باك 2019 أزمة ....

[~عيون القلب~]

ودااااااعاااا
راني نشوف راكم تقولو الباك جاكم في المستوى وساااهل الله يبارك واش من عقول عندكم
معلييش اذن مكاني ليس بينكم للأسف انا كلش حطمني مع الاسف

وانا الخص باك 2019 في صعب لا خدمة معاه لا تحقيق للحلم معناه يا معاناة عام آخر (اذا كانت فينا الرغبة نعاودوه ) يا متحققش حلمي وبالتالي ضيااع للمستقبل للأسف متوقعتش الباك يحطمني هكذا انا لي سهرت وتعبت تخيلو اني من المتوسط يعني صغيييرة ياااسر كنت منديش واش حابة معدلات نقول الصح في الباك و ربي يعوضني في الباك خييير
مع الاخييير الباكالوريا تحطمني وانا لي كنت حابة نحطمها
لا ادري ما السبب قلت راهم صعبوه بزااف جيت لقيتكم كامل تقولو مليح وزين وحلو وعجبكم غير انا لي لقيت روحي جاني صعييب وهردتو اذن لصقت الذنب عليا وعلى روحي مع اني الحمد لله اتخذت بالاسباب و مبعد ملقيتش واش كنت حابة
أسفة على كثرة الكلام والله الباك حتى من بعد كملتو دارلي التأزم , راني فضفضت يااسر اقبلو فضفضتي وتخلبيط كلامي منيش مليحة

[* قمر*]

و انا ايضا المشكل جاني ساهل خلطتها علوم و اليوم كملتها فيزيك النواس ماشي قارياتوا ممكن في الشك عام اخر
ربي يجيب الخير
نصيحتي ليك سهر و لا معلاباليش اخبطيها بالنوم و الافلام وو

[رانية ة]

لالالالالالالالالالالالالالالالا

والله متقولي هاك

هههههههههههه انا التمرين الزاوج في الرياضيات راح وزيدي الاخير في الدالةة

والحمد لله تاكلين على رحمة ربي

متخافيش حنونتي وفرحينا بالمعدل

[ندوشةة]

لاه طيحي فالموراال ل رووحك
استناي كي يحطوا التصحيحات من الوزارة قادر يعاونونا فالتصحيح و يرخفولنا
تفاءلي خيرا عزيزتي ^^

[ايمانو الجزائرية 01]

يا حبيبتي وشنو هذا ارحمي نفسك و نفسيتك يا ختي
م تقوليش هكا مادامك تعبتي و سهرتي و نويتي و كلش اكيد ربي سبحانز ان شاء الله م راحش يخيبك و انتظري منو فرحة العمر ان شاء الله

م تخافي م تياسي يا ختي الا ماشي علاجالك ع الاقل على جال اهلك اكيد راهم يتحطموا مساكن كي يشوفوك هكا

[fr 33 dz]

رانا كيف كيف

[لهيب الحلم]

وانا مثلك ولكن حالتي اسوء لانني حرة و رلما اضيغ الباك و السنة الجامعية التي امتحاناتها بعد يومين و ليس محضرة

[~عيون القلب~]

شكرا لردودكم المفرحة , أدعولي فأنا بحاجة لدعائكم
وان شاء الله نحقق جميعا احلامنا

[اسراء المعراج]

علابالك والله نتي الوحيدة اللي تبرديلي قلبي في ااهدرة باسكو تاع الصح تقلقت انا تعبت وقتلت روحي ملخر يديرونا اسئلة هكدا وسكت بدلو الطريقة ومعليش مي ديرونا حوايج ماشي في لبروغرام وبزيادة دخلوهانا في زوج مواضيع هنا نوووو تسمى باينة بلعاني

ديجا نقلك كانت باينة هما من لول قالوا نتوقعوا نتائج حابطة هاد العام قبل حتى الباك والناس جايبينها ساهل ساهل وش مت ساهل تعيشوا يحرق


ويجيو يقولولي ما تتقلقيش نتقلق ذراع عليا تعبت انا والله علاش يديروا هكدا

[meroem]

انا ثاني تحطمت بزاااااااااااف مي مزال عندي امل في النجاح انشاء الله

[اخلاق راقية]

مثلك مخدمتش مليح
لي فيها لخير ربي يجيبها

[jigi]

