*** شكون لي راه فاهم الجيولوجيا 100% ***

[Asma.19]

السلام عليكم


شكون لي راه فاهم الجيولوجيا 100% يدخل يفهمني الوحدة 2 و 3
مفهمتش كاين لي قراو الوحدة 3 وكاين لالا

[Asma.19]

زعما قاع منلقاش واحد فاهمها

راهم يقولوا تجي في 2 مواضيع

[* قمر*]

للاسف انا الوحدة الاولى فقط
لا اظن انها تجي في موضوعين و مستحيل ايضا
انا ايضا في انتظار كاش واحد يفهمنا و لو قليلا

[Asma.19]

للاسف انا الوحدة الاولى فقط
لا اظن انها تجي في موضوعين و مستحيل ايضا
انا ايضا في انتظار كاش واحد يفهمنا و لو قليلا

راه بانتلي نحفض نصوص علمية ونروح بيهم

تقدري تعطيني عناوين نصوص العلمية ان امكن

[اشعة الشمس]

من المستحسن انك تحاولي تحطي اسئلة محددة باه لي فاهم ان شاء الله يعاونك
انصحك ايضا بملفات الاستاذة فيلاتي خيرة

[لهيب الحلم]

مع اني حرة وقريتها وحدي لكن ساحاول ان اشرح لكم الشئ الذي فهمته

بسم الله الوحدة 2الهدف تاعها هو معرفة طبقات الارض

تبعو معي منحى تغير سرعة الموجات الزلزالية pوs بدلالة العمق
صحا قالوا لنا بلي الموجات S تنتشر في الاوساط الصلبة فقطSOLIDE

اذن نهار نشوفوا بلي ماكش الموجات S صافي هذاك الوسط ليس صلب و انما سائل

و التغيرات المفاجئة في سرعة الامواج الزلزالية دليل بلي كاين انقطاعات "كي شغل قفز "من طبقة لاخرى

المهم اوصلنا بلي كاين 3 انقطاعات تفصل بين 3طبقات و هذه الطبقات مختلفة الحالة الفيزيائية كاين منها الصلب و سائل "هو الجزء اللي ما فيها الموجات S"

تبعو رسم البنية الداخلبية للارض
نبداو من الطبقة 1 القشرة الارضية اللي راهي الفوق ثم تحتها الطبقة 2 البرنس "المعطف .الرداء ...." بين القشرة الارضية و البرنس الانقطاع الاول انقطاع موهو

اومبعد هذا البرنس يتكون من جزئين العلوي و السفلي
البرنس العلوي عندو جزئين العلوي و السفلي
و بالمناسبة لقشرة الارضية +الجزء العلوي من البرنس العلوي يشكل لليتوسفير
الجزءالسفلي من البرنس العلوي يسمى ايضا استينوسفير

[* قمر*]

مع اني حرة وقريتها وحدي لكن ساحاول ان اشرح لكم الشئ الذي فهمته

بسم الله الوحدة 2الهدف تاعها هو معرفة طبقات الارض

تبعو معي منحى تغير سرعة الموجات الزلزالية pوs بدلالة العمق
صحا قالوا لنا بلي الموجات s تنتشر في الاوساط الصلبة فقطsolide

اذن نهار نشوفوا بلي ماكش الموجات s صافي هذاك الوسط ليس صلب و انما سائل

و التغيرات المفاجئة في سرعة الامواج الزلزالية دليل بلي كاين انقطاعات "كي شغل قفز "من طبقة لاخرى

المهم اوصلنا بلي كاين 3 انقطاعات تفصل بين 3طبقات و هذه الطبقات مختلفة الحالة الفيزيائية كاين منها الصلب و سائل "هو الجزء اللي ما فيها الموجات s"

تبعو رسم البنية الداخلبية للارض
نبداو من الطبقة 1 القشرة الارضية اللي راهي الفوق ثم تحتها الطبقة 2 البرنس "المعطف .الرداء ...." بين القشرة الارضية و البرنس الانقطاع الاول انقطاع موهو

