المساعد الشخصي الرقمي

مشاهدة النسخة كاملة : موضوع للمساعدة متجدد ^^

nr.houda
2019-10-11, 15:44
السلام عليكم ورحمة الله وبركاته
إرتأيت أن أفتح هذا الموضوع بمثابة مساعدة لكم سأكون معكم طيلة السنة ( سأجاوب على تساؤلاتكم كل يوم خميس )
لأنني مشغولة مع ضغط الدراسة
سأكون معكم لمساعدتكم نفسيا (أنا لست محللة نفسية أو.... أنا فقط كنت مثلكم و عايشت ماتعايشونه و مررت بلحظات صعبة أثرت على شخصيتي كثيرا)
2- سأفيدكم من الناحية الدراسية بما إستطعت ( راني عادة عاقلة شويا خصوصا الأدب ) .... طريقة المراجعة وكل هذاااا ...
المهم أي تساؤل أنا هنا
دعوة خير فقط تكفيني .
وفقكم الله
اصرار بلا عنان
2019-10-11, 17:02
بارك الله فيك اختي

ممكن طريقتك في مراجعة الفلسفة ؟؟ و كيف نكتب مقالا في الفرض او الاختبار ؟؟
*آمنة*
2019-10-11, 17:14
ارجوكي مين تدخلي اكتبيلنا كاش حاجة ولا عفسة تنشطنا
nr.houda
2019-10-11, 18:40
بارك الله فيك اختي

ممكن طريقتك في مراجعة الفلسفة ؟؟ و كيف نكتب مقالا في الفرض او الاختبار ؟؟

https://www.djelfa.info/vb/showthread.php?t=2212671
كنت تحدثت عن الفلسفة بإختصار في هذا الموضوع
كيف تكتبين مقالا في الفرض أوالاختبار لم أفهم قصدك بالتحديد لكن لا علينا مثلا في الفصل الأول نقراو المشكلة والاشكالية، الدهشة والإخراج، السؤال العلمي والفلسفي
راح يكون السؤال على هذا النحو : قارن ،ميز ، ... ،بين السؤال العلمي والفلسفي ؟ تتبعي الطريقة : جدل ، مقارنة ، استقصاء على حسب السؤال
لازم في المقالة تكثريالأقوال و الأمثلة خصوصا باش المصحح يحسك بلي راكي فاهمة ،ديري مقالاتك الخاصة ( على أن لا تتعدى 4 أوراق من هذوك الكبار ) متكثريش على روحك أعطي لكل مادة قيمتها و حاولي تحافظي على مقالاتك للعطل باش تراجعيهم فقط . وهكذا في نهاية السنة تلقاي روحك كامل المقالات حافظتهم مع أني لا أنصح بالحفظ في الفلسفة وإنما الفهم ... الشرح حول هذه النقطة تلقاايه في الموضوع
المهم إذا مافهمتش قصدك حدديلي أكثر
موفقة
nr.houda
2019-10-11, 18:49
ارجوكي مين تدخلي اكتبيلنا كاش حاجة ولا عفسة تنشطنا

