لمن يريد الاستفسار عن المدرسة العليا للأساتذة علوم طبيعية

[نان كيومي]

:dj_17: لمن لديه سؤال عن تخصص أستاذ في العلوم الطبيعية ثانوي او متوسط يطرحه هنا :D
- هل هو تخصص يستحق الولوج فيه
- المواد التي ندرسها
- صعوبة او سهولة الدراسة
- مشكل التوضيف وهل هو مضمون
- هل التكوين جيد
أنا في الخدمة :mh31:

[رانية ة]

انا انا رجاءا احتاجها

[raouf07boy]

:dj_17: لمن لديه سؤال عن تخصص أستاذ في العلوم الطبيعية ثانوي او متوسط يطرحه هنا :d
- هل هو تخصص يستحق الولوج فيه
- المواد التي ندرسها
- صعوبة او سهولة الدراسة
- مشكل التوضيف وهل هو مضمون
- هل التكوين جيد
أنا في الخدمة :mh31:

مساء الخير ,,,,شكرا على هدا الموضوع ,,,,ممكن شرح مفصل حول السنة الثالثة ومدى صعوبتها ؟

[رانية ة]

مساء الخير ,,,,شكرا على هدا الموضوع ,,,,ممكن شرح مفصل حول السنة الثالثة ومدى صعوبتها ؟

حتى انا سمعتها

[نان كيومي]

- هل هو تخصص يستحق الولوج فيه ؟
اولا اذا قررت اختيار هذا التخصص فعليك النظر بعقلية استاذ في طور التكوين و ليس طالب فقط ...مهنة التعليم مهنة شاقة و متعبة و حتى و ان توفر العمل فاجرها المادي لا و لن يكفي حقها .... و عليك التفكير بضمير في مستقبل الاجيال القادمة و العمل بجد لايصال المعلومة اليهم ... اذا كنت مستعدة لتحمل مشقة التكوين و التعلم لمدة 4 سنوات للتدريس في المتوسط و 5 سنوات للثانوي و الخروج بشهادة ملمح استاذ معترف بها فقط بالجزائر و تحملت مخاوف عدم كفاية مناصب التشغيل في ولايتك و جهزت نفسك لتدريس قسم به اكثر من 20 طالب ...فاهلا بك هذا هو التخصص الذي تبحثين عنه p:

- المواد التي ندرسها :
اذا كان لك ميول طبيعي لمادة العلوم فالمواد التي ندرسها سوف تعجبك ....لكن عليك الحذر فاغلب من دخل للمدرسة بمعدلات تفوق 14 او 15 تتدنى علاماتهم كثيرا ...لذلك لا تستهيني ابدا و المثابرة هي المفاتح للصعود للسنة الموالية

السنة الاولى ستدرسين

البيولوجيا العامة هي عبرة عن 4 مقاييس : بيولوجيا الخلية - بيولوجيا النبات - علم الانسجة - علم الاجنة في العام كاملا 2 كل سداسي : يجب ان تاخذي معدل فوق 7.5 في البيولوجيا العامة ككل [ولي كل واحدة ] للانتقال للسنة التالية وهي مواد للفهم اساسا مع حفظ و عليك ان تكوني اجور كل واحد فيها له اعمال تطبيقية
الجيولوجيا السداسي الاول حول الارض و الكون و معلومات جيولوجية عامة و السداسي الثاني حول الصخور المعدل الاقصائي تحت 5 فيه اعمال تطبيقية
الرياضيات ندرس المنطق الرياضي و اساسيات رياضية فيه اعمال موجهة
اعلام الي مملة جدا نظري فقط حفظ .. محاضرة فقط
مدخل لعلم التربية محاضرة + اعمال موجهة فيها بحوث نقطتها الاقصائية 7.5 عليك بالحفظ و التركيز ليست بالصعبة
الكيمياء : اعمال موجهة
فيزياء : الفصل الاول ندرس الميكانيك و الفصل الثاني البيوفيزياء

السنة الثانية :
هي الاحلى و افضل سنة لانك تكونين قد الفت جو الدراسة و طريقة العمل
ندرس علم النبات التصنيفي علم الحيوان الكيمياء الحيوية علم نفس النمو علم المستحاثات الوراثة و الميكروبيولوجيا .... الاعمال التطبيقية حلوة و رائعة يوجد تشريح و القيام ببعض التجارب

