Dhiaeddine Ben
2019-08-28, 09:49
السلام عليكم ورحمة الله وبركاته
اما بعد
انا تلميذ من دفعة 2019 اجنزت بكالوريا شعبة علوم تجريبية وتحصلت بفضل الله على معدل 15.30 بتقدير جيد
سأتحدث عن تجربتي الشخصية فيالبكالوريا لعلها تفيدكم
وحتى اكون دقيقا سأتحدث عن اثلاثة مواد فقط
والسبب؟
لانني تحصلت في هذه المواد على علامة +17
الرياضيات.....19.5
الفيزياء.....17.5
الشريعة......19
اما باقي المواد نترك اهل الاختصاص ينصحوكم فيها
البداية
كما تعلمون لكل شيء بداية فكيف كانت بدايتي مع البكالوريا؟
صراحة لم اكن مهتماا بالبكالوريا الى غاية اواخر اوت اي في مثل هذه الايام
بدات اراجع بعض العناصر المتفرقة والتى كنت اعاني من نقص فيها في مادتي الرياضيات والفيزياء
وكذلك حملت بعض الملفات الهامة –في الحقيقة الكثير منها- وهذا خطأ كبير سأتطرق اليه لاحقا
اطلعت ايضا على برنامج المواد
قرأت نصائح الطلاب الناجحين من موقع الدراسة في الجزائر ودونت اهم النصائح والمراجع
الدروس الخصوصية
كغيري من الممتحنين الجدد بدأت ابحث عن الاساتذة وهذا ماتطلب سؤال الطلاب السابقين وهنا قمت بخطأ كبير احذركم من الوقوع فيه
درست عند اساتذة يشاع انهم الافضل لكن بالنسبة لي لم يكونوا كذلك ففي شهر نوفمبر استيقظت من غفلتي في مادة الفيزياء اين كنت ادرس عند استاذ يقال انه الافضل في مجاله ولطالما تذمرت منه ولكن استمررت بالحضور ببساطة لانني اعتقدت ان الخلل في ذاتي لكن في شهر نوفمبر كما سلفت الذكر قررت تغير الاستاذ وفعلا كان ذلك وبدات افهم المادة اما العلوم وللاسف الشديد لم اقم بالتغير وبالتالي كانت نتيجتي سيئة لدرجة انها السبب في هذا المعدل عموما الله قدر كل شيء ولست هنا للتذمر
لكن كنصيحة ديرو الدروس الخصوصية وين يخرج عليكم نتوما كي ما تفهموش عند استاذ مشهور بدلو ومتضيعوش الوقت لهذا ننصحكم ديرو حصة عند جميع الاساتذة المعروفين ثم اختارو ما يناسبكم
شخصيا استفدت كثيرا في الدروس الخصوصية ولا انكر انها السبب في نقاطي في مادتي الرياضيات والفيزياء ولكن هناك من يذهب للدروس الخصوصية ليدردش مع الاصدقاء .... نصيحة بعدو عليهم حتى لو كان صديق مقرب ضحوا بساعتين وقعدوا وحدكم قدام ناس ما تعرفوهمش ....وكذلك خطأ اخر انك تروح تتفرج برك لا ارفد قلم وابدا تبع مع الاستاذ وكي يبدا يحل التمارين حل معاه حاول تنافسو وشوفا ذا جيب الحل صحيح ماشي تتفرج برك.... وكي تروح للدار راجع واش درت متخليهش يفوتلك
نصيحة اخرى فالدروس الخصوصية ... شخصيا كنت ندير نهار السبت مادتين وبيناتهم كان عندي ساعتين ومنقدرش نولي للدار ايا بديت نروح لمسجد قريب ونقرا باش ما نضيعش الوقت
مادة الرياضيات:
مادتي المفضلة وتحصلت فيها على علامة 19.5 ويمكن لاي طالب التحصل على هذه النقطة
كيف كنت ادرسها؟
اولا اعتمدت على الدروس الخصوصية حيث كان استاذي رائع بمعنى الكلمة كان يطبق طريقة التلقين بمعنى يعلمك الطريقة دون مقدمات مملة ويمدلك واش تحتاج...هذا ما كان يعطيني دفعة للانطلاق في الحل فطبقت هذه الطريقة في جميع المحاور
اولا كنت احل التمارين مع الاستاذ في القسم او الدروس الخصوصية –كيما قتلكم تتفرج مراحش تستفتد-
ثم انطلق في حل البكالوريات من مجلة الرائد حيث نبدا بشعبتي ثم نروح لشعبة رياضيات وتقني رياضي .. وفي نفس الوقت نحل ايضا سلاسل مصطفاي وهنا كنت نحكم اوراق بيضاء نجمعها ونكتب فيها الافكار الجديدة لي لقيتها وكذلك كنت ناخذ الوقت بعين الاعتبار حتى بديت نقدر الوقت لي نديرو في كل محور مثلا الاحتمالات 15 دقيقة و المتتاليات 20 دقيقة الخ...
