#تجربتي باك 2019

[Histidine~]

السلام عليكم

انا مترشحة نظامية في باك 2019 علوم تجريبية متحصلة على معدل 15,85 حالياً تخصص طب الأسنان ^-^
اردت ان اشارككم تجربتي البسيطة في هذه البكالوريا رغم العوائق و لله الحمد كنت مع الاوائل في الثانوية

اولا : معدلاتي في الثانوية تكون في حدود 14 دائما و كنت كسولة بدون حلم محدد ،
بدأت في سبتمبر 2018 قمت بمراجعة بعض دروس الثانية ثانوي لن اكذب عليكم كنت ادرس بقوة و اجبار (اكبر خطأ) لأنني كنت كسولة و اعاني من الوسواس

https://www.djelfa.info/vb/showthread.php?t=2160104

هذا ما كتبته بعد عودتي هههههههه

كما قمت بالتركيز على نقاط ضعفي و تحسينها

https://www.djelfa.info/vb/showthread.php?t=2161082
كنت اكره الفرنسية و برمجت دماغي على حب ما يكرهه :
الفرنسية ، التاريخ و الجغرافيا ، الهندسة ، النووي ...الخ يعني كنت ادرسها اجباريا و بكل كره :1::1::1:

ثم سجلت في الدروس الخصوصية : الرياضيات ، الفيزياء ، العلوم الطبيعية عند اساتذة غيرتهم في الفصل الثاني (ما خرجوش عليا)

كنت ادرس بشكل جدي و كنت مريضة بالسل ((عافاكم الله)) ، ثم سمعت كلام السلبيين و أثروا علي كثيرا و كنت اركز على الدرس كثقافة عامة و ليس المطلوب (احذروا من هذا)
و كنت اكتب هذا لنفسي
Okay little Soundous .. See you again on 2019 You'll be proud of me //

كانو يسألوني عن حلمي أقول : then my true dream is a secret ^-^
حلمي كان الطب ، و فصلني عنه 0.05 ، لا مشكلة فطب الأسنان تخصص طبي و انا احب التخصصات الطبية بصفة عامة

عندما سمعت كلام السلبيين لم ادرس منتصف اكتوبر ، كما انني لم احل الا التمارين السهلة جدا من الرياضيات ، الفييزياء
كنت اركز على مواد الحفظ بشكل كبير ايام نهاية الاسبوع

اول فرض لنا كان فالفيزياء و اخذت 8,5 كانت صدمة كبيرة ، فأنا اعتدت على 19 في هذه المادة ، كما قلت السبب كنت ادرس كثقافة عامة و اركز على الاشياء البسيطة فقط (لم اكن اعرف طريقة الدراسة الصحيحة كوني البنت الكبرى في المنزل)

اما الرياضيات 2,5 :1::1: لا تتأثروا فالباك جبت 19.5 :1::1:
https://www.djelfa.info/vb/showthread.php?t=2171097

و انتهى الفصل الاول بكارثة معدل 12,27 انهرت بالبكاء و امي كانت تلومني على تقصيري (معها حق) و غيرت لي استاذ االعلوم حالا عند استاذ معروف يدعى محجيبة الياس (مع ذلك كانت النقطة كارثية لاختياري الموضوع الصعب)
الفيزياء و الرياضيات كذلك عند اساتذة القسم كونهما معروفان جدا و اقدم لهما جزيل الشكر
و بدأت الحرب العظمى بعد هذا الموضوع
https://www.djelfa.info/vb/showthread.php?t=2173547
من هنا صرت "مشهورة" في المنتدى بصاحبة الارادة و االعزيمة
حيث غيرت مراجعي و بدأت اطلب كل ما احتاجه
مر الاسبوع الاول من العطلة بالمناعة في العلوم اما الاسبوع الثاني باقي المواد ، كنت متأخرة و نادمة على سماع كلامهم
و كتبت كل اخطائي في ورقة و حاولت تحسينها (فكرة الاسكندر الاكبر)
درست كثيرا لكن بخوف كبير جدا لدرجة قلة الاكل و النوم فانقلبت علي الامور و كان معدلي 14 فالفصل الثاني
اما الفصل الثالث صرت اثق بنفسي بفضل خبيرة التنمية البشرية و بعض المشاهير و لم ادرس كثيرا اصلا ، لم اكن متشددة و كنت اعتبر البكالوريا اختبار عادي
مرت البكالوريا البيضاء و اثرت ضجة رغم انني لا اعلم معدلي :1::1: كان استاذ الرياضيات مصدوما بمعنى الكلمة لان الموضوع كان صعبا و لكن اجتزته باعلى علامة 17
مرت فترة صرت اراجع و احفظ ما تبقى من الدروس خاصة الاسلامية يا الهي لازلت عند درس الميراث و ما بعده
الرياضيات لم ادرس جيدا الهندسة الفضائية
الفيزياء الاهتزازات ختمتها في يومها سهلة جدا
العلوم الجيولوجيا كانت اكبر همي و لم اراجع الاعصاب مراجعة نهائية (لذلك لم اختر الموضوع السهل)


فاتو اليامات و هاهي ليلة البكالوريا ، الجميع يعدل و يبحث عن اللمسات الاخيرة في الادب العربي ، و انا احفظ و اكرر (الوسواس و ما يدير)
ثم جاءت صديقة امي في العمل قدمت لي نصائح و توجيهات و قاتلي "ما تقراااايشش اليوم راحة بالاكي" و انا نحفظ و نعاود كشما نسيت كشما نعدل


و نمت بدون اي ذرة خوف :1::1: (ضرك نعطيلكم السر ما تخافوش كامل راكم مع ختكم الكبيرة)
ايا نضت بكري على 6 فتحت منتدى الجلفة كانت عندي مدة ما فتحتش و شفتهم متفائلين ، رحت للمطبخ امي اعطتني ماء زمزم + تمر و السكر
كانو والداي اكبر سند و دعاولي من قلوبهم


