سؤال فقط

[مشكلتي]

السلام عليكم
حبيت نعرف كل امراة من لي تنوض صباح واش تخدم .بالنسبة للشغل اليومي اي الاشغال المنزلية اليومية
هكذا باش نعرف اذا المشكل راه فيا ولا فيهم
ارجو التفاعل مع موضوعي

[وَحْـــ القلَمْ ـــيُ]

فقط للتوضيح
::
الموضوع كتبته امرأة -كما هو ظاهر عندي-
ولعلها تعاني مشاكل مع اهل زوجها
وتريد ان تستفيد من الاخوات هنا لتعلم هل التقصير منها ام ان التمادي منهم

[حيآتي أسمَى]

اذا راكي قاصدة اهل زوجك ابدي بالكوزينة والفطور وم بعد سيقي وديري ميناج للدار وشمبرتك خليها هي التالية اكديلي على شمبرتك
واخدمي بنيتك واخطيك من الحيلة اذا هوما ظلموك من تالي غادي انت تربحي دارك وراجلك الصبر دوا كلشي

[amoulette]

النظافة من الايمان وكل امرأة لازم تحافظ على نظافة بيتها و خصوصا المطبخ وذلك للحفاظ على الصحة
اما بالنسبة لباقي المنزل فمن الضروري تمسحي الغبرة و تنظفي الارض و الحمام هذا اضعف الايمان
اما ان كنت تقصدين ان تتبعي برنامج معين
انا مثلا في منزلنا نستيلظ باكرا (7 صباحا خصوصا في الصيف��
اول حاجة نقوم بغسل اواني فطور الصباح ثم تنظيف الارض و الفناء و في نفس الوقت اذا كان عندك ملابس متسخة ضعيها في الغسالة ثم نقوم بتجهيز الغداء و قبل الساعة 11 كلش يكون واجد

[بـــيِسَة]

سلام

أكيد لازم تنوضي باكرا و ان اردت قبل الكل
و لازم تحضري الفطور لهم ثم غسل الاواني و
الميناج نتاع الشنابر نتاع العايلة و تسياق و حوايج للغسل الا كاين
و مبعد اديري الغداء
و مبعد تروحي للشمبرتك و روحك اكيد
و مبعد تحظير المائدة ثم غسل الاواني ثم الاستراحة يعني القيلولة
و مبعد تسقسي العجوز نتاعك اي حاجة يبغوا ياكلوها كلمجة مسائية
و مبعد تحضير العشاء و غسل الالاواني ثم الراحة
و انتهيت بكل سهولة
ربي معاك

[تاج الوقار16]

اختي من الأحسن تكتبي موضوع تبيني مشكلتك ماهي ومع من
اما البرنامج
اللي عندها ذراري ماشي كيما اللي ما عندها
وواحد ماشي كيما زوج وماشي كيما ثلاثة
وسنهم تاني
اللي ترضع ماشي كيما اللي تستعمل حليب صناعي
حجم البيت
عدد الأفراد اللي فيه
عاملة او ملكية بالبيت
كاين مواضيع هنا مفيدة دورات فراشات تزهو بالألوان بيوتهن في قمة النظافة والإيمان
وبرنامج لربة بيت عاملة
درك نحوي على الروابط ونحطهم لك ان شاء الله
وانت وصحتك اذا مثلا بوجعك ظهرك تظطري تقسمي الاعمال
على هاذي ماشي برنامج واحد يصلح للجميع
نتمنى انك فهمتيني
كاين مواضيع هنا

[تاج الوقار16]

بداية يوم جديد
https://www.djelfa.info/vb/showthread.php?t=1907494
سحر الترتيب
https://www.djelfa.info/vb/showthread.php?t=2165228
عذرا على الفوضى يا ضيوفي الأعزاء
https://www.djelfa.info/vb/showthread.php?t=1978278
موظفة وزوجة وربة بيت
https://www.djelfa.info/vb/showthread.php?t=1859022
ملخص دورة الفراشات

https://www.djelfa.info/vb/showthread.php?t=1767116
وستجدين مواضيع أخرى تفيدك

[هـــدوء]

عزيزتي اليوم فيه أكثر بكثير من الطبخ و التنظيف و كل تلك الأعمال المنزلية التي لا تنتهي, إذا حابة تعرفي روحك إذا غالطة أو لا لازم تتأكدي بلي في نهارك تكوني ديري في نشاط واحد على الأقل يرجع بالفايدة ليك: كتنمية ذاتية مثلا أو تعلم أي نوع من أنواع الحرف و ممارسة الهوايات.
إذا لقيتي بلي نهارك يتمحور حول هذه العائلة و راحتهم فقط فاعلمي أنك مقصرة في حق نفسك.