أنا هنا لمساعدتكم

[nr.houda]

السلام عليكم ورحمة الله وبركاته


أنا هنا لمساعدة طلاب بكالوريا 2020 بما إستطعت

للأسف أردت أن أضع لكم ملخصي في اللغة العربية و ملخص أستاذة عطاتهوني خاص بالفرنسية + واش تحبوا
لكن متعرفش نزل صور في المنتدى

أستقبل فيه رسائلكم الخاصة و ممكن نساعدكم بواش نقدر
^^اللي يعرف كيفاش نزل صور يشرحلي ^^
بعد أيام سأحذف إسم الفايس تفهموا موقفي أنا هنا لمساعدة لوجه الله قبل الدخول للجامعة وسأنسحب من المنتدى متمنية أن أترك خلفي أثر طيب
موفقين
بداية موفقة
أنتم لها

[sara006]

المراجع التي اعتمدتيها في المواد العلمية ( سلاسل ، كتب ، قنوات)

[الجميلة انا]

كيفاه يكون تنظيم الوقت خلال ايام الاسبوع وايام العطل

[nr.houda]

حقيبة بورالريش
سلاسل مصطفاي
ملخص خالد حماش الخاص بالأدب
محمودي عادل الأخضر،الأزرق،الاصفر
بعض البكالوريات
قناة الأستاذ نورالدين
قناة الأستاذ شريفي رابح
قناة الأستاذة بوسعادي
بالتوفيق

[اكرام براءة]

السلام عليكم و رحمة الله

لتحميل الصور
قومي برفعها من جهازك على مركز الجلفة للتحميل
https://up.djelfa.info/

بعدها انسخي رابط المنتديات و ضعيه في رد
عند إرساله تظهر الصورة

[عاشقة الكواكب]

تستطيعين رفعها في فيس بوك
ثم انسخي روابط هنا
ونحن نحفضها قبل انتهاء صلاحية رابط او احدانا تعيد رفعها ^^

[nr.houda]

كيفاه يكون تنظيم الوقت خلال ايام الاسبوع وايام العطل

أيام الأسبوع تراجع واش قريتو في القسم + الحفظ يكون صباحا
لأن أيام نهاية الأسبوع صدقيني ستكون متعبة مع الدروس الخصوصية ....
أيام العطل مراجعة ما سبق فقط حاولي وضع برنامج
الحفظ صباحا وبعد الظهر مراجعة المواد العلمية + التطبيق ثم التطبيق حلي أكبر عدد ممكن من التمارين
موفقة
أي إستفسار أنا هنا

[~ زمزم ~]

شحاال كانت نقاطك في جميع المواد وقداه معدلك نسيت ؟

[عاشقة الكواكب]

تعاملك مع فلسفة في اسبوع و وقت اقتراب بكالوريا
ماهي اخطائك في جميع المواد ^^

[nr.houda]

شحاال كانت نقاطك في جميع المواد وقداه معدلك نسيت ؟

نقاطي
اللغة العربية 19
إسلامية 16
رياضيات 17,5
إنجليزية 14,5
علوم 18
فرنسية 16
تاريخ وجغرافيا 15,5
فيزياء 13,5
فلسفة 10
معدلي 16,02

[~ زمزم ~]

اللغة العربية والفرنسية والعلوم كيفاه قريتيهم اذكريلي بالتفصيل ..

