من فضلكم ...؟ لي يعرف يجاوب

[Noor Mi]

السلام عليكم كيف الحال ؟ ان شاء الله تمام
المهم لي عندو خبرة و لا يعرف يجاوبني من فضلكم
1)مثلا نقولو واحد دا الباك و سجل بيه تخصص فالجامعة مبعد مبغاش يروح للجامعة يبلوكي العام و يعاود الباك حر و مبعد يدي الباك بمعدل معجبوش اسكو يقدر يكمل تخصص لي بلوكاه من قبل ؟
2)مثلا واجد دا الباك و مسجلش فالجامعة اصلا و عاود حر و دا الباك بمعدل اصل من الثاني اسكو يقدر يقرا بالمعدل الاول ؟؟
و ثاني كما تعرفو واحد ولا وحدة حرة العام لي فات دات 17 او اكثر ؟
ربي يوفقنا ❤

[jë suîs comçà]

السلام عليكم كيف الحال ؟ الحمد لله تمام رانا مع الماتش :1::1::1:ان شاء الله تمام
المهم لي عندو خبرة و لا يعرف يجاوبني من فضلكم
1)مثلا نقولو واحد دا الباك و سجل بيه تخصص فالجامعة مبعد مبغاش يروح للجامعة يبلوكي العام و يعاود الباك حر و مبعد يدي الباك بمعدل معجبوش اسكو يقدر يكمل تخصص لي بلوكاه من قبل ؟ وي تفدري تقراي بالتخصص الاول
2)مثلا واجد دا الباك و مسجلش فالجامعة اصلا و عاود حر و دا الباك بمعدل اصل من الثاني اسكو يقدر يقرا بالمعدل الاول ؟؟وي تفدري نورمال
و ثاني كما تعرفو واحد ولا وحدة حرة العام لي فات دات 17 او اكثر ؟ ويي كاينين
ربي يوفقنا ❤
مووووووووووووووووووووووفقة

[Noor Mi]

مووووووووووووووووووووووفقة

1_0 😂 رانا رابحين ان شاء الله ❤
شكرا اختي و الله فرحتيني بزااف موفقة ❤

[رانية ة]

ثاني كما تعرفو واحد ولا وحدة حرة العام لي فات دات 17 او اكثر ؟

اعرف زهرة الجوري عضوة هنا تحصلت على 17.17

[لهيب الحلم]

1)مثلا نقولو واحد دا الباك و سجل بيه تخصص فالجامعة مبعد مبغاش يروح للجامعة يبلوكي العام و يعاود الباك حر و مبعد يدي الباك بمعدل معجبوش اسكو يقدر يكمل تخصص لي بلوكاه من قبل ؟
نعم ممكن

موفقة

[Hou Da Lar]

واه تنجمي تسجلي بلباك القديم
بصح متكونش عندك نفس الفرص باسكو معدلات القبول تتبدل و الاولوية لباك جديد يعني يخيرو باك جديد حتا لبقالهم عاد يدو باك قديم
تسما احسن حاجة تسجلي بلباك تاعك لول و تقري عادي نصيحة من عندي
انا اكبر غلطة درتها في حياتي كي بلوكيت عام تاع جامعة مننصح بيها حتا واحد ابدااا

[Noor Mi]

واه تنجمي تسجلي بلباك القديم
بصح متكونش عندك نفس الفرص باسكو معدلات القبول تتبدل و الاولوية لباك جديد يعني يخيرو باك جديد حتا لبقالهم عاد يدو باك قديم
تسما احسن حاجة تسجلي بلباك تاعك لول و تقري عادي نصيحة من عندي
انا اكبر غلطة درتها في حياتي كي بلوكيت عام تاع جامعة مننصح بيها حتا واحد ابدااا
لكن في نفس الوقت باغية نعاود للباك و باغية نتفرغلو يعني منحبش نبقى فالجامعة و في نفس الزقت نقرا للباك نتشوش هيك
علاه اختي ندمتي ؟ و اعطيني الاسباب لي خلاتك تندمي و اعذري تطفلي ☺