لم تكن بكالوريا هذا العام متوقعة المنهجية تغيرت وللاسف كنتم فئران تجارب مالم يخطر على البال وقع نسأل الله التوفيق
كوني اجتزت عدة بكالوريات كانت هذه الاصعب لانه وبالرغم من التحضير ومعرفة الاجابة لكن يصعب وضعها لان تمارين كانت مختلطة ومواضيع متشابكة لا تعرف أي موضوع تختار والوقت يمضي بسرعة كانت أسوء تجربة لي هذا العام لكن الحمد لله لم نغش كالبعض الذي منذ بداية الشهادة ملؤو طاولاتهم بالقوانين والاجابات لذلك لست نادمة فحتى ان لم انجح ربي سيعوضني خيرا

[bouss2013]

السلام عليكم

الى الاخوة والاخوات

ابشروا و تفاءلوا خيرا تجدوه

احسنوا الظن بالله وتوكلوا عليه وفوضوا امركم له سبحانه وتعالى

عليكم الايمان بالقضاء والقدر فالبكالوريا قسمة ونصيب وكما قلتها مرارا وتكرارا هذا ما هو الا امتحان دنيوي لا تنتهي الدنيا بانتهاءه فلا يجوز اعطاء البكالوريا اهمية اكبر من حجمها

لقد ابليتم حسنا طوال السنة وقمتم بواجبكم على اكمل وجه وما بقي الان الا التوكل على الله والانابة اليه و الالحاح في الدعاء

ابتعدوا عن كل مايسبب لكم القلق والاضطراب واكثروا من الاستغفار والاستعاذة بالله من الشيطان الرجيم

وفقكم الله واعانكم وشرح صدركم ويسر امركم وشد ازركم ورزقكم الطمانينة والسكينة وحقق امالكم وطموحاتكم اللهم امين يارب العالمين

[☜ ندى ☆]

ماكيش وحدك عزيزتي ماتوقعتش يكون هكا خلاص مافهمتش البكالوريات السابقة كلها سهلة تلقاي صح سؤال 2 للمتميز كيما يقولوها ولا مادة صعبوها ومادة سهلوها اما العام هذا لا مطلقا ماكنتش سهلة خلاص خاصة خاصة المواد الاساسية

[اَشْرَفْ اَنيِسْ]

كلش مكتوب عند ربي لا تقلقي
و ليست نهاية العالم حتا انا هبطلي المورال مثلا الفرنسية قلت هردتها و مافهمتش النص جيدا
الاسلامية الجزء الثاني اذكر المعاملات كاملة اخطأت فيها ( الصحيحة درتها خاطئة و نبرر فيها خخخخ حتى شفت التصحيح )
الرياضيات نفس الشيء التكامل بالتجزئة ماقريتو مادرتو صحيح ههههه
الفيزيا الحصيلة الطاقوية لم ادرسها جيدا و غلطت فيها
و الحمد لله ديري الثقة في ربي و كثري الدعاء فقط
كيما قالولك ارقدي مليح و شوفي كاش سلسلة تع افلام

[~ قدس ~]

لالا صعيبة شووية حتى تسير واقتصااد وجاتهم صعيبة فما بالك حناا الامر المفرح في الامر معدلاات القبوول السنة رااح تهببط يعني يزيها طاايرة بطيورها كمثال الطب التقني 17 والعلمين 16 ..

[~عيون القلب~]

علابالك والله نتي الوحيدة اللي تبرديلي قلبي في ااهدرة باسكو تاع الصح تقلقت انا تعبت وقتلت روحي ملخر يديرونا اسئلة هكدا وسكت بدلو الطريقة ومعليش مي ديرونا حوايج ماشي في لبروغرام وبزيادة دخلوهانا في زوج مواضيع هنا نوووو تسمى باينة بلعاني

ديجا نقلك كانت باينة هما من لول قالوا نتوقعوا نتائج حابطة هاد العام قبل حتى الباك والناس جايبينها ساهل ساهل وش مت ساهل تعيشوا يحرق


ويجيو يقولولي ما تتقلقيش نتقلق ذراع عليا تعبت انا والله علاش يديروا هكدا
راكي تشوفي حبيبيتي دايرينا فأران تجارب
و زيد لو كان غير جاو يساعدو التلاميذ في التصحيح لا لا يحرقوهم
الشيء لي زايد مقلقني هو انو حنا ديجا يبعتو اوراقنا تصحح في ولاية من الاحسن منذكرش اسمها يحبو يحرقونا لاخاطر كاين وحد الفئة في ولايتنا ميبغوها و زيد يحبو يزيرونا هاكاك برك بدون سبب و الواحد يضل يندب مع القراية يجو هما من التالي يحرقونا

