فرض الراي

[مشكلتي]

انايا طفلة زايدة في عايلة ملي كنت صغيرة نشوف في بابا يفرض في رايو على يما عايش بعقلية تاع بكري تاع الراجل هو لي يحكم ميخليهاش تخرج غاع من الدار مايخليهاش تروح عند جداتي مالغري كبيرة و عجوزة و فيها الامراض تاع الدنيا غاع هو لي يديسيدي واش نطيبو و شكون ندخلو للدار و كيفاه نلبسو و وقتاش المودام تاع الانترنت يشعل و وقتاه يطفا و شكون يفليكسي فالدار شكون ميسحقش كريدي

قرايتي سوفريت باش لحقت للجاميعة بالتحلال و تدخلات عمامي و خوالي باش خلاني قالك الدنيا واعرة و الطفلة بلاصتها في دارها بصح انا شفت يما كيفاه حالتها مع راجل واعر و زيد امية متعرفش تقرا دونك ديسيديت غير قرايتي و خدمتي لي تنفع مع اللخر
دوكا بابا كبر و عيا و الحمد لله رخف علينا التزيار شوية لحقت نجيب لاليسونس تاعي و بديت نقرا للماستار مالغري التمرميد و كنت نقرا فالدوش و نقرا ف الكوزينة باش غير مايشوفنيش و يبدا يعيط و يهدر كيفاه ربي ابتلاه ببنات تاع الشوارع مالغري ربي شاهد عليا من الدار للجامعة و من الجامعة للدار
و دركا كي حسبت بلي خلاص مكاش فوق هكا جاوه حواله و راو يقلي تحبسي بسيف باش تتزوجي بوليد صاحبو قالك دين و اخلاق بصح حابني نريح فالدار
و انا مانيش حابة
كلش كلش ماشي مور التمرميد تاع 16 سنة قراية يجي واحد يحبسني كيما يما
واش ندير دوكا ؟ تعيشو شكون جازت بها هادي ؟ كيفاه نفهمو انا دركا و راني متاكدة بلي ميفهمش حتى يما مسكينة تموت منو كلمة لا لا متعرفش تنطقها راني حاسة روحي وحدي و راني خايفة نزيد نطلب من عمامي يدخلو نوضها بيناتهم في الدار

[زبدة ذايبة]

وعلاش ماتقبليش بهذا الشخص؟؟؟

خليه يجي للخطبة وبعدها اتفقي معه على مشاريعك المستقبلية.


تدخلي في صراع مع والدك ماتوصليش لبعيد.

[المانجيكيو]

.
.

من حقك رفض الزواج من أي شخص لست راضية عنه ..
لابد لوالدك أن يفهم هذا [ الحق المشروع ] بأي طريقة ممكنة ..

لكنني أتفهم سبب معارضته لدراستك في الجامعة ..
هو محق نوعا ما [ لأن إسم الجامعة تلطخ نوعا ما ] ..
و قد اصبح ينظر للجامعة على أنها وكر للفساد اكثر من كونها مؤسسة تعليمية ..

لذلك اختي الكريمة / كان من المفروض ان تحرصي بنفسك على سمعتك / و ابوك ليس مخطئا في منعك ..
تخيلي أو افترضي أن هناك من يقول من وراء ظهرك [ فلانة جامعية ] ..
بعض العقول متخلفة للاسف / حتى لو كنت بريئة و متمسكة بنفسك
سيفترضون أنك فعلت / و السبب ؟ / كونك جامعية فقط.

لكن ..
ان كنت تحبين العلم و تريدين وظيفة نسائية محترمة / هذا ايضا من حقك ..
لكن ليس من خلال [ الجامعات ] التي لا تنجب سوى البطالين حاملي شهادات ..
ينبغي التوجه :
للمعهد شبه الطبي / او اختيار الطب و الصيدلة ..
او مثلا تكوين الاساتذة بالمدارس العليا ..

على الاقل يكون لك وظيفة مضمونة بعد تخرجك / ..
و سيزول كلام المتكلمين بعد ذلك / لانهم يقدرون الناجح الواقف على قدميه ..

اما الزواج فهو ضرورة و نصف دين / و ليس ذنبا ..
و ان وجدت صاحب دين و اخلاق يستحق / فاعتقد الزواج اولى من كل شيء ..

و يبقى الاهم هو : الرضى بين الطرفين / ..

و في الاخير / ارجو كل التوفيق و السعادة لك اختي الكريمة.

.
.