يتبع : اجواء اول يوم و اخره

[Histidine~]

ايا اداني بابا فالسيارة ديالو للسيام اللي نجوز فيه تلاقيت مع زملاء قدم
لقيت واحد عند الباب يقولنا مدولي بطاقة التعريف و الاستدعاء وريتلو و رحت نحط الصاك في وحد الغرفة مخصصة لهذا
كل حقيبة دارو فيها رقم و لصقو فينا نفس الارقام انا نحيتو وليت تبهديلة بمعنى الكلمةة
تلاقيت مع زميلاتي قدم و جدد حطيت الصاك اديت معايا للقاعة الاستدعاء + بطاقة التعريف و قارورة ماء و المقلمة و بس !
ايا نشوف فالاسماء وش من قاعة طحت ؟ لقيت اسمي القاعة 8 رحت نحوس عليها ، كل التلاميذ فيها تبدا اسماءهم بحرف س، ش
انه امتحان الادب العربي !! العلامة 15,5 ، المراجع : بشير بلعيد + بمالوريات سابقة و مقترحات الاستاذ العيدي 2019
نستناو نستناو عطاولنا الحلوة و قوارير الماء ، ممبعد المسودات .... اتخيلوا رحت كتبت فالمسودة انماط النص و خصائص كل وحدة خفت ننسى
قالي حارس وش راكي اديري ممنوع تعتبر غش ... مت يا ربي بالضحك ممبعد خلفهالي و جاو السوجيات
ايا بسم الله توكلت على الله + اية الكرسي قبل ما نشوف كلش ، قلبت السوجي نلقى ايليا ابو ماضي شعر + البشير الابراهيمي نثر
وي مليح ... توقعتها طبعا عندو بزاف ما طاحش (الشعر ، اما النثر ربي ييب مفهمت والو) ، ايا وقت الابداع قد حان
بديت بالبناء اللغوي لانه سهل ثم انتقلت للبناء الفكري ، كامل وش حفظت من ملخصات بشير بلعيد لقيت كتبتهم و حفظتهم حرف بحرف كلمة بكلمة
نروحو للبناء الفكري قريت الشعر و حللتو بيت ببيت فهمتو و جاوبت خليت التلخيص هو التالي .... ايا التلخيص فات الحجم المطلوب درت بين قوسين و فوتها (نقصولي عليها ادري)
كملت تقريبا في الوقت خرجت و امي جات تديني ، رحنا للدار ، ريحت شوية و راجعت الشريعة رحت لعشية نفس الشي الاستدعاء و صوالحي فالقاعة 8
عطاولنا السوجيات ... وين راه الميراث ؟؟؟ علا العام يضبحو عليه وين راه ؟؟؟؟ ايا خيرت السوجي الاول جاني ساهل مي ظلموني نتع الصح 6 عناصر فكل سؤال نظمت الورقة ، علامتي كانت 15 المرجع جمال مرسلي

رجعت لعشية وحدي للدار تلاقيت مع وحدة جامعية قاعدة تحكيلي فقصتها مع باك 2018 ممبعد طلعت للدار اديتها برقدة و ما راجعتش الرياضيات :')

[اللهم ارزقني عفةمريم]

سلام اختي الله يبارك معدل رائع احسنتي*
وتجربتك شوقتني راني في انتظار التكملة قلتي نومي ثقيل بصح الان راكي نشيطة هههه علاه ههه فضول فقط

[Histidine~]

نضت على 2 نتع الصباح عندي من ماي ما راجعتش الرياضيات كي ندير ؟؟ حكمت ملخص عبعوب قريتو برك لقيت روحي رافدة كلش ، علامتي كانت 19.5 من الموضوع الاول ، المراجع : بكالوريات علمي + ت ر + ر ، سلاسل مصطفاي + بكالوريات بيضاء من الفيسبوك
جوزت و خرجت عادي اما الباقي بكاء و اغماءاات عجب ....
(كنت نقرا في خفاء تام)
~
لعشية انجلي نفس الشي 19,5 كانت خدعة نتع صحح الخطأ اغلبية التلاميذ ما شافوهاش ... المراجع : بكالوريات علمي كلها مع جمع المصطلحات و حفظها + ملخص اخر الكتاب المدرسي + الفقرات ركزوا على المنهجية و ليس المعلومات ... مثلا منهجية رسالة شكوى حاجة و منهجية المقال حاجة .... لهذا لا تلعبوا بالنار (كل شيء في الكتاب احفظوا المنهجية فقط)
~
العلوم الطبيعية : في الحقيقة كنت موجدة روحي مي وحد الطفلة جات قاتلي بلي الدالة نتع الرياضيات مشي كيما درناها ايا طاحلي المورال :'( مخدمتش جبت 12
حليت انشطة الكتاب المدرسي تقريبا كلها + لبكالوريات + لقليل من تمارين بالوريش و بودربالة و زيدو خيرت السوجي الاول (الصعيب)
نتوما حلو غير تمارين بوالريش كلها انا حليت منها 3 برك ، و بكالوريات 2018 و 2019 ، و فقط متروحو لا هاك لا هك
~
الفرنسية عادي جدا كنت اكرهها كما سبق و ذكرت كما علاماتي كانت متدنية جبت 15 ، المراجع : المراجعة النهائية غلافه ازرق + بعض البكالوريات
الموضوع الاول طبعا فهمته
~
التاريخ و الجغرافيا ندخل للقاعة وين يحطوا حوايجهم نلقاهم كامل يحفظو من محمودي عادل يا ربي نخلط انا هكداك ! حطيت صاكي و خرجت رحت للقاعة و كملت في ساعة
السر ؟ دورة التحفيظ في يومين و جبت 15 (ليست نقطتي ايضا مثل الشريعة تماما) ، كنت خارجة قلي الحارس راكي رايحة للمرحاض -اكرمكم الله - ؟ قتلو لا كملت انخلع فيا ههههههه ، شكر جزيل للاستاذة فرنيني سهيلة حفظتني (هي نفسها اللي عززتلي الثقة بالنفس بالموجات الموسيقية)
~
الفيزياء 16,5 المراجع : لي باك تقريبا كامل و المغني مكاش تمرين محليتوش المقترحات كليتهم ماكلة ملخر وين راحت النقاطي هكاك ؟؟ + بكالوريات الكتاب المدرسي
السوجي الاول صعيب و فيه درس اولى ثانوي السوجي الدوزيام فيه النواس البسيط (درس تقني رياضي) ... الناس بقات حالة فمها ؟؟؟ حنا قرينا النواس البسيط ؟؟؟ انا عرفتها بلي (يخوفوا فينا) ايا خيرت السوجي الدوزيام و حليت تمرين النواس البسيط عادي جدا ، راني متأكدة من الحل و الاسترة راني متأكدة برك شكيت فالقذيفة
~
الفلسفة 15 ههههه ساهل ما : المشكلة و الاشكالية حليتو و خرطت من راسي كيما نعرف درت من القرآن من الحياة قع وش جا في راسي حطيتو زدت ورقة اضافية وحدة و انتهت البكالوريا
مراجعي: منهجية شهاب الدين فهم الدروس فهم مفصل و دقيق ، ركزوا على المنهجية علبيها 7
~
رجعت لعشية فرحانة انتهت الحرب كيما قالو فتحت انستاغرام جديد و بديت نقرا روايات نتعلم انجلي فرونسي جبت الوقت مع صحاباتي .....