انا ثاني تحطمت بزاااااااااااف مي مزال عندي امل في النجاح انشاء الله

مثلك مخدمتش مليح
لي فيها لخير ربي يجيبها
الله غالب , ربي يجيب الخير
لم تكن بكالوريا هذا العام متوقعة المنهجية تغيرت وللاسف كنتم فئران تجارب مالم يخطر على البال وقع نسأل الله التوفيق
كوني اجتزت عدة بكالوريات كانت هذه الاصعب لانه وبالرغم من التحضير ومعرفة الاجابة لكن يصعب وضعها لان تمارين كانت مختلطة ومواضيع متشابكة لا تعرف أي موضوع تختار والوقت يمضي بسرعة كانت أسوء تجربة لي هذا العام لكن الحمد لله لم نغش كالبعض الذي منذ بداية الشهادة ملؤو طاولاتهم بالقوانين والاجابات لذلك لست نادمة فحتى ان لم انجح ربي سيعوضني خيرا

اييه مام انا راني نشوف فيها اصعب ن 2018 ياسر
لقطو عليها ساهل ساهل هاو جا كي الرهج حاشاك
مام المنهجية تبدلت انا سقليت بيها خاصة في الفيزياء اييه و الوقت انا تاني منفيقلوش كامل نلقى هديك نص ساعة تفوت كي البرق خاصة في الفيزيك حرت واش نخير مع الاخير هربت من النووي والمتابعة ز , للكهرباء والاحماض والاسس مع الاخير ظهر اسمط موضوع جيت نبكي للدار
معليش ربي يقدرلنا الخير وننجحو

[~عيون القلب~]

السلام عليكم

الى الاخوة والاخوات

ابشروا و تفاءلوا خيرا تجدوه

احسنوا الظن بالله وتوكلوا عليه وفوضوا امركم له سبحانه وتعالى

عليكم الايمان بالقضاء والقدر فالبكالوريا قسمة ونصيب وكما قلتها مرارا وتكرارا هذا ما هو الا امتحان دنيوي لا تنتهي الدنيا بانتهاءه فلا يجوز اعطاء البكالوريا اهمية اكبر من حجمها

لقد ابليتم حسنا طوال السنة وقمتم بواجبكم على اكمل وجه وما بقي الان الا التوكل على الله والانابة اليه و الالحاح في الدعاء

ابتعدوا عن كل مايسبب لكم القلق والاضطراب واكثروا من الاستغفار والاستعاذة بالله من الشيطان الرجيم

وفقكم الله واعانكم وشرح صدركم ويسر امركم وشد ازركم ورزقكم الطمانينة والسكينة وحقق امالكم وطموحاتكم اللهم امين يارب العالمين

اللهم آميين , جزاك الله خيرا كثيرا عنا
كنت سندا لنا طيلت العام الدراسي لن انسى ما قدمته حقا
بارك الله فييك و رزقك من حيث لا تحتسب أستاذي الفاضل
ماكيش وحدك عزيزتي ماتوقعتش يكون هكا خلاص مافهمتش البكالوريات السابقة كلها سهلة تلقاي صح سؤال 2 للمتميز كيما يقولوها ولا مادة صعبوها ومادة سهلوها اما العام هذا لا مطلقا ماكنتش سهلة خلاص خاصة خاصة المواد الاساسية

للأسف دائما نعد فأران تجارب
و الباك في الجزائر عمرو ما يعقب بلا ما يديرو حاجة كيما هكا تاع بلبلة نضلو نندبو على القراية مع الاخير يحبو يطيحولنا المورال نحير كيفاش يفكرو ههه
لكن دائما وابدا لا ننسى ان الله لا يضيع اجر المحسنين والحمد لله على كل حال
كلش مكتوب عند ربي لا تقلقي
و ليست نهاية العالم حتا انا هبطلي المورال مثلا الفرنسية قلت هردتها و مافهمتش النص جيدا
الاسلامية الجزء الثاني اذكر المعاملات كاملة اخطأت فيها ( الصحيحة درتها خاطئة و نبرر فيها خخخخ حتى شفت التصحيح )
الرياضيات نفس الشيء التكامل بالتجزئة ماقريتو مادرتو صحيح ههههه
الفيزيا الحصيلة الطاقوية لم ادرسها جيدا و غلطت فيها
و الحمد لله ديري الثقة في ربي و كثري الدعاء فقط
كيما قالولك ارقدي مليح و شوفي كاش سلسلة تع افلام
نعم الحمد لله كي رانا نعرفو ربي هذاك هو الصح والباقي خلي علينا
الدنيا فانيا صح , بصح الساكت عن الحق شيطان و نحن ما نرضاوش بالظلم لي راهم يظلمونا
شكرا لك اخي اشرف ماام نتا استفدت من تجاربك ونصائحك كثييرا وشكرا لتحفيزك لنا دائما
وفقك الله للخير و لتكون طبيبا ناجحا باذن الله

