المساعد الشخصي الرقمي

مشاهدة النسخة كاملة : احرار 2020 احتاجكم

jë suîs comçà
2019-09-09, 14:36
سلالالالالالالام كيفكم؟؟
بدييييييتوا القراية ولا مزال؟؟؟
بلوكيتو العام ف لافاك و لالا .....؟؟؟
درتو برنامج ..
شاركونا افكاااااركم
بالنسبة ليا قررت
*لازم نولف روحي نوض بكري يعني كي شغل رايحه لليسي 8 نكون واجده باه ف الليل نرقد بكري .

*نركز بزاف على العلوم باه نطلع معدلي بيها لازم كل يوم ساعتين خصيصا لها.
*الفلسفة لازم نقراها لازم المنهجيات نطبقها لازم نحرر مقالات
*لازم منا ل ماي نكونو كملنا البرنامج باه الوقت المتبقي جيست للروتوشات و حل مواضيع مقترحه
اي اقتراحات اخرى

بإنتظاركم
فتاة مغامرة
2019-09-09, 15:10
مبلوكيتش العام تخصص رايضيات واعلام الي
وي بديت نقرا رياضيات فقط والفيزياء لقيت معاناة فها نعرفتش واش ندير معاها
++ كل يوم نطور نفسي فاللغات لانهم هوما اللي طيحوني الباك اللي فات
نـــورسين
2019-09-09, 15:22
وعليكم السلام ، بخير الحمد اله
مازال مايلوكيتش قالولي مازال مايحطوش الدوسيات لبلوك ذرك
البرنامج تبالي على حسب رغبتي ونقائصي ، المهم كل يوم مادة علمية وممكن تكون مادتان
ومواد ثانوية على الاكثر مادتان ، انا قبل كنت نظن معا 5 وبعد الباك حكمني
الخمول لازم ذرك نعود روحي بشوي بشوي نوض بكري وعلابالك كي تعودي روحي على
وقت معين تقدري تنوضي عادي صح في البداية صعيبة مباعد الجسم يوالف ، انا غير اليوم رتبت ادواتي كتبي واوراقي
ومباعد معولة نشري روجيستر للمواد الاساسية باش نبدا باذن الله
انا الفسلفة عندي قصة معاها هه ، انا تبالي لازم نحاول نكمل البرنامج منا الجانفي نكون كملت باذن الله
واذا قدرت ، بعد جانفي تكون غير لحل المواضيع ، لخطار نشوف جانفي نقطة التحول اذا دخل الشهور الي بعدوا
يفوتوا بسرعة ، وطبعا لازم ديما نكون في مراجعة مستمرة للمواد الادبية اذا كانت لغات نراجع القواعد والمصطلحات
والادب تاني قواعد ونصوص ومواد الحفظ حتى لوكان ماحفظتش نحاول نقراهم بين فترة وفترة حتى نحفظهم تلقائيا
وانا نصحوني عايلتي ندير الدروس الخصوصية لحتى باش مانبقاش معزولة وزيد باش نبقى عارفة الجديد ونكون في جو الدراسة

انا مشكلتي كي ولي عندي وقت كبييييير مانقراش بزاف وكي نكون محصورة في الوقت ندير لعجب