زوجي طاح من عيني!

[مشكلتي]

ألسلام عليكم مدابيا المتزوجين و المتزوجات يجاوبوني لان زواجي في طريق الانهيار.... متزوجة منذ سنتين و عندي بنت انا وزوجي نحب بعضنا البعض جدا منذ الخطوبة التي توجت بالزواج عشنا سنة اولى هادئة مليئة بالاهتمام والاحترام... ثم لاحظت بعدها ان زوجي أصبح ينتقد كل شئ افعله يعني الي نديرها منيش صحيحة و منيش مليحة لي نلبسها يقولي واش بيك عاملة هك... مع اني جميلة و الحمد لله و لباسي انيق جدا...مهم قلت يمكن لاني حامل و و فوتت كلش مرة كان موبيلو ف منزل نلقا رقم يكلم فيه كي جاء قتله كلمك هاد رقم شفتو ارتبك و غير موضوع... فاتت الايام و ولدت جاءني ف نفاسي جابلي هدية قالي من عند واحدة تخدم معايا انا حرت لان زوجي ميخالطش و ما يعترف بالصداقة بين الرجل و المراة و دائما يتجنب هاد امور قتله كيفاش عطاتهالك و احترت هو قالي وحدها سمعت جات عطاتني و و انا معجبنيش الحال لانه انفعل جدا... فوتتها مرت الايام عاد رقم يكلم زوجي كل صباح يعني السابعة مزال راه يتقوى يصوني رقم ميهزش كي نقوله علاه يقولي خدمة مرة شفت تلفونه نلقاه هاد رقم يعاود زوجي يصوني فيه بمجرد ما يخرج من البيت... و نلقا ميساج من هاد رقم طفلة و تقوله راني وصلت للخدمة كي جاء سقسيتو عصب و نتي واش دخلك و و قتله كيفاه واش دخلني واحدة تكلم فيك ف صباح ربي واش تحوس قالي تحوس نفوتها معايا انا هنا حسيت الدنيا تدور بيا قتله واش علاقة بيها توصلها قالي اني نفوت انا و صاحبي ف طريقها نهزوها معانا واش فيها و و... غااااضتني عمري اتصدمت فيه قالي عادي نتي مكبرتها و و و وانا علابالي كاين حاجة مش نورمال و لحد الان قالي متدخليش ف خدمتي و انا حر ف نفسي... انا صراحة كرهتو حساتو يخدع فيا و تظل تكلمو يقولي خدمة و الله ما عرفت واش ندير معاه!

[مراد سابقا10]

انا واش نقولك يا اختي النساء ولاو يتلاحوا على الرجال المتزوجين ، المعوقين ، المجانين ، على العجز الكبار في السن ......................الخ راهي فتنة كبيرة صارية

بصح انا نقولك من ضرك اذا ثبت بلي يخون فيك مبقات حكايات قادر يجيبلك كاش مكروب او سيدا مادام عندك طفل وحيد الأمر ساهل تتطلقي بطفل خير من ثلاثة او اربعة .

[Elwawy]

ما علابالكش واش كاين, قالك مجرد توصيلة يعني مجرد توصيلة.

و إلا إتصلي بالفتاة و قولي لها تزيدي تقربي لراجلي نذبحك.

[ابنة الاسلام]

تثبتي من الامر اولا ولا تتسرعي
الامر هاذا لا يذكر حتى يصبح عندك دليل قاااطع ..لكي لا تهتز الثقة "على والو "
ربي يريح بالك اختي

[قدور بن عاشور]

خذي رقمها و اهدري معها و هدديها أنك تروحي لها للخدمة و لي صار يصير.
و هذاك البنادم هدديه أنك ستفضحينه أمام أهله.
لازم تكوني قوية.

[ابو سليمان10]

الامر يبدوا ان زوجك تم اصطياده من افعى...

[hanadi21]

كوني ذكية وماتخليهش يفيق بلي انتي علابالك راقبيه بلامايحس خدمي مخك يا اختي لاسترجاع راجلك بطريقتك هادي تزيد تهربيه منك كيفاش تخدمي مخك هنا نقولك انتي عايشة معاه وعلابالك في كل صغيرة وكبيرة على حياتو نقاط ضعفو واش يحب وش يكره استغلي معريفتك بيه ورجعيه لدارك بطريقة ذكية كان ماقدرتيش العبي معاه عالخط حاولي تعرفي هادي شكون وبنت من ووووو وخصصي يوم راقبيه وين يروح ومع من يقعد فالخدمة
يااختي نورمالمو كاين الف خطة وخطة جهنمية تقدري ترجعيه خمي برك وانا اعطيتك بعض من النقاط الجد سهلة

[أم رقية نسرين]

ختي حافظي على بيتك و زوجك حاولي تقعدي مع راجلك و تحاورو بهدوووء *و متخليش فراااغ لأخرى تلعب على زوجك*
حافظي *على دارك و بنتك و زوجك*
ربي يهنيك و يسعدك*