طلب بسيط من فضلكم [الأرشيف] - منتديات الجلفة لكل الجزائريين و العرب

kimjia

2019-10-15, 22:31

شوفو خوتاتي راهي تهدر معاكم استاذة الفلسفة مستقبلا ان شاء الله
المهم انا شعبة اداب وفلسفة وادني علامة ديتها ملي بديت نعقب الباك في الفلسفة هي 12
المهم اول حاجة الفضل يعود الاستاذة نتاعنا ربي حفظها يعني في 2 ثانوي مقريناش فلسفة كامل مقالة المقارنة ومنعرفش نديرها المهم هي اول حاجة حفظتلنا المنهجيات لانها مفتاح الفلسفة يعني الحروف الهجائية نتاع الفلسفة والباقي ساهل هي كانت تشرحلنا الدرس ونبعدا حنا نلخصوص من عندنا وساعات نتناقشو معا بعض ونديرو الدرس وحنا بدورنا كنا ندربو على المقالات يعني كل درس نروحو نكتبو عليه مقالة بالطرق كامل غير تحليل النص رفع ووضع وجل ومقارنة
في الحقيقة مننصحكم بحتى كتاب لاه مثال انا رايحا نكتب مقالة واش ندير نحط المنهجية قدامي ونروح لنت الله يبارك مليان مقالات نهز في بدايتي 2 مقالات على الاقل ونبدا نطبق في المقالة من عندي شوية افكار من هاذي وشوية من ديك ونضرب مرة على كراس القسم اكيد فيه معلومات واذا درتو مقالة في القسم نهز منها افكار هكذا كاين عندنا في الفلسفة حاجة وسمها العادة والعادة نكتاسبوها بتكرار ولازم معا التكرار كاين الارادة علابالي المرة الاولى تجيكم واعرة بصح بعد زوج 3 مقالات تولو تتوسعو وحدكم وتستعينو ب10 مقالات باه تكتبو مقالة وحدة وصافية
يعني مهيش الفايدة في لكتاب النت مليانة مقالات ونا نشوف الامثلة ونطبق نتوما العلمين مشكلتكم هي متعرفوش المنهجية وحابين تكتبو مقالات كي شغل واحد طفل صغير عمرو 2عامين ميعرفش حتى ينطق اسمو وانا نحطلو نص ونقولو جاوب على الاسئلة
نتما فدتكم براي الشخصي يعني انا ملي بديت نقرى فلسفة وجامي شريت كتاب ونتوما احرار:mh92:
هاذا وين لقيت استاذ وصى بهاذو لكتب من المراجع التي انصحك بها كتاب الهدى في الفلسفة ،الكافي في الفلسفة ،وحتى كتاب قضايا فلسفية لجمال الدين بوقلي ، الزاد في الفلسفة بكتاب المتميز وكتاب المجتهد وكتاب محبوب في الفلسفة

ورد الاوليف

2019-10-19, 15:13

السلام عليكم حبيبتي انا كنت نختار الحجج والاقوال من المقالات لي في الانترنت ونستعين بكراسي نختار منو الحجج الرئيسية وكنت نستعين بمقالات الاستاذ شهاب الدين رااااااائعة باتم معنى الكلمة وبعد نصيغ بطريقتي الخاصة ونزيد افكار من عندي وفقط :)
تحصلت على علامة 14.5 في الفلسفة و14 معدل بكالوريتي :)
ربي يوفقكم ويخفف عليكم التعب;)