لسنة الثالثة
هي الاسمط هنا يتم تقسيم التخصصات الى ثانوي او متوسط و ستفتقدين بعض صديقاتك ان كان التخصص مختلف
هذا العام يكون مملوء و المواد تتطلب الحفظ و الفهم و حل التمارين اي كل ما يمكنك تخيله باختصار وهنا قد ياتيك الشك بتغيير التخصص فالعديد من يغير من الثانوي للمتوسط و حتى للابتدائي
السنة الرابعة
ان كنت متوسط فالله يكون في العون : مذكرة التخرج + الامتحانات عادي كباقي السنوات بل و اكثر + الذهاب للتكوين
السنة الخامسة :
للثانوي : فيها وقت فراغ اكثر حيث يمكنهم التركيز اكثر على المذكرة اغلب الاساتذة يختارونهم لاعداد مذكرات التخرج لوقت الفراغ طبعا

- صعوبة او سهولة الدراسة
بالنسبة لي كان العام الاول صعبا لاني لم اكن متاقلمة مع الاول غيابي عن المحاضرات ادى الى احتياجي للدروس و عدم المراجعة في الوقت
العام الثاني تفاديت اخطائي و صححتها + المقاييس ذاك العام جيدة و تدخل الذهن مباشرة لذا كان سهلا
......
يعني لي قرا يطلع و لي مقراس ما يطلعش انصحك بحل الاختبارات السابقة للتعرف على كيفية المراجعة و العمل بروية و الدراسة باجتهاد حطي راسك في القراية برك تطلعي بمونسيون قاع XD
لكن يجب عليك معرفة :
ليس هناك راطراباج كل سداسي هناك راطراباج واحد في العام و يشمل كل العام مشي سداسي واحد فقط يعني حاولي ما تدخليهش و يكون صعيب على الاختبار العادي
في العام الاول هناك بعض المواد النقطة الاقصائية 7.5 و البعض 5 يعني تدي اقل تدخلي راطراباج مام يكون معدلك 18 باش يشجعوك ما تستهينيش باي مادة
تسمح الاعادة لعامين العام الثالث توجهين للجامعة للسنة الاولى -.- يعني تعاودي 2 خطرات تروحي جامعة اولوكان تكوني في سنتك الاخيرة
ماقلتش هاا باش الواحد يخاف بل باش نحط في الامر الواقع .... ولي ما يطلعش العام يكون يلعب عام كومبلي يعني ما تخافيش

- مشكل التوضيف وهل هو مضمون
مهما عطاو من الضمانات العمل بيد ربي مشكل التوضيف موجود في مجموعة من الولايات و ليس كلها و في بعض التخصصات . لكن حتى و ان لم تجدي منصبا في العام هاذا في اقل من 3 سنين ستوضفين على الاغلب كاقصى تقدير - احصائيا حالية الله اعلم فيما بعد
- هل التكوين جيد
راح تتكوني من كل الجهات .... حتى تولي احيانا لماذا ندرس كل هذه التخصصات التي لن ندرسها ...يعني اذا قريتي مليح راح تخرجي استاذة وعليك الكلام من كل الجهات من ناحة المداة التعليمية و حتى من ناحية طريقة التدريس لاننا نقرا علم النفس التربوي و طرق التدريس
يعني عدوك و يشهدلك خخخخخ

[رانية ة]

هههههههه والله خفت بزاااف هههه
+شحال طلعي فيها اختي واي ولاية انتي بها

[نان كيومي]

حتى انا سمعتها

السنة الثالثة ليست صعبة بل مكتضة و المقاييس فيها توسع يعني مادة وحدة تلقاي متوسعين فيها بزاف+ كل مادة عليها بحوث كل مرة و تقارير :
ندرس :
فيزيولوجيا الحيوان : عند المتوسط هو يتكون من 3 مواد مجموعة في واحدة
علم الاعصاب : الاعصاب و الدماغ و النخاع الشوكي و كيفية الاحساس و الرؤية ...
علم الغدد : كيفية عمل كل الغدد في جسم الانسان الدرقية البنكرياس .....
علم التغذية : كيفية عمل القلب - الدم - التنفس - الجهاز الهضمي - الكلية
يعين شوفو 3 مواد في مادة وعليها معامل كبير + اعمال تطبيقية
ندرسو فيزيلوجيا النبات : كيفية الانبات و الازهار و السبات و تطور النبات و كيفية التركيب الضوئي و تغذية النبات .....
الجيولوجيا : اذا متوسط تدرسي صخور و معادن و اذا ثانوي تدرسي المعادن سدسي اول بصح تتوسعي فيه و سداسي ثني صخور و تدخلو في التفاصيل اما متوسط تدرسي جيولوجيا طبقية و تشكل الصفائح ...
علم النفس التربوي : يتطلب توجدي البحث و العرض نتاعو
طفيليات : مقياس فيه بزاف التفاصيل و الاستاذ يعطي امتحانات صعبة رغم انو معامل نتاعو 1
مناعة : معامل 1 بصح متوسعين فيه بزاف وفيه التفاصيل
البعبع البيولوجيا الجزيئية : بزاف في التفاصيل و لازملك تتكوني اجور

