النجدة

[اصرار بلا عنان]

السلام عليكم

لعل الكثير منكم يعرف مشكلتي مع المواد العلمية _ اساتذة دون المستوى . قسم كارثي . عدم القدرة على الالتحاق بالدروس الخصوصية _

اود منكم النصيحة

1 ) بماذا ابدا : الرياضيات ام الفيزياء ؟؟
2 الرياضيات لم ندرس المناقشة البيانية هل انكب عليها ؟؟ ام اتركها لوقت لاحق ؟؟
3 ) الفيزياء لم احل ولا تطبيق بعد و ليس لدي من يساعدني . باي مرجع تنصحونني ان ابدا به ؟؟
4 العلوم : كيف اتحكم في المنهجية ) ليس لدي من يصحح لي . الاستاذة التي تدرسني ترفض كذلك بحكم لديها انشغالات اهم و انها اعطتنا الطريقة شفويا و ما علي سوى التطبيق :confused::confused: (
5 ) لم احفظ ولا مادة هل ابدا ام حتى انتهي من المواد العلمية ؟؟
6) كيف اجيب في امتحان الفلسفة ؟؟ نحفظ المنهجية و شوية اقوال و نتكل على ربي و نتفلسف ؟؟ ولا نكتب مقالات تصححهملي الاستاذة نحفظهم و نكتبهم ؟؟

[امـــة اللـــه]

السلام عليكم
وعليك السلام
لعل الكثير منكم يعرف مشكلتي مع المواد العلمية _ اساتذة دون المستوى . قسم كارثي . عدم القدرة على الالتحاق بالدروس الخصوصية _

اود منكم النصيحة

1 ) بماذا ابدا : الرياضيات ام الفيزياء ؟؟
نصيحة ماتهمليهمش لزوج الوقت حاليا كااااااااين اسهري عليهم يوميا تقدريلهم
2 الرياضيات لم ندرس المناقشة البيانية هل انكب عليها ؟؟ ام اتركها لوقت لاحق ؟؟
كي تحلي تمارين الدوال وتضادفي نوع المناقشة روحي تفرجي الاستاذ نور الدين راو شارح المناقشات كاااامل كل مرة افهمي نوع
3 ) الفيزياء لم احل ولا تطبيق بعد و ليس لدي من يساعدني . باي مرجع تنصحونني ان ابدا به ؟؟
المغني المغني حلي وماتندميش تمارين مرتبة حسب المستوى من الاسهل الى الاصعب وكل تمرين فيه فكرة
4 العلوم : كيف اتحكم في المنهجية ) ليس لدي من يصحح لي . الاستاذة التي تدرسني ترفض كذلك بحكم لديها انشغالات اهم و انها اعطتنا الطريقة شفويا و ما علي سوى التطبيق :confused::confused: (
للاسف انا لاعلاقة بالعلوم
5 ) لم احفظ ولا مادة هل ابدا ام حتى انتهي من المواد العلمية ؟؟
لا لازم تبداي تعلمي تنوضي الصباح اقل حاجة زوج سوايع كل يوم احفظي من مادة لوكان تعودي روحك على اهمالها صايي يوضل ماي ونتي زيرو فيهم
6) كيف اجيب في امتحان الفلسفة ؟؟ نحفظ المنهجية و شوية اقوال و نتكل على ربي و نتفلسف ؟؟ ولا نكتب مقالات تصححهملي الاستاذة نحفظهم و نكتبهم ؟؟
الفلسفة الفلسفة نقولك من الاخير :1: انا حفظت مقالة ونهار الباك ماتفكرت والو ان شاء الله تكون وصلتلك الفكرة
راكي مهما تحفظي تحفظي يكثرو المقالات هادي فلسفة هاذي شريعة اجتماعيات علوم .,,,,,,, كلش يتخلط عليك
اتعلمي المنهجية هي سلاحك وزيد اقراي المقالات وهزي افكار منهم واحفظي الاقوال وتعلمي تخرطي :1:

[اللهم ارزقني عفةمريم]

الفلسفة الفلسفة نقولك من الاخير :1: انا حفظت مقالة ونهار الباك ماتفكرت والو ان شاء الله تكون وصلتلك الفكرة
راكي مهما تحفظي تحفظي يكثرو المقالات هادي فلسفة هاذي شريعة اجتماعيات علوم .,,,,,,, كلش يتخلط عليك
اتعلمي المنهجية هي سلاحك وزيد اقراي المقالات وهزي افكار منهم واحفظي الاقوال وتعلمي تخرطي :1:

بارك الله فيك ختي ❤❤

[امـــة اللـــه]

بارك الله فيك ختي ❤❤

وفيك بركة💖💖
موفقة

[ورد الاوليف]

السلام عليكم

لعل الكثير منكم يعرف مشكلتي مع المواد العلمية _ اساتذة دون المستوى . قسم كارثي . عدم القدرة على الالتحاق بالدروس الخصوصية _

