المساعد الشخصي الرقمي

مشاهدة النسخة كاملة : اني في مازق

ريتال2
2019-10-20, 19:50
السلا م عليكم و رحمة لله تعالئ و بركاته
نشالله تكونوا قاااااع ملالالالاح
ولله راني حاصلة مع هاد الفلسفة غدوى عندي فرض قاتلنا راجعوا الرياضيات داك درس ايااا و ضرك راني شادة كايي و نشوف فيه مش عارفة اصلا السؤال كيفاش يكون
فرجااااؤا اعينوني:sdf::sdf::sdf::sdf:
امـــة اللـــه
2019-10-20, 19:56
وعليك السلام ورحمة الله
السؤال ممكن يجي جدلية '' هل اصل الرياضيات العقل أم الحس؟''
او '' هل الرياضيات عقلية ؟" او '' هل الرياضيات حسية؟""
كاااامل معناها جدلية بين العقل والحس

ممكن استقصاء
( أثبت صحة الاطروحة القائلة '' الرياضيات عقلية '' )
او اثبت صحة الاطروحة القائلة '' الرياضيات حسية ''
ريتال2
2019-10-20, 20:06
اااااااااااااااااه و اخيرا فهمت شكر اااااااااا بزاااااااااااف لك اختي
يعني ما نجموش نقارنوا ما تاتيناش قارن بين؟
امـــة اللـــه
2019-10-20, 20:25
اااااااااااااااااه و اخيرا فهمت شكر اااااااااا بزاااااااااااف لك اختي
يعني ما نجموش نقارنوا ما تاتيناش قارن بين؟

صحا بلا مزية :)
نن ماشكيتش جامي صادفتها في حالة المقارنة
ريتال2
2019-10-21, 17:47
sahiTiiiii bzzf okhtiiii
ta7atna mo9arana bin math klasik w math asriya hmdlh edawin fhmt rabii yfrhk khTiiiiiiii
ريتال2
2019-10-21, 19:34
سلام امينة كيراكي ختيتو ان شاء الله راكي مليحة
مهم الرياضيات مقالة تعطيك اما جدلية او الاسقصاء
شوفي مقالات لي راني TELECHAR في ميكرو دوك نفهمك مازالني حاصيةة عليها
اما تقولك اصل الرياضيات اما عقل او تجربة
عندنا 3 فلاسفة يقولو بلي اصل الرياضيات من تجربة والحس منهم جون لوك دافيد هيوم جون ستيوارت اظن هكدا
كاين يقول نابعة من عقل جاية من عقل عندنا ديكارت اظن وكاين يقولو من تجربة حتى نجربوها
هدي جملة شابة احفظيها : يرى العقليين بأن الرياضيات أصلها يعود إلى العقل باعتبار أن العقل يورث من مبادئ فطرية سابقة لتجربة الحسية وتتميز بالدقة والبداهة والوضوح .فكل ما يصدر عن العقل من معاني ومفاهيم يعتبر ضروريا وكليا ومطلقا إذا فالرياضيات هي جملة من المعاني والمفاهيم المجردة التي أنشاها الذهن دون اللجوء إلى الواقع الحسي التجريبي ففي العقل توجد مبادئ قبلية سابقة لتجربة وهذا ما أكده كل من"" أفلاطون وديكارت و كانط"
تجربيون يقولو يرى التجريبيون أن الرياضيات أصلها يعود إلى التجربة المعاني والأفكار الرياضية لم تأتي من العدم وبالتالي فهي ليست قبلية خالصة بل هي مستمدة من الواقع الحسي وهذا ما أكده كل من "جون لوك و حون ستيوارت مل و دافيد هيوم " حيث إعتبرو أن الواقع الحسي آو التجريبي هي المصدر اليقيني للمعرفة أي بمختلف الأفكار والمبادئ وبهذا فالتجربة هي أصل الرياضيات وفي هذا يقولون " لايوجد شيء في الذهن ما لم يوجد من قبل في التجربة " هذا إضافة إلى آن الطفل يتعلم العد و الحساب بالاعتماد على أصابعه و الحواس و الأشياء الواقعية الحسية و الإنسان البدائي أيضا في عملية حسابه يعتمد على الحصى من الواقع و الأصابع وهذا يعني أن المفاهيم الرياضية بالنسبة إلى الأطفال و البدائيين لا تخرج عن نطاق الحواس و نطاق إدراكهم و هذا إضافة إلى إن تاريخ العلوم يؤكد أن الرياضيات لم يصبح علما يقينيا إلا بعد ما مر بمراحل تجريبية كمجال الهندسة
ايا احفظيها هادي وافهميها مليح درتهالك انا وفاطمة مزالنا متفكرين
حلي كراس تاعي تلقاي 2 مقالات استاد شارح مليح روحي شوفي وزيدي ديري استادة دريس وشوفي افهمي ومتحفظيش اوكي انا توقعي تعطيك سؤال ومشكلة والاشكالية او سؤال علمي وفلسفي ركزي عليهم مليح
اولا اتعلمي طرق كتابة مقالة
من بعدد ابداي بل درس اقرايه وافهميه وديري مقالات في عمي قوقل موثوقة اوكي فهمتني وافهميها شامعنى اصل عقلي وتجربي واحفظي اقوال فلاسفة تنقط عليهم علاه متهدريش نهار سبت كن فهمتك
هاكي هدا موقع فيه مقالات ملاح
https://3as.ency-education.com/uploads/3/0/9/3/309326/mostakbali-philo-3as.pdf
ايا باي كاش حاجة عيطلي ولا ادا مفهمتيش حاجة
بالتوفيق ربي معاك
اكرام براءة
2019-10-21, 22:32
ممكن حتى يكون المقال عن الفرق بين الرياضيات الكلاسيكية و الرياضيات المعاصرة
أو عن البديهيات و المصادرات