تسجيل الدخول

مشاهدة النسخة كاملة : نصيحتين لكم^^

nr.houda
2019-10-04, 21:49
السلام عليكم و رحمة الله وبركاته
كيف حالكم لقد إنقضى شهر على بداية الدراسة
لا تقلقوا لازال هناك متسع من الوقت
النصيحة التي وددت أن أقدمها لكم
هي عدم ترك الدروس تتراكم في مادة الفيزياء حقيقة كانت من أصعب المواد لدي و كنت لا اراجعها إلا بعد العدوة من لي كور واش حبيت تقول انوا جامي تروح تقرا لي كور وأنت مافاهمش الدرس كيما صرالي كاين قنوات في اليوتيوب ماشاء الله : الأستاذ شريفي رابح ، مولاي عمر
وحاولو ا دايمن تبحثوا عن الأفكار لأن هذه المادة واااااااسعة من حيث الأفكار .
النصيحة رقم 2 : متحفظوش الفلسفة: أنا كنت ندي في الفروض و الإختبارات 17/18 كنت نبحث على افضل المقالات و نقص الافكار اللي متعجبنيش ، لكن في آخر السنة هذه المقالات اللي حفظتوهم تكونوا نسيتوهم بالكامل صدقوني خصوصا إذا معاودتوهمش في العطلة كيفي
واش ننصحكم في كل إشكالية مثلا تاع المشكلة الإشكالية اللي بديتو بيها
حاولوا تجيبو غي رؤوس أقلام كي تكونوا فاهمين الدرس تقدروا تديرو مقدمة وخاتمة وحدكم المهم تفهموا المنهجيات مقارنة ،جدل ،استقصاء
وحاولو تفهموا الدروس و ماتديروش على المقترحات و أحفظوا الأقوال عن ظهر قلب لأنها هي سلاحكم نهار الباك
ربي يوفقكم ^^
Alponlib
2019-10-04, 21:53
صدقت


.
اسماء تيارت
2019-10-04, 21:54
شكرآ على النصائح* مع أني* الفيزيك* السنة* ماني* قابضة حية تائهة* بمعنى الكلمة* معرفتش* كي* نستدرك الأمور* لاني بصراحة* مديتش لاباز*
Alponlib
2019-10-04, 22:07
شكرآ على النصائح* مع أني* الفيزيك* السنة* ماني* قابضة حية تائهة* بمعنى الكلمة* معرفتش* كي* نستدرك الأمور* لاني بصراحة* مديتش لاباز*

مزال الحال و ملتسحقش باز كبيرة يعني حسب رايي في الكيمياء لازمك تعرفي جدول التقدم و شوية قوانين تع حساب كمية المادة تلقايهم في النت الوحدات الاخرى حسب ما اتذكر راح تبداو من الصفر كلش يعني بالاختصار المفيد لازمك حالا استدركي وش فاتك فالفيزياء يعني الكيمياء 😅 المهم المراجع لي ذكرتها الاخت راح تفيدك فالعملية الخاصة
شوية حماس و شجاعة و انطلقي الآن
Go go go
karlita
2019-10-04, 22:09
السلام عليكم و رحمة الله وبركاته
كيف حالكم لقد إنقضى شهر على بداية الدراسة
لا تقلقوا لازال هناك متسع من الوقت
النصيحة التي وددت أن أقدمها لكم
هي عدم ترك الدروس تتراكم في مادة الفيزياء حقيقة كانت من أصعب المواد لدي و كنت لا اراجعها إلا بعد العدوة من لي كور واش حبيت تقول انوا جامي تروح تقرا لي كور وأنت مافاهمش الدرس كيما صرالي كاين قنوات في اليوتيوب ماشاء الله : الأستاذ شريفي رابح ، مولاي عمر
وحاولو ا دايمن تبحثوا عن الأفكار لأن هذه المادة واااااااسعة من حيث الأفكار .
النصيحة رقم 2 : متحفظوش الفلسفة: أنا كنت ندي في الفروض و الإختبارات 17/18 كنت نبحث على افضل المقالات و نقص الافكار اللي متعجبنيش ، لكن في آخر السنة هذه المقالات اللي حفظتوهم تكونوا نسيتوهم بالكامل صدقوني خصوصا إذا معاودتوهمش في العطلة كيفي
واش ننصحكم في كل إشكالية مثلا تاع المشكلة الإشكالية اللي بديتو بيها
حاولوا تجيبو غي رؤوس أقلام كي تكونوا فاهمين الدرس تقدروا تديرو مقدمة وخاتمة وحدكم المهم تفهموا المنهجيات مقارنة ،جدل ،استقصاء
وحاولو تفهموا الدروس و ماتديروش على المقترحات و أحفظوا الأقوال عن ظهر قلب لأنها هي سلاحكم نهار الباك
ربي يوفقكم ^^

