سؤال يؤرقني

[مشكلتي]

ماعرفتش وين نحط هاذ الإستفسار فحطيتو هنا و نتمى نلقى إجابات
أنا صادقت الوثائق تاعي في وزارة الخارجية و كي روحت لقيت بلي نساولي ختم التاريخ يعني ختم النهار لي صادقت فيه و أنا نسكن بعيد بزاف على العاصمة يعني مسيرة يوم كامل... هل نرجع نقولهم يزيدوه و لا ننسى الموضوع خاصة و أني راح نقدم الأوراق في السفارة البريطانية و شكرا.

[toulay]

السلام عليكم
مفهمتش كيفاش يغلطوا غلطة كارثية كيما هاذي
معليش عاود ارجع عندهم متعجزش خلاص على امورك وكون متجريش انت على شغالك شكون راح يقضيهملك
مالا غير ولي ليهم
ربي يسهل ان شاء الله
بالتوفيق

[زايدي أمحمد]

بلاك ميكي ونصيحة لك ديما فيريفي صوالحك

[أثر]

مرة خلاف فيريفي كواغطك
ومد للشخص لي معاك يزيد يفيريفي
انا مرة عطوني وثائق بلا توقيع اي الختم فقط !
ربي يفرج عليك

[تاج الوقار16]

في بلدنا يحب المراقبة
حتى الأنثى تسجل ذكرا عند ولادتها والعكس
ومن الأحسن ان تعود لأجل ذلك مادام عندك وقت حتى لا تجد عراقيل

[Elwawy]

إذا كنت تقصد الدبلوم, صادقته مرة و لم يضعوا التاريخ, و عندما رأيت الختم, إنفجرت بالضحك, رحلة طويلة من أجل ختم يمكنني نسخه بيدي.

إذا كان التاريخ مهم أضفه أنت بيدك بالطابع بالكمبيوتر, إذا كان غير مهم لا تضفه.

[سجل أنا جزائري]

ختم التاريخ مش لزم تولي

تقدر تزيدو نت برك شوف اي واحد عندو dateur

[قدور بن عاشور]

نصيحة لك يا أخي
ما تمسش الأوراق و ما تحطش التاريخ من عندك
و ما ترجعش لوزارة الخارجية

روح تقدم للسفارة البريطانية فهم لا يهتمون لهذه الأمور البيروقراطية السخيفة
هوما أصلا ماعندهمش المصادقة على الوثائق
بل تكاد الوثائق تنعدم عندهم
بالتوفيق