السلام عليكم كما قلت سأكون هنا كل خميس ، وسأحاول مساعدتك قدر الإمكان
بخصوص طلبك :
نقولك أن باقي قدامك 8 أشهر مام مراكيش متقدمة و ..... كل الأفكار السلبية ديريها جنبا و إبدئي من جديد ، خليك قريبة من ربي سبحانو هذا و حافظي على أوقات صلاتك صدقيني ، ننصحك تنوضي تصلي الفجر و إتكلي على ربي هذاك أفضل وقت للمراجعة و تروحي للدراسة المعنويات عالية ، كي تولي للدار رييحي قدر ساعة وربع و أبداي أرجعي واش درتو و أبداي تحضري للباك نقصد تحلي تمارين تاع بكالوريا ت، سلاسل ، ..... و الحفظ خليه للصباح فقط أو عطلة نهاية الأسبوع، و مهما ضاقت بيك خلي شكواك لله فقط و تفكري الفرحة تاع نهاية السنة وفرحة والديك هذا الشيء راح يحفزك و خلي يوم الخميس للراحة و تفرجي فييه فيديوهات تحفيزية ... مع أني كنت نراجع فيه شويا لانو كل ال week end كان عندي les coures بصح كي كنت نججي نرقد نتفرج فيديوهات تحفزني قدر نصف ساعة و نرقد
راكي تقولي هذي واش راها تقول هههه المهم قتلك على تجربتي و الأشياء اللي فادتني و والله صدقيني مع انها كانت من أصعب الايام إلا أنني أستفقدتلها بزاااف تطلعي للجامعة إن شاء الله و تفهمي قصدي
موفقة أختي
*آمنة*
2019-10-11, 18:54
شكرا لكي
واتمنى ان لا تفاريقيني
وارجوا انك تسانديني دائما ...تحطيلي كلمات يحفزوني لانو انا نتحفز كي تكون الهدرة كتابيا
والله يحفظك ويعطيك كل ما تتمناي
لدي مشكلة في النهوض باكرا...تخيلي في الاسبوعين الاولين كنت دائما نوض تلقائيا على للخانسة
بصح دوك بالمنبه ومنيش نوض؟؟ واش ندير اختي
nr.houda
2019-10-11, 19:01
شكرااا لك أختي ما أريده فقط هو دعوة خير لي ، سأكون معك بالتأكيد لكن كل خميس لأني عندي إنشغالات في الدراسة و لحد الان ما بدأت .
المشكل اللي عندك كامل عندنا لكن سمعت معلومة هي إذا نفرضوا فاتت 21 يوم وأنتي تنوضي عند 5 تولي عندك عادة ، ماعليك فعله هي أن تجاهدي نفسك كي يصوني réveille طفيه و نوضيdirect بمجرد تتوضاي و تشربي قهوتك إذا كنتي من مدمنين القهوة مثلي ههه تلقاي روحك ناشطة صلي وأتوكلي على ربي وصدقيني كي تنوضي على 5 وتحفظي دوك 2 ساعات أفضل من أنك تحفظي10ساعات في المساء
والله يوفقك سمحيلي على الرد المختصر
عاشقة الكواكب
2019-10-11, 19:12
جزاك الله خيرا هدوش ^^
في فيزياء المعروف عنها انها مادة افكار فكيف تعاملت ودربتي نفسك على التنارين النظرية و ماهي مراجع الملمة بالافكار^^
nr.houda
2019-10-13, 14:05
جزاك الله خيرا هدوش ^^
في فيزياء المعروف عنها انها مادة افكار فكيف تعاملت ودربتي نفسك على التنارين النظرية و ماهي مراجع الملمة بالافكار^^

السلام
كيف حالك؟؟
المهم في هذا الموضوع تحدثت بإختصار عن تجربتي مع الفيزياء
https://www.djelfa.info/vb/showthread.php?t=2212671

ما أنصحك به هو مراجعة الدرس و محاولة الإلمام بكل النقاط : كاين نقاط مديروهمش في القسم و يجيو في الباكالوريا ، أغلبية أساتذة لي كور يديرهم ، المهم بعدها إنتقلي إلى البكالوريات : 1/ علوم تجريبية ثم رياضيات/تقني رياضي
مين تتلقاي فكرة جديدة عليك دونيها في كناش أو ...
بخصوص الأسئلة النظرية تكون تعريف حاجة باينة درتوه في الدرس أو حتى لوكان مدرتوهش يكون عندك عليه نظرة كي مرة دارو في الباك العائلة المشعة(هي مجموعة الانوية البنت الناتجة عن تفكك النواة الام المشعة )من المعنى تستخخرجي التعريف يعني جامي تتلفلك كي تشوفي حاجة مقريتوهاش أو أول مرة تشوفيه المعنى يكون واحد و الكلمة متغيرة و ثاني كاين بعض الأسئلة أهمية الانشطار و الاندماج .. ماهو أقل تكلفة ؟ تلقايهم في الأنترنت إذا حبيتي نعطيك الرابط
وتزيدي حلي السلاسل تاع الدروس الخصوصية وفقط
وفقكم الله أتمنى أن يكون لدي شافي وافي
عاشقة الكواكب
2019-10-13, 19:23
جزاك الله خيرا^^
سؤال اخر كيف احضر للفروض واختبارات كي اضمن فيها نقاط ومنها اصحح أخطائي و احضر للبكالوريا
*آمنة*
2019-10-13, 19:35
سلام اختي الغالية
جزاكي الله كل خير
لي سؤال لو سمحتي
انا في الاعوام الماضية كانت دائما معدلاتي الفصلية بين 11...12...13
في هذا الغام خابة ندي 15 هذا الفصل...لاخاطر الا ديت هذي النقطة نحس روحي بلي رايحة نجيب الباك
بنقطة مليحة...كيما الفصول
ارجوكي فيدني باي حاجة تخص هذا الموضوع واجرك على الله
متتبعة لكي
nr.houda
2019-10-14, 00:07
جزاك الله خيرا^^
سؤال اخر كيف احضر للفروض واختبارات كي اضمن فيها نقاط ومنها اصحح أخطائي و احضر للبكالوريا