يتبع : نتائج البكالوريا

[Histidine~]

سلام اختي الله يبارك معدل رائع احسنتي*
وتجربتك شوقتني راني في انتظار التكملة قلتي نومي ثقيل بصح الان راكي نشيطة هههه علاه ههه فضول فقط

يبارك فيك لعقوبة ليك :19:
ههههه فالحق كنت بدون اهداف بدون طموح ، نقرا و خلاص ... ممبعد كبرت و عرفت بلي الدنيا ماهيش رقاد و لعب بالعكس لازم القراية و المسؤولية و النشااط .. فورصيت روحي و بديت نقرا و نتنافس مع اعضاء منتدى االجلفة

[Histidine~]

نتائج البكالوريا

هذا اليوم استقيظت باكرا كنت حائرة جدا بخصوص معدلي قلبي ينبض كما لم ينبض من قبل يا رب معدل عالي
كان والداي اكثر حيرة مني و بقيت انتظر الدقائق و الساعات كانت الاطول على الاطلاق
قاعدة نشوف في الاخبار و اليوتيوب نجيب فالوقت ، صحبتي تهدر معايا : بقات 3 سوايع ، 2 سوايع ، ساعة ، نص ساعة
هبلتنييييي ايا دقيقة !
لحظة صمت لم اعرف ماذا افعل دخلت للموقع مع ابي الذي كان ينتظر بكل شغف كتبنا رقم التسجيل و الرقم السري ،
الاسم : بلعيسى سندس
المعدل : 15,85
لن اكذب لقد خاب ظني كثيرا فقد درست حقا و ابليت حسنا لكن قدر الله و ما شاء فعل ، امي كانت سعيدة جدا و تطير من الفرحة
جارتنا تدق الباب بكل لهفة : شحال جابت سندس ؟؟؟ 15,85 صوت الزغاريد فالحومة كلها من اجلي نعم
احضرت اخواتها و بدا الزغاريد تعلو ، ابنها شغل اغاني لنا و ذهب لعمله في الخارج
يا الهي بدأ دموعي تتساقط ..... أفتح الانستاغرام الجميع يسأل جبتيه ؟؟ شحال ؟؟؟؟ اقول لهم فيفرحون معي
اخذني ابي للثانوية اجد الجميع هناك فرحانين ، صورت القائمة و رجعت للمنزل
هناك من توقعناها منه ، و هناك من ظلموه ، و هناك من اخذ معدل عالي غير متوقع (مبروك للجميع)
كان من افضل ايام حياتي ، احببت ذلك اليوم
بعدها بأيام حضر لي أبي حفلا كهدية مفاجئة من عنده و قالي : كنت اعلم انك ستنجحين و استأجرت القاعة منذ فيفري ..... كانت حفلة رائعة حضرها 100 شخص او اكثر
لم اكن اعلم ن هناك من يهتم لأمري لهذا الحد


يتبع : نصائح و توجيهات

[عاشقة الكواكب]

جميل واحد مع صباح يقرى هك تجربة ^•^ جزاك الله خيرا على هذا و نبهتيني لبزاف جاست غالطين لذا عليا نيفيتيهم .. تقريبا انا كسوولة تانيك *-* في حياتي لحليت تمرين ولا عاودت راجعت الدرس يلحق الفرض اختبار نحفظ ونفهم كلشي في 3 ايام mais ديت جازاتي :1:
^•^ ممكن تعلمينا طريقة اوتار الموسيقية ممكن تنفع :rolleyes:

[اللهم ارزقني عفةمريم]

في الانتظار*🙆🙆🙆 من فضلك ركزي على تقنية استغلال الوقت*

[Inspired soul]

تجربة رائعة *،*
في انتظار التكملة^^

[Histidine~]

