بصراحة معجبنيش

[مشكلتي]

السلام عليكم
حكايتي بدات كي جاء راجل يخطبني..
هو راجل راجل كيما الناس الكل ... المهم خدام ووووو و حاب نكون زوجتو ع سنة الله ورسوله
و ووالدي فرحان خطراكش عجبو الراجل و وحتى والدتي كيف كيف.. وقالو خلاص (( تهنينا على بنتنا))..
المشكل يا خاوتي حاولوا تفهموني انو (( الراجل ماعجبنيش ))
الراجل ماعجبنيش... بكل صراحة " محملتوش" .. منحكيش على الجمال لالا مفهمتش كيفاه نقولها ... السيد محملتوش وماعجبنيش.... يعني حتى في الرؤية الشرعية روحي خرجت وقاعدة نتجنب حتى طيح عيني في عينو .. ونخرج في الكلمة بالسيف..الله غالب مفهمتش ماعجبنيش بكل صراحة .. نتمنى يكونوا لبنات فهموني.. منيش نحكي على شكل الراجل وجسمو وجمالو .. والله لا .. بصح السيد كلو على بعضاه مقدرتش نستحملو... وكي قلت لوالدتي بالموضوع قاتلي (( علاه!!!؟ السيد واش ناقصو ؟؟!! بدينو بخدمتو بقرايتو وعندو سكنة ؟ واش ناقصو ؟)) وقالك بعد شهر يديروا العقد الشرعي ؟؟؟؟؟؟؟؟؟
هاكم تسمعوا ؟؟ رايحين يديروا عقد شرعي وانا اصلا مانيش موافقة على الراجل ....
بالعكس انا نتمنى لهذا الراجل يلقى طفلة خير مني و يعمر ليها عينها و تعمرلو عينو .. اما انا بصراحة " لا" مقدرتش نكذب على روحي .. ماعجبنيش صح ..لازم نكذب باه نتزوج ؟؟.. السيد معجبنيش ..الله غالب.. دارنا محبوش يفهموا انو الزواج مهوش بالسيف وذراع..
واش ندير؟

[toulay]

وعليكم السلام ورحمة الله وبركاته
معجبكش معجبكش مشي ذراع وهاذي حياتك انت قول لداركم كيفاش راح نعيش مع راجل مشي حاملتوا طول وبزيادة عندو حقوق عليا
يا اختي هذا راهو تقرير مصير
احكي مباشرة مع الوالد تاعك وقولوا منيش مرتاحة مع السيد هذا والله غالب ان شاء الله ربي ينوب عليه من جهة اخرى وفرات
بالتوفيق

[*عبدالرحمن*]

السلام عليكم ورحمه الله و بركاتة

ان كنتي بِكْرُ بالغ يحق لكِ القبول و الرفض

ولا يرغمك احد علي الزواج بدون موافقة

قال صَلَّى اللَّهُ عَلَيْهِ وَسَلَّمَ : ( لَا تُنْكَحُ الْأَيِّمُ حَتَّى تُسْتَأْمَرَ ، وَلَا تُنْكَحُ الْبِكْرُ حَتَّى تُسْتَأْذَنَ ، قَالُوا : يَا رَسُولَ اللَّهِ ، وَكَيْفَ إِذْنُهَا ؟ قَالَ : أَنْ تَسْكُتَ )

رواه البخاري (5136) ومسلم (1419).

اما ان كنتي بِكْرُ لم تبلغي

قال ابن عبد البر رحمه الله

:" أجمع العلماء على أن للأب أن يزوِّج ابنته الصغيرة

ولا يشاورها

وأن رسول الله صلى الله عليه وسلم تزوَّج عائشة بنت أبي بكر

وهي صغيرة بنت ست سنين

أو سبع سنين ، أنكحه إياها أبوها "

انتهى من " الاستذكار " ( 16 / 49 ).

[مراد سابقا10]

سايي نفرت منوا انتهى الأمر انا شخصيا كاينة ناس منحملحمش هذي هي الحياة كاينة ناس ترتاحيلهم وكاين ناس لا انصحك قولي لا وبكل قوة ولا تترددي

وحتى ولو ظغطوا عليك لا تقبلي فيفي ألأخير ابوك وامك سيموتان وتبقين انت وحدك تتخبطين خاصة موضوع الزواج موضوع خطير لازم الإنسان يتاكد واش يدير.

[ing.Youcef]

وعليكم السلام ورحمة الله وبركاته
قال رسول الله صلى الله عليه وسلم: (الأرواح جنود مجندة فما تعارف منها ائتلف وما تناكر منها اختلف).
إن لم يعجبك فكوني صريحة ولا تدخلي نفسك في ما لا يحمد عقباه. والله يبدله بخير منك ويبدلك بخير منه (وكان الله واسعا حكيما).

وللفائدة:
التعارف بين الأرواح.. دلائل وشواهد (https://www.islamweb.net/ar/fatwa/73351/%D8%A7%D9%84%D8%AA%D8%B9%D8%A7%D8%B1%D9%81-%D8%A8%D9%8A%D9%86-%D8%A7%D9%84%D8%A3%D8%B1%D9%88%D8%A7%D8%AD-%D8%AF%D9%84%D8%A7%D8%A6%D9%84-%D9%88%D8%B4%D9%88%D8%A7%D9%87%D8%AF)

بالتوفيق

[Elwawy]

أعلميهم أنكي رافضة الأمر جملة و تفصيلا هذا حقك, يجب ترديد الكلام صباحا و مساءا لأن بعض الناس يظنون أن الإبناء شيء من الممتلكات و ليس كائن حي, يقررون مصيركي بداعي أنهم أكثر خبرة و يعرفون مصلحتكي...

[قدور بن عاشور]

أهدري مع الوالدة بكل قوة و صراحة
حياتك و مستقبلك و بقية عمرك بين يديك
أنت من سيعيش تلك الحياة
رددي رفضك بكل قوة و وضوح
لا تتركي حياءك من والدك يدمر حياتك
و الأمر لا حياء فيه أصلا
لا تترددي

[zahra1999]

قولي لاهلك معجبنيش وفرات .
وزيد علاه راكم مزروبين فلعقد راكم هاربين ول؟؟؟

[noursm]

اختي عندك الحق ما عجبكش ما عجبكش
و لكن مجرد نصيحة ما تتسرعيش فكري جيدا و استخيري الله حتى لا تندمين لاحقا
بالتوفيق