في النهاية ماشي مستحيل طلعيها بصح لازم تكوني تعرفي كيفاش تنظمي وقتك باسكو شارجي نتاع الصح .ولازم تكوني خباشة :cool:

[نان كيومي]

حتى حاجة ما تخوف ... لازم تكوني رايحة بعقلية نقرا و الله تطلعي عادي

[نان كيومي]

هههههههه والله خفت بزاااف هههه
+شحال طلعي فيها اختي واي ولاية انتي بها

انا استاذة متوسط بالقبة
طلعت الاولى ب10و شوية p: ...بدعاوي الوالدين
طلعت السنةالثانية باكثر من 12.... يعني تعلمت من اخطائي
الثالثة راني فيها ربي يجيب الخير مزالونا الاختبارات في سبتمبر:sdf::sdf::sdf:

[رانية ة]

انا استاذة متوسط بالقبة
طلعت الاولى ب10و شوية p: ...بدعاوي الوالدين
طلعت السنةالثانية باكثر من 12.... يعني تعلمت من اخطائي
الثالثة راني فيها ربي يجيب الخير مزالونا الاختبارات في سبتمبر:sdf::sdf::sdf:


ايه ربي يوفقك ختي في ليكزاما
+ماهي الاخطاء الي وقعتي فيها
+هل تعتمد العلوم على حفظ ام الفهم

[نان كيومي]

اولا على الفهم ثانيا على الحفظ باش نفهمك : في الدرس و لا العشية كي تكوني تراجعي لازم تفهمي كلش بصح نهار الاختبارات لازم تكوني حافظة هاذوك المعلومات لي فهمتيهم مشي يسقسيك عليهم تكوني ناسية .
ثانيا ما كنتش نحل الاختبارات السابقة باسكو كل استاذ و طريقتو في الاختبارات كاين لي يديرلك QSM هنا لازم تحفظي كثر وكاين لي يدير تمارين هنا لازم تبازي على الtd
ثالثا كنت متهاونة شوية في الكتيبة كنت خطرات نحضر بصح ما نكبش و لا اصلا ما نحضرش المحاضرات نعيا كي نجي نراجع ما نلقاش بواش و لتم صعيب باش واحد يمدلك لي كور حتى نهار الاكزاما زعما اش يصدق عليك و باش تطلعي ماشي ليلة لي قبل ليكزاما . و كاين اساتذة يديرو عفايش في الكور يهدروهم ما تلقايهم في البوليكوب و لا بيدياف و يديروهوم في الاكزاما و تلقاي عليهم شحال من سؤال و تكوني قادرة تجيبيهم كي والو كو دخلتي بصح تطفر فيك +++++ الاساتذة في القبة يموتو على التفاصيل يعني المعلومة لي تقولي هذي ما تطيحش هاذيك لي تطيح


يعني في الاخير تقراي مليح تكوني ملمة وما تخليش للدقيقة الاخيرة تدي .... تتفنيني تولي في الرعب تاع الرطراباج

[*آية*]

سلام اختي
كم معدلات القبول متوسط ؟

[اثر الفراشة]

كنت راح نفتح موضوع هادا لان من مدرسة العليا في قسنطينة نفس التخصص علوم طبيعية العام القادم ان شاء الله سنة ثانية

[حفيدة دوستويفسكي]

السلام عليكم ورحمة الله*
أنا ايضا منتقلة لسنة الثالثة تخصص علوم طبيعية ثانوي
في المدرسة العليا للاساتذة .
سأحاوال انا الأخرى الإجابة عن إستفساراتكم ومساعدة صاحبة الموضوع جزاها الله كل الخير*
بالتوفيق .

[حفيدة دوستويفسكي]

سلام اختي
كم معدلات القبول متوسط ؟
العام الماضي معدل القبول 15.22 للمتوسط .

[نان كيومي]

معدلات القبول صارت عالية و ذلك بسبب الاقبال الكبيرللمدارس مع وجود مقاعد محدودة ... اذا كنت راغبة في الدخول اليها دائما في الثانوي دائما اضيفي بعدها المتوسط لزياد الفرص ....

[nadineisraa]

هل يمكن لطالبه طب سنه2 ان تتحول لمدرسه عليا اساتذه وكيف شكرا

[نان كيومي]

أظن غير ممكن لانهم يشترطون باكالوريا جديدة + سن لا يتجاوز 24 على ما اظن + قد يحالفك الحظ ان كان هناك اقبال قليل عليها هاذ السنة لكن حسب ما نرى لا اظن ذلك عليك التقرب و السؤال ... لكن كل شيئ ممكن في بلاد المعريفة