المساعد الشخصي الرقمي

مشاهدة النسخة كاملة : مســاعدة في وجه الله

اميمة 64
2019-07-22, 22:02
السلام عليكم ورحمة الله تعالى و بركاته


أولاََ: ألــــف مبروك لناجحين و حظ اوفر لراسبين

ثانيا : ارجوا من ذوي الخبرة و أهل العلم أن يرشدوني

أنا متحصلة على شهادة البكالوريا بمعدل 15,52 شعبة رياضيات

و توفر لدي في الشعب المسموحة خلال التسجيل الاولي حوالي 178 شعبة

ويلزم علي اختيار 4 خيارات

كانت اختياراتي

1: طب

2: طب اسنان

3 : صيدلة

4 : ؟

أنا جد محتارة في الاختيار 4 وقد سمعت انه كثيييير من الاحيان يأخذون الاختيار 4

و اريد تخصص جيد ومعه استطيع اعادة البكالوريا



ارجوا الاجابة فأنا في انتظاركم

ولكم الشكر الجزيل
اكرام براءة
2019-07-22, 22:39
السلام عليكم و رحمة الله

الطب و طب الأسنان مانظنش يصحولك
صيدلة ممكن ...
الاختيار الرابع يكون lmd
و ماشي في كثير من الأحيان ياخذو الرابع
و إنما كي مايصحلكش الاول و الثاني و الثالث يروحو للرابع
و كاين اللي مايصحولهمش كامل و يخرجو زيرو شوا
هذي لازم ماطيحيش فيها
الاختيار الاول طب قتلك مايصحلكش هو مع طب أسنان و الله أعلم
يعني تبقالك صيدلة و راهي في الشك تقدري تخليها هي الاختيار الاول
بعدها ديري مدارس عليا للأساتذة مليحة
و الرابع شوفي ميولك انت .. رياضيات و اعلام آلي و لا أي شيء
الصمت لغتي
2019-07-22, 22:43
أختي عندي أستاذ جاب باك ب 15 و لا 16 الله أعلم درس 5 سنين مدرسة عليا ف القبة رياضيات و إعلام آلي ضرك عندو 24 سنة برك و راه يدرس عندنا إعلام آلي ف الثانوية
كامل يقولو هذا التخصص مليح رغم صعوبتو شوي
هذا لإقتراح نتمنى تبحثي عنو أكثر ، بالتوفيق أختـــاه
Sawsen99
2019-07-22, 22:44
الطب و طب الاسنان مشكيتش يلحقوك ، اطلعي على معدلات القبول تاع لعام لي فات تفهمي و متنسايش بلي الاولوية للعلوم التجريبية و نتوما عندكم المعدلات طالعييين الوغ ابحتي و شوفي تاع لعوام لي فاتو قبل ، متحطيش كل الختيارات تتطلب معدلات اكبر من معدلك بيسك مرايجينش يقبلوهم كامل و تولي فمشكل ، أنا ننصحك تحطي مدرسة عليا ، حاجة مليحة بزااف خدمة مضمونة و ع¨اع .... و تقدري تعاودي الباك نوووورمال و في حالة مجبتيش لا قدر الله متكونيش نادمة و تكوني حاكمة قرايتك و حاجة شابة ، ديري احتمال لكلش متقوليش اني نقدر و ع¨اع بيسك مشفتيش مكتوب ربي
خممي مليح و القرار يرجع ليك بيان سووور
.... موفقة *_*
Et apris
2019-07-22, 22:55
معليش تجاوبوني انا كملت التسجيل الاولي وراني سور باللي خرجت 0 شوا مفقتش لهذيك تع معدل القبول دوك نقدر ندير اختيارات اخرى في مرحلة التاكيد ولا نوو ؟
اكرام براءة
2019-07-22, 22:57
معليش تجاوبوني انا كملت التسجيل الاولي وراني سور باللي خرجت 0 شوا مفقتش لهذيك تع معدل القبول دوك نقدر ندير اختيارات اخرى في مرحلة التاكيد ولا نوو ؟

ايه تقدري تبدلي
لهيب الحلم
2019-07-22, 23:03
شوفي اختي راكي شعبة رياضيات ما تلعبيش بالمستقبل تاعك هاك الطب يتطلب مهارة في العلوم وانتم ما قريتوش بزاف العلوم و زيد المعدلات بالنسبة لشعبتك على الاقل 16
الصيدلة سيكون انسب لك
باش ما تحصليش
و شوفي المدارس اللي عندها علاقة بالرياضيات او الفيزياء

شوفي واش عندكم اولية لشعبتك
بالتوفيق
^_^أنس^_^
2019-07-23, 09:26
القبول في الطب و طب الاسنان شبه مستبعد*تبقى الصيدلة فيها احتمال*
في مرحلة التاكيد تقدري تبدلي التخصصات الي درتيهم (اطلعي على معدلات القبول للسنة الماضية باه تعرفي واش تخيري)