اود منكم النصيحة

1 ) بماذا ابدا : الرياضيات ام الفيزياء ؟؟
السلام عليكم يا بطلة يليقلك تقريهم في زوج ماتهملي حتى مادة وكل مادة لازم تعطيها حقها ومستحقها وزيد ركزي على المواد لي راكي ضعيفة فيهم قوي روحك وحلي تمرين ياسر باه تتحسني ان شاء الله ...........ماتخافيش الفيزياء تقضي عليها بالتمارين تع المغني تولي قاوية فيها خلاه باذن الله والرياضيات حلي من كتاب المغني اذا كنتي ضعيفة ياسر باسكو راح يساعدك واذا كنتي قاوية في المات حلي من المشرق وسلاسل مصطفاي والباكلوريات
2 الرياضيات لم ندرس المناقشة البيانية هل انكب عليها ؟؟ ام اتركها لوقت لاحق ؟؟
لاااااااا ماتخليش حتى حاجة لوقت لاحق ما تاجلي والو كلش اقريه ذرك من تلقي وقت اقري ماتاجليش والله التاجيل اكبر غلطة شوفي حلي تمارين مات عادي و من لي تلقي تمارين فيها المناقشة حاولي تحليها ;) وزيد شوفي تمارين الاستاذ نورالدين راه داير تمارين على كل الانواع تع المناقشات البيانية وربي يوفقك ويزول الباس ان شاء الله :):)
3 ) الفيزياء لم احل ولا تطبيق بعد و ليس لدي من يساعدني . باي مرجع تنصحونني ان ابدا به ؟؟
ننصحك بتمارين كتاب المغني ماكانش كتاب كيفو هاااااااااااااااايل وتمااااااااااااااااارين قزوووووووري فيهم افكار خيالية والله يا اختي افكارو متنوعة وتجي في الباك وزيد حلي تمارين شرررررررررريفي والله فادني بزااف سيغتو الايامات الاخيرة كنت نحل غير من عندو هو والله المغني وقزوري وشريفي يخلوك تتحصلي على 18 وعينيك مغمضة باذن الله ;););)
4 العلوم : كيف اتحكم في المنهجية ) ليس لدي من يصحح لي . الاستاذة التي تدرسني ترفض كذلك بحكم لديها انشغالات اهم و انها اعطتنا الطريقة شفويا و ما علي سوى التطبيق :confused::confused: (
شوفي حلي تمارين كتاب احمد امين خليفة اقسم بالله ابداااااااااااااااع تمارينو هايلين بزاااااااااااااف علبالك ماكنش فكرة في العلوم وماتطرقش ليها الاستاذ خليفة في كتابو ناقش كل حاجة نصحنا بيه قبل رتاب زمان فارح حل هذاك الكتاب كامل وجاب فيها 18 اذا ماخانتنيش ذاكرتي وركككككككككككككزري على طريقة الحل تاع الكتاب والله يعلمك المنهجية وبزااااااايد
وماتنسيش الجيولوجيا لازمك تفهميها مليح ................باذن الله تبعي الطريقة هذي رح تتحصلي على نتيجة عالية في العلوم يارب :19:
5 ) لم احفظ ولا مادة هل ابدا ام حتى انتهي من المواد العلمية ؟؟
لااااااااااااا ديري مخطط مراجعة ونظمي وقتك واقري كل شي ماتستثني والو عودي احفظي كل يوم تحبي بعد صلاة العصر مثلا يعني ساعات المساء والا في الصباح باكرا مع الفجر ................اذا اجلتي الحفيظة تتراكم عليك وبعد تندمي لا قدر الله وزيد برنامج المواد تع الحفيظة تع الباك ممتع ومسلي والله توالفي بالحفيظة تولي مدمنة عليها تعودي كل يوم لازم تنوضي تحفظظظظظي وربي يوفقك يا بطلة;)
6) كيف اجيب في امتحان الفلسفة ؟؟ نحفظ المنهجية و شوية اقوال و نتكل على ربي و نتفلسف ؟؟ ولا نكتب مقالات تصححهملي الاستاذة نحفظهم و نكتبهم ؟؟
شوفي حوسي في الانترنت على اقوال وحجج ملاح وزيد استعيني بمقالات الاستاذ شهاب الدين وبعد صيغي هاذوك الحجج بطريقتك الخاصة وزيدي شوية هدرة من عندك يعني تفلسفي شوية هههههه وبعد اكتبي مقالات واديهم لاستاذتك تصلحهملك واحفظيهم وافهميهم وبرك








ربي يوفقك حبيبتي ان شاء الله واا احتجتي اي حاجة ديري موضوع باسمي باه نتوله ليه وباذن الله نعاونك ربي يوفقك وينورلك بصيرتك يابطلة:):)