طبقت هذه الطريقة في جميع المحاور وكي وصل ماي بديت نحل المواضيع كاملة ونحاول ندير قل من 3 ساعات واعتمدت هنا على مواضيع عبعوب
خصصت في حل التمارين لكل محور كراس فيه 120 صفحة وغالبا كنت ندير 2 كراريس لهذا ننصحكم ديرو كراس تع 192 صفحة احسن .. وفي محور الدوال ديرو كراس لكل نوع من الدوال (اسية-لوغارتمية-عددية)
محور الدوال حالة خاصة لازم تحل على الاقل تمرين فالاسبوع كي تخرجو منو يعني كي تكونو فالمتتاليات والاعداد المركبة الخ... لانكم اذا هملتوه راح تنساو النهايات وتعانو شوي لذا باش تتجنبو هذا الشيء طبقوه هذي الطريقة اي حلو تمرين فالاسبوع على الاقل بداية من شهر جانفي –طبعا في هذا الوقت تكونو حليتو عدد كبير سابقا-
مادة الفيزياء
كما اخبرتكم سابقا عانيت في البداية قليلا لكن عندما تأقلمت كانت طريقتي كالتالي
اولا اقوم بتحضير ملخص شامل للوحدة ومن اعدادي وطبعا بالاعتماد على ملخصات اخرى لكن الاهم يكون بخط اليد
ثم اقوم بحل التمارين فقد اعتمدت على تماريت الدروس الخصوصية حيث كنت نحل التمرين مع الاستاذ ثم نعاودو كي نلحق للدار وكذلك اعتمدت على كتاب المغني –حاليا انصحكم بكتاب شنايت- وكذلك بكالوريات المغرب- شوفو في ملفي الشخصي راح تلقاو موضوع عليهم فقد قمت بتجميعهم من 2008-2018- وطبعا لي يعرفني هنا راح يعرف كم نصحت بهم ههههه... المهم الفيزياء مادة ممتعة جدا تحصلت فيها على 17.5 بسبب الخطأ المشؤوم لي اظن بزاف منكم طاح فيه في باك 2019 (تع تضرب في 2 )
مادة الشريعة
اعتمدت وبشكل كلي على ملخص استاذي بوقفطان .... كل عام يدير ملخص جديد ... تلقاوه في بروفيل الفايسبوك "محمد بوقفطان"
اعتمدت ايضا على ملخص مرسلي لانو فالاخير فيه البكالوريا مرتبة حسب الوحدات فكنت اقوم بحفظ الوحدة –الدرس- ثم احل جميع الاسئلة لي جات فيه
خصصت لهذه المادة يوم الجمعة صباحا للحفظ يعني من سبتمبر الى غاية ماي كنت نحفظ كل جمعة صباح وكانت طريقة ناجحة فقبل اسبوع من البكالوريا استغرقت حوالي 5 ايام لاعادة البرنامج اي 20 درسا
نصائح متفرقة :
النصيحة 1:
هذه النصيحة تتمحور حول المراجع .... متكثروش المراجع خاطرش راح تضيعو الوقت وتحسو بلي ما قريتو والو ... اقراو ب 3 مراجع كحد اقصى وكملوهم .. في بداية العام قتلكم حملت عدد كبير من المراجع ممبعد ضعت ثم وليت نصفي فيهم وهكا ريحت ....
