جارتي ستقتل نفسها بسببي

[مشكلتي]

السلام عليكم
انا شاب جزائري 28 سنة من ولاية عنابة موظف ملتزم بديني والحمد الله رزقني الله بمظهر جذاب والوسامة لكن هذا الشيء سبب لي مشاكل مع الجنس الاخر
المهم الان ارغب في الزواج و الوالدة تلح علي بان اتزوج في اقرب وقت خاصة واني وحيد والدياي ولا املك اخوة واخي الاكبر توفى الله يرحمه . وهدا مازاد حفزني للزواج بالاضافة طبعا للرغبة الجنسية والعاطفية والرغبة في تكوين اسرة وانجاب اكبر عدد من الاولاد (ان شاء الله) فانا لن اكون عما ولا خالا ولالي اخ يقف جنبي ووالدي كبير في السن ووالدتي متلهفة ان ترى احفادها . يعني انا بحاجة للزواج اكثر من غيري.
مشكلتي هي اني ابحث عن صفات معينة في التي تكون زوجة لي واهمها الاخلاق طبعا بالاضافة الى ان يكون شكلها مثلي شقراء وعينيها زرق .. وهدا ليس غرورا مني ولكني انجدب لهدا النوع من النساء اكثر من غيرهم والوالدة لم يعجبها هدا الشرط وتريد
تزويجي ببنت من جيراننا ولكني غير مقتنع بها تماما هي جميلة جداا والجميع يحلم بها ومثقفة وطيبة وفي قمة الانوثة وصارحتني مرة انها معجبة بي من زمان .
ودائما ما تحاول التقرب مني وانا اتهرب لكي لا تتعلق بي اكثر والمصيبة سمعت انها ترفض الخطاب بسببي
واخبرت احدى النساء من الجيران بانها تفضل الموت على ان تتزوج شخص اخر غيرى.
وهده الجارة ليست الاولى التي تعلقت بي بل سبقوها العشرات لكن ليس لدرجة ان يرفضو الخطاب من اجلي. .
لا اريد ان اتزوجها لكي لا اظلمها واظلم نفسي ايضا.واخاف ان اصارحها باني غير مناسبة لها وتصاب بصدمة او تعمل شيء بنفسها.
قلبي يتقطع على هده البنت لدرجة اني بكيت عليها ومن حبها لي واحتقر نفسي لاني عدبتها كل هده المدة.
حاولت عدة مرات ان اتظاهر باني انسان سيئ الخلق فقط لكي تكرهني وتنساني لكن بدون فائدة.
اقترح على صديق ان اتزوجها وقبل دلك اخبرها بان اتزوج بالثانية في وقت لاحق اعجبتني الفكرة لكني متردد
مالعمل دلوني انا في عداب لايعمل به الا الله.

[بشرئ عاشقة العلم]

اولا انت معندك اي ذنب في هاذ الطفلة يعني مدام موعدتها بالزواج و لا هدرت معاها عادي هذي مشكلتها هي و هي تتحمل مسؤولية قراراتها و تاكد كي تسمع بلي تزوجت رح تنساك و تتزوج هي في اقرب وقت بعدك غير انت راك مكبر المشكلة و انت مدام مكش مقتنع بالطفلة من ناحية الجمال متظلمش روحك احسن اصلا مكتش واحد و لا واحد يستاهلو ترفض تكمل حياتك على جالهم الدنيا مستمرة دائما

[aizen sama]

مع احترامي لك انت بهلول وجايح وكون جيت خويا وتهدرلي على هذا المشكل نعطيك كف هذا صرالك هكا تبهللت لاقيباش دخلت روحك في سوق النسا وانت باين بلي ماتعرفش النسا وماتعرفش الكيد نتاعهم قلوا نحوسها شقرا وعينيها زرقا تمسخر بيا
ياوهذا زواح يعني اي وحدة تنجح معاها مادمت انت تكون راجل لاقيباش انت لي راح تسوق وهي تبعك
ياودي انا اللي مريض ذكا ثاني نعاود نفهموا ونرجعوا راجل
من التالي نصيحة من عندي تبع دينك وخير المراة على حساب الدين واغلق وذنيك على هدرة النسا واللي تبات تبكي على جالك خليها لانها جايحة عايشة في الاحلام تحب واحد من شكلوا وماعاشتش حتى معاه وعنق مرتك في الحلال تنسيك قاع في تبهليل نتاع النسا
خصاتك هراوة كون طحت مع الرحالة في قهوة وتهدر هذي الهدرة يقولولك نوظ

