أهلك)فلابأس

[جالب الخيرات]

طاعة الزوج لامه ليست عيبا.............................................. ...................حب زوجك لاهله ليست عيبا..............................مطالبته لك بما يجب ان تقومي به تلقائيا هذا ما لم افهمه............................................. ....................مالا قا ريقلي روحك قبل ما تجي الفاس فوق الراس.

اخيتي راه على حساب ما فهمت ساكنة مع اهل زوجك............................و راني حساب ما فهمت اهلو "خواتاتو " شوية عفسانين.............امالا ما تزعفيش اذا قتلك اصبري و طيعي راجلك ما دامو صابر اعليك.................و ما تخليهش غير اذا قالك.....................حتى تكسبيه و تكسبي احتراموا ليك و الاهلك............................................ ...............................صدقيني اذا راك صادقة مع ربي و من بعد راجلك غير ربي ما يخولهاش بيك............................................... .................................................. .................................................. .................................................. .................................................. .................................................. .................................................. .................................................. ............

[أم رقية نسرين]

وينها المشكلة ...مكانش
كل ما في الأمر انو يحترم اخواته و هذا اصبح من النادر باه نشوفوه هاد الوقت
وكي يكبر ابنك إن شاء الله و يطبب و يقولك خليهم راهم راقدين ارواحي اكتبي موضوع هنا
مديريش مشاكل من والو باه تعيشي هانية

[أثر]

جميل ان تبادري للخير قبل ان يطلب زوجك ذلك
اهل زوجك هم اهلك وانت الان مولات الدار وماطلبه زوجك يدخل ضمن الادب وحسن التربية
فلا هم فازوا ولا انت خسرتي
بل هذا الذي يجب ان يكون
السابقون للخيرات هم افضل مكانة عند الله وأعظم أجرا

[شهاب خرشى]

بعد السلام اختي أظن أن هذه ليست مشكلة المشكلة هي انت فاللباقة هي سمة الزوجة الذكية فاحمد الله على هذه النعمة فلو اطلعت على هموم الناس لاستصغرت ماتشكين