النصيحة 2 :
اخطيكم من الفايسبوك... انا في ديسمبر قمت بغلق الفايسبوك الرسمي وحليتواحد جديد غير للقراية باش نتبع لي باج الخ...
النصيحة 3:
اذا كنت اوطاكو حبس التفراج ... عام كامل ماتفرجت ولا انيم وعوضت هذا بفيلم كل يومين وحاولت قدر المستطاع نشوف افلام مفيدة .... مثلا وثائقية او فيها قصص نجاح الخ...
النصيحة 4:
ابتعدوا عن نوعين من الاصدقاء
النوع الاول :
الصديق الاستغلالي لي يستفاد منك وميفيدكش ... منيش نقلكم ما تعاونوش الناس شخصيا كنت نساعد اصدقائي ونفهمهم متى اتيحت لي الفرصة .... لكن كاين نوع راح يستغلك ويبروفيتي منك برك اخطيك منو ومع الوقت تعرف علاش
النوع الثاني :
الصديق لي يضبح ويقلك ما قريتش وما عملتش وراح تعرفو كي تجوز كاش امتحان ويبدا يقلك هردتها الخ.. وفالنتائج تلقاه خادم ... معلبليش كيفاش يخمو هاذو الناس لكن بعدو عليهم يجيبو تكسار الراس برك
النصيحة 5:
الان مراكش راح تفهمبزاف نصائح لانك مزال ما دخلتش فالمود سواسوا..... لذا دير هذا الموضوع واي موضوع فيه نصائح عجبوك واقراهم في وسط العام وراح تفهم كثر
اي اسئلة اخرى ... انا هنا متى اتحيت لي الفرصة.... بالتوفيق
اما بعد
انا تلميذ من دفعة 2019 اجنزت بكالوريا شعبة علوم تجريبية وتحصلت بفضل الله على معدل 15.30 بتقدير جيد
سأتحدث عن تجربتي الشخصية فيالبكالوريا لعلها تفيدكم
وحتى اكون دقيقا سأتحدث عن اثلاثة مواد فقط
والسبب؟
لانني تحصلت في هذه المواد على علامة +17
الرياضيات.....19.5
الفيزياء.....17.5
الشريعة......19
اما باقي المواد نترك اهل الاختصاص ينصحوكم فيها
البداية
كما تعلمون لكل شيء بداية فكيف كانت بدايتي مع البكالوريا؟
صراحة لم اكن مهتماا بالبكالوريا الى غاية اواخر اوت اي في مثل هذه الايام
بدات اراجع بعض العناصر المتفرقة والتى كنت اعاني من نقص فيها في مادتي الرياضيات والفيزياء
وكذلك حملت بعض الملفات الهامة –في الحقيقة الكثير منها- وهذا خطأ كبير سأتطرق اليه لاحقا
اطلعت ايضا على برنامج المواد
قرأت نصائح الطلاب الناجحين من موقع الدراسة في الجزائر ودونت اهم النصائح والمراجع
الدروس الخصوصية
كغيري من الممتحنين الجدد بدأت ابحث عن الاساتذة وهذا ماتطلب سؤال الطلاب السابقين وهنا قمت بخطأ كبير احذركم من الوقوع فيه