[امال 2005]

ربي يهنيك ويفرحك ننصحك صلي صلاة الاستخارة وتوكلي على ربي

[ع.عيسى]

صدقيني ....يروح باباكم ...تعرفوا النعمة لي كنتو عايشين فيها ...رغم البساطة تربيتو على النيف والخلق الكريم ...ام انك كنت حابة يعود باباك ديوث .ما جايب خبر على لي طابت وعلى لي حرقت ....لو كان فقط نصف الرجال بعقلية باباك ..لصلخ حال المجتمع ولما كنا نرى الموبقات في الشوراع ،..عقلية بكري ولا انحلال الحاضر ....مزلت صغيرة ..ويجي وقت وتفوقي وتعرفي الدنيا وين صادة ..ويعشي باباك المثل تضربي بيه لاولادك ...

[mohamed741]

خذي براي باباك وتزوجي الله يهديك.
ولات عندكم العقلية نتاع الاوربيات.

[صمت النّبض]

ما ديريش براي لقالولك اتزوجي كاين بزااف تزوجو وندمو مع الاخييروقتنا استغفر الله ماشي نتاع الزواج نصف الديين لازم علييك تخدمي ميمتك هي لي ادي عليها الاجر الراجل ما عندو ما يديرلك يا اختي باباك كي يغدرو بيك اهل زوجك ولا زوجك زعما واش رايح يدير ؟؟
قد يخونك حبيبك، زوجك .. قد يغدر بك أقرب الناس لك ..
لكن شهادتك ومهنتك لن تتخلى عنك أبدا فهي سلاحك .. ادرسي .. ثم ادرسي .. ثم ادرسي

[زايدي أمحمد]

الله يكتب لك لي فيها الخير

[Dhiaeddine Ben]

صحيح انني عديم الخبرة ولازلت اتعلم في مدرسة الحياة ...... لا اهاجم احدا لكن ازعجني كثيرا نظرة المجتمع الى الجامعة نعم لا انكر انها تحوي السلبيات ولكن لماذا التعميم؟ هل من اجل مجموعة من البنات ال...... تحرم الاخريات العفيفات من الدراسة ثم عندها الحق قرات 16 سنة باش تريح فالدار .... صح كاين لي قراو ثم تزوجو وريحو فالدار كبقية النساء لكن على الاقل لم يحرموا من العمل يعني لازالت تتمتع بذلك الحق ولم تشعر بان تعبها ضاع سدى تحت شعار "بلاصتك فالدار"
انت ضد عمل المرأة اتفهم ذلك لكن ان تفرض رأيك على الاخريات الامر غير مقبول يمكنك فرض رأيك على شريكة حياتك .اختك.
ابنتك.......لكن بنات الناس خاطيك (لا اقصد شخص معين انما كل من حاول او سيحاول ردعها عن العمل تحت مسمى "نصيحة" ثم رسالتي الى كل مشرف يفكر في حذف الرد....تقبل اراء الاخرين ارجوك )

[* قمر*]

واش نقولك يا ختي الزواج مليح و قرايتك احسن منو اذا كنتي طبيبة صيدلانية استاذة معلمة يعني مهمنة مضبوطة حاولي تتفاهمي مع الخطيب على هذا الامر ام اذا كنت تدرسي فقط بدون مستقبل مضمون وجا من ترضين دينه و خلقه الزواج احسن و عليك بصلاة الاستخارة

[محمد جديدي التبسي]

تحية لهذا الرجل الشهم وربي يكثر من أمثاله
ربما هو بالغ فالمرأة تستشار في أمور ولها رأي محترم لكن ان أردنا الاختيار بين تطرفين فتطرف والدك أفضل من التطرف في الجانب الآخر وهو الانحلال وعدم تحمل مسؤولية الأسرة والأبناء
لا ترفضي الزواج مباشرة بل استقبلوا الرجل وشوفي واستحي ي والله الموفق

[أبوإبراهيــم]

يا ريث يعود كل الرجال مثل والدك ، ومادمت ترين إكمال الدراسة أفضل من الزواج فلا أملك لك شيئا لأقوله لك*
إن هذه العقلية الغريبة كانت مدمرة لمجتمعنا ، وإني لأعجب عندما أسمع من يقول لن ينفعك زوجك بل تنفعك شهادتك !! سبحان الله**

[اخضر اخضر]