كيف تحضرين لللفروض أو الاختبارات :
الفروض و الاختبارات فرصة باش تختابري نفسك و تعرفي مدى تحضير البكالوريا، المفروض أنو راكي تراجعي الدروس يوميا و تحلي التمارين هذا تحضير للفروض والباك ، قبل الفرض تراجعي برك شفويا لانو من المفروض تكوني دايرة ملخصاتك الخاصة و يكون عندك الملاحظات و الأفكار و الكل ريفيزيعم و يا حبذا تزيدي تحلي تمارين و تأخذي الأفكار.
بعد الفرض أو الاختبار و في نفس اليوم
عاودي حلي الفرض أو ... لانو كاين أسئلة ميكفيكش الوقت باش تخليها مرات تعاودي تحليها و شوفي الدرس و قارني إجاباتك و شوفي وين غلطتي و تكتبيها غلطت في هذه النقطة و الحاجة اللي مكنتيش فاهمتها عاودي ركزي عليها و الحاجة اللي جديدة دونيها كفكرة و هكذااا و متخليش النقطة تأثر عليك بالعكس اجعليها كحافز و في الاختبارات surtout تكون كاينة ظاهرة الغش حاولي متسمعيش الإجابات و ديري واش عندك أو بالأحرى واش عارفة باش تقيمي نفسك
بالتوفيق
nr.houda
2019-10-14, 00:10
سلام اختي الغالية
جزاكي الله كل خير
لي سؤال لو سمحتي
انا في الاعوام الماضية كانت دائما معدلاتي الفصلية بين 11...12...13
في هذا الغام خابة ندي 15 هذا الفصل...لاخاطر الا ديت هذي النقطة نحس روحي بلي رايحة نجيب الباك
بنقطة مليحة...كيما الفصول
ارجوكي فيدني باي حاجة تخص هذا الموضوع واجرك على الله
متتبعة لكي
كاين بزاااف ناس نعرفهم كانوا يجيبوا في الفصول 11,12 ... و في الباك جابوا 14,15 حاولي تنساي الأعوام الماضية ومعدلك ...
كل ماعليك فعله هو تفهمي الدرس خاص تكوني مركزة طول العام ، تحلي التمارين بكالوريا ت، سلاسل ، المراجع لي ملاح بصح متكثريش و ديري الثقة في نفسك و اتكلي على الله و إن شاء الله ربي ميضعكلش تعبك
موفقة
nr.houda
2019-10-15, 22:53
....... .......... ......... ......... .........
nr.houda
2019-10-17, 17:07
أنا هنا للإجابة على أي إستفسار
*آمنة*
2019-10-17, 17:29
لي عودة اختي
*آمنة*
2019-10-18, 21:44
اختي نور
انا مش حاسة روحي متأخرة
اانا متأخرة بالفعل سواءا في المواد العلنية او الادبية
نحوس قبل ما ينتهي اكتوبر نكمل قاع واش قريب لدوك
ارجوكي انصحيني
فيديني
انا دوك رايحة نكملها مع نووي وغدوة نراجع علوم صباح .....ولعشوة نحفظ تاريخ
هذا واش رايحة ندير
nr.houda
2019-10-19, 14:45
اختي نور
انا مش حاسة روحي متأخرة
اانا متأخرة بالفعل سواءا في المواد العلنية او الادبية
نحوس قبل ما ينتهي اكتوبر نكمل قاع واش قريب لدوك
ارجوكي انصحيني
فيديني
انا دوك رايحة نكملها مع نووي وغدوة نراجع علوم صباح .....ولعشوة نحفظ تاريخ
