انا في مصيبة ارجو النصيحة (2)

[مشكلتي]

السلام عليكم تتمة للموضوع
اشكركم على نصائحكم القيمة بارك الله فيكم
المستجدات فيما يخص المرأة اللي تزوجها تفوق 50 سنة و طلب مني وقت يعمل الاوراق يعني اللي تساعدو في الرجوع علما انو من الناحية القانونية هنا و في فرنسا أستطيع أن ابطل أوراقه و الحق به متابعة قضائية في اي وقت يعني اليوم أو بعد اخده الاوراق أو بعد سنة يعني العقوبة فيها فيها و الاوراق تسحب منه هو طلب مني وقت ياخد الورقة و يجي و يطلقها بالثلاثة و هي قابلة و قلتلو نعاونك في اخد الاوراق حتى ولو مطلقين قدام ربي و لكن في الاوراق عادي حتى ياخد اوراق الاقامة و الله اعلم هذه هي المستجدات و انا صليت الاستخارة و فوضت أمري لله و خليتها لربي و احتسبت و راني ندعي و نستغغر و راني نهدر معاه عادي و كلي ثقة في رب العالمين و نهار يرجع لكل حادث حديث و ادا أثبت صدق نيته مع انو الحياة لن ترجع كالسابق و لكن كاين طفل برئ بيننا و ادا تبث العكس فلن ادخر لا جهدا و لا مالا و لا صلاة و لا دعاء في محاسبته إلى يوم الدين و الله شاهد على مافي القلوب و انني اعتصمت بحبل الله و تجنبت ابغض الحلال مع اني راني نتقطع اقسم بالله اموت في اليوم الف مرة

[ع.عيسى]

لا حول ولا قوة الا بالله العلي العظيم.... حسنا ما فعلتي... فوضي امرك لله... وعليك بالصبر حتان يفرج عليك ربي.. واكثري من الدعاء... ربي يفرج عليك*

[تاج الوقار16]

كل محنة تزيد في العقل اختي العزيزة
قلب المؤمن هو دليلو
ما استطيع فعله انا قد يصعب عليك انت والعكس
المهم اكيد راكي اقوى من السابق والاكيد سيغلب على قراراتك العقل لا القلب باذن الله
ومادام استخرت فكوني على يقين انو ربي لن يرشد الا للخير

[محارب الحمق]

الكارثة التي لم ينتبه لها احد هو حرمة زواجه بهذه المرأة لان الزواج في الاسلام له مقاصد اما زواج زوجك هو زواج مصلحة وهو حرام حرام حرام

[toulay]

وعليكم السلام ورحمة الله وبركاته
مفهمتش يا اختي انت عايشة فالجزائر ولا فرنسا وعلى حساب موضوعك زوجك هرب لاسبانيا راني دخت ومافهمت والو
على كل ربي يفرج عليك ان شاء الله
واش دير بشخص راح وخلاك على جال واش على جال les papiers كيما يقولوا هذا دليل بلي انسان مخلوع خليه يتزوج الgاورية ويعيش الذل وتمدلوا الاوامر اغسل لماعن اغسل القش امسح الغبرة وووو وهو سمعا وطاعة يامولاتي
بالتوفيق

[سيدتي الفاضلة]

وعليكم السّلام ورحمة الله وبركاته،
هناك تناقض لم أفهمه أختاه ! هو تزوّجها من أجل الأوراق. فهل تأملين حقّا أن يرجع إلى الوطن بعد الحصول عليها وهو الذّي ضحّى بكلّ شيء (بما في ذلك أنتِ وابنك) من أجل تحقيق طموحه؟!
هناك احتمالان لا ثالث لهما (في رأيي) إمّا أنّك تنتظرين أن يطلّقها بعد تسويته لوضعيّته هناك لتلتحقي به وتعيشي معه .. وإمّا أنّك "نيّة بزّاف" لتصدّقي أنّه ينتظر الحصول على الأوراق ليعود إلى الوطن !
فكّري بمنطقيّة أكثر !
ربّي يصلح أحوالك أختي.

[أبوإبراهيــم]

لم أفهم هل أنت منزعجة بمجرد زواجه عليك أم لأنه تزوج من أجل الأوراق !!!!!!
لأن الفرق كبير ويترتب عليه تغيير كبير في من هو الظالم ومن هو المظلوم

[شمس 15]

ختي ديري وش يخرج عليك انت ادرى باوضاعك و مسؤوليتك و نسبة تحملك....
انا شايفة الامور بمنظور اخر الاوراق الان باش يديهم يقعد سنين على الاقل 7 سنوات ماشي كيما بكري عامين و هو رافدهم و لازم راتب عالي و يساهم في الضمان وووو الله يتعينك ختي انت علابالك بروحك اتهلايلي غير فالصغيرون ربي يحفظو ان شاء الله..

[ايمان4]

اجل الاوراق راح يطول بزاف 5-7 سنوات و من بعد الاوراق الطلاق على الاقل سنة و نصف هذا اذا كان بالتراضي و زيد لازن يكون عندو عمل قار يفوق راتبه نسيت كم من اورو شهريا و سكن منفرد كاريه عاد باش يقدر يديرلك الاوراق يعني احسبي ع 10 سنين المهم فكري مليح و انت تعرفي السيد و نيته انت اصلا ما خاسرة والو حاليا انتظري بعد مرور 2 سنة او ثلاثة و قرري وحدك

[Taibi Younes]

ربي يعاونك وييسرك امورك*

[ريتال2]

ربي يكون معاك ويعاونك ويسرر امورك اختي

[فاصلة]

إذا كان في فرنسا على حد قولك فإن عليه أن يطلقك حتى يكون زواجه قانوني من تلك المرأة أنا زوج خالتي في فرنسا راهو في عشر سنين متزوج قبل ما يروح عندو اربعة اطفال كبار وما صنعش الأوراق وكان لازم يطلق مرتو لي هنا باش يتزوج لهيه. بصح شاف بلي هاذ الشي حرام ولحد الآن ما خو خدام ماهو صانع الأوراق عايشمن عند خاوتو لي ثماك.
معنتها اختي راح يطلقك ومن بعد واش يضمنلك بلي يعاود يرجعلك وهاذ الشي حرام. حرام يطلقك على جال مصلحتو وحرام يتزوجها على جال الأوراق. لا تشاركي فيما يعمل وإذا طلقك أختي شوفي حياتك. هذا رأيي الشخصي وأنك تسامحيه قبل زواجو بهاذيك ويرجع هذا أمر عادي بصح بعد ما يتزوج ويغدر وهو عارف بلي حرام فهنا لا مجال للمسامحة.