رايكم في الليكور ارجوكم جاوبو

[nicesafa]

سلام كما هو واضح في العنوان
صحاب باك 2019
استفدو من ليكور و لالا كل قاعدين يسجلو لازمني نقرر
نقدر نقرا وحدي ولا لازم الليكور
قولولي و شكرراا
و ربي ينجحكم كلل بالمعدل لي حابيين

[nr.houda]

سأعود لأجيبك بعد قليل

[nr.houda]

السلام... المهم لي كور ملاح وماشي ملاح باسكو يضيعو الوقت فوق ما تتصوري انا كنت ندير في الرياضيات والفيزياء والعلوم، باسكو كان عندنا أستاذة عيانين بزااااااف، اذا راكي تقراي في ثانوية نيمو طايح ننصحك في سبيل الله غير بدلي الثانوية باسكو غادي تنغبني*
المهم لي كور ديريهم في المادة اللي تلاقي فيها روحك ضعيفة ولا متفهميش مع أستاذك والمواد الاخريين راه كاين مراجع وقنوات خير مليكور والله،وثاني اذا درتي لي كور ووليتي للدار ومعودتيلهمش في نفس النهار دراهمك مسرحيه باطل*
انا هنا اذا عندك استفسار آخر

[rycerz]

ليكور فيهم لومبيونس و قدرة على التركيز و الإستفادة أكثر (هذا هو الواقع) .. و كيما قاتلك الأخت ديري ليكور في المواد لي شايفة أنو يلزملك دعم فيها و في الغالب هي الرياضيات و الفيزياء .. لأنو في ليور رايح يعملو أكثر على حل التمارين و الأمثلة

بالتوفيق إن شاء الله

[رانية ة]

كما قالو ليكور قد يفيد ولكن قد يضييع الوقت ويهدر المال لذا اختارييه بعناية

[☜ ندى ☆]

صراحة أنا لا أنصح بالدروس الخصوصية إلا في ظروف قاهرة جدا كيما أنا في الأخير درت في اللغة العربية مراجعة نهائية لأني ماكنتش علابالي واش يهدرو فيها خلاص مش دروس القواعد أو البلاغة وإنما فيما يخص أسئلة البناء الفكري والبعض من أسئلة البناء اللغوي قد تستغربين لكن كي تدخلي تقراي تفهمي قصدي
و درت كذلك في الفيزياء إلا أنو ماكنتش محتاجة جدا لأنو أستاذتي كانت رائعة بأتم معنى الكلمة والشيء لي كانت تديرهولنا يعاودهملنا الأستاذ في ليكور درت لأنو أختي كانت عند أستاذة ماتفهمش عندها مليح و هنا عندي ملاحظة إذا كان أستاذ الدروس الخصوصية رح يفهمك في الدرس و يتطرقلك لتفاصيلو كيما في القسم ديري إذا كان غير يحل التمارين ماديريش أشري كتاب في بلاصتو وعندك أستاذك في القسم أي حاجة مافهمتيش كيفاش حلوها إسأليه
أما باقي المواد مادرتش مثلا العلوم عندي والدي في المنزل يقريني أحيانا ( أستاذ متقاعد )
أما الرياضيات مادرتش لأنو كنت نفهم عند أستاذتي في القسم ونحل التمارين في المنزل فقط
هذه تجربتي باختصار

[لهيب الحلم]

بالنسبة لي في باك 2018 درت ليكور ولكن ندمت لأنهم ضيعوا وقتي وتعبوني في باطل
اما باك 2019 فقريت كلش وحدي و من اليوتيوب
لذا نظن أستاذتك في القسم و اليوتيوب سيفون بالغرض

[☜ ندى ☆]

عندي سؤال
هل درتي من قبل ليكور يعني في البيام أو بعدها في السنة الأولى .. ؟

[^_^أنس^_^]

انا هذا اول عام ندير ليكور*
درت في العلوم شهر و لا شهرين و حبست لاني اخذت ما احتاجه وهي منهجية الاجابة فقط*
درت ليكور في الفيزياء طوال العام (لم ارد الدخول في البداية* لاني لا اوجه مشاكل فيها) لكن بسبب ان الاستاذ جيد ويعطي افكار جميلة اكملت*
ما حدث* اني استغنيت عن الدراسة في المنزل والتزمت فقط بليكور الفيزياء* - ربما يعتبر هذا من مساوئ الدروس الخصوصية انك ما تهتمش بهذيك المادة وتعتمد على الليكور* تقريبا 90% -