هذا واش رايحة ندير
السلام عليكم
احساسك بالتأخر إحساس عادي حتى يالوكان مراكيش متأخرة دائما تحسي حوائج و عفسات ناقصينك ،
المهم تقدري تتداركي تأخرك ، مزال الحال و خصوصا راح يعطوكم عطلة الخريف تعرفي كيفاه تستغليها
ملاحظة أرجو أن تعمل بها الحفظ مورالفجر و باقي اليوم للفهم و حل التمارين وجريبيها و ردي عليا حاولي تنوضي مع 5 صباحا أحفظي تاريخ ولا ..... روحي تقراي كي تجي خذي قسط من الراحة حوالي ساعة أو ساعة ونصف تقدري حتى أرفدي نصف ساعة تريحي فيها ، عاود بدي أولا راجعي واش قريتو في هذاك النهار باش متقعديش متأخرة يعني متزيديش تتأخري كي تكملي راجعي الأمور لي راكي متأخرة فيها + حلي تمارين أو سلاسل أو ....
ساعة قبل النوم خليها دائما للمواد الأدبية إنجليزية و فرنسية راجعي واش قريتو يالوكان غي تقراي القواعد تحوسي على المصطلحات ، أفكار في production
و أفضل وقت كنت نستدرك فيه كامل الأمور لي ناقصتني وقت الفروض والاختبارات لأنوتكوني تحت الأمر الواقع
راني نحاول نجاوبك و نزيد ننصحك بالأمور لي فادتني راني نحاول نعطيك قاع واش عندي
اسمحي لي مراحش نقدر نجاوب عليكم حتى الخميس الجاي (إنشغالات الدراسة)
دعوة خير فقط هذا كل ما احتاج
موفقة و أي حاجة تحبي نساعدك فيها أنا هنا
*آمنة*
2019-10-19, 17:27
السلام عليكم
احساسك بالتأخر إحساس عادي حتى يالوكان مراكيش متأخرة دائما تحسي حوائج و عفسات ناقصينك ،
المهم تقدري تتداركي تأخرك ، مزال الحال و خصوصا راح يعطوكم عطلة الخريف تعرفي كيفاه تستغليها
ملاحظة أرجو أن تعمل بها الحفظ مورالفجر و باقي اليوم للفهم و حل التمارين وجريبيها و ردي عليا حاولي تنوضي مع 5 صباحا أحفظي تاريخ ولا ..... روحي تقراي كي تجي خذي قسط من الراحة حوالي ساعة أو ساعة ونصف تقدري حتى أرفدي نصف ساعة تريحي فيها ، عاود بدي أولا راجعي واش قريتو في هذاك النهار باش متقعديش متأخرة يعني متزيديش تتأخري كي تكملي راجعي الأمور لي راكي متأخرة فيها + حلي تمارين أو سلاسل أو ....
ساعة قبل النوم خليها دائما للمواد الأدبية إنجليزية و فرنسية راجعي واش قريتو يالوكان غي تقراي القواعد تحوسي على المصطلحات ، أفكار في production
و أفضل وقت كنت نستدرك فيه كامل الأمور لي ناقصتني وقت الفروض والاختبارات لأنوتكوني تحت الأمر الواقع
راني نحاول نجاوبك و نزيد ننصحك بالأمور لي فادتني راني نحاول نعطيك قاع واش عندي
اسمحي لي مراحش نقدر نجاوب عليكم حتى الخميس الجاي (إنشغالات الدراسة)
دعوة خير فقط هذا كل ما احتاج
موفقة و أي حاجة تحبي نساعدك فيها أنا هنا