-اذا كنت اوتاكو ، ارمي ، قايمر اي اهتمام خارجي اخطيك من ضرك سيو تحبسو ، انا حبست الانمي من بداية السنة و الالعاب منذ سنتين
-لا تسمعوا كلام سلبي بالعكس حفزوا انفسكم بتكرار عبارات ايجابية ، فيديوهات التحفيز
-ابدؤوا من اول يوم بمراجعة دروس الثانية ثانوي
-المنهجية شوفوا اي تحديثات فيها لانها تؤثر كثيرا
-مواقع التواصل الاجتماعي تغلق او افتحو حساب للدراسة
-التوكل على الله و الثقة بالنفس مفتاح االنجاح
-لا تبخلوا بالمعلومات لمن اراد ان يتعلم منكم
-بين قوسين لا للمواعدة كما قلنا مع التواصل الاجتماعي
-خلوا عندكم فترات راحة مشي تدخلوها غير قراية
-القراية تكون بريتم خفيف و ابداو تكثفوا بشوية و ليس العكس
-الدروس الخصوصية في المواد الناقصين فيها و فقط

[Histidine~]

جميل واحد مع صباح يقرى هك تجربة ^•^ جزاك الله خيرا على هذا و نبهتيني لبزاف جاست غالطين لذا عليا نيفيتيهم .. تقريبا انا كسوولة تانيك *-* في حياتي لحليت تمرين ولا عاودت راجعت الدرس يلحق الفرض اختبار نحفظ ونفهم كلشي في 3 ايام mais ديت جازاتي :1:
^•^ ممكن تعلمينا طريقة اوتار الموسيقية ممكن تنفع :rolleyes:



الاوتار الموسيقية تدعى السبلمنال تتواجد في اليوتيوب بشكل مجاني اشربي الماء اولا ثم استعملي هذا الفيديو مرتين
https://www.dztu.be/watch?v=GRlhrh392no&list=PLEuxH2BPIvU-vLWY5Vda-fCwEf0ZpAm4m&index=3
بعدها اكتبي سبلمنال الثقة بالنفس او سبلمنال الذكاء يعني اللي خصك و استعميه قبل النوم 4 مرات
لازم تأمني بيه و لنتائج النهائية بعد 21 يوم

[عاشقة الكواكب]

-اذا كنت اوتاكو ، ارمي ، قايمر اي اهتمام خارجي اخطيك من ضرك سيو تحبسو ، انا حبست الانمي من بداية السنة و الالعاب منذ سنتين
-لا تسمعوا كلام سلبي بالعكس حفزوا انفسكم بتكرار عبارات ايجابية ، فيديوهات التحفيز
-ابدؤوا من اول يوم بمراجعة دروس الثانية ثانوي
-المنهجية شوفوا اي تحديثات فيها لانها تؤثر كثيرا
-مواقع التواصل الاجتماعي تغلق او افتحو حساب للدراسة
-التوكل على الله و الثقة بالنفس مفتاح االنجاح
-لا تبخلوا بالمعلومات لمن اراد ان يتعلم منكم
-بين قوسين لا للمواعدة كما قلنا مع التواصل الاجتماعي
-خلوا عندكم فترات راحة مشي تدخلوها غير قراية
-القراية تكون بريتم خفيف و ابداو تكثفوا بشوية و ليس العكس
-الدروس الخصوصية في المواد الناقصين فيها و فقط




*-* انا اذا شفتي اوتاكوا حطيني يابانية كامل حافظتها و تصميم
Mais نقصهم :'(
اكديلي على نقطة كيف تفرقي بين دراستك و مشاكلك عائلية .

[Histidine~]

في الانتظار*🙆🙆🙆 من فضلك ركزي على تقنية استغلال الوقت*

كنت ادرس بشكل عشوائي شخصيا لا اميل للتنظيم :1::1:

[Histidine~]

*-* انا اذا شفتي اوتاكوا حطيني يابانية كامل حافظتها و تصميم
mais نقصهم :'(
اكديلي على نقطة كيف تفرقي بين دراستك و مشاكلك عائلية .

المشاكل العائلية فالحق والفت الصراخ 24 ساعة خاوتي صغار شغل ميحبوش يسكتوا مي صايي تأقلمت معاهم من 2017

[Histidine~]

اي استفسار انا هنا :)

[عاشقة الكواكب]

المشاكل العائلية فالحق والفت الصراخ 24 ساعة خاوتي صغار شغل ميحبوش يسكتوا مي صايي تأقلمت معاهم من 2017

يا ريت جاو اخوتي صغار
مع انوا معنديش كامل اكبر مني
^^ حسنا انتظري رسالتي .

[ايمانو الجزائرية 01]

بارك الله فيك اختي سندس و جزاك عنا كل الخير و شفاك من مرضك اللهم شفاء طهورا اللهم اجعلها اخر الاسقام عليها و البسها ثوب الصحة و العافية


اود فقط ان اعقب على امر الكسل . عللى ما يبدو انني اكسل واحدة عرفها المنتدى :1: ما شاء الله اغلبكم 8 تع الصبح ناشطين و فاتحين المنتدى و انا نوض على 9 نعتبرو انجاز :1:


من فضلكم جميعا ممكن تعطوني طريقتكم للاستيقاظ باكرا ؟ جزاكم الله

[* قمر*]

بارك الله فيك اختي سندس و جزاك عنا كل الخير و شفاك من مرضك اللهم شفاء طهورا اللهم اجعلها اخر الاسقام عليها و البسها ثوب الصحة و العافية


اود فقط ان اعقب على امر الكسل . عللى ما يبدو انني اكسل واحدة عرفها المنتدى :1: ما شاء الله اغلبكم 8 تع الصبح ناشطين و فاتحين المنتدى و انا نوض على 9 نعتبرو انجاز :1:


من فضلكم جميعا ممكن تعطوني طريقتكم للاستيقاظ باكرا ؟ جزاكم الله
ههه اريج متلحقينيش في الكسل انا لو كان ينوضوني على9نقتلهم و نهار كامل وانا شادة راني نضت بكري اليوم

[ايمانو الجزائرية 01]

هههههههههه ايا مليح لقيت كسولة كثر مني :1: بصح الحق لازم نتغلبوا على هذا المشكل

[*آمنة*]