شكرا على النصيحة اود سؤالك من وين كنتي تجيبي الاقوال كاش مصدر لو سمحتي:mh31::mh31:
Alponlib
2019-10-04, 22:09
شكرآ على النصائح* مع أني* الفيزيك* السنة* ماني* قابضة حية تائهة* بمعنى الكلمة* معرفتش* كي* نستدرك الأمور* لاني بصراحة* مديتش لاباز*

كاين موقع الاستاذ فرقاني تلقاي فيه مفاهيم في الكيمياء مع الوحدة الاولى تع هاذ السنة ( 3 ثانوي ) ننصحك بشدة بها فيها كامل وش تحتاجي اساسيات في الكيمياء
اسماء تيارت
2019-10-04, 22:15
مزال الحال و ملتسحقش باز كبيرة يعني حسب رايي في الكيمياء لازمك تعرفي جدول التقدم و شوية قوانين تع حساب كمية المادة تلقايهم في النت الوحدات الاخرى حسب ما اتذكر راح تبداو من الصفر كلش يعني بالاختصار المفيد لازمك حالا استدركي وش فاتك فالفيزياء يعني الكيمياء 😅 المهم المراجع لي ذكرتها الاخت راح تفيدك فالعملية الخاصة
شوية حماس و شجاعة و انطلقي الآن
go go go
إن شاء الله خويا صحيت حفزتني 😄
اسماء تيارت
2019-10-04, 22:17
كاين موقع الاستاذ فرقاني تلقاي فيه مفاهيم في الكيمياء مع الوحدة الاولى تع هاذ السنة ( 3 ثانوي ) ننصحك بشدة بها فيها كامل وش تحتاجي اساسيات في الكيمياء

حفظك خويا راني طلعتهم 🤗🖒
nr.houda
2019-10-04, 22:19
صدقت


.

صدق إيمانك أخي
nr.houda
2019-10-04, 22:25
شكرآ على النصائح* مع أني* الفيزيك* السنة* ماني* قابضة حية تائهة* بمعنى الكلمة* معرفتش* كي* نستدرك الأمور* لاني بصراحة* مديتش لاباز*

حقيقة مثل ماقالك الأخ متستحقيش الأفكار تاع السنوات اللي فاتوا برك بعض القوانين كمية المادة و..... تلقايهم في الأنترنت تقدري استدركي التأخر تاعك ونورمالمون راكم عادة في النووي إذا ماعليك فعله هو مشاهدة فيديوهات الأساتذة في اليوتيوب أنصحك شريفي رابح و حل البكالوريات السابقة... موفقة
nr.houda
2019-10-04, 22:31
شكرا على النصيحة اود سؤالك من وين كنتي تجيبي الاقوال كاش مصدر لو سمحتي:mh31::mh31:

العفو
الصراحة كنت نجيبهم من المقالات المتواجدة على الأنترنت و نكتبهم في كناش ، أنصحك بفهم المقالة أعطيها قدر 30 دقيقة أفهميها مليح مليح و حفظي الأقوال و فقط باش في آخر السنة متنغبنيش لأن ما يفهم مستحيل أن ينسى لكن مايحفظ .... منكملش خير
عن تجربة كنت نحفظ الفلسفة و عطيتها أكبر من ماتستحق في البحث في الباك ديت 10 alors فهمي و أحفظي الأقوال ومتعييش روحك بالبحث على أروع المقالات و .... متنسايش عندك علوم و فيزياء الرياضيات المعامل ... بلا منهدرو ألوغ اعطي كل مادة قيمتها و حجمها الساعي.
وربي يوفقك
*آمنة*
2019-10-05, 10:13
تخيلي اختي هدى لدوك قاع منيش نراجع في الفيزيا
نراجع غير في الرياضيات والعلوم
عاشقة الكواكب
2019-10-05, 12:07
عندي خلط فقط في تمارين مثلا
يمدلك جدول فيه سلسلة اديان واريان ورامزة مضادة تع اريان و يقولك كمل سلسلة بنيكلوتيدات هنا تتخلطلي و بتالي نغلط في حمض اميني موافق لها
nr.houda
2019-10-05, 13:51
تخيلي اختي هدى لدوك قاع منيش نراجع في الفيزيا
نراجع غير في الرياضيات والعلوم

