وعلاه هذاك طبيب !

[إكتفآء]

السلام عليكم
في اخر زيارة لي لطبيب اخر لعلي اجد علاجا بعد طول بحوث اتعبتني
ردد هو ايضا على مسامعي عبارة سمعتها مرارا لدى اخرين غيره
فحين قلت له الطبيب الفلاني والفلاني والفلاني قالوا لي كذا وكذا
ضحك ملء فمه
وقال لي بالحرف الواحد :
وعلاه هذوك اطباء وتزيدي تهدري بيهم !!
حتى قبله كل ما اذهب لطبيب واقول له الطبيب الفلاني يضحك ويرد : وعلاه هذاك طبيب !
يعني من الاخير كل طبيب يظن انه هو الاحسن
رغم اننا نعرفوا مليح ان الطب في الجزائر مازال بعيد جدا
وابسط العمليات نقوموا بيها في تونس
فلماذا الفوخ والزوخ ؟؟؟

[toulay]

وعليكم السلام ورحمة الله وبركاته
ربي يجعلك الشفاء ان شاء الله
مع الاسف الشديد قليل وين تلقى صح طبيب يخاف ربي فيك
تروح للطبيب مثلا مختص ثمن الزيارة 2000 تبقى تستنى في دالتك ومين توصل تبقى عندو بلاك زوج دقائق دقيقة يشوفك فيها ويحكي معاك والاخرى يكتبلك فيها الوصفة
وكاين اطباء لازم تحكم موعد وقادر الموعد تاعك بلاك بعد شهرين ولا يعني بالمختصر حتى العبد بلاك يموت عاد باش تجي دالته
ربي يستر خلاص
وبالشفاء عليك واذا قادرة روح لتونس متلعبش لانو صحتك اهم من كنوز الدنيا تماك بلاك يلقاولك حل ان شاء الله
بالتوفيق

[إكتفآء]

وعليكم السلام ورحمة الله وبركاته
ربي يجعلك الشفاء ان شاء الله
مع الاسف الشديد قليل وين تلقى صح طبيب يخاف ربي فيك
تروح للطبيب مثلا مختص ثمن الزيارة 2000 تبقى تستنى في دالتك ومين توصل تبقى عندو بلاك زوج دقائق دقيقة يشوفك فيها ويحكي معاك والاخرى يكتبلك فيها الوصفة
وكاين اطباء لازم تحكم موعد وقادر الموعد تاعك بلاك بعد شهرين ولا يعني بالمختصر حتى العبد بلاك يموت عاد باش تجي دالته
ربي يستر خلاص
وبالشفاء عليك واذا قادرة روح لتونس متلعبش لانو صحتك اهم من كنوز الدنيا تماك بلاك يلقاولك حل ان شاء الله
بالتوفيق
السلام عليكم
في لحظة يا تولاي قريب نفتح فارماصي من كثرة الادوية اللي عندي
صراحة كثرو الأمراض تاعي والحمد لله على فضله
سقسيني انا نقولك على الاطباء منين فتحت عينيا وانا من واحد لواحد
وكلهم مثل بعضهم الا قلة قليلة جدا
ايه كامل نصحوني بتونس
لكن اللي يغيض صح انه كل عام آلاف الناجحين بامتياز
واختاروا الطب
والطب في بلادنا باقي يتكركر !!
شكرا لك عزيزتي

[Elwawy]

من أخلاقيات المهنة أنه لا يحق لك أن "تمعر" زميلك, كان جل الأطباء لا يخضون في نقاشات مماثلة لأنهم يتناصحون و يأخذون برأي بعضهم بعض يتشاورون, و يرشدون المرضى للمتابعة عند فلان و علان.

الطبيب الأن أصبح Fashion و موضة أكثر من مهنة, أظنني أخطأت, الطبيب الأن هو الgزانة, لا أظنني أخطأت, إنتظر لحظة لأرتب الكلمات في رأسي, الطبيب الأن هو : الله لا يشوفك فيه.

إذن من ينقص من قيمة زميله لا علاقة له بالمهنة.

[مسلم لله]

انا طبيب متربص.. ونقلك بلي ان شاء الله يتبدل الامر وتتحسن بلادنا ويكون الاحترام*

[نبض قلبي]

السلام عليكم
مشكل الطب في الجزائر و العائق الاكبر هو نقص التجهيز
و هذا مايجعل المرضى يلجؤون لدول الخارج طالبين العلاج
لنأخذ العلاج الكيمياوي كمثال ، في الجزائر ، يأخذ بطريقة.غير طريقته ، لذا جل المرضى يعانون اشد المعانات ، لكثرة المرض و قلة الكمية
و لو ننظر قليلا بعد ، نجد ان مسؤولوا و لي بروفيسور الاوائل في الخارج هم من المغرب العربي خاصة الجزائر و المغرب
الله غالب ، كفاءات البلاد في انهيار يوما بعد يوم ،
نهار يتنحاو قااع يتعدل كلشي ان شاء الله

[أمل أميرة]

هدانا الله .

[toulay]

السلام عليكم
في لحظة يا تولاي قريب نفتح فارماصي من كثرة الادوية اللي عندي
صراحة كثرو الأمراض تاعي والحمد لله على فضله
سقسيني انا نقولك على الاطباء منين فتحت عينيا وانا من واحد لواحد
وكلهم مثل بعضهم الا قلة قليلة جدا
ايه كامل نصحوني بتونس
لكن اللي يغيض صح انه كل عام آلاف الناجحين بامتياز
واختاروا الطب
والطب في بلادنا باقي يتكركر !!
شكرا لك عزيزتي


وعليكم السلام ورحمة الله وبركاته
ربي يشافيك ان شاء الله وكيما يقولوا الحاجة لتجي من عند ربي مرحبا بيها ويامحلاها
الحمد الله على كل حال
مالا واش قاعدة تستنى روح لتونس متستهزاش لانو يجي نهار وتندم لانو صدقني اصعب خيانة هي خيانة الصحة والصحة اذا راحت واش يرجعها
صح الله يبارك كاين اطباء الخير والبركة بصح بلا فايدة الا قلة قليلة كيما قلتي
عفوا بلا مزية وان شاء الله ربي يخليلك صحتك امين يارب العالمين
بالتوفيق

[يوغرهن زيري]

للأسف المهم بارك الله فيك