تجربتي مع الدروس الخصوصية كانت في هاتين المادتين هذا العام فقط يعني معنديش تجربة كبيرة تخليني نهدر عنهم* شوفي انتي واش يساعدك*

[اسماء عاشقة فلسطين]

شوفي انا في قاااع العوام لي قريت فيهم جامي درت ليكوغ هدا عامي اللول ودرت غير فالمات مع انو كان عدنا استاد مليح بصح كان لازم علي نزيد ندعم روحي واصلا لانو كنت نقرا ليكوغ غير حدا دارنا يعني مكنتش نبعد لانو فيه تضياع الوقت واستفدت الحمد لله والفيزيك الله غالب كان لازم علي ندير لانو الاستادة تاعنا كاااارثة بصح العلوم الحمد لله مدرتش فيها لانو استادتنا ماشاء الله عليها وزيد مع اليوتيوب برك فالشهر التالي دخلت درت مراجعة نهائية وكيما قالو الاعضاء ديري برك فالمواد لي تحسي روحك فيهم ناقصة بشرط متتكليش غير على ليكوغ يعني زيدي حلي تمارين وحدك فالدار المهم شوفي نتي والحاجة لي تناسبك وربي يوفقك المهم بالنسبة ليا انا استفدت من ليكووغ :19::19::19::19::19: ايييه وحاجة وحاجة اخرى انا مكنتش نروح دايمن يعني الا كان غادي يدير حاجة نعرفها منروحش نقعد فالدار نقرا حاجة نكون ناقصة فيهااا :):):):):)

[minani123]

نصيحة لوجه الله اقراي ليكور في اوت و ديري غير مات وفيزيك وكي تراجعي في دار راجعي غير ساعة ولا نص ساعة انا كنت نراجع غير ربع ساعة و كي دخلت في اول يوم لقيت لاباس وكلش فاهماتو

[ايمانو الجزائرية 01]

اختي ليكور تع اوت دارولكم مراجعة للثانية ولا ديراكت دروس الثالثة ؟؟

[مِـشْاٌغَبّـ ^-^]

درتو ندمت ضيعت وقتي فيه برك

[Dhiaeddine Ben]

الاعضاء قالولك كلش حاب نزيد حاجة برك...كي تروحي ديري ليكوغ شوفي واش يناسبك يعني ماشي لازم استاذ الناس تشكر فيه نتي يخرج عليك انا درت فيزياء عند استاذ مشهور بصح الله غالب مخرجش عليا حتى ولينا فالكهرباء باش بدلت وفعلا الاستاذ الاخر خرج عليا
حاب نوصل انو صح سقسي على الاساتذة لكن القرار الاخير يرجع ليك ماشي لانو صحاباتك يديرو عندو لازم نتي فان ديري عندو وكنصيحة اخيرة نقلك جربي كل الاساتذة وخيري لي يناسبك باش متندميش في نهاية العام وتقولي يا ليت درت عند هذا او هذا

[☜ ندى ☆]

أستاذتي تاع الرياضيات كانت هي نفسها تدير ليكور كانت دوما ما تسألني راكي ديري نقوللها لالا ماصدقتنيش حتى في أيام قبل البكالوريا حكات مع أمي أكدتلها أني مانديرش قاتلها غلطت كي ما دارتش و تحتاج تدير كاين أفكار نمدوهم في الدروس الخصوصية إلا أنني ما ندمتش خلاص أني مادرتش الحمدلله كلش تلقايه في التمارين وركزي على الكتاب المدرسي راهو رااااائع فيه أفكار رائعة منها تجي البكالوريات كان يقرى معايا واحد يدير ليكور في المواد الأساسية عند 3 أساتذة كل مادة ب3 أساتذة كان فعلا الأول طول مسيرتو الدراسية إلا أنني فتو في الثلاثي الثاني والحمدلله ونتائجنا كانت دوما متقاربة العبرة مش بالدروس الخصوصية العبرة في أنك تقراي وحدك

[رانية ة]

حتى انا ليكور في الرياضيات لم اعتمد عليه ولم اندم كما قالت ندى
+بااختصار المتابعة الجيدة والسؤال المستمر والتركيز وكثرة الحل يغنوا عن الدروس

ولكن امر يعود لكي طبعا وعلى نتائجك

[Hou Da Lar]