اومبعد هذا البرنس يتكون من جزئين العلوي و السفلي
البرنس العلوي عندو جزئين العلوي و السفلي
و بالمناسبة لقشرة الارضية +الجزء العلوي من البرنس العلوي يشكل لليتوسفير
الجزءالسفلي من البرنس العلوي يسمى ايضا استينوسفير


واصــلي الله يسترك خاصة الوحدة 3 انا في امس الحاجة اليك ليديا
شرحك جد بسيط رائعة

[لهيب الحلم]

نكمل البرنس السفلي صلب تليه النواة و يوجد بين البرنس و النواة اتقطاع غوتنبرغ

اومبعد النواة لها نواة خارجية سائلة غنية بالخديد و النيكل"هذاك الجزء الذي لا تنشر فيه الموجات s" و نواة داخلية صلبة بينهما انقطاع اخر هو انقطاع ليمان


-------------------------
القشرة الارضية =الفشرة القارية التي تتكون من صخر الغرانيت اساسا
+ القشرة المحيطية تتكون من صخر البازلت اساسا
----------------------------------------------------------------
البرنس يتكون اساسا من وحد الصخر اسمه البيرودوتيت "لما ينصهر جزئيا تتشكل الغرفة الماغماتية "


اومبعد ان شاء الله اعود و احاول كتابة تص علمي شامل و نشاركه معكم و قولي لي رايكم و تقييمكم

[لهيب الحلم]

واصــلي الله يسترك خاصة الوحدة 3 انا في امس الحاجة اليك ليديا
شرحك جد بسيط رائعة


شكرا حبيبة الحمد لله يسما فهمت لاباس
وي ان شاء نواصل مور العشاء

[* قمر*]

شكرا حبيبة الحمد لله يسما فهمت لاباس
وي ان شاء نواصل مور العشاء

وي والله ربي يجازيك حسيتها بسيطة كمليلنا الو3 مور العشاء و ربي ينجحك

[لهيب الحلم]

السلام عليكم

عدت هيا مع الوحدة الثالثة : النشاط التكوتوني و الظواهر والبنيات الجيولوجية المرتبطة به

النشاط التكوتوني "اللي قرناه الوحدة 1 حركات التباعد و التقارب "
الظواهر والبنيات الجيولوجية المرتبطة به هي الاشياء التي نراها على السطح و نقولوا كاين تباعد او تقارب

1/ مناطق البناء بناء ماذا ؟؟ بناء اللوح المحيطي يسما فيها حركة ماذا ؟حركة تباعد صحا كيف اقول ان هذه المنطقة فيها تباعد كيف اعرف؟ شفيتو على الوحدة الاولى كي شفنا الصفيحة الافريقية و صفيحة امريكا الجنوبية ماذا يوجد بينهما؟.........ظهرة محيطية وكي نهدرو على الظهرات نهدرو على الزلازل و البراكين صح

صايي هذه هي المظاهر الدالة على البناء يعني الظواهر المرتبطة بالبناء هي
-سلاسل جبلية تحت مائية =الظهرات
-الزلازل سطحية
-البراكين طفحية يعني مائعة تشبه وادي بصح من الحمم
هذه صورة له
https://www.google.dz/search?hl=fr&biw=1366&bih=608&tbm=isch&sa=1&ei=MrkCXarQCYmyUriSj-AE&q=%D8%A8%D8%B1%D9%83%D8%A7%D9%86+%D8%B7%D9%81%D8%A D%D9%8A&oq=%D8%A8%D8%B1%D9%83%D8%A7%D9%86+%D8%B7&gs_l=img.1.0.0j0i30j0i8i30l7.12572.18406..20603... 2.0..0.128.822.7j2......0....1..gws-wiz-img.r6Z7_4B7CuQ#imgrc=EDqK2A2YSv_chM:

[لهيب الحلم]