[Noor Mi]

اعرف زهرة الجوري عضوة هنا تحصلت على 17.17

يعني ان قصة ظلموا الاحرار العام لي فات مكانش منها ؟

[TakouaQueen]

يعني ان قصة ظلموا الاحرار العام لي فات مكانش منها ؟



لا، الأحرار العام اللي فات ظلموهم، اللي خدم واللي ماخدمش، من بينهم أنا

[زهرة جوري]

السلام عليكم كيف الحال ؟ ان شاء الله تمام
المهم لي عندو خبرة و لا يعرف يجاوبني من فضلكم
1)مثلا نقولو واحد دا الباك و سجل بيه تخصص فالجامعة مبعد مبغاش يروح للجامعة يبلوكي العام و يعاود الباك حر و مبعد يدي الباك بمعدل معجبوش اسكو يقدر يكمل تخصص لي بلوكاه من قبل ؟
2)مثلا واجد دا الباك و مسجلش فالجامعة اصلا و عاود حر و دا الباك بمعدل اصل من الثاني اسكو يقدر يقرا بالمعدل الاول ؟؟
و ثاني كما تعرفو واحد ولا وحدة حرة العام لي فات دات 17 او اكثر ؟
ربي يوفقنا ❤

سلام اختي الكريمة ان شاء الله تكوني خدمتي شوي في الباك؟؟؟
1)-نعم تقدري تبلوكي العام تديري عطلة أكاديمية و مباعد اذا حبيتي ترجعي يخليوك من حقك
2)-نعم يقدر يقرى بالمعدل الاول لكن تنقص الفرصة و الاولوية لانها تكون لاصحاب الباك تاع هذاك العام
انا العام اللي فات ديت17.17
موفقة😊😊😊

[Souadbouzidi]

سلام اختي الكريمة ان شاء الله تكوني خدمتي شوي في الباك؟؟؟
1)-نعم تقدري تبلوكي العام تديري عطلة أكاديمية و مباعد اذا حبيتي ترجعي يخليوك من حقك
2)-نعم يقدر يقرى بالمعدل الاول لكن تنقص الفرصة و الاولوية لانها تكون لاصحاب الباك تاع هذاك العام
انا العام اللي فات ديت17.17
موفقة😊😊😊
Heey !! may i know , how much you got , in your first BAC ?

[زهرة جوري]

heey !! May i know , how much you got , in your first bac ?

هااااااااااااي
15.2😄😄😄😄😄

[Noor Mi]

سلام اختي الكريمة ان شاء الله تكوني خدمتي شوي في الباك؟؟؟
1)-نعم تقدري تبلوكي العام تديري عطلة أكاديمية و مباعد اذا حبيتي ترجعي يخليوك من حقك
2)-نعم يقدر يقرى بالمعدل الاول لكن تنقص الفرصة و الاولوية لانها تكون لاصحاب الباك تاع هذاك العام
انا العام اللي فات ديت17.17
موفقة😊😊😊
طلعتيلي المورال اختي ❤ و الله فالباك تقدري تقولي نخدمتش خلاص 😪 للاسف
اختي منوفضلك نقدر نلقاك بعد نتائج الباك عندي بعض الاسئلة و موفقة في حياتك 💙

[Hou Da Lar]

لكن في نفس الوقت باغية نعاود للباك و باغية نتفرغلو يعني منحبش نبقى فالجامعة و في نفس الزقت نقرا للباك نتشوش هيك
علاه اختي ندمتي ؟ و اعطيني الاسباب لي خلاتك تندمي و اعذري تطفلي âک؛