شكرا جزيلا لكي اختاه
موضعك شامل..اعجبني كثيرا
عندي اسئلة ليم
شحال كنتي تجيبي في الفرونسي الاعوام لي فاتوا
نتي متحبيش الفرونسي ولا ضعيفة فيها
علاه درتي دونتيست ادا كنتي متحبيش الفرونسي
كشما عندك ملخصات ولا عفسات تصوريهملنا
ممكن صورة للمكتب الدي كنتي تدرسين فبه..ان امكن طبعا
لي عودة

[Histidine~]

شكرا جزيلا لكي اختاه
موضعك شامل..اعجبني كثيرا
عندي اسئلة ليم
شحال كنتي تجيبي في الفرونسي الاعوام لي فاتوا
نتي متحبيش الفرونسي ولا ضعيفة فيها
علاه درتي دونتيست ادا كنتي متحبيش الفرونسي
كشما عندك ملخصات ولا عفسات تصوريهملنا
ممكن صورة للمكتب الدي كنتي تدرسين فبه..ان امكن طبعا
لي عودة

واجب اختي :)
كنت نجيب 10 و 12 منفوتش يعني كنت نكرهها و نعيفها لدرجة فضيعة
مبعد بديت نسيي نحبها و جبت فيها 15
درت دونتيست لاني ضرك راني نحب الفرونسي عادي و الدراسة فالجامعة كلها فرنسية
الملخصات عندي بزاف مي مشي كامل استعملتها : اغلب الملخصات من موضوع طالب له هدف الباك راح اللي قرا .....
المكتب يا حصراه راح :1::1: لميت كلش و دسيت ، عادي مكتب صغير فيه لمادة اللي نقراها اما فالفصل الثالث ولا عجب فيه كل الادوات (نحب نقرا فالفوضى احسن)

[نجمة طموحة]

-اذا كنت اوتاكو ، ارمي ، قايمر اي اهتمام خارجي اخطيك من ضرك سيو تحبسو ، انا حبست الانمي من بداية السنة و الالعاب منذ سنتين
-لا تسمعوا كلام سلبي بالعكس حفزوا انفسكم بتكرار عبارات ايجابية ، فيديوهات التحفيز
-ابدؤوا من اول يوم بمراجعة دروس الثانية ثانوي
-المنهجية شوفوا اي تحديثات فيها لانها تؤثر كثيرا
-مواقع التواصل الاجتماعي تغلق او افتحو حساب للدراسة
-التوكل على الله و الثقة بالنفس مفتاح االنجاح
-لا تبخلوا بالمعلومات لمن اراد ان يتعلم منكم
-بين قوسين لا للمواعدة كما قلنا مع التواصل الاجتماعي
-خلوا عندكم فترات راحة مشي تدخلوها غير قراية
-القراية تكون بريتم خفيف و ابداو تكثفوا بشوية و ليس العكس
-الدروس الخصوصية في المواد الناقصين فيها و فقط





ارمي حتى النخاع مي عندك حق لازم نقصهم لانو يضيعون لوقت بزاف
نعم فتحت موقع تواصل جديد مخصص للدراسة
وشكرا لبقية المعلومات ~~

[فتاة مغامرة]

بصحتك سندس لعقوبة لينا باك 20200 أن شاء الله بالتوفيق في تخصص مي انا الله غالب معرفتش نتصرف كيما اللازم و فقت بروحي في مارس++بلاكم. دبروا غلطة دورتها انا متصغطوش على رواحكم في السمانة التالية قبل الباك انا ضغطت على روحي وجبت 9 فتلفيزيك مع انو الفصول 15 منهودش منها

[نجمة طموحة]

سلام
جزاك الله خيرا أختاه لكل النصائح والمعلومات المفيدة
بالتوفيق في دراساتكي الجامعية
اريد ان اسإلك سؤالا انا كذلك أكره اللغات وخاصة الفرنسية كيف اتعامل مع الفرنسية ؟؟!
كيف اتعامل مع ضعف الذاكرة ؟؟؟
كيف انظم وقتي لأنه عائقي الأكبر ؟؟
اذا لم اجد حل تمرين في المواد العلمية ابكي واتوقف عن الدراسة وتتحطم معنوياتي ؟؟؟ كيف احل هذه المشكلة
وشكرا جزيلا اوني ~~

[Histidine~]

ارمي حتى النخاع مي عندك حق لازم نقصهم لانو يضيعون لوقت بزاف
نعم فتحت موقع تواصل جديد مخصص للدراسة
وشكرا لبقية المعلومات ~~

شكون البايس ديالك ؟ انا جيهوب :19:

[Histidine~]

سلام
جزاك الله خيرا أختاه لكل النصائح والمعلومات المفيدة
بالتوفيق في دراساتكي الجامعية
اريد ان اسإلك سؤالا انا كذلك أكره اللغات وخاصة الفرنسية كيف اتعامل مع الفرنسية ؟؟!
كيف اتعامل مع ضعف الذاكرة ؟؟؟
كيف انظم وقتي لأنه عائقي الأكبر ؟؟
اذا لم اجد حل تمرين في المواد العلمية ابكي واتوقف عن الدراسة وتتحطم معنوياتي ؟؟؟ كيف احل هذه المشكلة
وشكرا جزيلا اوني ~~



الفرنسية كتاب المراجعة النهائية مع كتابة المصطلحات للوحدة الاولى فقط (النص التاريخي) ابحثي فالنت تجدين مصطلحات جاهزة ايضا احفظيها
ضعف الذاكرة لا تسهري كثيرا و افهمي اكثر من الحفظ + العسل الابيض مع الحبة السوداء مفيدة جدا و احفظي صباحا على 5