صحا دوك نحكيو كيفاش تتشكل القشرة المحيطية بالتفصيل

قبل ذلك واش يدوخنا هو الفالق العادي و الفالق التحويلي

بون شدواقلمين بشكل عمودي و اسحبوا واحد الفوق واحد لتحت هذا هو مبدا الفالق العادي يكون موازي لمحور الظهرة "تخيلو القلم ظهرة " هههه
و دور الفالق العادي هو العمل على اتساع المحيط "معلومة مهمة"

اومبعد نفهمو كيف

صحا دوكا شدو قلمين افقيا واحد اسحبوه لليسار والاخر لليمين هذا هو مبدا الفالق التحويلي يكون عمودي على الظهرة
دوره تغيير تحويل مسار الظهرة وكي يغير هذا المسار كي شغل الظهرات تدور حول الصفائح
تابعوا هلى الرسومات ياخ
لاباس حتى لدوك؟

[لهيب الحلم]

ياخااا راح واش كتبت

[لهيب الحلم]

https://dztu.be/aWfZMoDtjSs

https://dztu.be/z6rHo6_Nekc

ستتخيلون الجيولوجي هناك

[لهيب الحلم]

ماعليش نعاوده

[لهيب الحلم]

هده الوسائد البركانية pillow lava
https://dztu.be/DdIUuUY0L9c

[لهيب الحلم]

مراحل تشكل المحيط

عندي في البداية قارة فقط سبحان الله الذي شق البحر في البر
دوك نحكيو كيفاش

[لهيب الحلم]

اولا تصعد تيارات الحمل فيصعد الموهو "الانقطاع الفاصل بين القشرة و البرنس" معها و تتحدب تتقوس الصفيحة القارية و تسخن و الخرارة جاتها من البرنس لان الموهو كي صغد صغدت معاه المواد الصلبة والساخنة ياخي ...و تحتها ماغما صاعد يبدى يطلع للفوق على شكل بركان

[لهيب الحلم]

دوكا كاين ضغط كبير على القشرة القارية فتتشقق و تتقطع فتتشكل حاجة اسمها مدرج "مثل الادراج les escaliers "وخندق"لانه منخفض" الانهيار "الذي انهار هي القشرة "
وهذا يحدث بسبب الفوالق العادية التي كما قلنا لها دور في اتساع المحيط
و صحا واش يصرى للماغما لتحت يتسرب عبر الشقوق التي تشكلها الفوالق العادية وعبر البراكين

"ملاحظة الماغما ناتج عن الانصهار الجزئي للبيرودوتيت"


دوك تزيد الفوالق تزيد تزيد و عمق الرفت يزيد ---الرفت هو المكان الذي بدات فيه حكاية الظهرة وجاي في الوسط فوق الغرفة الماغماتية مباشرة "
اكي زاد العمق هذيك البلاصة تبدا تتعمر بالماء "يغمر بالماء اللي يجي من الامطار ...الخ"
وهنا الليتوسفير القاري يتباعد و القشرة المحيطيو تتشكل

[لهيب الحلم]

واخيرا يتسع اللوح المحيطي حيث
لما تنبعث الماغما من الرفت تتبرد و تتشكل الوسائد البركانية و هنا رحلة تشكل القشرة المحيطية تستمر فتتشكل الظهرة و تبان
و بشويا بشويا حتى نحصل على محيط "بفضل التباعد"

و الله اعلم

[لهيب الحلم]

قبل ما نرقد نكمل الغوص
بتميز أو الظواهر المرتبطة به هي الخندق المحيطي الزلازل العنيفة والسطحية متنوزعة حسب مستوى بينيوف +البراكين بصح انفجارية + تتشكل جزر بركانية مثل اليابان والفيليبين إضافة إلى سلاسل جبلية قارية مثل جبال الانديز

[jë suîs comçà]

ربي ينجحك و يفرحك و يعطييييييييييييييييك ما تتمناي

[jë suîs comçà]

تعيششي حابة نسقسيك انا توجوغ تتلفلي في البيانات الجيولوجيا
كيفاش نعرف محيطية و لا قارية ؟؟

[لهيب الحلم]

