..{ ..وااااااش ندير😭_ ربما هذا اخر موضوع😭😨...}..

[*آمنة*]

سلام عليكم
جماعة
جيت نحكيلكم الله الله ....والله غير تعبت 😣😣
الفيزيا هذا العام عدت قاع منعرفش نقراها
كي نجي دنقراها منعرفش
صدقوني لحل الان والله العلي العظيم ما حليت تمرين كامل😢😢
نجي دانحل تمرين ...صدقوني نكتب المعادلة وجدول التقدم ...وبعدها منعرفش قاع نخدم😭
والله ....افهموني قد ما نحكيلكم مكمش رايحين تحسوا بيا
بصح الله يحفظكم.... الله يحفظلكم الوالدين.... الله ينجحكم ...عاونوني والله غير فشلت كامل
.
.

والبارح درنا فرض المات غلطت غلطة تاااااااافهة جداااااااا راحلي قاع تمرين
.
.
الله يحفظك الفيزيا كانت معشوقتي ودوك ولات اكره مادة ....عدت منفهمهاش كااااامل
الله الله واش لي تغير هذا العااااام
والله غير حاية هذا الفصل نخدم مليييح باش كي نجيب معدل مليح نحس روحي رايحة نجيب الباك
وراني نقدرلوااااا ....الله يحفظك
جيتكم بجااااااه ربي عاونوني
لي يفهمني يعاااوني ....ولي حاس بياااا 😭😭😭😭😭😭
😨😨😨😨😨

[رانية ة]

السلام عليكم
أنا أفهمكي تماما تماما وهو ماعانيته طيلة السنة لماضية مع جميع المواد ،
بدون إطالة إليكي خطوات إتبعيها :
أولا التوكل على الله لأنه الوحيد القادر على قلب الأمور إضافة إلى كثرة الدعاء صديقيني إنه يكسر ظهر المستحيلات
2_ إشتري كراس يكون كبير ونظميه حتى يفتح الشهية لكي وقومي بوضع ملخص لكل وحدة بطريقة أنتي لخاصة مع إضافة الألوان وكتابة المعلومات الجانبية
ثالثا :
إختاري سلسلة تمارين واحدة فقط معينة وتكون متدرجة الصعوبة إبدئي من السهل جدا وتطوري تدريجيا وأنصحك ببكالوريات علوم تجريبية في وحدة التي تريدينها وبعدها إنتقلي لسلاسل شريفي كونه يصححها على يوتيوب بعد إكمالهم إنتقلي لمعمري براهيم
في حالة ما إذا وجدتي معلومة صعبة أكتبيها جانبا وفهمي طريقة حلها من لحل أو إسئلي أستاذتك عنها وحلي تمارين تحتوي على هذه الفكرة لتثبتيها
بتوفيق وتوكلي على الله وسأليه في كل شئ فهو لايضيع عمل عامل منا من ذكر أو أنثى
أي سؤال تفضلي

ملاحظة لاتيأسوو صدقوني وحدة أولى الفيزياء جميعنا عانينا منها ووجدنا صعوبة لاتوصف ولحمد لله كلش يفوت

[lolo lolo]

نقولك حاجة توكلي على ربي قبل كلش انا بعد كنت كيفك مهم غلطي نورمااال بالعكس رراح تتعلمي ننصححك تحلي تمارين بزاف مهم غلطي مرة ولا زوز تتعلملي لشتات عشرين مرة راح تتعلمي

روحي ديري ليفديو تاع تحفيز بربي نشاله تنجحي وربي يوفقك

[اللهم ارزقني عفةمريم]

امنة رانا قاع* في نفس لحالة برك لازم نصبروو شويا ونتوكل على ربي وكلشي رايح يسهل انا والله كنت في اسوء الحالة ومصدقيش ظروف سمطت عليا حتى لقراية بصح بدعاء وصبر بديت نتحسن وتحفيزات الاعضاء منهم اكرام ريتال .. شججعتني باش نبدا من جديد ربي يسهل ان شاءالله وما تيأسيش لفيزيك حبيها تحبك ابدي من جديد راجعي لوحد وفهميها حلي تمارين بززززاف حتى اذا مكملتيش معليهش شوفي لحل وعاودي حليه بصغيتك لخاص بعد فهمتي تمرين من حل تاعوو حتان تتعودي على لحل وحدك انا ايضا عندي مشكلة مع لوحدة لولة حصلت فيها بصح رايحة نتعلم ونفهمها من حل التمارين بالتوفيق امونة سهليها تسهال 😉😉😉

[اصرار بلا عنان]

الله الله شكون هدي لمخلوقة لي كتبت الموضوع ؟؟

امينة ؟؟!!!!
لالا واقيلا اخترقولها. عضويتها

امينة لي نعرفها ؟!!!!!! اواه لااااللللللللللالااااااااااا ماشي امينة لي تقول فشلت اييييييو وشن. هذا ؟!!!