درست عند اساتذة يشاع انهم الافضل لكن بالنسبة لي لم يكونوا كذلك ففي شهر نوفمبر استيقظت من غفلتي في مادة الفيزياء اين كنت ادرس عند استاذ يقال انه الافضل في مجاله ولطالما تذمرت منه ولكن استمررت بالحضور ببساطة لانني اعتقدت ان الخلل في ذاتي لكن في شهر نوفمبر كما سلفت الذكر قررت تغير الاستاذ وفعلا كان ذلك وبدات افهم المادة اما العلوم وللاسف الشديد لم اقم بالتغير وبالتالي كانت نتيجتي سيئة لدرجة انها السبب في هذا المعدل عموما الله قدر كل شيء ولست هنا للتذمر
لكن كنصيحة ديرو الدروس الخصوصية وين يخرج عليكم نتوما كي ما تفهموش عند استاذ مشهور بدلو ومتضيعوش الوقت لهذا ننصحكم ديرو حصة عند جميع الاساتذة المعروفين ثم اختارو ما يناسبكم
شخصيا استفدت كثيرا في الدروس الخصوصية ولا انكر انها السبب في نقاطي في مادتي الرياضيات والفيزياء ولكن هناك من يذهب للدروس الخصوصية ليدردش مع الاصدقاء .... نصيحة بعدو عليهم حتى لو كان صديق مقرب ضحوا بساعتين وقعدوا وحدكم قدام ناس ما تعرفوهمش ....وكذلك خطأ اخر انك تروح تتفرج برك لا ارفد قلم وابدا تبع مع الاستاذ وكي يبدا يحل التمارين حل معاه حاول تنافسو وشوفا ذا جيب الحل صحيح ماشي تتفرج برك.... وكي تروح للدار راجع واش درت متخليهش يفوتلك
نصيحة اخرى فالدروس الخصوصية ... شخصيا كنت ندير نهار السبت مادتين وبيناتهم كان عندي ساعتين ومنقدرش نولي للدار ايا بديت نروح لمسجد قريب ونقرا باش ما نضيعش الوقت
مادة الرياضيات:
مادتي المفضلة وتحصلت فيها على علامة 19.5 ويمكن لاي طالب التحصل على هذه النقطة
كيف كنت ادرسها؟
اولا اعتمدت على الدروس الخصوصية حيث كان استاذي رائع بمعنى الكلمة كان يطبق طريقة التلقين بمعنى يعلمك الطريقة دون مقدمات مملة ويمدلك واش تحتاج...هذا ما كان يعطيني دفعة للانطلاق في الحل فطبقت هذه الطريقة في جميع المحاور
اولا كنت احل التمارين مع الاستاذ في القسم او الدروس الخصوصية –كيما قتلكم تتفرج مراحش تستفتد-
ثم انطلق في حل البكالوريات من مجلة الرائد حيث نبدا بشعبتي ثم نروح لشعبة رياضيات وتقني رياضي .. وفي نفس الوقت نحل ايضا سلاسل مصطفاي وهنا كنت نحكم اوراق بيضاء نجمعها ونكتب فيها الافكار الجديدة لي لقيتها وكذلك كنت ناخذ الوقت بعين الاعتبار حتى بديت نقدر الوقت لي نديرو في كل محور مثلا الاحتمالات 15 دقيقة و المتتاليات 20 دقيقة الخ...
