خطيبي تركني اين الحل

[مشكلتي]

السلام عليكم
كنت مخطوبة لشخص لمدة ثلاثة اشهر جا دخل من الباب ديراكت وكان متعلق بيا بزاف ويحوس غير كيفاه يرضيني صرا بيناتنا مشكل وجرحتو بالكلام بعدها طلبت منو السماح لكنو ماسامحنيش واتصلو اهلو باهلي والغاو الخطوبة بصح انا عييت ننساه رغم انو المشكل عندو ربع شهر هو بعد ماصرا المشكل غير رقمو لكنو بعد فترة اتصل بيا هدرنا شوي وعاود غاب وانقطع
كي نقولو هيا نديرو حل يقولي متضغطيش عليا حاساتو مش نفس الانسان لي كان باغيني فالبداية
كيفاه نقدر نحل هاذ المشكل لانو حياتي ظلامت وهل ممكن يسامحني

[المشتاق لجنة النعيم]

خليها على ربي انت واش راح ديري اذا حاب يرجعك هو يجي بنفسو و إذا ما حبش ماشي مكتوبك لازم تكوني واقعية و إياك محاولة ارجاعه بطرق ملتوية ، كثري من الدعاء و الصبر و اتركي حديث الهاتف و شبكات التواصل الاجتماعي قبل الزواج ( ماعدا الأمور المهمة جدا ) لأن هذا هو سبب انفصال الكثير .

[قدور بن عاشور]

إذا جرحتيه بالكلام في فترة الخطوبة فالأحسن له أن ينسحب،

لأن حياتكم مازال مابداتش و راكم في الكلام الجارح.

[⌈الأشتر⌉]

عليكم السلام


لم تخبرينا ما نوع هذا الكلام الجارح؟
يوجد الكلام الذي يستحق أن تفسخ الخطوبة لأجله
ويوجد الذي يأتي بعد البادرة ولايجب أن يخرجه المرء عن هذا السياق




ثم إنه ينصح دائما في مرحلة الخطوبة أن لايكثر المتخاطبان الكلام لتجنب ماحدث لك


لافرار من المشاكل ولكن الأفضل أن تكون بعد الزواج
لكي لايستسهل أحد الطرفين الخروج
فيجد كل طرف أنه ملزم أن يواجه ويحاول الإصلاح بدل الإنسحاب المبكر لأجل الميثاق الغليظ


على كل حال

اذا لم يعد و أصبح يتلاعب بك عبر الهاتف فانسي أمره واحفظي كرامتك وعزة نفسك
وتستمر الحياة..

[toulay]

وعليكم السلام ورحمة الله وبركاته
كون جاء صح يحبك يسامحك ويبدا صفحة جديدة ولكن هذا في اول غلطة راح مباشرة فسخ الخطبة يعني كان يتسبب برك والله اعلم
بصح حبذا لو قلتينا نوع الكلام هذا
درك راح راح ربي يسهل عليه ومشي هو الرجل الوحيد على سطح الكرة الارضية كاين اسياد اسياده فالسوق
كيفاش فسخ الخطبة ومبعد يعاود يعيط ومبعد يزيد يختفي هذا راهو يلعب من المفروض قال خلاص خلاص علاش يلف ويدور
متمدلوش فرصة اذا زاد عيط قولوا ياولد الناس منيش فارغة شغل انت لرحتي برضايتك خلاص باش تبقى تعيطلي هكذا برك مكلاه واذا حايب تصلح المشكل تعرف باب دارنا وين وقص الهدرة ولا على حساب الgوسطو
مع انو من الاحسن تتوله بحياتك وتبدا من جديد لانو القصة وصلت للاهل وقادرين اهلك يدوا موقف ويقولوا بلي راكم تلعبوا
ربي يعوضك ان شاء الله
بالتوفيق

[ابو سليمان10]

كان متعلق بيك بزاف و يحوس غير كيفاه يراضيك ايا جاك الطغيان و جرحتيه...هذا مسكين لم يكن له خبرة مع النساء...المراة لايجب ان تظهر لها ما اظهره حتى لا تلقى ما لقيه منكي....قلة عقل النساء

[noursm]

اختي ما تجريش وراه خلاك صايي انتي درتي اللي عليك طلبتي السماح
تفكري انه كرامتك اولى منه و ماهوش هو اول و آخر رجل في العالم
صدقيني لاكان راهو كاتبلك يرجع و لكان ماهوش من مكتوبك مهما درتي ما يرجعش
صار كاينين رجال يرفضوهم البنات و هكاك يبقاو يجرو وراهم
سما المسألة في يد ربي
انتي كثري الدعاء و اشكي همك لله و حاولي تشغلي نفسك بأمور مهمة و ما تبقايش تخممي فيه

[ing.Youcef]

وأنت لماذا تتعلقين به وهو لا يزال خاطبا
الخاطب أجنبي عنك تماما كأي رجل آخر في الدنيا
كل ما بينكما وعد بالزواج قد يتم وقد لا يتم
وفي حالتك لم يتم
فليكن هذا درسا واتق الله في المرة القادمة حتى يجعل لك مخرجا
وفقك الله ويسر أمرك وفرج همك ورزقك من فضله العظيم