[nr.houda]

تعاملك مع فلسفة في اسبوع و وقت اقتراب بكالوريا
ماهي اخطائك في جميع المواد ^^

أنا من النوع اللي كنت نحب الفلسفة في أول العام نتذكر أنا حصلت على نقطة 18 في إختبار الفصل 2 كنت نبحث على أفضل المقالات من الأنترنت و نحذف التفاصيل اللي متعجبنيش
لكن المقالات إذا معاودتيش حفظتيهم يروحوا يعني تنسايهم أهم نصيحة ديري المقالات و أفهميهم برك و حفظي الأقوال الأفكار يجيو نهار الباك مين تكوني فاهمة المقالة
أخطاء لا تعد ولا تحصى
خاصة في الفيزياء مكنتش نفهم في القسم ونروح الدروس الخصوصية وأنا ما فاهمة والو والأستاذة تاع لي كور تدير الدرس في 10 دقائق على الأكثر وخاصة الفيزياء فيها تفاصيل بزاااف لازم التركيز بزاااف و تبدأ تحل في البكالوريات رياضيات ،تقني رياضي و أنا ما فهمة والو يعني الفكرة اللي حبيت نقولهالك روحي تقراي لي كور وأنتي فاهمة على الأقل 50% باش متنغبنيش إذا كان الأستاذ ميفهمكمش مليح راه كاين أستاذة في اليوتيوب ماشاء الله

[nr.houda]

اللغة العربية والفرنسية والعلوم كيفاه قريتيهم اذكريلي بالتفصيل ..

اللغة العربية درت ملخص خاص بالنصوص و ملخص خاص بالقواعد و الأستاذة في القسم عطاتلنا غير المهم و حليت بعض البكالوريات في آخر السنة هذا مكان و نهار الباك ركزت في اختيار الموضوع + المنهجية نشرحلك عليها بإختصار
إذا كان السؤال على هذا النحو :
1-...................؟و............................. .؟
جاوبي هاك
1-.................................
أرجعي للسطر
-.................
في التلخيص عليه 3 نقاط على ما أظن
حاولي مديريش أخطاء إملائية نحوية
مثلا الفعل استطاع فعل سداسي اكتبي همزة وصل ومشي همزة قطع ^^همزة قطع في الافعال و المصادر الرباعية فقط^^
حاولي متفوتيش الحجم
إذا كان قصيدة كل بيت (صدر+عجز) أشرحيه بنصف سطر
و إذا كان نص أحسبي عدد السطور ÷ 4 لكن تقدري تزيدي سطر أو تنقصي نعطيك مثال إذا كان النص فيه 20 سطر ÷4 تلقاي 5 يعني أكتبي نحو هذا العدد قادر تكتبي 4 أو 4 و نصف أو ... المهم مشي زيادة بزاااف وماشي النقصان بزاااف و الفاصلة والنقطة متنسايهمش
و الأستاذة دوك تفهمكم أكثر حول تقنية التلخيص

[nr.houda]

بالنسبة الفرنسية
نكذب عليك إذا قتلك كنت نراجعها أنا كنت نبغي هاذ المادة لكن الأستاذة نتاع هذا العام كارثة كانت هي تكتب و التلاميذ يحلو في مواضيع الرياضيات مين تكمل تروح تريح ومرات تشرح كنت نتبع معاها نفهم شويا يعني رقدت المهم في آخر السنة عطاني ملخص فيه 17 صفحة راجعت برك النص التاريخي وديت 16 مع أن
معنديش أي خطأ

[nr.houda]

ههههه كتبت بزاااف على العلوم و كل شي راحلي
ولا علينا
العلوم كنت نراجعها عن طريق وضع ملخص أنا طبيعتي منفهمش إذا مكتبتش
و كنت نحل تمارين من الدروس الخصوصية و شويا بكالوريا وننصحك بحقيبة بورالريش
نقولك حاجة في العلوم أرفدي المهم برك شعال قدك تعقلي أرفدي الأفكار sourtout في النصوص العلمية
و نزيد نقولك ملاحظة و سقسي عليها أستاذة paresque معنديش مثال يشرحلي
كاين لي يكون فاهم الدرس وميعرفش يجاوب و حتى أنا طحت في هذا الخطأ لازم تكوني فاهمة الدرس و تعرفي تتعاملي مع التمرين يعني الوثائق اللي في التمرين محطوهمش باطل تستعيني بيهم ب 80%