اللع يعطيك واش تتمناي
هذا العام ان شاء الله رايحة تولي السند نتاع بعد ربي سبحانو
.
.
.
قد ما تقوليلي نوضي صباح والله ما نقدر معلباليش علاه
انا كيما قتلك منيش حاسة بلي روحي متأخرة انا صح متأخرة بزااااااااف
.
.
اسفة ان كنت ازعجك ...وفقك الله دائما وابدا
nr.houda
2019-10-19, 18:07
اللع يعطيك واش تتمناي
هذا العام ان شاء الله رايحة تولي السند نتاع بعد ربي سبحانو
.
.
.
قد ما تقوليلي نوضي صباح والله ما نقدر معلباليش علاه
انا كيما قتلك منيش حاسة بلي روحي متأخرة انا صح متأخرة بزااااااااف
.
.
اسفة ان كنت ازعجك ...وفقك الله دائما وابدا

أفرحني كلامك أتمنى أن أكون عند حسن ظنك
والله نفس المشكل ، كيما البارح قلت نوض الصباح باش
نراجع les coures بداو يتراكموا يصح مقدرتش ، من خلال تجربتي العام لي فات ، خصك تقولي لازم نوض sinon راح نبقى rotard و لا جربها كون تنوضي الصباح و تصلي و تحفظي حفيظتك تمشي للقراءة فرحانة و المورال طالع يصح وكان تقولي نوض و متنوضيش كي تنوضي تحكمك القنطة، ننصحك أول ما يصوني réveille طفيه و نوضي مباشرة بلاماتفكري في أي حاجة بمجرد تتوضاي و تشربي قهوتك النعاس يروحلك و تتحفزي للقراية، خليك منظمة و و متخليش الكسل يغلبك ، يجي الصيف و عندك ماترقدي و تريحي
إزعاج ماذا ؟؟ لا أختي خذي راحتك sa fait pleasir كي نخفف عليك
ربي يعاونك و أي حاجة راني هنا 🙏
موفقة أختي
*آمنة*
2019-10-19, 18:50
قد ما راني نحكي معاك
نحوس نتلاقا معاك
والله غير تحسك قاهدة في قلبي وعارفة قاع واش راني نحس
الله يخليك لوالديك ويحفظك ليهم
وربي يجازيك على كل كلمة تقولي فيها
.
.
.
من اليوم انتي دوائي
nr.houda
2019-10-19, 19:08
قد ما راني نحكي معاك
نحوس نتلاقا معاك
والله غير تحسك قاهدة في قلبي وعارفة قاع واش راني نحس
الله يخليك لوالديك ويحفظك ليهم
وربي يجازيك على كل كلمة تقولي فيها
.
.
.
من اليوم انتي دوائي
ربي يحفظك ، نفرح كي نقدر نخفف عليك يالو بالقليل
أحتاج دعوة خير فقط
موفقة أختي
nr.houda
2019-10-31, 21:35
.........
...........
..........................
*آمنة*
2019-10-31, 23:13
سلام هدى
كيف حالك
الله الله ديريني كي بنتك
وعيطي عليا وقليلي بلي ما بقا والوا على الباك
انصحيني الله الله و الله غير الفشلة والكسل قابضني
nr.houda
2019-11-01, 15:39
سلام هدى
كيف حالك
الله الله ديريني كي بنتك
وعيطي عليا وقليلي بلي ما بقا والوا على الباك
انصحيني الله الله و الله غير الفشلة والكسل قابضني

