راااح الباك

[ندوشةة]

رااااح الباك مفيهاش :(

[Hou Da Lar]

علاه حتا راح ؟؟ ياك راكي من بدية العام تقري و تتعبي
و اكيد ربي مغاديش يضيعلك تعبك
كوني واثقة من روحك و كملي لي بقالك و ان شاء الله تنجحي

[أحلام جامحة]

ماراح لا باك لا والو
مازال ما جاش باش يروح باقي 3 أيام إخدمي ختي تجيبيه بالمعدل لي باغياتو و تتهنا من جد هاد الباك
خممي مليح في كلامي منقدرش نقولك قرا شحال لأنك أدرى بحالك بصح نقدر نقولك أنو لي جامي قرا في حياتو مازال ما يأيس
و نتي لي قريتي عام كامل ماشاء الله تيأسي ..
موفقة

[~ قدس ~]

مادامك ما راكيش في يوم الامتحان ماتقوليش رااح ..

[الحالمّــة]

انا تان راني حاسة بيك
ماقدرتش نفتح كتاب و كرهت من القراية 😭

[امـــة اللـــه]

وي مادام ماتوثقيش فقدراتك بعد ربي سبحان أكييد راح يروح
أول شرط للتفقوق توكلي على ربي سبحان ومن بعد اتعبيلو
اذا تعبتي وقريتيلو واش عاد يريحو مثلا
وزيد لاقدر الله ماقريتيش ماعندكش أمل خلاص لعل تقراي ليلة الرعد ويقدرلك ربي يجي واش قريتي بعد وهاذيك الساعة تكون مرسخة فذهنك خير من واحد قراها من بداية العام
راي الثقة والتوكل على الله '' سبحانه '' هي أولى من كلش
افترضي راكي رحتى بهذا المستوى بلا ماتزيدي حرف أسئلي روحك كيفاه راح يكون مستواك تلقاي الاجابة عندك
صح ممكن يكون معدل أقل من اللي بغيتي تديه بصح أكيد اذا راكي تسعاي ل18 قدر ربي وهبطتي ماتهبطيش قل من 16 هذا اذا ماقريتيش ذرك
وماتنسايش راهم بقاو يومين ونص على باش تفوتي الادب و3 ايام باش تفوتي الشريعة .......و أسبوع باش تفوتي الفلسفة :)
واش ياخي باك بلو جاء على فجأة وكنتي أضعف من هك بصح كي ماعطيلوش قيمة أكثر منو تجاوزتيه بحمد الله حتى الباك الرسمي راو ماكان والو مجرد يكون علابالك بالدرس واش فيه صايي يطلعلك المورال
أنا عن نفسي والله ماكان مادة نضمن فيها 20 حتى لوكان عمري كامل وانا فيها بصح أكيد ماهمش عاد يجيبو حاجة خارقة للعادة وحتى اذا جات تجي عليها 0.25 هذا فالمواد العلمية
اما المواد الادبية نقولهالك من عندي والله غير مكتوب اذا قدرلك ربي تخدمي فيها حتى لوكان حفظتي فرد درس غير يجي هو ولو كان مايكتبلكش تخدمي تحفظي كلش ماعدا درس ممكن يجي هو انتي ماعليك غير تحاولي وتخلي ثقتك فربي سبحانو وفقط
وزيد حتى اذا ماحفظتيش راكي علمية معناها راكي تعتمد على الفهم بالفهم برك وشوي تعاريف ولا 15 و16 تجي وحدها هذا اذا تجاوزتي الخوف

[ندى2002]

bchwi brk okhti rabi ynj7km kaml nchallah

[ايمانو الجزائرية 01]

يا ندى الله يهديك يا ختي م تخافيش علابالي لا بريسيون و لقلق و الستراس بصح استغفري اقراي شوية قران صلي وسعي بالك شوي و اتكلي على ربي


ربي يوفقك بالمعدل لي تتمناي

[Asma.19]

يا اختي تقدريلها ان شاء الله
.
.
المهم واصلي و متتقلقيش ورايحة تدي غي لي كتبهلك ربي

[اشعة الشمس]

لا اعتقد انو كاين واحد ماهوش مار بحالتك الان صديقتي خاصة اذا كان طموحك عاليا
تاكدي انو كلنا رانا على هامش الثقة او الياس التام
اذا فقدت الامل بنفسك فلا تفقديه في ربك
اتفكري مجهوداتك ، فتوحات ربي طوال السنة
ممكن الناس لي سخرهملك ربي يعاونوك
تفاءلي صديقتي وتقوي بالله

[ضيوف وسنغادر]

كل حاجة مقدرة من عند ربي سبحانوا

نتي ديري يلي عليك والباقي على ربي سبحانوا

اقراي من كل مادة الفصل الاول والثاني

وبالتوفيق
ادعيلي

الصحة هي الصح