الوقت نقرا من 5:30 نتع العشية و نرقد على 11 هكاك ، مادة علمية و مادة ادبية

ههههه هاذيك فالدوزيام مكانش بواف تمارين حنا فالباك تلقاي كلش فالفيسبوك يوتيوب مراجع مواقع مي متكثريش بزاف
مثلا الرياضيات حلي 40 تمرين متنوعة في كل وحدة من سلاسل مصطفاي و اكتبي الافكار الجدبدة فيي كراس و احفظيها
و هكذا .....كاين التمارين بالشبعة متخافيش برك ههههه

[نجمة طموحة]

شكون البايس ديالك ؟ انا جيهوب :19:ا
انا شوقا ~~

[نجمة طموحة]

الفرنسية كتاب المراجعة النهائية مع كتابة المصطلحات للوحدة الاولى فقط (النص التاريخي) ابحثي فالنت تجدين مصطلحات جاهزة ايضا احفظيها
ضعف الذاكرة لا تسهري كثيرا و افهمي اكثر من الحفظ + العسل الابيض مع الحبة السوداء مفيدة جدا و احفظي صباحا على 5

الوقت نقرا من 5:30 نتع العشية و نرقد على 11 هكاك ، مادة علمية و مادة ادبية

ههههه هاذيك فالدوزيام مكانش بواف تمارين حنا فالباك تلقاي كلش فالفيسبوك يوتيوب مراجع مواقع مي متكثريش بزاف
مثلا الرياضيات حلي 40 تمرين متنوعة في كل وحدة من سلاسل مصطفاي و اكتبي الافكار الجدبدة فيي كراس و احفظيها
و هكذا .....كاين التمارين بالشبعة متخافيش برك ههههه

كمساميدا اوني
هل تستطيعين أن تبعثيلي لي المصطلحات الجاهزة في الفرنسية ؟؟
لا لم اقصد هذا اقصد لو انا لم اعرف احل تمرين ابكي يعني لو حبيت تمرين كله بالغلط أفقد الامل

[*آمنة*]

واجب اختي :)
كنت نجيب 10 و 12 منفوتش يعني كنت نكرهها و نعيفها لدرجة فضيعة
مبعد بديت نسيي نحبها و جبت فيها 15
درت دونتيست لاني ضرك راني نحب الفرونسي عادي و الدراسة فالجامعة كلها فرنسية
الملخصات عندي بزاف مي مشي كامل استعملتها : اغلب الملخصات من موضوع طالب له هدف الباك راح اللي قرا .....
المكتب يا حصراه راح :1::1: لميت كلش و دسيت ، عادي مكتب صغير فيه لمادة اللي نقراها اما فالفصل الثالث ولا عجب فيه كل الادوات (نحب نقرا فالفوضى احسن)

شكرا جزيلا لكي اختاه
بصح سامحيني والله محسيتك جاوبتيني مليح:1:
ارجوا ان تعيدي الاجابة بالتفصيل الممل رجاء
واسفة ان كان ذلك سيتعبك
شكرا

[ريتال2]

السلام عليكـــــــــــــم سنـدوســـة مبرووووووكـــ عليكــــــ لعقوبة لينا نشالله و Bn ConTinaTion

عجبتني بزااااااااافـــــ القصة تاعكــــ كي غاية تحفز لواحد معا لي حنا اغلبنـــــا فنيانات أاه تخرج علينــا
باغية تعاودي تشرحينا واحد النقطة قتينا من بعد نخبركم السر لي ما خلاكش ستريسي و نسيتي ما كتبتيهناش رجاءأ وتان بغيت نسقسيك الويكاند لواش كنتي مخصتها و طرق الحفظ باسكو نا راسي حطبة ما نجمش نحفظ قع و نااااا ما نفهمش الفيزيااااا ندير شتا ندير و ما نفهمهاش ايلا تنجمي تعاونيني و شكـرا بزااااافــــ باركــــ الله فيكــــ و بالتوفيقـــــ لكــــٍ

[Histidine~]

بصحتك سندس لعقوبة لينا باك 20200 أن شاء الله بالتوفيق في تخصص مي انا الله غالب معرفتش نتصرف كيما اللازم و فقت بروحي في مارس++بلاكم. دبروا غلطة دورتها انا متصغطوش على رواحكم في السمانة التالية قبل الباك انا ضغطت على روحي وجبت 9 فتلفيزيك مع انو الفصول 15 منهودش منها

الله يسلمك هجورة وشراكي هاذي غيبة ؟
بالتوفيق لكم ذي المرة زيري روحك ماهيش ساهلة مع الاحرار و انا فقت لروحي في ديسمبر يعني و الحمد لله قريت و تعبت و نلت
و السمانة التالية ضغطت شوية برك لمحاربة التأخر ، و طلعت علاماتي الا بعض المواد كان عندي من ما الباك بلو ما راجعتهاش .... المهم كلش فات و رحا نقرا طب اسنان لعقوبة ليك الطب حبيبتي و لكل شخص يحقق حلمو

[Histidine~]

السلام عليكـــــــــــــم سنـدوســـة مبرووووووكـــ عليكــــــ لعقوبة لينا نشالله و bn contination

عجبتني بزااااااااافـــــ القصة تاعكــــ كي غاية تحفز لواحد معا لي حنا اغلبنـــــا فنيانات أاه تخرج علينــا
باغية تعاودي تشرحينا واحد النقطة قتينا من بعد نخبركم السر لي ما خلاكش ستريسي و نسيتي ما كتبتيهناش رجاءأ وتان بغيت نسقسيك الويكاند لواش كنتي مخصتها و طرق الحفظ باسكو نا راسي حطبة ما نجمش نحفظ قع و نااااا ما نفهمش الفيزيااااا ندير شتا ندير و ما نفهمهاش ايلا تنجمي تعاونيني و شكـرا بزااااافــــ باركــــ الله فيكــــ و بالتوفيقـــــ لكــــٍ