شوفو امونة كاااااامل بدينا هكا و منحملوش اصصصصصلا نشوفو التمرين فما بالك نحلوه :1:

بلعقل برك
قولي استغفر الله العظيم من كل ذنب عظيم
عاوديها حتى ترتاااااااحي و تغسلي قلبك و مخك م الافكار هذو

ضكا وليتي امينة جديدة مراهيش روطار
امينة مازال عندها الوقت باذن الله
امينة ذكية
الله يبارك

ااااااااه اووووووووه شهيق زفير :1:
بسم الله الرحمان الرحيم
يا الله امينة تروح الله الله كي اللبة الفحلة تحكم كاش كتاب ولا سلسلة تمارين مخلولة و تبدا بللللللعقل
امينة كي تلقا يقولولها بين ان عبارة كذا هي كذو و عندها المنحنى مثلا ولا التغيرات تع كذي

امينة تروح لجدول التقدم تحبد كذا و تجبد الاكس ديالو شحال و طبعا تعوض مثلا كمية مادة الغاز - ماشي عد
يا بصح بالعبارة ديالها
امينة تزيد تروح لل كذي و تحبد بكل ذكاء و فطنة الاكس ديالو بعد ما تكون عوضت مليح حتى تكون قريب تتشبه مثلا في بعض الحالات لهذيك كذو
امينة تجبد العلاقة بين اكس كذا و اكس كذو و تعوض وين لازم و هكذا امينة الشاطرة تجبد كذو و تجيها ساهلة ان شاء الله و تفرح و تعود تحب الفيزيك

امينة الشاطرة تعرف صلاحها تروح للمغني يبدالها بالدرجة بالدرجة بالدرجة حتى تلحق للسلاسل تع قزوري العبقري الله يبارك
منبع. امينة كي تشوف سوجي تع باك تقول ايييييييه جيبو الجديد جيبو الواعر طلعوا النيفو احييييي يا حييييي اذا هذا سوحي :1:

علابالي بلي كذا و كذو و كذي مفهمتي بيهم والو :1: نتي اعطيلنا نص التمرين و حنا ان شاء الله نعاونوك بلي نقدرو
ياخي ختيتي ؟؟

ربي ينححنا و يوفقنا كااااامل

[nicesafa]

اختي من نيتك هكا في ساع استسلمتي
اني حاسة بيكي مام انا و االه ضايعة فالموا
كل بصح بشويا بشويا كل مرة نستدركو نقاط الضعف تعنا
و ان شاء ربي يوفقنا و متفقديشش الامل

[*آمنة*]

ياااااااحي
ماقلوليش كامل بلي مزال الوقت ومعلباليش
علبالي بلي راني روطااااااار ياسر
بصح واااااش ندير
راني خااااايفة ....خليفة اكثر من الفيزيا

[اصرار بلا عنان]

يعني التحضير النفسي لي درتهولك كامل معجبكش ؟؟ راني نبكي

اوووووكي نجرب طريقة اخرى

اسمعي يا دفلة اخزي الشيطان راكي روطار تع الصح سلكي روحك ايا خفي نزيد نلقاك دوري عما نقطعك فهمتي ؟!!!! اتخيليني زعفاااااااانة و نعيك و نخبط فالطابلة و نزيدلك زوج كفوف

[محٍبَة آلُِرٍحٍمآن]

نقولك كيفاش ديري متبدايش تحلي ليباك ابداي بالسهالين مبعد روحي للصعاب شدي كاش تمرين حلو الاستاذ شريفي متخدميهش وتبعي كيفاش خدموكاين ثان تع الاستاذ مولاي عمر واما في المات عادي قاع نغلطو انا في الفرض تع الفيزيك هو يقول عدد الانوية وانا رحت حسبتلو بقانون تع النشاط الاشعاعي

[عاشقة الكواكب]

امنة تقدري تجيبه بمعدل جيد جدا ^^
ايه تقدري علاه لي جابوه وش لفرق بينك بينهم
الارادة هي كلشي كل ما تطيحي تزيد تنوضي بقوة
صح راكي روطار وممبعد
راكي من توتر مفهمتيش وممبعد
والوا انسي سلبية خوف دربي تشجعي روحححك بروووحك
شوفي غي بيام كابسط مثال عقب عنك
وش فايدة كي خفتي
ايه تقوليلي مش كيف كيف
لا خيتي امتحان عادي مستقبلك بش تبنيه نحي تشعب لي في راسك
نظمي روحك و ركزي على مهم
^^ ومتقلقيش مش نتي وحدك كامل رانا في كوارث
صبرا جميلا فقط ^^

[اصرار بلا عنان]

يا اختي انتي او موان غلكتي فالمشتقة
دياو ماين لي نعرفهم مستواهم ما شاء الله و نقلوا الدالة خططا و خسبو النهايات و المشتقة غالط
ولا كي يجو يكتبو النتيجة يقلبو رقم مع اخر و يحسبو بالصحيحة و يروحلهم التمرين قع

راكي خيرمنهم ولا لالا ؟؟ شوية تركيز برك

[Alponlib]

ياااااااحي
ماقلوليش كامل بلي مزال الوقت ومعلباليش
علبالي بلي راني روطااااااار ياسر
بصح واااااش ندير
راني خااااايفة ....خليفة اكثر من الفيزيا

