عمري يضيع و لازلت اعزبا بسبب الوالدة

[مشكلتي]

السلام عليكم
اعاني من مشكل عويص وهو اني في سن 35 و لم اتزوج بعد . حيث اني تقدمت لخطبة بنت من قبل لما كان سني 28 سنة و تمت الرؤية الشرعية لكن والدها رفض بحجة اني لا املك سكنا خاصا
الان اريد الزواج لكن والدتي تقول لي مزال ولازم نشوفلك وحدة بنت ناس لكني لا استطيع ان انتظر اكثر فانا على علم انها تضيع وقتي فقط لانها منذ 5 سنوات و هي تعيد في نفس الكلام خوفا منها اني قد اسقط في بنت غير مناسبة
لقد جربت البحث بنفسي لكن لا استطيع ان افتح موضوع الزواج مع بنت حتى اني لا استطيع التواصل معهن خجلا وحياء كونها غريبة و من غير الادب ان اتكلم مع بنت لا اعرفها في الشارع هذا القصد
عمري يضيع و الوقت لا ينتظر و هددت الوالدة اني ساعقد القران بدون علمها اذا زاد شهر ولم تجد لي
فهل ممكن ان اخطب و اعقد بنفسيكون هذا حقي و حتى احصن نفسي ولا طاعة لمخلوق ف معصية الخالق
للاشارة تعرفت على بنت مريضة جسديا من قبل لكن الوالدة قالت لي اذا خطبتها روح اكريلها وانا لا استطيع ماديا

اشيرو علي بحل

[الرأي الاخر]

مشكلتك سهلة الحل جدا

[مراد سابقا10]

يا خويا واش نقولك في قضية الزواج يجب ان تختار وان تقرر اما تتزوج وتتحمل تبعات الزواج خاصة انه ليس لك مسكن خاص وراك تعرف المشاكل بين الزوجة والأم

واما ان تختار الا تتزوج نهائيا وتنحي الفكرة من راسك بصح انا ننصحك ماشي باغي تزوج ومبعد تخلي حتان توصل 40 سنة وتزوج راك في ن 35 يا تزوج يا متجزوجش

لأنك اذا وصلت 40 سنة يكون فاتتك امور كثيرة .

ثاني حاجة قلت بلي انت من قبل اخترت طفلة مريضة جسديا هذا تهور صح اوكل رانا مرضى بصح حاول كي تزوج جيب وحدة بصحتها مكانش العواطف في حوائج كيما هذو

زيد زيادة قضية الإختيار هذي يعني في حومتك وولايتك كامل مكانش بنات فاميليا انت شوف الطفلة كي تعجبك ومبعد سقسي عليها مليح مليح ومبعد اصدم عادي ليها قالي ناوي

الحلال وشوف بصح واش نقولك من ضرك مادام مكانش مسكن خاص حط في راسك مليح قادر تزوج والإحتمال الأكبر زوجتك متفاهمش مع امك وتولي تقول خرجها علي

وتوقع في مشكل .

[Archi sihem]

المشكل العويص ليس في ايجادك لزوجة بل هو السكن الذي تفتقده

لو كان عندك سكن كنت نقولك اعقلها و توكل

[ابو سليمان10]

توجد من لا تشترط السكن المستقل..هناك من ترى ابوها و اخوها كيف من الصعب عليه ان يقتني سكن خاص..واقعية
كما انه عليك ان تنهي الخجل و ارض الله واسعة و النساء موجودات في الجزائر الواسعة و خارجها ايضا

[ع.عيسى]

.الزواج قسمة ونصيب ، لذلك نعطيك النصيحة من واقع تجربة ..عليك الدعاء ثم الدعاء ...الدعاء هو الوسيلة الوحيدة لاقتناص زوجة صالحة ..لانه في ساعة الاستجابة ، بدون مقدمات وبدون اسباب وبدون حتى تفكير تلقى الفتاة المناسبة ولو عن طريق صدف عجيبة و تخطب وتفتح بسهولة وبدون عرافيل، االبحث بدون دعاء مسبق هو مجرد مضيعة للوقت وكانك طائرة تسير بدون رادار ، انا العدد لي شفتهم وخطبتهم على الاقل 20 فتاة الى ان بلغني اليأس وتوقفت عن البحث ، ونهار لي كتب ربي جات وحدها بدون حتى مقدمات وبدون جهد مني ، ونصيحة مني ليك ، هاذي البنت لي تعرفت عليها ، اذا كان مرضها الجسدي باين ن ويؤثر على حياتك الزوجية ، ويكلفك ماديا ، غير اخطيك لانك رايح تظلم نفسك وتظلمها معاك ..ربي يوفقك ان شاء الله

[الثلج الأبيض]

ايه يا اخي ذكرتني بمشكلتي انا 26 سنه و الوالده ترفض الخطاب بحجه مازالني صغيره و ما الفائده انو المراه تتزوج ,الزوج يجلب الهم والمشاكل فقط على حد قولها



ربي يفك كربتك اخي

[- HOCINE -]

ربي يرزقك الزوجة الصالحة والذرية الصالحة

[Basketteuse]

. ادع الله يبعثلك بنت الحلال لكن لا تعول على امك . انت رجل والرجل له حق القوامة وانت فقط من تختار بعد الاستخارة ليس امك لانو زوجتك ان شالله لازم انت تكون قانع بيها على مواصفاتكباه تحبها ماشي على مواصفات امك . لازم تكون قوي الشخصية لاني حسب مافهمت امك متسلطة وكون ماتعجبهاش مرتك قادر يصراو مشاكل كبار بيناتهم لذلك ان استطعت الكراء فلتفعل

[djamel telecom]

صلي صلات الاستخارة و ربي يرزقك الزوجة الصالحة ان شاء الله

[تاج الوقار16]

مشكلة امك أنها لا تريدك ان تتزوج أبدا
امك تخشى أن تأخذك منها بنت أخرى
وانت لم توضح هل انت الوحيد لامك
او لها غيرك كابيك وإخوتك
أظنك وحدك ولذلك هي ترفض زواجك
وما دمت غير قادر ماديا على الكراء
الافضل ان تخطب عاملة تعينك
بمالها على الكراء
او من تملك سكنا وهذا مستبعد
امك لازم تحطها أمام الأمر الواقع
لا تخبرها إلا بعد العقد او حتى بعد الزواج
لانها ستقف لك في كل خطوة
وربما اذا سكنت وحدك ستترك
بيتها وتات عندك
لكن يجب أن تخبر الخطيبة بمشكلة امك
حتى تتحملها اذا حدث وجاءت للعيش معك
وكي لا تطلق لهذه الاختلافات بينهما
واحسن إلى امك ولا تتخلى عنها فهي جنتك
وانظر وسيطا ممن تحب امك ليتدخل
ويقنعها ويصلح كلما حدث مشكل
لك او لزوجتك معها
الله المستعان

[educate]

بلاك يماك راحي خيف عليك و حبت تلقالك بنت فاميليا ما تنساش واش يسرا يماك تحبلك الخير انت زيد اهدر معاها في موضوع و قنعها مليح و زيد حاجة ادعي ربي مكاش حاجة خير من دعاء و ربي وفقك انشا الله

[وَحْـــ القلَمْ ـــيُ]

وعليكم السلام ورحمة الله وبركاته



خوفا منها اني قد اسقط في بنت غير مناسبة
هذا غير صحيح!
لماذا شرع الله تعالى لنا صلاة الاستخارة؟ الاستخارة لا يمكن أن تسبب لك الندم يوما..