هههه الله يسلمك كنت اكبر فنيانة ممبعد دخلت منتدى الجلفة و بديت نقرا و نتنافس
ايه فكرتيني الله يفكرك فالشهادة مالساع و انا نقول خصت حاجة مي نسيتها :1::1:

حسنا السر هو : حطيت في راسي انو القراية هواية يعني ماهيش واجبي ، و حطيت يامات الباك ايام اظهار اابداعك في هذه الهواية
ياك علابالكي حنا انعكاس افكارنا و لا لا ؟؟؟ يعني اي فكرة تأمني بيها متوليش تخافي و فعلا لاحظت فرق الناس خايفة ليلة الباك و انا نقول غدوة الابداع بقوة نطيح على الورقة نعمرها من غول للغول ، غدوة يوم مخصص لعرض الابداع و فقط و ليس امتحان حدد المصير ، ايا ما خفتش و فات الللي فات :19:


:1::1:

[Histidine~]

شكرا جزيلا لكي اختاه
موضعك شامل..اعجبني كثيرا
عندي اسئلة ليم
شحال كنتي تجيبي في الفرونسي الاعوام لي فاتوا
نتي متحبيش الفرونسي ولا ضعيفة فيها
علاه درتي دونتيست ادا كنتي متحبيش الفرونسي
كشما عندك ملخصات ولا عفسات تصوريهملنا
ممكن صورة للمكتب الدي كنتي تدرسين فبه..ان امكن طبعا
لي عودة

رايحة نعاودلك بالتفصيل ما كنتش في راصي ذاك النهار


الفرونسي كنت نجيب 10 و 12 منفوتش ، كنت نكرهها و ما نقراهاش اصلا ، ماما تقلي اقراي فرونسي من ضركا كي تطلعي للافاك تحصلي و هاهي هدرتي ، كانت تدخلي نقرا اسبانيول انجلي في المدارس الخاصة مي كي تقلي فرونسي نقلها ايلا تبغيني ما تهدريليش عليها ، اتخيلي كان يجيني القيا حاشاك كي يهدرولي عليها هي و السيونس ..... مام الهدرة ماكنتش نعرفش نهدر بيها يعني هاذي فالاولى ثانوي و كي طلعت للثانية ثانوي زدت كرهتها كامل و نسيت اغلب الكلمات الفرنسية ، نلقى واحد يجيب 10 يعرف كلش نحس روحي تحت لرض :1::1: و كنت منحبهاش اطلاقا و ضعيفة فيها ، بسبب البرنامج و الدروس طبعا ما كانش يعجبني وش نقراو (التلوث و الفانتازيا و البيئة يعععععع جني عليهم )

كي طلعت للتغمينال قاعدة نقراها فورصي مكاش حل وحدوخر و لازم تديري كلش علاجال حلمك ، ايا بديت نتعلم من الكتاب المدرسي و الانترنت نترجم مصطلحات و نكتبها بآخر الكراس و نحفظها ، بديت مع قناة LA TUBE روووعة قع وش كاين



درت دونتيست لانه طبعا كان حلمي تخصص طبي و كما قلت افعل المستحيل للوصول الى هذا الحلم و بديت نتعلم الفرنسية و حبيتها مع الوقت بدون اي اشعر بذلك خصوصا مع النص التاريخي نحب هذا النوع من النصوص ممبعد النص الحجاجي شوية و النداء حبيتو ايضا ، و فالباك لقيت روحي فاهمة و حطيت و ذيك هي علامتي 15 ما نزيد ما نقص ، ملاحظة : درت كومبت غوندي


الملخصات اغلبها من موضوع طالب له هدف
https://www.djelfa.info/vb/showthread.php?t=2131851


و لدي ملخصات و مراجع اخرى سأضع موضوع عليها لاحقا و لم اعتمد عليها كثيرا ، بل اغلب مراجعي من الانترنت و ما كثرتش المراجع لانو تتخلطي

المكتب اللي كنت ادرس فيه صايي راح في حالو و كان طاولة افطار قديمة لنا اضع فيها المادة اللي احتاجها و فقط و كنت اكتب عبارات تحفيزية في بطاقات الستيكي نوت ثم ابدا بالدراسة كالعادة (حتى خلفية حاسوبي كانت تحفيز و كنت اصبر كثيرا رغم الام الظهر و رغم كل شيء)


نتي ان شاء الله تنجحي راكي تباني حارصة على صوالحك و ربي يوفقك و يعطيك ما تتمناي و كل شخص عندو حلم ^-^"

[نجمة طموحة]

رايحة نعاودلك بالتفصيل ما كنتش في راصي ذاك النهار


الفرونسي كنت نجيب 10 و 12 منفوتش ، كنت نكرهها و ما نقراهاش اصلا ، ماما تقلي اقراي فرونسي من ضركا كي تطلعي للافاك تحصلي و هاهي هدرتي ، كانت تدخلي نقرا اسبانيول انجلي في المدارس الخاصة مي كي تقلي فرونسي نقلها ايلا تبغيني ما تهدريليش عليها ، اتخيلي كان يجيني القيا حاشاك كي يهدرولي عليها هي و السيونس ..... مام الهدرة ماكنتش نعرفش نهدر بيها يعني هاذي فالاولى ثانوي و كي طلعت للثانية ثانوي زدت كرهتها كامل و نسيت اغلب الكلمات الفرنسية ، نلقى واحد يجيب 10 يعرف كلش نحس روحي تحت لرض :1::1: و كنت منحبهاش اطلاقا و ضعيفة فيها ، بسبب البرنامج و الدروس طبعا ما كانش يعجبني وش نقراو (التلوث و الفانتازيا و البيئة يعععععع جني عليهم )

كي طلعت للتغمينال قاعدة نقراها فورصي مكاش حل وحدوخر و لازم تديري كلش علاجال حلمك ، ايا بديت نتعلم من الكتاب المدرسي و الانترنت نترجم مصطلحات و نكتبها بآخر الكراس و نحفظها ، بديت مع قناة la tube روووعة قع وش كاين



