تسجيل الدخول

مشاهدة النسخة كاملة : طالبة سنة 6 طب أسنان تجيبكم علي كل أسئلتكم للملتحقين الجدد

noursara
2019-08-04, 10:49
أولا حببيت نقولكم مبروك عليكم و أهلا بالشرادن الجدد ههههههه - chirurgie dentaire = chir dent = شيردون
أي سؤال تفضلو راح نجاوبكم
noursara
2019-08-04, 10:53
أكثر سؤال يطرحوه و هو هل الفرنسية تشكل عائق لي خاصة أن الشعب الطبية لازم تكون فاهم الفرنسية ؟؟؟؟؟؟؟؟
حبيت نقولكم بلي انا نهار طلعت نقرا أول مرة طب اسنان كنت 0000000 في الفرنسية مانفقه والو الا بونجور و بونسوار و شوي كلمات
و مبعد مع الايام و مع حضور المحاضرات و المراجعة و القاموس ديما معايا في 3 اشهر وليت نعرف كل الكلمات الطبية و اللي نحتاجوهم و القاموس وليت مانسعملوش خلاص
noursara
2019-08-04, 11:13
كم عدد سنوات الدراسة ؟ و ماهي المواد
عدد سنوات الدراسة 6
السنة الأولي هي جدع مشترك مع الشعب الطبية الاخري - الطب و الصيدلة - تدرسون فيها الفزياء / الكمياء / الرياضيات / علم الأنسجة ..
ابتداءا من السنة الثانية تبدأ مواد التخصص الخاصة بطب الاسنان و هي 5
pathologie bucco dentaire - هذا خاص بامراض الفم مثلا ورم / قلع ضرس العقل اللي ماش باينة و هذا بالعمليات
parodontologie - هذا خاص بااللثة مثلا تكون ملتهبة - يسيل منها الدم - نعالجوه-
odf - هذه خاصة ب appareil dentaire اللي نحطوهم باه نصلح الاسنان المعوجة و اللي ماش في بلاصتها / ايضا باه نقفل هذيك المسافات اللي كاينة بين الاسنان / الفكين لوكان يكون مثلا السفلي بارز و متقدم علي العلوي نصلحوه ايضا
oc odontologie conservatrice - هذا بشكل مختصر و باه تفهمو مليح هههههه تاع البلومباج و رايحين تزيدو تكتشفوه مليح مبعدا
prothese .... تاع اطقم الفم - ماجوار - و تعويضات الاسنان المفقودة اما يكون كلي او جزئي و كاين انواع اخري رايحين تتعرفو عليها خلال مساركم الدراسي
سنة السادسة تديرو فيها غير سطاج / ماكانش المحاضرات / و عندكم ميموار
Histidine~
2019-08-04, 11:16
سلام ختي انا قاسوني شيردون ميغسي على المساعدة

قوليلي فيها دراهم ؟
noursara
2019-08-04, 11:16
نظام الاجوبة في الاختبارات ؟
QCS كاين سؤال و تحتو اجوبة و لكن واحد فقط صحيح
QSM كاين سؤال و تحتو اختيارات علي عكس Qcs هنا تقدر تلقا اكثر من جواب صحيح يقدرو يكونو كامل صحاح
يجب ان تتجبنو اخد العلامة الاقصائية 5 حتي لا تدخلو للراطراباج
noursara
2019-08-04, 11:26
سلام ختي انا قاسوني شيردون ميغسي على المساعدة

قوليلي فيها دراهم ؟

و عليكم السلام و لا شكر علي واجب

ههههههه دراهم انت و خدمتك
الا خدمتي عند الدولة رايحة تخلصي 4 ملاين و حاجة قريب 5 ملاين
و الا فتحتي لروحك انتي و زهرك
قادرة تفتحي في بلاصة مليحة و تكون الخدمة تاعك مليحة و الناس تشكر فيها رايح يولي عندك غاشي بزاف و تولي معروفة --- هنا تولي تاكلي اللحم صباح و عشية ههههههه
لوكان تفتحي في بلاصة مش مليحة و يكون مش عندك الغاشي هنا الله غالب لازمك الصبر و الصبر و لا تبدلي البلاصة
تقدري ثاني تكملي التخصص و تولي طبيبة مختصة
~عيون القلب~
2019-08-04, 11:39
4 ملاين عند الدولة هذا ليس عدلا يستاهلو يخلصوهم اكثر هههه
لهيب الحلم
2019-08-04, 12:59
جزاك الله خيرا على الموضوع القيم
لاطما كان شغفي الطب و فضولي جسم الإنسان كله خاصة وظائف الأعضاء السليمة و المريضة و الآليات الحيوية في الجسم منذ الطفولة كان عندي كم هائل من الاسئلة حول هذا الجسم العجيب و في المتوسطة كنت أطرح بعض الأسئلة على أستاذ العلوم وكان يتعجب منها ..لطالما كنت أنال علامات ممتازة في العلوم وكنت دائما الأولى و لله الحمد ...انا من محبي الاستنباط و العمل الفكري والآن وجهت لطب الأسنان و اخشى الا يعجبني و الا يتوافق مع ميولي و خاصة أنه عمل يدوي أكثر...و لكنني راضية بقدري والحمد لله
أرجو أن تبدي لي رأيك بحكم خبرتك بالميدان ؟