نفس الهدرة قلتها و درك تمنيت كو مبلوكيتش
الاسباب
اول حاجة انا عامي لول خدمت و النقاط لي كانو في الكشف مشي قااع تاوعي و انا مسؤولة على هدرتي دي بلوكيت عام و عاودته قادر هاد العام يزيدو يديرولي كيما عام ليفات و ربي ميكتبليش نديه درك نلقا روحي خاسرة عام من حياتي و فوقها ضيعت عام تاع لافاك و زيد باك تاعي غادي نسجل بيه هاد العام مغاديش يمدولي نفس الاختيارات تاع عام ليفات اكيد تكون ناقصة و بزااف عكس عام ليفات مدولي تخصصات مليحة بزااااف خطرش ديت علامة كاملة في التخصص تاعي و للاسف ضيعت الفرصة و اكيد هاد العام مغاديش يمدولي نفس الاختيارات
ثاني حاجة كي تبلوكي تقعدي غير في دار و حتا ادا خرجتي تحسي بتانيب بلي راكي مقصرة و ديري في راسك بلي خصك تبلعي على روحك وووو غادي تلقي روحك شهر شهرين ماكسيموم 3 كارهة القراية و فوقها كارهة حياتك سيرتو لا كنتي من نوع لي يخرج بزاف عكس كي تكوني في لافاك غادي تشوفي ناس جدد تقري قراية وحدوخرا يعني يكون كاين تجديد في حياتك حتا لو بلعتي على روحك في الدار مغاديش تلقي صعوبة
يولي عندك يوم كامل خاوي هاكا تتلهي بزاف و تولي تاجلي في القراية تقولي مزال الحال خلي سيمانة جاية عاد نبدا ووو يلحق عليك جوان و نتي مدرتي وااالو دك تقوليلي نضبط روحي و نولي نقرا و منتلهاش ووو نقولك مستحيييل تضبطي روحك
و اهم حاجة غادي كي متديش غايا باك تاعك لول يغيضك الحال بزااف انا عن نفسي لحد الان مزالتلي الصدمة :1: :1: كرهت قرايا بزاااف سيرتو كي لقيت روحي نقرا في صوالح قريتهم عام ليفات يعني مكانش عندي لونفي نزيد نقراهم و كنت نظل ناجل حتا للايام الاخيرة و وحد الوقت جاتني في بالي قاع منروحش نفوت عكس كو قريت في لافاك كنت قاع و عندي صدمة من عام ليفات و قعدت ناجل بصح نكمل قرايتي في لافاك و نربح عام
و بزاااااف اسباب كو ننقولهملك قاع من لغدوا و منكملش
صدقيييني اغبى قرار اتخدته في حياتي و كانت اول مرة صح منعرفش صلاحي هي كي بلوكيت العام تاع لافاك
الحاجة الوحيدة لي مصبرتني هي انو التخصص لي خيرته مشي مليح و مكنتش قادرة نكمل نقراه فقط
نصييييحة قري في جامعة و كي تولي لدار ريفيزي لباك ديها من عندي مغادي لا تتخلطي ما والو و ادا على الوقت و الله غير يكفيك و يبقالك نظميه فقط

[Hou Da Lar]

و مدام مزال ما خرجتش النتيجة متخميش هاك تفائلي بالخير و ان شاء الله تديه بموسيون و ديري شاراكي باغية
اما الهدرة تاع مخدمتش و مغاديش نديه ووو هادي هي لي تخليك صح متديهش مالا حسني الظن و ان شاء الله تديه

[لهيب الحلم]

بالنسبة لي عملت امرين الباك و الجامعة و كان هذا اكبر تحدي جنوني في حياتي
و ندمت قليلا اني لم اجمد العام
على كل عندما تظهر النتائج ساعرف هل خياري صائب او لا

[زهرة جوري]

طلعتيلي المورال اختي ❤ و الله فالباك تقدري تقولي نخدمتش خلاص 😪 للاسف
اختي منوفضلك نقدر نلقاك بعد نتائج الباك عندي بعض الاسئلة و موفقة في حياتك 💙

كيد انا هنا في خدمة الجميع اي سؤال انا في الخدمة اصلا بعدما ما تظهر النتائج نديرلكم موضوع حول الفروع و التخصصات

