تعالو نناقش بعض الأنمي 😁

[الإسكندر الأكبر]

مرحبا ، مرحبا اريغاتوكوسايمديس :1:

اعضاء_سان ،. جاتني فكرة ، قلت. ممكن اغلبكم راه يتفرج انمي الآن ، من باب تغيير الجو هيا نمدو انتقادات و ووجهات نظر حول بعض الانميات كتغيير للروتين :1: شخصيات و تحليلات ، .... :1:


مذكرة الموت ، هجوم العمالقة ، كونان ، القناص ، بانش مان ،. ون بيس ،.


هيا ابدعوا :34:

[〆 بٰٰاولو 乄]

بالنسبة ليا متفرجت حتى واحد فيهم
راني غير مع الخدمة 😂

[Souadbouzidi]

هجوم العمالقة هههه نشعونا بالجزء الرابع
من 2014 و انا نتبع فيه حرام عليهم ههههه على كل حال يبقى انمي في القمة
هاذو الايامات راني نشوف في انمي مغامرات جوجو
شديتو من الجزء الاول و راني طالعة صراحة انمي وااااااو فيه كل شي دراما ضحك اكشن
ننصحكم تشوفوه :1::1::1:

[rowaida18]

بالنسبة ليا متفرجت حتى واحد فيهم
راني غير مع الخدمة 😂

مسكين من العذاب للعذاب
من الجبيد تاع 9 شهر للخدما فالسخاخين
ربي يكون معاك
:19:

[meroem]

مذكرة الموت ، هجوم العمالقة ، ، القناص ، الخطايا السبع المميتة , black clover . danmachi . noragami. tokyo goul
….. تفرجت 100000 انمي حتى نسيت أسمائهم

[rowaida18]

انا كونان تفرجتو بزااااااااااااااااااااااااااااااااااااااااااااااف وعجبتني حكايتو بصح مرات مانفهمش الاحداث يتداخلو بزاف
+ الحلقة الاخيرة لي ستنيناها عمرها ما لحقت
ون بيس نموووووووووووووووووووووووووووووووووت عليه نحكاية هايلة و يضحك
القناص جاني شاعت فيه غير القتيلات هاكذيك و كملتو لاخر حلقة ههههههههه
و الباقي منعرفهومش

[Soo Cat]

طرح جميل
بالنسبة لي تفرجت بزاف بزاف انميات باسكو نقدر نكمل انمي فيه 13 حلقة في 4 سوايع على الاكثر (نتفرج بسرعة *2 نحسهم يطولوا بزاف وهوما يهدرو بالجابونية مي حتى كي نزرب نقدر نقرا كل الكلمات "انا حقا اوتاكو") المهم سما السنا مع الباك درت رايي في الانمي كل سمانة نتفرج محسبتهمش ومش حافظة اساميهم مي المهم تأثرت بيهم بزااف والقصص تاعهم عجبوني هذا بلا ما نحسب الفيلمات تاع الانمي ثاني (ههههه اوتاكو هبل )
مشكلتي انا لي جامي فلستني حاجة فلسني غير الانمي بسبة تع هذي العفسة ههههه عادلي ادمان خاصة سنة كنت كل يوم نروح مسابوطيا نحل واحد نبدا ب3 حلقات الاولين ونقول بزايد غدوة نشالله لباقي بعدها نزيد نلقى روحي في الحلقة 9 نكمل حتى 12 ولا13 اذا كاين اما الفلسة تع الصح هيا بالثلاث لعشية كيما نتفرج واحد فيه 25 حلقة كامل ههههههه مي كان ينحي عليا بزاف ضغط وكان فيه بزاف الفلسفة 444
اكثر حاجة سماطة و الوحيدة في الانمي هيا اني نتبع انمي جديد ومليح لانو نبقى كل سمانة نستنى في الحلقة تهبط و...و نتفرج حلقة وحدة (بصص صح هههه) متكفيش
---مذكرة الموت ، هجوم العمالقة ، كونان ، القناص ، بانش مان ،. ون بيس ،. --- ديث نوت تفرجت صيف السنة الاولى مي مكملتوش حسيت بالملل في الحلقات الاخيرة مكملتشهم
اتاك اون تايتن هذاك تفرجت 2 اجزاء اللولين مبعد عادت صحبتي تحرق عليا فيه ماعادش عندي حاجة فيه ديجا عدت نحسهم يطوطو فيه ويخرطو بزااف وسماطة وخلاص (الاوتاكو الجدد مع احتراماتي)
كونان جامي تعبت روحي وتفرجت حلقة منو في حياتي في الانترنت هههه والله زيد الحلقة الاخيرة لا يبدو انها ستغزيستي هههه (ممل)
هانتر هذاك نفس الشي هو ون بيس....حلقاتهم بزاف قادرة نتفرج بزاف منهم ونكملهم في سمانة مي كقصة معنديش حاجة فيها
بانش مان هذاك مزال مجربتوش مي كنت نخمم فيه هذي السمانة
طوكيو غول تفرجتو
المهم ليس فيما تفرجته بل فيما ستتفرجه ....هههه هذه قاعدتي في الانمي
هذا الشي مهدرناش على المانغا
المهم ربي يوفقك ويحفظك و اريغاتو
ganbatte (زعما عام البريميار هبطت كتاب genki فور يعلمك جد الجابونية صح ودرت بيه شوي مي حروفهم لازمك تطبق وتخلط باه تحفظهم تخربيش بزاف وكاين قواعد تع اللغة تاعهم كي شت الحروف درت تع هيراغانا برك باسك الانواع الاخرى هوما ويقراو حتان 4 متوسط وهوما يتعلمو فيهم )