معليش أختي مزال الحال ماعليك فعله هو إستدراك ما فاتك صدقيني الفيزياء فيها مليون فكرة و إذا مكنتيش a jour رايحة تضيعي أبدا من الكيمياء مافيهاش حاجة صعيبة من غير العلاقات الشيء الآخر تقدري تراجعييه في ظرف 30 دقيقة أقصد قوانين السرعة
رسم المماس وأعطي باقي الوقت في العلاقات و أفهمي كيفاش تخرجيهم و النووي ساهل بصح فيه عفايس مثلا تاع المردود و .... إذا كنتوا قريتوهم و الانشطار والاندماج الباقي ساهل واش حبيت نوصلك ركزي على الحاجة الصعيبة و التفاصيل الساهلين مثل زمن نصف العمر و ... تدربي عليهم على الأكثر 3 مرات وباقي الوقت خليه الأفكار الصعبة اللي تطيح
والله يوفقك
nr.houda
2019-10-05, 14:21
عندي خلط فقط في تمارين مثلا
يمدلك جدول فيه سلسلة اديان واريان ورامزة مضادة تع اريان و يقولك كمل سلسلة بنيكلوتيدات هنا تتخلطلي و بتالي نغلط في حمض اميني موافق لها

سأشرح لك يلا ماكنتش ناسية
شوفي
ال ADN كاين سلسلة مستنسخة و سلسلة غير مستنسخة هذي متفق عليها
السلسلة غير مستنسخة هي نفسها سلسلة ال Arnm مع استبدال t ب u
السلسلة المستنسخة t من ال ADN يقابلها A من السلسلة المستنسخة و A يقابلها U و ..... باينة بلا منكمل
كيفاش تعرفي إذا عندك السلسلة المستنسخة ولا السلسلة غير مستنسخة ؟
ونورمالمون إن شاء الله منكونش غالطة السلسلة غير مستنسخة فيها T أما السلسلة غير مستنسخة مفيهاش وإنما فيها U
_ ال Arnm يكون نفسه ( نفس نيكليوتيدات) السلسلة غير مستنسخة مع استبدال T ب U
أما إذا كان عندنا السلسلة المستنسخة : u يقابلها A و ......
بالنسبة لرامزة ال Arnt تكون عكس رامزة ال Arnm
بالنسبة البروتين يكون وفق رامزة ال arnm
إن شاء الله تكون فهمتي و منكونش خلطتك إذا عندك مثال حطيه نعاونك فيه
*آمنة*
2019-10-05, 14:41
معليش أختي مزال الحال ماعليك فعله هو إستدراك ما فاتك صدقيني الفيزياء فيها مليون فكرة و إذا مكنتيش a jour رايحة تضيعي أبدا من الكيمياء مافيهاش حاجة صعيبة من غير العلاقات الشيء الآخر تقدري تراجعييه في ظرف 30 دقيقة أقصد قوانين السرعة
رسم المماس وأعطي باقي الوقت في العلاقات و أفهمي كيفاش تخرجيهم و النووي ساهل بصح فيه عفايس مثلا تاع المردود و .... إذا كنتوا قريتوهم و الانشطار والاندماج الباقي ساهل واش حبيت نوصلك ركزي على الحاجة الصعيبة و التفاصيل الساهلين مثل زمن نصف العمر و ... تدربي عليهم على الأكثر 3 مرات وباقي الوقت خليه الأفكار الصعبة اللي تطيح
والله يوفقك