درت دونتيست لانه طبعا كان حلمي تخصص طبي و كما قلت افعل المستحيل للوصول الى هذا الحلم و بديت نتعلم الفرنسية و حبيتها مع الوقت بدون اي اشعر بذلك خصوصا مع النص التاريخي نحب هذا النوع من النصوص ممبعد النص الحجاجي شوية و النداء حبيتو ايضا ، و فالباك لقيت روحي فاهمة و حطيت و ذيك هي علامتي 15 ما نزيد ما نقص ، ملاحظة : درت كومبت غوندي


الملخصات اغلبها من موضوع طالب له هدف
https://www.djelfa.info/vb/showthread.php?t=2131851


و لدي ملخصات و مراجع اخرى سأضع موضوع عليها لاحقا و لم اعتمد عليها كثيرا ، بل اغلب مراجعي من الانترنت و ما كثرتش المراجع لانو تتخلطي

المكتب اللي كنت ادرس فيه صايي راح في حالو و كان طاولة افطار قديمة لنا اضع فيها المادة اللي احتاجها و فقط و كنت اكتب عبارات تحفيزية في بطاقات الستيكي نوت ثم ابدا بالدراسة كالعادة (حتى خلفية حاسوبي كانت تحفيز و كنت اصبر كثيرا رغم الام الظهر و رغم كل شيء)


نتي ان شاء الله تنجحي راكي تباني حارصة على صوالحك و ربي يوفقك و يعطيك ما تتمناي و كل شخص عندو حلم ^-^"
سلام
انا مثلك تماما في الفرنسية ومستواها ايضا سئ
كم من كلمة كنتي تحفظي في اليوم ؟؟ صوريلي من فضلك المصطلحات لي كنتي تكتبيهم في الفرنسية~~
كمساميدا مسبقا ~

[Histidine~]

سلام
انا مثلك تماما في الفرنسية ومستواها ايضا سئ
كم من كلمة كنتي تحفظي في اليوم ؟؟ صوريلي من فضلك المصطلحات لي كنتي تكتبيهم في الفرنسية~~
كمساميدا مسبقا ~

ما كنتش محددة المهم بالاك وحد 10 و اللا اكثر


https://www.djelfa.info/vb/showthread.php?t=2162729

[Histidine~]

سلام
انا مثلك تماما في الفرنسية ومستواها ايضا سئ
كم من كلمة كنتي تحفظي في اليوم ؟؟ صوريلي من فضلك المصطلحات لي كنتي تكتبيهم في الفرنسية~~
كمساميدا مسبقا ~

عندك نفس الحلم كيما ختي :19: ربي يوفقكم

[*آمنة*]

رايحة نعاودلك بالتفصيل ما كنتش في راصي ذاك النهار


الفرونسي كنت نجيب 10 و 12 منفوتش ، كنت نكرهها و ما نقراهاش اصلا ، ماما تقلي اقراي فرونسي من ضركا كي تطلعي للافاك تحصلي و هاهي هدرتي ، كانت تدخلي نقرا اسبانيول انجلي في المدارس الخاصة مي كي تقلي فرونسي نقلها ايلا تبغيني ما تهدريليش عليها ، اتخيلي كان يجيني القيا حاشاك كي يهدرولي عليها هي و السيونس ..... مام الهدرة ماكنتش نعرفش نهدر بيها يعني هاذي فالاولى ثانوي و كي طلعت للثانية ثانوي زدت كرهتها كامل و نسيت اغلب الكلمات الفرنسية ، نلقى واحد يجيب 10 يعرف كلش نحس روحي تحت لرض :1::1: و كنت منحبهاش اطلاقا و ضعيفة فيها ، بسبب البرنامج و الدروس طبعا ما كانش يعجبني وش نقراو (التلوث و الفانتازيا و البيئة يعععععع جني عليهم )

كي طلعت للتغمينال قاعدة نقراها فورصي مكاش حل وحدوخر و لازم تديري كلش علاجال حلمك ، ايا بديت نتعلم من الكتاب المدرسي و الانترنت نترجم مصطلحات و نكتبها بآخر الكراس و نحفظها ، بديت مع قناة la tube روووعة قع وش كاين



درت دونتيست لانه طبعا كان حلمي تخصص طبي و كما قلت افعل المستحيل للوصول الى هذا الحلم و بديت نتعلم الفرنسية و حبيتها مع الوقت بدون اي اشعر بذلك خصوصا مع النص التاريخي نحب هذا النوع من النصوص ممبعد النص الحجاجي شوية و النداء حبيتو ايضا ، و فالباك لقيت روحي فاهمة و حطيت و ذيك هي علامتي 15 ما نزيد ما نقص ، ملاحظة : درت كومبت غوندي


الملخصات اغلبها من موضوع طالب له هدف
https://www.djelfa.info/vb/showthread.php?t=2131851


و لدي ملخصات و مراجع اخرى سأضع موضوع عليها لاحقا و لم اعتمد عليها كثيرا ، بل اغلب مراجعي من الانترنت و ما كثرتش المراجع لانو تتخلطي

المكتب اللي كنت ادرس فيه صايي راح في حالو و كان طاولة افطار قديمة لنا اضع فيها المادة اللي احتاجها و فقط و كنت اكتب عبارات تحفيزية في بطاقات الستيكي نوت ثم ابدا بالدراسة كالعادة (حتى خلفية حاسوبي كانت تحفيز و كنت اصبر كثيرا رغم الام الظهر و رغم كل شيء)


نتي ان شاء الله تنجحي راكي تباني حارصة على صوالحك و ربي يوفقك و يعطيك ما تتمناي و كل شخص عندو حلم ^-^"
شكرا جزيلا
كفيتي و وفيتي