[تاج الوقار16]

حدث ما حدث ولا مجال بتغييره
ااااه
لو نستطيع تغيير الماضي
الان تعلمي ضبط اللسان اختي

ثم


هذا الرجل ذهب لا يجب الجري وراء او محادثته سرا
بالعكس


يجب التشدد معه وعدم الرد على مهاتفته والا ماذا
الم ير فيك الزوجة الصالحة ورأى فيك العشيقة؟؟!
قاطعيه وان احس بالحاجة إليك بعد الانقطاع سيعود خاطبا لا عشيقا

[حسناء بنت الجبل]

عوضك الله خيرا ، فالحياة لن تنتهي بذهابه اصلحي نفسك و عوديها على انك انت الاهم ، لانه و بكل بساطة حين يقرر الرحيل لن يرحمك و لو رآك جثة هامدة امامه

[صمت الرجوله]

صاحبة المشكلة و جميع الفتياة..كونو على ثقة تامة انه يصدر من المراة احيانا بعض الكلام ينقش في قلب الرجل كما ينقش في الحجر مما يجعل مشاعره تتبدل اتجاهها 180 درجة و لو اراد العكس.
هاكذا جبلنا و ليس باليد حيلة فلا تتكلمي فيما لا تعرفين.

[سجل أنا جزائري]

من طريقة سردك يظهر لي انك كنتي جريته بزاف لانه كان متعلق بيك ( خطبني ديركت ... متعلق بيا بزاف .. يحوس غير كيفاه يرضيني ...)

و زيد ختمتيها بكلام جارح بعدها فطن السيد و اعرف انه سوف يعاني معك فانسحب و ذرك ممكن يرجع الا اذا تأكد انك مش راه تعبيه و ممكن لا

[تاج الوقار16]

يا اختي راح ماراهش من المكتوب
وربي يعوضك خير منو
وزيد اللي راح وولا واش من بنا خلا
كون انا في بلاصتك ما نرجعلوش
ماكيش مرتو تصبريعلى بزاف أمور مزالت خطيبة
بعد الزواج لازم تنحي الكرامة من أجل بزاف اعتبارات خاصة بعد مجيء الأولاد وصعوبة الطلاق وووو
اما الان من تلك تحت عصمة والديك والف واحد يتمناك
قولي اللهم أجرني فيه واخلف لي خيرا
منه يجيك سيده
منيش نبرر خطاك ولكن لهددقع نجرحو
بلساننا
تعلمي من الخطأ وما تلتفتيش للماضي
ان القلوب اذا تنافر ودها.... عند الكرام جبرها لا يعسر
وقلوب اراذل الانام اذا التوت....مثل الزجاجة كسرها لا يجبر
ربي يلاقيك بلي يستاهلك
انا شخصيا لو تكون عندي مشكلة ما نكتبها هنا بل بعضويتي
باش اللي بدأ يتهكم وداير روحو فاهم نرد عليه
راهم يغتنمو فرصة انو صاحب المشكلة ما يقدر يرد
ويبدو يقصفو فيه

[ماري نت]

وعليكم السلام ورحمة الله وبركاته
كون جاء صح يحبك يسامحك ويبدا صفحة جديدة ولكن هذا في اول غلطة راح مباشرة فسخ الخطبة يعني كان يتسبب برك والله اعلم
بصح حبذا لو قلتينا نوع الكلام هذا
درك راح راح ربي يسهل عليه ومشي هو الرجل الوحيد على سطح الكرة الارضية كاين اسياد اسياده فالسوق
كيفاش فسخ الخطبة ومبعد يعاود يعيط ومبعد يزيد يختفي هذا راهو يلعب من المفروض قال خلاص خلاص علاش يلف ويدور
متمدلوش فرصة اذا زاد عيط قولوا ياولد الناس منيش فارغة شغل انت لرحتي برضايتك خلاص باش تبقى تعيطلي هكذا برك مكلاه واذا حايب تصلح المشكل تعرف باب دارنا وين وقص الهدرة ولا على حساب الgوسطو
مع انو من الاحسن تتوله بحياتك وتبدا من جديد لانو القصة وصلت للاهل وقادرين اهلك يدوا موقف ويقولوا بلي راكم تلعبوا
ربي يعوضك ان شاء الله
بالتوفيق

هذا الرد شاف كاف

[هذا انا]

انت غلطتي و هو من النوع اللي ما ينساش خاصة إذا كانت الغلطة كبيرة و اذا كان مسامحك كون رجع من الاول ...من الاخير روحي شوفي حياتك

[وَحْـــ القلَمْ ـــيُ]

قولي اللهم اجبرني وانزل علي سكينتك واكتب لي الافضل
اللهم ان كان فيه الخير فرده وأَقِرَّنِـي به
وان لم يكن فيه خير فأصرفه عني واجبرني

[محمد جديدي التبسي]

لو ارادك ماتركك

[نون.]

يا اختي اتركيه احسن وتنسيه مزالتي صغيرة