لي كور ملاااح بزاف سيرتو لدرتي عند اساتذة ملاح
و ادا كنتي من النوع لي ميراجعوش في الدار غادي يفيدوك بزاف
بصح خصك تنظمي وقتك و تقري عند اساتذة تفهمي عندهم
نصيحة هادي الاستفسارات خليها كي يقرب موعد الدخول المدرسي هاك راكي تقلقي روحك
بالتوفييق

[〆 بٰٰاولو 乄]

مجرد تضييع وقت

[ايمانو الجزائرية 01]

اختي رانية من فضلك ممكن نسقسيك علاماتك فالرياضيات شحال كانوا ؟؟
حنا مؤسستنا م السنة الاولى يديرو مواضيع واعرين م المريخ لمخير يدي 10 و فالتارمينال هههههه يعصرونا ملييييييييييح يجيبوهم مكاش مجرة وخدوخرة بعيدة بالاك ناسا مازال ما اكتيفتها :1:

[فاعلة خير 2000]

اختي رانية من فضلك ممكن نسقسيك علاماتك فالرياضيات شحال كانوا ؟؟
حنا مؤسستنا م السنة الاولى يديرو مواضيع واعرين م المريخ لمخير يدي 10 و فالتارمينال هههههه يعصرونا ملييييييييييح يجيبوهم مكاش مجرة وخدوخرة بعيدة بالاك ناسا مازال ما اكتيفتها :1:

اسمحيلي اختي على المقاطعة ممعليش ؟
بالنسبة لمواضيع الفصول الثلاثة راهم كااامل يديرو نفس العفسة في كل الثانويات
يقولولك نوعرو المواضيع باش الباك يجيكم ساهل
الحل هو انك تحلي البكالوريات السابقة في كل المواد و بالاخص الرياضيات

[Histidine~]

راه كاين اليوتيوب حاليا لذلك لا داعي خاصة في بعض الولايات دفع الكثير من المال ...الخ و ملخر يحقروك فالباك

الرياضيات الأستاذ مصطفى أضرضور هايل
الفيزيك انصحك بالاستاذ شريفي يوتيوب فالشباب يفهمك من أ إلى ي رائع
العلوم الطبيعية لازم ليكور بسك المنهجية لازم تدريب واستاذ متمكن واقف عليك و يحرسك كل مرة حتى تتحسني

[fr 33 dz]

شوفي شوفي
ليكور يعاونوك من ناحية يعني و الله يديروا اشياء متندارش في الثانوية اذا عندك اليسر المادي تقدري تخلصي اذا متقدريش مديريش ليس عيب و متقوليش مننجحش
هذا العام اصدقائي دارو لي كور في العلوم الطيعية جاتهم نفس تاع تمرين سم العقرب يعني 8 نقاط او 7 كنت نقدر نجيبها لكن مكتوب
+ يعني يمكن عدم القيامم بها لكن عليك باليوتوب و هذا امر متعب خاصة لزم حاسوب و تلقاي لي تستفسريه
خاصة الفيزياء احذري يعني اقريها من عند شريفي احس تلقاي يوتوب و صفحة تاعو جروب فايسبوك يعني خلاص الدروس حطهم و كلش يعني ابداي كيما بدا الثانوية
العلوم الفهم الفهم و المنهجية كنت احصل على 5 اعلى نقطة 5 المنهجية لازم تبديها منذ الاول
+ اذا درتي دروس خصوصية في كلش كي تقراي في الثانوية اقراي بسير انو اغلب الاوقات في نهاية الاسبوع يعني متهلكيش روحك منذ البداية
+ الخلاصة دروس خصوية تسهل و لا تنجح

[fr 33 dz]

راه كاين اليوتيوب حاليا لذلك لا داعي خاصة في بعض الولايات دفع الكثير من المال ...الخ و ملخر يحقروك فالباك

الرياضيات الأستاذ مصطفى أضرضور هايل
الفيزيك انصحك بالاستاذ شريفي يوتيوب فالشباب يفهمك من أ إلى ي رائع
العلوم الطبيعية لازم ليكور بسك المنهجية لازم تدريب واستاذ متمكن واقف عليك و يحرسك كل مرة حتى تتحسني

الفيزياء معك
لكن العلوم استاذ يكون معك ؟؟
لا اظن قسمو فيه 60 50 لا اظن يتابع كل فرد مشكيتش لالا

[اسماء تيارت]

العلوم في 2 ثانوي كنت نتبع أستاذ مسعود قاسم وكان ثانيا يحط لل 3 ثانوي. . إستفدت منه لأنو اساتذتنا خرجت عطلة نظن راح يعاونا هاد العام