[sihem8193]

كثرة المسلسلات التركية وما دير
خليها تقتل روحها، ونتا واش دخلك
رغم شكي في هاذ الحكاية، نقولك يا إما راك تحكي وتزيد من راسك، يا إما هاذ المرا راها تكذب عليك باش تعلقك فيها، ونتا كي البهلول راك مأمن
ياو ما كانش مرا تقتل روحها على جال راجل ياو لوكان ما نعرف شكون يكون
ونقولو كلامك صحيح، مرا عايشة في عالم المسلسلات، وتتمشى وتحكي حكايتها للناس باش يوصلوهالك لا حياء لا حشومة، وقادرة تقتل روحها على جال عين زرقا، هاذ المرا عند أول مشكل صغير بعدالزواج ممكن تهددك بالانتحار يلا ما صالحتهاش
الزواج مسؤولية كبيــــرة ، خمم على ولادك شكون لي راح تربيهم، وتسهر عليهم...
لو كان هاذ الحكاية حكاتها مرا نقول مسكينة عقلها صغير ومتأثرة بالمسلسلات التركية، لكن راجل يأمن حكايات النسا، فيلزم أنك تفيق وتفوت هاذ الشكيل لأنو المسؤوليات لي راها تستنا فيك كرب عائلة تهدم جبال

[مراد سابقا10]

تبغى الصراحة حكايتك مقنعتنيش .

[moha23la]

بما انك تريد انجاب عدد كبير من الاولاد
دير كيما اقترع عليك صاحبك تزوجها وقلها بلي راك تعواد الزواج باخرى وادا قبلت توكل على الله ديرها مرتك وخوك واختك وصاحبك وكل شيء*
تحبك لهاد الدرجة ماتفرضش فيها*
كما يقول المثل* **تزوج من يحبك ولا تتزوج من تحبه.

[خالد عنابي]

وماذا لو كانت الشقراء التي تبحث عنها تنجذب للرجال السمر او الصلع ؟


نصيحتي ان تتزوج بجارتك وتتأقلم معها فالاذواق والرغبات ليست جامدة لا تتبدل بل ستغير رأيك حتما اذا تزوجت بها وذقت من انوثتها.

[سجل أنا جزائري]

خويا نصيحة ليك رانا كامل مرينا بهذه التجربة تقول راه كاين بنات نخير كيما نحب خاصة تكون عندك مؤهلات بصح نقولك بحث عن فتاة كيما تحب ليس بالسهل ابدا خير وحدة تعرفها و شيفها أفضل من وحدة ما تعرفهاش صحيح أنو من حقك تختار الصفات التي تريدها لكن في الوقع شيء لا تجدها ابدا مثل ما تحلم اذا وجدتها شقراء تجدها من جهة اخرى اخرى ناقصة دينيا او اخلاقيا ولا عندها صحبها ولا تع مادة تولي دور دور دور و تولي تحوس غير اللي تعجبك برك و عاقلة, خمم مليح من جهة هده جارة عندك فرصة خاصة انك نت قلت انها جميلة و متربية و زيد من فوق تحبك وش تزيد كثر من هك ؟


على كل حال باش ما تندمش جرب حوس طفلة كيما راك تحب و رجعلي لخبر ادا لقيت كيما تحب سوا سوا

[hichemhad]

اخي ما دمت لم تعدها بشيئ فانت غير ملزم بها هي احبتك و كنت صريح معها من البداية و اذا امكن و لكي تريح ضميرك ابعت لها الوالدة لتقنعها انك لا تريد الارتباط بها و انتهي الامر.
من جهة اخرى لا اتفق مع بعض الردود المذكورة في الاعلى .. اخي اياك ثم اياك ان ترتبط بفتاة انت غير مقتنع بها لانك لن تحبها و ستظلمها معك فأنت حر .. ارتبط مع من شئت كيما يقولك "القلب و ما يهوى" ارتبط بالانسانة لي تملا عينك رغم انف الجميع و ادعوا في سجود و قيامك ان يضع الله في طريقك الزوجة التي تقر بها عينك و لا تتسرع اخي.