شوفي اختي اناسجلت هنا خصوصي باش نرجع لك
ديري في بالك بلي قريت غاع الردود هنا و جميع من رد بالخضوع و التذلل لراي والدك المتعصب هم رجال و حسب
مع احتراماتي لارائهم جميعهم لكنهم منصاعون لرغبة القيادة و يتحججون باعذار واهية ككون الجامعة جحر للرذيلة في حين اننا كلنا جامعيات محترمات نقدر العلم و نعشق الاستيقاظ صباحا لتعلم المزيد
16 سنة دراسة في الحمام ليست لعبة
الفتاة جادة تماما في دراستها و اولوياتها و علاقتها الزوجية ابدا لن تنجح بهذه الطريقة التي تجبرها غصبا لتدمير احلامها و التخلي عن سنوات من الجهود التي اقدر من الموضوع انها عشرات اضعاف المجهود الذي بذله اي معلق هنا
نحب نقلك صلي استخارة و روحي اقصدي عمامك
تتخلط و لا متتخلطش فالدار طلب النصيحة من المحارم ماشي عيب
و هذا حقك و هاذي حياتك ماشي حيات باباك
ربي يهنيك ختي

[بـــيِسَة]

سآم
قبل التفكير فيما سوف أرد
قرأت جميع الردود دون استثنآء
على كل حال مع احتراماتي لاصحاب الردود
و تحيتي بوالدك الذي يخاف على ابنته يغار على كرامتهآ
مكيش تقر اي كبيبة و لا استاذة ولا و ولا برك جامعة عادية
يآك قريتي بيسك كنتي متخوفة من أنك تكوني مثل الام الكريمة أمية
لا عليك قريتي و صايي الحمد لله .

و الان بقرار الزواج ربي يجيب الخير

[Fatima bou]

والله اختي انتي قلتي باباك مريض متزيديش تمرضيه اقبلي مبدئيا بالشخص وحولي انك تهدري معاه يمكن شاب متفهم ويفهمك وان شاء ربي يوفقك

[نُـون]

سلام ورحمة
أردت أن أنجرف بالرد مع ما كتبت!
ووضعت ردا لكني عدلت عنه
فلا أجد أنه يمكن لأب أن يعاير بناته اللواتي رباهن بأنهن بنات شوارع!!
ولطالما كان الأب يخاف على عائلته
ومما لا شك فيه أن المرأة من حقها القبول أو الرفض.
وفقك الله لما فيه خير لك

[ninaminate]

ارضاء الوالدين خير لك من الدنيا و ما فيها*
استقبلي الناس فلا ربما لا تتوافقي معه ولا ربما يكون فيه كل الخير
يسر الله عليك احوالك*
اسال الله عز وجل أن يفرج كربتك

[إكتفآء]

السلام عليكم

استخيري الله يا اختي الكريمة ثم توكلي على الله
ابوك الواضح انه بعد ان بلغ من الكبر عتيا صار همه ان يرتاح باله عليكم
وعقليته تاع بكري ترى مستقبل البنت في بيتها وزوجها وأولادها
هكذاك يموت وهو متهني عليكم
خاصة انك قلتي والدتك كبيرة ف السن
الرجل اي الخاطب ذو دين وخلق اذا ثبت الامر تكلمي معاه وقولي له حابة نكمل قرايتي ونخدم ممكن يقبل لك ع الاقل تكملي قرايتك
وهاذ الرجل فرصة قد لاتتكرر لك بعد انهاء دراستك
صدقيني خدمة دارك واولادك وتشوفي ضحكتهم وتسمعي كلمة ماما
خير من الف دراهم تجيبيهم كي تخدمي
والراي الاخير ليك وزيدي خممي

[تاج الوقار16]

اختي الصغرى
احس بك كثيرا
فكم كنت متعلقة بدراستي
واتذكر لو حرمت منها لمت قبل الأوان هههه
الفرق بين أبي وابيك
لم تكن لنا جامعة وكان سيمنع اختي
من الذهاب لولاية أخرى للدراسة
وكتب له ربي الحج
فعندما رأى هنا اكتشف ان المرأة يجب
أن تحمل شهادة وتتعلم لهذا الزمن وان عهد زوجته وأمه قد فات
تركني ادرس بعيدة عنه 420 كلم لا يراني إلا في العطل
رغم انه لا يقبل الخروج من البيت حتى لزيارة صديقة
ولكنه ضحى من أجل العلم
وكأنه بتضحيته كان يهديني حياتا قادمة
تصوري كتب لي الله زواجا لا أرى اهلي
إلا مرة في السنة ولم يدخل ابي وامي بيتي لكبر سنهما
تكوني خارج الوطن
واعمل واكافح وأكثر من هذا
ان اصبر على ما لقيت من معاملات سيئة بعد زواجي حينها أتذكر ان ما عانيته من مخالطات في الحي أثناء الجامعة
أعطاني المناعة التامة كي اصبر على تحديات ما بعد الزواج
المهم حبيبتي
لا نتعصب
ربما في هذا الزوج سعادتك
استخيري وناقشيه واشترط عليه الرغبة في العمل
ربما يكون فيه سعادتك
وتولي تقولي الله يعطي لابي الجنة على هاذ الراجل
بالتوفيق عزيزتي