اختي ارجوكي ساعديني
والله معرفت كيفاه نفهم الفيزيا
الله يحفظك واش ندير
nr.houda
2019-10-05, 19:28
اختي ارجوكي ساعديني
والله معرفت كيفاه نفهم الفيزيا
الله يحفظك واش ندير

لا تقلقي أختي مزال الحال .
ماعليك فعله نورمالون راكم في النووي
نبداو بالكيمياء
أحفظي القوانين : تاع السنوات الماضية
كمية المادة ،الغازات المثالية ،التركيز المولي،التركيز الكتلي ، قانون واه الكتلة الحجمية رو ، .....
تاع القوانين بعدما تكملي قريتو السرعات كيفاش ترسميي المماس ، وحسبي السرعة ، تسنتجي السرعة تدربي عليهم من خلال البكالوريات السابقة هذو ساهلين بزااف بالنسبة لي راه جاي (مانيش نخوف فيك اختي) المهم تدربي عليهم قانون طبق من غير هاذيك تاع استنتج سرعة التشكل .... ؟ مثلا تخرجيها من العلاقة قانون تكونو دايرينه ركزي في لي غادي نقولهلك إذا طلب منك تخرجي سرعة التشكل في السؤال الأخير و أنتي كنتي في السؤال الذي قبله حسبتي السرعة الجالحجمية للاختفاء ماعليك فعله هو
السرعة الحجمية التشكل على المعامل الستوكيومتري = السرعة الحجمية الاختفاء على المعامل الستوكيومتري
لي تلقايه تقسميه على الحجم لأن السرعة الحجمية ماذا تعني : السرعة على الحجم
الكل من هذا هو حبيت نوصلك فكرة تاع لازم تفهمي الدرس + الأفكار + القليل من الذكاء (التركيز)
يتبع
*آمنة*
2019-10-05, 19:42
جزاكي خيرا
تقصدي راني متأخرة يعني لازم نكون في النووي؟
حنا في القسم رانا لسع في سرعات
nr.houda
2019-10-05, 20:01
لا لم تفهمي قصدي كوني دائما مع أستاذك في القسم
حسابني راكم في النووي
لا علينا راكم في السرعات مزال مشفتوا والو هذيك أسهل وحدة الحاجة لي صعيبة فيها هي العلاقات
يتبع أختي
سامحيني هذا وين رايحة نبدي نراجع
سأكمل لك اليوم بإذن الله
nr.houda
2019-10-06, 00:51
اكمل من حيث ماتوقفت
جيد أنكم لا زلتم في الكيمياء
بعض النصائح في هذه الوحدة احفظي كذلك التعريفات مثلا السرعة الحجمية للتفاعل : هي تغير السرعة بدلالة الزمن في وحدة الحجم إذا كنت عاقلة
زمن نصف التفاعل : الزمن اللازم لبلوغ التفاعل نصف تقدمة الأعظمي
الوسيط ، الوساطة (أنواعها )،التقدم ،التكافؤ تكشف عنه بتغير لون المحلول و....
بزاااف تفاصيل نسيتهم

ملاحظة ثاني يقولك ما دور حمض الكبريت إذا كان موجود في المعادلة فدوره تهيئة الوسط الحامضي ( كاين تفاعلات كان ميكونش الحمض متصراش)
وإذا مكانش كاين h+ في المعادلة فهو وسيط دوره تسريع التفاعل
هذه أفكار حبيت نعاونك بيها
عامة سألتني كيفاش نراجعها :
أولا إذا كان أستاذتك جيد تفهمي معاه ماعليك فعله هو بعد العودة مراجعة الدرس و الشروع في حل التمارين (بكالوريا ت بالتدريج علوم تجريبية ثم رياضيات /تقني رياضي )
إذا كان عندك غموض في الدرس شوفي في اليوتيوب أستاذ شريفي رابح
وإذا كان أستاذتك عيان بداي قراي الدرس من اليوتيوب ثم التمارين وكذا....
إذا كنتي ديري لي كور : متروحيش وأنتي مافاهمش الدرس حذااااري ثم حذاااري ثم حذاري.
بالتوفيق أختي ولاتقلقي مزالكم في الكيمياء . توكلي على الله و أبدا
وفقك الله وسدد خطاك