تسجيل الدخول

مشاهدة النسخة كاملة : واش دبرو عليا ههه

المداينية26
2019-07-15, 14:32
سلام واش راكم لاباس؟
دبرو عليا ههههه
عندي معارف في لا كاديمي و نقدر نعرف ريزيلطا بأيام قبل ما تخرج من الموقع
لافامي غير يعيطو نشوفولك نشوفولك آية.. . بصح في نفس الوقت حابة نحس هذاك الستراس تع ندخل الموقع و نفرح مع الناس ع¨اع هههه بصح ما قدرتش نصبر و الله...
راني في حيرة
في بلاصتي واش ديرو
لهيب الحلم
2019-07-15, 14:50
في بلاصتك كنت حنستنى كيما الناس لأني انا اللي تعبت فأريد أن أرى نتائجي بنفسي و ما نحبش يشوفهم أحد قبلي
وحقا حنونة كي عندك معرفة النتائج 18 جويلية اكيد؟
I'm a girl
2019-07-15, 15:06
‘ههههه و انا منك نشووف مانصبرش وحد الستراس حاكمني ربي يجيب الخيير
بغيت نسقسيك معليش معارفك وش قالو النتائج وقتاش
رانية ة
2019-07-15, 15:14
في بلاصتك نشوف ونبدا نخطط للجاي نشوف واش يدلي لمعدل واش هو لمصير من ذك لاني شايفتها شايفتها
TakouaQueen
2019-07-15, 18:53
استني كيفك كيف الناس
اسماء عاشقة فلسطين
2019-07-15, 19:25
تساعفيني غير قارعي لنهار النتائج لاخاطرش هداك النهار حقيقة واااعر بصح حلو هههه و شوفي لتساعدك المهم تربحي ان شاء الله
Hou Da Lar
2019-07-15, 19:42
نصيييييحة خطيك
مشكلة يتكلوك
انا بالعرف شفت تاع سيزيام و بيام و طاحلي مورال باسكو كانت نتائج اقل من كنت متوقعة نهار رزيلتا لقيت نتائج حاجة وحدوخرا اكثر ملي شفتها في لاكاديمي و لباك حلفت منشوفش لا عام ليفات لا هاد عام
وحدة فاميلتي قالولها ربحتي باك في تالي لقات روحها خاسراته مالا غير خطيك و ستني 20 ان شاء الله
ايمانو الجزائرية 01
2019-07-15, 20:51
اهلااااا ايوتة !!

من رايي خليهم يشوفوا بصح ميقولولكش ليك يقولوا مثلا للوالدة ديالك منبعد هي تقرر على حسب النتيجة ان شاء الله :1:
باسكو الستراس تع النتائج واعر على حساب تجارب الاخوة الاعضاء :d
ياسين
2019-07-16, 01:08
شوفي مع الناس كل خيييير باش تجي فرحة جماعية و تبقاي تشفاي عليه هذاك اليوم وتجي تحكي عليه هنا فالمنتدى للاجيال القادمة ههه
امـــة اللـــه
2019-07-16, 15:13
وعليك السلام ورحمة الله وبركاته

لوكان أنا منّك أني قلتلهم يشوفولي معنديش القدرة أني نعيش الستراس هذيك ضعفت مستحيل نقدر نتحمل اللحظة هاذيك
وزيد ان شاء الله المعدل يفرحك تتهناي من ذرك ماتجيبيش الايام هاذو كامل فالتخمام
لهيب الحلم
2019-07-16, 15:49
تفكرت اللحظة تاع العام اللي فات غير شفت النتيجة انطلقت الزغاريد و جاو الجيران
الكل كان فرحان غير أنا هههه والحمد لله فيها خير
المهم ربي يفرحنا هذا العام آمين
المداينية26
2019-07-16, 20:36
شكرا على تفاعلكم
كنت حا نشوفها غدوة على 9...و لكن ديسيديت نخليها ليوم الخميس احسن بإذن الله
اَشْرَفْ اَنيِسْ
2019-07-16, 21:23
خليها مع الناس احسن علاش ههه
انا العام لي فات الاخ التوام تاعي عرفنا النتيجة تاعو الصباح ( مكانش فدار و ماقولنالوش شافها معانا فليل خخخ ) و انا راح الريزو ههه شفتها فليل كييفي كيف الناس و اكيد الستراس تاع السيت وحدو و عندو بنة وحدو كي تلقاي واش راكي حابة بالرغم من اننا ماتفجئناش في نتيجتو فليل ههههه