لا لم يفت الأوان بعد صدقيني عن تجربة
ربما طريقتك في الدراسة غير مناسبة خاصة و أنك من متابعي الاستاذ شريفي ، لا أظن أنه يناسبك خاصة إن لم تكوني مركزة جيدا أضف إلى ذلك ضجة التلاميذ اثناء شرحه ، جربي أساتذة اخرين مثلا مولاي عمر يوفر جو ملائم جدا اما التمارين فعليك بتمارين فرقاني فارس منهجية جيدة و حل مفصل
جربي هذه الطريقة مع وحدة معينة اكيد ستعجبك
( بخصوص المشتقة فهمتك بلي امر عادي لا داعي لتضخيم الامر )

[*آمنة*]

علبالي بلي خلاص راني غلطت ...وهذا الفرض مش مهم
والصح كاااامل في الباك...بصح انا الا دوك مقريتش ومجبتش معدل مليح
منعناه القراية
خلااااااص
++++++
صح انو هذا ابمنتدى فادني ياسر
وسيرتو هذا العام
وعلى رأسهم الاخAlponlib
انا في رأي المنتدى يضيع ياااسر في الوقت
لاني دائما ندير مواضيع نتاع مراجعة.....
بصح واحد ما يتفاعل ....للاسف
واحتمال منزيدش ندخل

الله يسهل برك

[Alponlib]

علبالي بلي خلاص راني غلطت ...وهذا الفرض مش مهم
والصح كاااامل في الباك...بصح انا الا دوك مقريتش ومجبتش معدل مليح
منعناه القراية
خلااااااص
++++++
صح انو هذا ابمنتدى فادني ياسر
وسيرتو هذا العام
وعلى رأسهم الاخalponlib
انا في رأي المنتدى يضيع ياااسر في الوقت
لاني دائما ندير مواضيع نتاع مراجعة.....
بصح واحد ما يتفاعل ....للاسف
واحتمال منزيدش ندخل

الله يسهل برك

قمتي بكتابة موضوع بعد هذا الرد و بالتالي انت لم تتركي المنتدى و لن تتركيه على الارجح , اصلا انت لا تمضين الكثير من الوقت على المنتدى ، اظن انك تقصدين بتضييع الوقت تلك المدة التي تمضينها في كتابة موضوع لافادت الاخرين مقابل 0 ردود ، عادي فهذا امر وارد لكن ليس سببا لترك المنتدى ان كنت تستفيدين منه ، فقط نظمي نفسك و حددي وقت لمساعدة الاخرين و وقت لنفسك و اخر للمناقشات ...

[*آمنة*]

شكرا
صحيح ....انا لم استطع التخلي عنه

[jë suîs comçà]

khtito hadi just lbidaya w chofi wesh thki ...yssma ylh9 avril mai tbtli yak!!!mtkmmlissh.............ms normalement tyy li nachta hnaaya w kol ma n7l l djelfa tjr ykon 3ndi sentiment ty w عاشقة الكواكب
tjiw fi bali tjiboh b 16 mojared sentiment..ms nchlh yt7a9a9
bn hbbti hada just wasswass pas pluss...b les exercices twalfi hada makan...mtz3fiiiish ........bl3kss ykon 3ndk l crg
ay 3fssa je suis lààààààààààààààààààààààààààààààààààà

[*آمنة*]

واش نقلك
راني روطاااار وخايفة لو كان منلحقش
.
.
.
ياااااااا ربي من فمك لباب السما
ندي 16 راهااااا امنيتي
بصح مستحيلة

[القط اللطيف]

السلام عليكم اختي
حسب مارايت في كل منشوراتك انك وحسب تجربتي ومامررت به ساابقا وكثيرين كانوا بحالتك لديك نوع من الخوف والتوتر الذي يجعلك تفقدين الامل وثقتك بنفسك تنهار تاتيك افكار كثيرة لخبطة وكانها نهاية العالم ولامفر لك منها ..
ولهذا اخت يجب عليك ان تغيري تفكيرك وتفكري في شيء واحد لا اثنين اقصد بدل ان تفكري فيما سيحدث يوم الامتحان والامور التي تجعلك محبطه فكري فان هذا مجرد امتحان ككل الامتحانات السابقة وهذا سيزيل التوتر عنك باذن الله والجميل في ذلك ان القلق اتاك في البداية يعني لايزال لك متسع من الوقت كي لتتهيأ من جديد كما انصحك بتنظيم وقتك ولا تنسي العبادة و الدعاء وقوي صلتك بالله فالسبب ياتي بعده التوكل على الله .
استغلي العطل في تعويض مافاتك ولا تسمعي للاصدقاء المحبطين لي يقولك "خلاص الوقت "
اسالي الاساتذة الشيء لي مافهمتيهش.
شوفي الدروس فاليوتوب وكرري الفديو حلي البكالوريات السابقة مافهمتيش سؤال اكتبيه هنا او استاذك راح يجاوبك عليه.
وفي الاخير نقولك اختي ربي ينجحك و ينجح جميع الممتحَنين وموفقون ان شاء الله .
الخاتمة1

[*آمنة*]

شكرا لكم جميعا
.
.
.
وفقنا الله واياكم