كرانطيطة

[الصمت لغتي]

سلام عليييييييييكم ، شكون نلقى عندها وصفة معتمدة للكرانطيطا ؟؟؟

[الأستاذ حمزة دراجي]

باقي الأعضاء

[ريتال2]

سلام اية

انا ندير تع ام وليد تخرجلي شابة جربيها وربي معاك بالتوفيق

[تاج الوقار16]

كاين ان ام وليد وكاين وحدة اخرى علمتهالي وحدة سعيدية وكنت مديرها لسنوات
كيلة حمص مطحون
ثلاث كيلات ماء تخلطيهم مع قرصة ملح اما تميكسي اما تصفي الخليط في الكسكاس باش تتفتت الكتل
بعد ذلك تزيدي كأس صغير زيت والبيض كلما كثرت تكون احسن
تخلطي مليح وتطيبيها

[هذا انا]

انا نعتمد هاذي الوصفة و تجيني هائلة
زوج كيسان حمص و شوية فلفل اكحل و كمون اخضر و ملح و نخلطهم على الناشف و نزيد زوج كيسان تاي زيت و 5 كيسان (نفس الكاس اللي كيلت بيه الحمص) ماء و نخلط مليح و نزيد زوج بيض و نزيد نفتت حبات فرماج فيها و نفرغها في بلاطو مدهون بالزبدة و نديرها في كوشة تكون مسخنة من قبل و لازم تطيب من تحت و تتحمر من فوق .
ملاحظة : راح تحسي انو الخليط غير ما و زغاريت هههه بصح عادي
و للامانة الوصفة هزيتها من اليوتوب... مطبخ ماما زهور

[nostalgia]

وصفة فاطمة كويزين راااائعة

ابحثي عليها ف اليوتيوب

[أم البتول 26]

البارح درتها العشا جات بنييييييييييينة :).. انا معتمدة وصفة أم وليد لكن الوصفة الثانية لانو عندها زوج وصفات: كيلة حمص+ 3كيلات ماء مع كمية من الملح والكمون تحطيهم فوق النار وتقعدي تحركي حتى يعقد الخليط بعدها تنحيه من فوق النار وتضيفيلو نص كاس حليب وتخلطي مليح وزيذي نص كاس زيت وخلطي وبعدها ضيفي زوج بيضات وخلطيهم تاني مليح فرغي الخليط في بلاطو او مول ودخليه للفرن لي تكوني سخنتيه مسبقا وبس كي تحمار من تحت شعليلها من فوق... وصحنتيييييين