الصفيحة الغائصة دائما محيطية اما الطافية فممكن تكون قارية أو محيطية

و حكاية الصخور هذاك الشيست..الحكاية بكل انو القشرة المحيطية كلما ابتعدت عن الظهرة تتشبع بالماء وتصبح أكثر كثافة لهذا يحدث تحول الصخور بون في الجزء قبل الغوص يتحول الغابرو إلى ميتاغبرو وهذا يتحول إلى شيست اخضر هنا بالاماهة يعني بسبب الماء لكن في الغوص لا يوجد ماء لهذا هنا بالعكس يحدث تجفيف (يعني تنحي الماء"لهذا الشيست الاخضر ويتحول إلى شيست ازرق ثم تجفيف ثم الاكلوجيت (صخر)

ملاحظة الصخر=مجموعة معادن

[لهيب الحلم]

ربي ينجحك و يفرحك و يعطييييييييييييييييك ما تتمناي

اللهم آمين دعوتك تبرد القلب

[لهيب الحلم]

شوفوا كشما غلطت ولا قولوا لي
وزيد أنا عطيت لكم واش نتذكر يعني الأساسيات و كاين تفاصيل أخرى أيضا طلوا عليها

[jë suîs comçà]

اللهم آمين دعوتك تبرد القلب
تستاهلي كل خييييييييييييييييييييييييييييييير

[لهيب الحلم]

تعيششي حابة نسقسيك انا توجوغ تتلفلي في البيانات الجيولوجيا
كيفاش نعرف محيطية و لا قارية ؟؟


القارية تشوفيها صخرية يسمى صلبة
المحيطية ماء
en plus في البيانات تكون الصفيحة المحيطية بين صفحتين قاريتين أكيد لان عند تباعد الصفائح يتوسع المحيط مثل أفريقيا و امريكا الجنوبية يتباعدو وبينهم محيط

[jë suîs comçà]

القارية تشوفيها صخرية يسمى صلبة
المحيطية ماء
en plus في البيانات تكون الصفيحة المحيطية بين صفحتين قاريتين أكيد لان عند تباعد الصفائح يتوسع المحيط مثل أفريقيا و امريكا الجنوبية يتباعدو وبينهم محيط
ميييييييييييغسي بزاااااااااااااااف:D

[لهيب الحلم]

فهمتيني ختي
و في المحيطية تلقاي الظهرة
واذا كان في الصورة غوص فهذا أسهل لان الصفيحة التي تغوص دائما و أبدا محيطية

..

[jë suîs comçà]

ايييه فهمت

زيديلنا على الطاقة المسربة من الارض تعيشي

[لهيب الحلم]

ختي؟
المهم ركزي برك المحيطية تبان ماء juste noire et blanc والقارية تشبه الجبل
على حساب التمرين البيانات الاخرين توصلين بنتائج لسهولة برك ركزي

[لهيب الحلم]

الطاقة المسربة معناه التي تخرج من باطن الأرض تتسرب و تتسلل جزء منها يعني
وتظهر في البراكين النقاط الساخنة الحمامات المعدنية و ....هذا ماكان على مااظن ولا نسيت حاجة

[لهيب الحلم]

والله اعلم
صحا جماعة تصبحو بخير

[jë suîs comçà]

ربي يحفظك و يسترك و يفرحك و يوووووووووووفقك

يارب العالمين
والله مننساك في دعائي
جزاااااكي الله كل خييييييييييييييييييييييييييييييييييييييييييييييييي يييييييييييييير :d:d

انت لي رجعتيلي الامل في الجيولوجيا ربي ميخيبكش بإذن الله

[لهيب الحلم]

ربي يحفظك و يسترك و يفرحك و يوووووووووووفقك

يارب العالمين
والله مننساك في دعائي
جزاااااكي الله كل خييييييييييييييييييييييييييييييييييييييييييييييييي يييييييييييييير :d:d

انت لي رجعتيلي الامل في الجيولوجيا ربي ميخيبكش بإذن الله


صحيت حنونة ايه ادعي لي محتاجة و الله 🍒
ولك بالمثل
نعم لا يأس مع الحياة 👍🏻ههه