[〆 بٰٰاولو 乄]

علابالك بالي اذا بلوكيتي العام وومبعد رجعتي تقرايه العام الجاي ومديتيهش رايحين يقصووككك

[Noor Mi]

نفس الهدرة قلتها و درك تمنيت كو مبلوكيتش
الاسباب
اول حاجة انا عامي لول خدمت و النقاط لي كانو في الكشف مشي قااع تاوعي و انا مسؤولة على هدرتي دي بلوكيت عام و عاودته قادر هاد العام يزيدو يديرولي كيما عام ليفات و ربي ميكتبليش نديه درك نلقا روحي خاسرة عام من حياتي و فوقها ضيعت عام تاع لافاك و زيد باك تاعي غادي نسجل بيه هاد العام مغاديش يمدولي نفس الاختيارات تاع عام ليفات اكيد تكون ناقصة و بزااف عكس عام ليفات مدولي تخصصات مليحة بزااااف خطرش ديت علامة كاملة في التخصص تاعي و للاسف ضيعت الفرصة و اكيد هاد العام مغاديش يمدولي نفس الاختيارات
ثاني حاجة كي تبلوكي تقعدي غير في دار و حتا ادا خرجتي تحسي بتانيب بلي راكي مقصرة و ديري في راسك بلي خصك تبلعي على روحك وووو غادي تلقي روحك شهر شهرين ماكسيموم 3 كارهة القراية و فوقها كارهة حياتك سيرتو لا كنتي من نوع لي يخرج بزاف عكس كي تكوني في لافاك غادي تشوفي ناس جدد تقري قراية وحدوخرا يعني يكون كاين تجديد في حياتك حتا لو بلعتي على روحك في الدار مغاديش تلقي صعوبة
يولي عندك يوم كامل خاوي هاكا تتلهي بزاف و تولي تاجلي في القراية تقولي مزال الحال خلي سيمانة جاية عاد نبدا ووو يلحق عليك جوان و نتي مدرتي وااالو دك تقوليلي نضبط روحي و نولي نقرا و منتلهاش ووو نقولك مستحيييل تضبطي روحك
و اهم حاجة غادي كي متديش غايا باك تاعك لول يغيضك الحال بزااف انا عن نفسي لحد الان مزالتلي الصدمة :1: :1: كرهت قرايا بزاااف سيرتو كي لقيت روحي نقرا في صوالح قريتهم عام ليفات يعني مكانش عندي لونفي نزيد نقراهم و كنت نظل ناجل حتا للايام الاخيرة و وحد الوقت جاتني في بالي قاع منروحش نفوت عكس كو قريت في لافاك كنت قاع و عندي صدمة من عام ليفات و قعدت ناجل بصح نكمل قرايتي في لافاك و نربح عام
و بزاااااف اسباب كو ننقولهملك قاع من لغدوا و منكملش
صدقيييني اغبى قرار اتخدته في حياتي و كانت اول مرة صح منعرفش صلاحي هي كي بلوكيت العام تاع لافاك
الحاجة الوحيدة لي مصبرتني هي انو التخصص لي خيرته مشي مليح و مكنتش قادرة نكمل نقراه فقط
نصييييحة قري في جامعة و كي تولي لدار ريفيزي لباك ديها من عندي مغادي لا تتخلطي ما والو و ادا على الوقت و الله غير يكفيك و يبقالك نظميه فقط
شكرا ليك اختي ربي يوفقك و ينجحك ❤

[Noor Mi]

علابالك بالي اذا بلوكيتي العام وومبعد رجعتي تقرايه العام الجاي ومديتيهش رايحين يقصووككك

كيفاه يعني يقصيوك ؟ يعني متقدرش تزيد تقرا فهذوك التخصص هيك ؟

[〆 بٰٰاولو 乄]

كيفاه يعني يقصيوك ؟ يعني متقدرش تزيد تقرا فهذوك التخصص هيك ؟
واااه متقدريش ... ^^