لالا صعيبة شووية حتى تسير واقتصااد وجاتهم صعيبة فما بالك حناا الامر المفرح في الامر معدلاات القبوول السنة رااح تهببط يعني يزيها طاايرة بطيورها كمثال الطب التقني 17 والعلمين 16 ..
تعجبوني كي تقولي صح جات صعيبة لاخاطر نتقلق واحد يقولي جات ساهلة ههه ,
ان شاء الله يا ربي وندو معدلات حابينها ونفرحو والدينا هداك هو الصح
ربي يقدر الخير وفقنا الله

[رانية ة]

طَالمَا أَن الغَيْبَ فِي يَدِ اللهِ , فَتصَورهُ جَميـــِلآً ^-^

[~عيون القلب~]

طَالمَا أَن الغَيْبَ فِي يَدِ اللهِ , فَتصَورهُ جَميـــِلآً ^-^

نتي وحدك رانية حبيبتي والله طاحتلي الدمعة كي لقيت ردك هذا منعرف احسست باهتمامك شكرا آ
دائما متخليتيش على تحفيزي مننساش خيرك ندعيلك قبل روحي ان شاء الله
ربي يوفقك للخير و لي تحبيه ان شاء الله

[رانية ة]

انا لااحب ان ارى من احبهم حزنين على شئ تافه
اضافة الى انه هين بالنسبة لله

[~عيون القلب~]

انا لااحب ان ارى من احبهم حزنين على شئ تافه
اضافة الى انه هين بالنسبة لله

عنذك الحق تافه و درنا عليه هه للاسف

جزاك الله خيرا

[فتاة مغامرة]

انا لااحب ان ارى من احبهم حزنين على شئ تافه
اضافة الى انه هين بالنسبة لله

فعلا معك حق ولكنني لااسطيع التوقف عن البكاء
احلامي تحمطت اللي غايضني دارنا يستناو فيا وانا مكنتش قدها

[رانية ة]

والله حتى جيرانا ودارنا بصح منكبروش لحكاية ندعو ونكثروا ونبعدوا على الحلول النموذجية حنا عدنا ربي فقط واستغفروا

[صمت النّبض]

مكييش وحدك يا ختي مام انا دمرني بزااااف
كنت نستنى العكس مع دارولنا النش بالهدرة ساهل واسهل باك على مر التاريخ الله لا تربحهم
حسبنا الله ونعم الوكييييل منيش قادرة نستوعب واش راهو صاريلي
المهم كي نتفكرو ربي ننساو كامل هاد الشي ولي فيها الخير ربي يجيبهالنا
متخافي ما تتقلقي راانا كيف كيف
انساي هدي المدة جد الباك وروحي روبوزي احسن ما تمرضي روحك في باطل

[ريتال2]

سلام متزعفيش اختي رانى نفس حالات وكامل كيف كيف خايفين الخ لكن الان علينا صلاة وقراة القران وصدقة اهم اشياء ودعاء وعلى ربي ان شاء الله ونجيبوه وتفكري نهار لنوت ارواحي قوليلي بلي ربحت ريتال واحصي عليها والله تعب لي تعبناها قد مجهوداتنا والله ناجحين بربي متخمي في والو متشوفي تصحيحات ما تشوفي والو ماعليك الا الصبر وقراة القران وصلاة وخليها لربي اوكي لحبيبة

وربي معنا والله لايضجر محسنين من طالب العلى سهر ليالي وحنا حمد للله سهرنا ليالي مردناش حرمنا روحنا من تفراج من رقاد من كلشي مهم نجيبو باك معناها خلي قلبك كبيرة اوكي نعرفك قويبة وفحلة بالتوفيق

[layanedz]