السلام عليكم أختي
الحمد لله بخير وأنتي ماذا عنك؟
ههههههه ، كامل صرالنا هكا متضغطيش على نفسك تخسري يومين و متخسرين سمانة كي تحسي روحك تعبانة خذي قسط من الراحة ، و ولي بقوة .
حاولي تخلي برنامجك من 5 صباحا إلى 11 مساء لانوا العقل في الصباح يكون مركز ، أنا ثاني ني ندير 200 réveille و منوضش بصح لازم تكافحي نفسك ، الكسل والرقاد ميفيد بوالو. و متنسايش باقي الوقت مديريش الضغط على روحك لدرجة تخسري صحتك ، اتعبي وكافحي بصح بالحدود . لنفسك حق عليك منيش نقولك هاك باش ترقدي و إنما باش توازني مسألة تنظم وقت
بالتوفيق. سأغيب لفترة . أتمنى لك كل خير
*آمنة*
2019-11-02, 20:48
صحيتي خوي
الله يحفظك ويخليك
*آمنة*
2019-12-19, 21:03
.
.
.*.
0
.
.
nr.houda
2019-12-19, 21:51
نعم امنة ماهي اخبارك
*آمنة*
2019-12-19, 22:29
هل هناك ما توفينا به
بما اننا في فترة مصيررية
طـــالب علم
2019-12-20, 13:03
السلام عليكم و رحمة الله وبركاته*
من فضلكِ أختي أفيدينا بطريققة تعاملك مع اللغة الفرنسية
ايمانو الجزائرية 01
2019-12-20, 13:19
السلام عليكم و رحمة الله تعالى و بركاته


بارك الله فيك اختي على الموضوع الرائع


يا اختي نسقسيك بالنسبة للعلوم



1 سلاسل بوالريش ماشي فيهم حاجات واعرين بزاف و نظن فوق المستوى ديالنا ؟؟ كيما المعادلات وووو



2 المنهجية ثم المنهجية لازم نحل تمارين كتابي دايما ؟؟ و لازم نمد للاستاذة تصححلي ؟؟



3 البكالوريات السابقة و تمارين الكتاب المدرسي تنصحينا بيهم ؟؟ لانو المنهجية تبدلت
nr.houda
2019-12-27, 00:06
السلام عليكم و رحمة الله تعالى و بركاته


بارك الله فيك اختي على الموضوع الرائع


يا اختي نسقسيك بالنسبة للعلوم



1 سلاسل بوالريش ماشي فيهم حاجات واعرين بزاف و نظن فوق المستوى ديالنا ؟؟ كيما المعادلات وووو

سلاسل بوراليش اختي اعتبرهم كافيين و شافيين للحصول على العلامة الكاملة كاين حاجة مراكيش مجبرة على حفظ هذوك المعادلات المعقدة كيما في الانزيمات ات و ثاني كي توصلوا للنقل المشبكي ،المعادلة اللي كاتبين في برنامج العلوم هذوك المعادلات تاع البروتين مدرجين في الدرس أصلا و المعادلات تاع وحدة التركيب الضوئي و التنفس و التخمر إذا وصلتولهم المهم الباقي على حسب علمي غير ملزمين بمعرفتهم كي تتلقاي بهم احذفبهم المهم تفهمي فكرة التمرين أرفدي أفكار تعرفي المنهجية ماشي الإجابة تاع آخر سؤال تقوليها في أول و ثاني وثالث سؤال لا مكتسباتك وظفيهم على حسب السؤال لانو مرات الإجابة معظمها تكون من الوثائق و 10% من مكتسباتك

2 المنهجية ثم المنهجية لازم نحل تمارين كتابي دايما ؟؟ و لازم نمد للاستاذة تصححلي ؟؟

شوفي نتي لي يريحك أختي العلم راه في كل مكان، إذا كان عندك اي استفسار طلبي من أستاذتك مفهمتيش كاين أستاذ لي كور مفهمتيش كاين الأنترنت
المنهجية في العلم تساوي 90% صدقيني فاهمة و حافظة و لكن معندكش منهجية متديش أنا نسيت شويا لكن بعد الاختبارات(عندي اختبارات في آخر جانفي) ممكن نعاونك إذا ربي كتب و كنا حيين و إلا سقسي أستاذتك حلي التمارين من سلاسل بورالريش ركزي على طريقة الإجابة أولا ثم على الأفكار ثانيا

3 البكالوريات السابقة و تمارين الكتاب المدرسي تنصحينا بيهم ؟؟ لانو
المنهجية تبدلت
إذا حبيتي شوفي برك الأفكار متشوفيشالمنهجية و إلا حلي برك 2018 و 2019 تزيدي سلاسل بورالريش و اختباراتكم والفروض و تمارين الدروس الخصوصية هذا كافي وأكثر
موفقة