حادثة حدثت لك و تغيرت حياتك ..! ( أحكي يا مواطن )

[المهووس التقني]

السلام عليكم،
حادثة صرات لك و غيرت حياتك ، أحكي ما تخليهاش في قلبك خلي نستفيدو و نتعلمو الدرس

[nr.houda]

حقيقة صرالوا بزاااف حاجات بدلوني هذ العام .منها تعلمت منديرش ثقة في الناس
هاذ العام كان عندي باك وكنت انا وصحبتي من أول السنة نخططوا كيفاش نحفظوا وكيفاش نظموا أوقاتنا أنا تقريبا بدلتها ولات تحب تقرا و ... ، في إختبارات الفصل الاول مرضت بزااااف لدرجة محفظت والو الحمد لله كنت محضرة روحي من قبل وأنا كنت نروح معاها للدروس الخصوصية بحكم انو الأب تاعي مكانش عندو سيارة كان هذاك النهار السبت وكنت مريضة ومقلقة ممحضراش روحي مليح وكنتش منجمة حتى نوقف سقساتني أمها قاتلي واش ببك والضحكة في وجهها أنا قلت بلاك هي دايرة كيمانهاك متضلميهاش المهم روحنا للدروس الخصوصية كانت تاع العلوم ومنقرش نراطي كي وصلنا منجمتش خلاص كنت مريضة هذيك الفترة بالكلاوي الله يعافيكم المهم قاتلي صحبتي نعيط للاب تاعي يجي يديك وهو مسكين جا ووصلني لدارنا يرحم والديه .انا ررحت للسبيطار وكي رجعت لقيت صحبتي وأمها عندنا شافوني و جات صحبتي تعطيني سلسلة التمارين و الدرس اللي داروه في الدروس الخصوصية ايا امها عيطت عليها قدامنا وقاتلها منبعد منبعد يعني متعطيلهاش أنا إنصدمت منها .وقلت معليش في هاذ الدنبا واحد ميحبلك الخير والحمد لله جبت معدل مليح رغم أنو عانيت لدرجة أنو كان عندنا إمتحان نهار الأربعاء الفلسفة في العشية أنا صباح كنت في الطبيب
مرات ربي يبتلينا باش يورينا شكون يحبلك الخير وشكون لا
و فاتو الأيام لاحظت أنو صحبتي ولات متحبش تقول قدامي إذا راجعت ولا لا ولات تدير نفس تصرفاتي مع الأساتذة أنا كنت نحب مادة الرياضيات وولات حتى هي تحوس تدي فيها مليح مع أنو كانت تكرها هاذ الشيء والله ما أثر فيا كنت ديما نساعدها واحد الصباح كان عندنا فرض مادة الرياضيات وكنت مراجعة مليح بقات تسقتسيني وأنا نجاوبها من قلبي ونفهمها و مين درنا الفرض أنا غلطت وبقيت نبكي مقاتليش حتى واش بيك ؟؟ أنا غلطت معاها مرة عيطت عليها وقتلها اسمحيلي وانا دايرتك كيما اختي المهم فاتو الايام راحت قعدت مع وحدة صحبتها أنا قعدت وحدي يعني كانننوا أصعب أيام حياتي كنت نقعد وحدي ونقول علاش ميحبونيش وميقعدوش معايا ومرااات يروحو ويخليونب وحدي صحاباتي
المهم تعلمت أن إرضاء الناس غاية لاتدرك و تعلمت ثاني منوضعش الثقة في أي واحد
تعلمت من

[omomar12]

ربنا يعافينا ويعافيكم ويعافي جميع المسلمين يارب العالمين