السلام عليكم
اصديقتي كي رااكي ^^
معليش دورك فيها خير لي فات مات ودرتي واش عليك وكامل درنا واش علينا ياك مدرناش عام كامل وحنا نلعبو كنا نقراو وخذينا بالاسباب ولي جابها ربي اهلا وسهلا بيها..الفرص فعلا لا تنتهي ..اختي جد متفوقة..ولكن تدرس الان طب بالباكالوريا الثالثة ..قااومت وحقت واش حابة..وانا كي نقلك تاني ممتازة ومربحتش باكي لول بنقطة 14 في مادة الرياضيات معامل 07 في شعبتي ايا واش رايك ؟؟ يعني ربي كي يحب يكتبلك حاجة يكتبهالك متزعفي على والو كل مرة سيي ومتكرهيش ،،دورك اعقليها وتوكلي كلش قعد على ربي ادعي برك ولي جات رحبي بيها ^^+ كي معروضة لعرس في داارنا نهار 20 جوان نتاع اختي ان شاء الله هه ها تراطيش

[layanedz]

احمم قصدي 20 جوييلية

[~عيون القلب~]

مكييش وحدك يا ختي مام انا دمرني بزااااف
كنت نستنى العكس مع دارولنا النش بالهدرة ساهل واسهل باك على مر التاريخ الله لا تربحهم
حسبنا الله ونعم الوكييييل منيش قادرة نستوعب واش راهو صاريلي
المهم كي نتفكرو ربي ننساو كامل هاد الشي ولي فيها الخير ربي يجيبهالنا
متخافي ما تتقلقي راانا كيف كيف
انساي هدي المدة جد الباك وروحي روبوزي احسن ما تمرضي روحك في باطل
كي تقولولي كامل رانا هكا نتهنى ههه اذا عمت خفت
شكرا ليييك اختي لشجعتيني ياااسر
ربي ينجحنا كامل ان شاء الله ونفرحو مع بعض
ربي يبارك فييك
سلام متزعفيش اختي رانى نفس حالات وكامل كيف كيف خايفين الخ لكن الان علينا صلاة وقراة القران وصدقة اهم اشياء ودعاء وعلى ربي ان شاء الله ونجيبوه وتفكري نهار لنوت ارواحي قوليلي بلي ربحت ريتال واحصي عليها والله تعب لي تعبناها قد مجهوداتنا والله ناجحين بربي متخمي في والو متشوفي تصحيحات ما تشوفي والو ماعليك الا الصبر وقراة القران وصلاة وخليها لربي اوكي لحبيبة

وربي معنا والله لايضجر محسنين من طالب العلى سهر ليالي وحنا حمد للله سهرنا ليالي مردناش حرمنا روحنا من تفراج من رقاد من كلشي مهم نجيبو باك معناها خلي قلبك كبيرة اوكي نعرفك قويبة وفحلة بالتوفيق
اهلا ريتال
ايه ان شاء الله ربي ما يضيعناش كامل وندو واش حابين في الباك
هو مجرد عقبة للمستقبل وان شاء الله نتخطاوها بالخير
ربي يبارك فييك اختي
السلام عليكم
اصديقتي كي رااكي ^^
معليش دورك فيها خير لي فات مات ودرتي واش عليك وكامل درنا واش علينا ياك مدرناش عام كامل وحنا نلعبو كنا نقراو وخذينا بالاسباب ولي جابها ربي اهلا وسهلا بيها..الفرص فعلا لا تنتهي ..اختي جد متفوقة..ولكن تدرس الان طب بالباكالوريا الثالثة ..قااومت وحقت واش حابة..وانا كي نقلك تاني ممتازة ومربحتش باكي لول بنقطة 14 في مادة الرياضيات معامل 07 في شعبتي ايا واش رايك ؟؟ يعني ربي كي يحب يكتبلك حاجة يكتبهالك متزعفي على والو كل مرة سيي ومتكرهيش ،،دورك اعقليها وتوكلي كلش قعد على ربي ادعي برك ولي جات رحبي بيها ^^+ كي معروضة لعرس في داارنا نهار 20 جوان نتاع اختي ان شاء الله هه ها تراطيش

اييه معاك حق ختيتو درنا لي علينا والباقي على ربي
هههه ان شاء الله راني نوجد فكابتي راني جاية :1:
شكراا ليييك ربي يباارك فيييك

[فتاة مغامرة]

قاع رانا هاك ربي يجيب الخير
حنا درنا اللي علينا والباقي على ربي