[Hou Da Lar]

معنديش فكرة على انمي لي راهم يلعبو درك
راني نشوف غير كونان لي لدرك مزال ملحقتش لحلقة الاخيرة
و راني نكمل في الحلقات لي بقاولي من عام ليفات :D :D تاع les enquetes de kindaichi - ranma

[اشعة الشمس]

حاليا رجعت لكونان وتفرجت the promised neverland وراني نقرا في المانجا تاعو

[Dhiaeddine Ben]

السلام....
الانميات *-* موضوعي المفضل
اناابضا كنت اختصر الوقت واشاهد بسرعة *2
صراحة منذ بداية شبه عطلتنا لم اشاهد العديد من الانميات فقط شاهدت the promised neverland وراني نقرا فالمانغا وdr ston راهو اسبوعي سما رحت للمانغا كذلك وبعض الانميات الاسبوعية الاخرى
بالنسبة للانميات التي ذكرتها شاهدت اغلبها
ديث نوت
اسطورة الانمي حتى لي مشي اوتاكو شايفو....لي قلقني كي دارت نتفلكس فيلم عليه كان فاشل بمعنى الكلمة
هجوم العمالقة
برفكت....القصة فووروتخليك تحوس تعرف اسرار العمالقة......النصف الثاني من الجزء الثالث هو الافضل بالنسبة لي خاطرش تم كشف اغلب الاسرار ....والنهاية خيالية (بدون حرق ههه)....في انتظار الجزء الرابع والاخير .....راني متحمس للنهاية
كونان
ذكريات الطفولة ...بالنسبة لي يفكرني بأيام سبيستون -الزمن الجميل- ...ربما سأكمله لاحقا
القناص
رائع منو يفكرك بالماضي وزيد قصة رائع .... نسخة 2011 كانت افضل.....تبا للمانغاكا الفنيان خخخ
ون باش مان [/COLORE]
لم اشاهده
[COLOR="RoyalBlue"]ون بيس
توقفت في الصيف الماضي في ارك دريسروزا ( الجلقة 600 وطلع) الان راني ناسي واش مالحلقة حبست وحتى احداث الارك.......دخل الانيم في ارك وانوا راهم يقولوفيه احداث شابة....

لأنني قاطعت الانمي طوال عام الباك مازلت موالفتش نتفرج بزاف..

[kimjia]

في الحقيقة ما تفرجتش وان بيس
بصح كونان تفرجتلو مترجم مهيش الدبلجة مركز الزهرة وعرض قناة سبايستون تلقاو فيه اختلاف 100 0 ملي شفناه في سبايستون وحذفين بزاف حوايج كالمعتقدات البوذية والسحر لهذا وليت نعاود نتفرج الانمي لي تفرجتهم من صغري مترجمين باه نعرف موضوعم الحقيقي
كيما انمي انا واختي خرج مهوش هكذاك كامل وطلع اسمو ماما في الصف الرابع يليق نرفعو دعوة قضائية ضد مركز الزهرة بتهمت تحريف الانمي

[TakouaQueen]

أنا حاليا راني نتفرج في مسلسل إنمي Spécial a، جد رائع فيه الكوميديا كذلك، تدور أحداثه حول المنافسة بين تاكيشيما و إيكاري من يصل المركز الأول في الدراسة.


شكون شافو ؟

كونان، والقناص و وان بيس تفرجتهم غير في سبيستون، وراني حابة نعاود ناروتو لأنو لقيت بلي حذفو منو حوايج بزاف.

[الإسكندر الأكبر]

يااااه عجبني لحال :1: انا الآن اني نتفرج في ديث نوت بصح سماطلي بزااف معا بداية لحلقات من 17 و طلع كيما تمسحت ذاكرت لات ياغامي من المذكرة و راح ريوك الراااائع :1: عييت نكملوا .. ،.

بصراحة عمري مقريت المانغا. ،. اعتقد ان مشاهدة الانمي تكون اكثر تشويثا و حماسا ،. نعم ضياء ،. كان فلم نتفلكس تخريبا و فاااشلا جدا ،. للانمي الاسطورة ديث نوت ،. بفففف. ،

عجبتني تاع شبه عطلة :1::1:

[*آمنة*]

احسن انمي هجوم العمالقة
بدون منازع
++!!

هيا انضموا للمجوعة عشاق الانمي
يا الاوطاكوات