طبقت هذه الطريقة في جميع المحاور وكي وصل ماي بديت نحل المواضيع كاملة ونحاول ندير قل من 3 ساعات واعتمدت هنا على مواضيع عبعوب
خصصت في حل التمارين لكل محور كراس فيه 120 صفحة وغالبا كنت ندير 2 كراريس لهذا ننصحكم ديرو كراس تع 192 صفحة احسن .. وفي محور الدوال ديرو كراس لكل نوع من الدوال (اسية-لوغارتمية-عددية)
محور الدوال حالة خاصة لازم تحل على الاقل تمرين فالاسبوع كي تخرجو منو يعني كي تكونو فالمتتاليات والاعداد المركبة الخ... لانكم اذا هملتوه راح تنساو النهايات وتعانو شوي لذا باش تتجنبو هذا الشيء طبقوه هذي الطريقة اي حلو تمرين فالاسبوع على الاقل بداية من شهر جانفي –طبعا في هذا الوقت تكونو حليتو عدد كبير سابقا-
مادة الفيزياء
كما اخبرتكم سابقا عانيت في البداية قليلا لكن عندما تأقلمت كانت طريقتي كالتالي
اولا اقوم بتحضير ملخص شامل للوحدة ومن اعدادي وطبعا بالاعتماد على ملخصات اخرى لكن الاهم يكون بخط اليد
ثم اقوم بحل التمارين فقد اعتمدت على تماريت الدروس الخصوصية حيث كنت نحل التمرين مع الاستاذ ثم نعاودو كي نلحق للدار وكذلك اعتمدت على كتاب المغني –حاليا انصحكم بكتاب شنايت- وكذلك بكالوريات المغرب- شوفو في ملفي الشخصي راح تلقاو موضوع عليهم فقد قمت بتجميعهم من 2008-2018- وطبعا لي يعرفني هنا راح يعرف كم نصحت بهم ههههه... المهم الفيزياء مادة ممتعة جدا تحصلت فيها على 17.5 بسبب الخطأ المشؤوم لي اظن بزاف منكم طاح فيه في باك 2019 (تع تضرب في 2 )
مادة الشريعة
اعتمدت وبشكل كلي على ملخص استاذي بوقفطان .... كل عام يدير ملخص جديد ... تلقاوه في بروفيل الفايسبوك "محمد بوقفطان"
اعتمدت ايضا على ملخص مرسلي لانو فالاخير فيه البكالوريا مرتبة حسب الوحدات فكنت اقوم بحفظ الوحدة –الدرس- ثم احل جميع الاسئلة لي جات فيه
خصصت لهذه المادة يوم الجمعة صباحا للحفظ يعني من سبتمبر الى غاية ماي كنت نحفظ كل جمعة صباح وكانت طريقة ناجحة فقبل اسبوع من البكالوريا استغرقت حوالي 5 ايام لاعادة البرنامج اي 20 درسا
نصائح متفرقة :
النصيحة 1:
هذه النصيحة تتمحور حول المراجع .... متكثروش المراجع خاطرش راح تضيعو الوقت وتحسو بلي ما قريتو والو ... اقراو ب 3 مراجع كحد اقصى وكملوهم .. في بداية العام قتلكم حملت عدد كبير من المراجع ممبعد ضعت ثم وليت نصفي فيهم وهكا ريحت ....
النصيحة 2 :
اخطيكم من الفايسبوك... انا في ديسمبر قمت بغلق الفايسبوك الرسمي وحليتواحد جديد غير للقراية باش نتبع لي باج الخ...
النصيحة 3:
اذا كنت اوطاكو حبس التفراج ... عام كامل ماتفرجت ولا انيم وعوضت هذا بفيلم كل يومين وحاولت قدر المستطاع نشوف افلام مفيدة .... مثلا وثائقية او فيها قصص نجاح الخ...
النصيحة 4:
ابتعدوا عن نوعين من الاصدقاء
النوع الاول :
الصديق الاستغلالي لي يستفاد منك وميفيدكش ... منيش نقلكم ما تعاونوش الناس شخصيا كنت نساعد اصدقائي ونفهمهم متى اتيحت لي الفرصة .... لكن كاين نوع راح يستغلك ويبروفيتي منك برك اخطيك منو ومع الوقت تعرف علاش
النوع الثاني :
الصديق لي يضبح ويقلك ما قريتش وما عملتش وراح تعرفو كي تجوز كاش امتحان ويبدا يقلك هردتها الخ.. وفالنتائج تلقاه خادم ... معلبليش كيفاش يخمو هاذو الناس لكن بعدو عليهم يجيبو تكسار الراس برك
النصيحة 5:
الان مراكش راح تفهمبزاف نصائح لانك مزال ما دخلتش فالمود سواسوا..... لذا دير هذا الموضوع واي موضوع فيه نصائح عجبوك واقراهم في وسط العام وراح تفهم كثر
اي اسئلة اخرى ... انا هنا متى اتحيت لي الفرصة.... بالتوفيق