ضاع املي ......

[meroem]

اعلم انو الهدرة هاذي مهيش رايحة تفيدكم ...و لكن للأسف امتلئ قلبي .....انا ظك معلاباليش اسكو رايحة نجيب الباك و لا نن بصريح العبارة...يفولون دعوة 40 عريب مستجابة لم لا تجربون لفتاة ضاعت امالها
كنت دائما احلم ان اصبح طبيبة كان حلم والدتي ابضا ...و لكن ظك منعرف نجيب 10 .... لقد فقدت الامل صراااحة ....

[اخلاق راقية]

اعلم انو الهدرة هاذي مهيش رايحة تفيدكم ...و لكن للأسف امتلئ قلبي .....انا ظك معلاباليش اسكو رايحة نجيب الباك و لا نن بصريح العبارة...يفولون دعوة 40 عريب مستجابة لم لا تجربون لفتاة ضاعت امالها
كنت دائما احلم ان اصبح طبيبة كان حلم والدتي ابضا ...و لكن ظك منعرف نجيب 10 .... لقد فقدت الامل صراااحة ....

سلام
شوفي اختي علابالي واش تحسي انا تاني صرالي كيفك وسيرتو كي شفت تصحيح تع لمات رك لي كنت تاكلةة نخدم فييها مليح تحطمت وبكيت تمنيت نجيب غير لمعدل فالمات بيسك صح عطيتها اهتمام من اول العام وفي التالي درت اخطاء تافهةة بزاااف وضيعت بزاف صوالح
بصح قرررت منزيدش نشوف التصحيح قاع خليها على ربي ودرك لي جات مرحبا بيها صح علاالي تغيض لكن مزال كاين امل وربي عمرو ما يضيع عبد توكل عليه ودار ثقتو فيه لازم تبقاي متفائلة حتى اخر لحظة لانو الندم دركا ميديرلنا والوو
لي نقدرو نديروها نصبرو ونتوكلو عليه سبحانو وخلي ثقتك بيه كبيرة وقلعي التشاؤم من بالك
ربي يوفقك ختي وان شاء الله تغرحي ونفرحووو قاع معا بعض :):)

[فتاة مغامرة]

الله يفرحك ختي رانا كامل هك حتى انا فقدت الامل لكن ربي كبير

[Mmesbahi]

لا تقولي ان شاء الله أنتقل الى المستوى الأعلى وتحصري نفسك في زاوية ضيقة ولكن قولي ان شاء الله تنجحي في حياتك كلها سواء في دراستك أو في مهنة المستقبل وما هو مشكلة هذا العام الانتقال او العام الجاي ولكن تصبحي أكثر خبرة وكفائة بالمقارنة من ذي قبل وفرص النجاح تكون أكثر وتصبحي طبيبة على طبق من ذهب والتاج فوق رأسك.

[raouf07boy]

لا تفقدو الامل وادعو الله دوما في صلاتكم ولا تفقدو الامل لانه كل شيء ممكن ,,,,, ممكن رايح يكون التنقيط في صالحكم والاساتدة يعاونوكم ,,,وبزاف تلاميد كانو مثلكم فاقدين الامل وفي الاخير طلعت نتيجتهوم مليحة

[ياسين]

اعلم انو الهدرة هاذي مهيش رايحة تفيدكم ...و لكن للأسف امتلئ قلبي .....انا ظك معلاباليش اسكو رايحة نجيب الباك و لا نن بصريح العبارة...يفولون دعوة 40 عريب مستجابة لم لا تجربون لفتاة ضاعت امالها
كنت دائما احلم ان اصبح طبيبة كان حلم والدتي ابضا ...و لكن ظك منعرف نجيب 10 .... لقد فقدت الامل صراااحة ....

السلام عليكم
بالنسبة للدعوة رايحين ندعيولكم و المنتدى كامل او يدعي ديجا لجميع المترشحين راكم ناجحين بإذن الله (ربي يوفقكم وينجحكم بالمعدل لي حابينوا )
بالنسبة للهدرة تاعك ضاع الحلم و فقدت الامل و منعرف نجيب 10 و لا لا
يا اختي شوفي علاه تقلقي روحك درك نتي تستناي في النتائج و النتائج مزالوا باش يخرجوا تمتعي بالعطلة تاعك الايام هذي و كي يخرجوا النتائج يديرلها ربي حل (من الاخير اقلقي بعد صدور النتائج )
درك نفرضوا خرجوا النتائج و يجبتي المعدل الي حابتو صافي تولي قلقتي في الباطل
الاحتمال الثاني لا قدر الله جبتي بالباك لكن المعدل مايسمحلكش باش ديري طب سجلي في الجامعة و سجلي في الباك حرة و افراي باش تحفي الحلم تاعك
درك اكي عرفتي الاخطاء تاعك و عرفتي كفاش الباك و راح تداركيهم

المختصر المفيد
ماتخميش على الماضي لانه فات وانتهي
و ماتخميش على المستقبل لانه ماعلابالناش واش راه يستنا فينا لي كاتبو ربي مرحبا بيه
خمي على الحاضر ليقدامنا و رانا عايشينوا

هذي الهدرة قريتها قبل و بقيت ماشي بيها و حسيت براحة كبيرة مع مرور الوقت و درك كتبتهالك بطريقتي هههههههه
خلي ايمانك بربي قوي
المهم اسف ان اخطأت في شيء ولا طولت عليك
بالتوفيـــــــــــــــــــــــــــــــــــــــــــ ـــــــق

[ايمانو الجزائرية 01]

يا اختي استعيني بربي صلي ادعي اصبري

اشغلي روحك بكاش حاجة بعيد على لقراية مثلا اتعلمي طيبي حاجة جديدة ولا تخيطي ولا حتى ترتبي الغرفة ديالك كاشما ديريلها ولا اهتمي بنفسك اي حاجة توسعلك على بالك
و بما انك تعبتي اكييييييييييد ربي سبحانو مراحش يضيعلك تعبك و اتفكري داااااايما انو سبحانه و تعالى مستحيل يدبر حاجة ماشي مليحة لعباده
ااذا غلقلك باب اكيد راهو فاتحلك الف باب لوكان نعرفوا المفاجاة اللي راهو مخبيهالنا نبكو م الفرحة و نعرفوا شحال كنا اغبياء كي بكينا على الحتجة اللي كنا متمنيينها

كيما قال علي بن ابي طالب كرم الله وجهه في مجرى حديثة انو اذا سال الله شيئا و اعطاه اياه شكره و اذا لم يعطه شكره الف مرة لان الله لديه حسن التدبير
و متعرفي ممكن تحسبلك راكي هاردتها مي نهار النتيجة ان شاء الله تلقاي روحك ناجحة امتياز
ربي يوفقك

[TakouaQueen]

خليها على ربي، وكيما جِتْ خَلي تْجِي ، نشالله ننجحوا كامل